Белобородов, Валентин Михайлович
| Валентин Михайлович Белобородов | |
|---|---|
 | |
| Вордӥськем нуналыз | 17-тӥ куарусёнэ 1929 |
| Вордӥськем интыез | |
| Кулон нуналыз | 4-тӥ куарусёнэ 2013 (83 года) |
| Ужудысэз | оружейник-гравёр, медальер |
| Данъетъёсыз |
|
Валентин Михайлович Белобородов (17-тӥ куарусёнэ 1929, Иж, Горький улос[d] — 4-тӥ куарусёнэ 2013) — I классъем совето гравёр-оружейник, медальер, Удмурт Элькунысь калык суредась. Ижысь дано усточилэн Л. М. Васевлэн дышетскисез[2].
Улон сюресэз
- 1950-тӥ арын: Ижысь механикая заводэ суредась-оформитель луыса уже интыяськиз;
- 1956-тӥ арын: Леонард Васев доры пыӵалтӥрлык мастерствоя школае дышетскыны пыриз. Дышетсконзэ йылпумъямез бере квалификацияя 7-тӥ разряд басьтӥз;
- 1958-тӥ арысен школае ужаны кельтэмын;
- 1972-тӥ арын: Mеханикая заводысь опытно-экспериментальной цехе выжтэмын[2].
Творчествоез
50-лэсь ятыр кузьмано пӧйшуран пыӵалтӥрлыкез чеберъяз, таос пӧлысь даслэсь уноез нимысьтыз Росси Федерациысь Обороная министерстволэн но Югдурез утёнъя министерстволэн данъяно фондъёссылы. «Пужмер» гравировкалэсь техниказэ рос-прос тодӥсь-валась одӥг гинэ усточи лыдъяськылӥз[2]. Тӥрлыкен образецъёсыз пӧртэм адӟытонъёсын возьматъяськылӥзы, кылсярысь: улоскуспо адӟытонъёсын («Бадӟым Волга» суреданъя адӟытон), калыккуспо адӟытонъёсын (Мускоысь ВДНХ-ын, Нюрнбергын, Монреальысь дунне адӟытонын, Нью-Йоркын) но мукет[3].
Данъетъёсыз но дано нимъёсыз
- Ленинлэн но Ужысь Горд Знамя орденъёслэн лауреатсы;
- Ижкарлэн дано муртэз;
- Удмурт АССР-ысь калык суредась;
- Нимыз «Удмурт Элькунысь ужын данлыкъя но героизмъя Данъян книгае» пыртэмын[3].
Валэктонъёс
- ↑ Почётные граждане города Ижевска [ӟуч] iz-article.ru. Эскеремын 21.09.2025 арын
- ↑ 1 2 3 Ломаева Л., Драгунов М. Неподражаемый (рус.) // Журнал «Калашников». — 2008. — № 3. — С. 18—21.
- ↑ 1 2 Белобородов Валентин Михайлович [ӟуч] izh.ru. Эскеремын 21.09.2025 арын
Литература
- Шумилов Е. Ф. Искусство ижевских оружейников. — Ижевск: Издательство «Удмуртия», 1987. — 172 с. — 5000 экз.
Чӧлсконъёс