Ардашев, Леонид Арсентьевич

Леонид Арсентьевич Ардашев
Леонид Арсентьевич Ардашев
Вордӥськем дырыз	9-тӥ куарусёнэ 1924
Вордӥськем интыез	Лып-Булатово[d], Глаз утем, Удмурт автономной область, РСФСР, СССР;
Кулэм дырыз	20-тӥ оштолэзе 1952 (27 лет)
Кулэм интыез	Кез ёрос, Удмурт Автономной Советской Социалистической Республика, РСФСР, СССР;
Кунмуртлыкез	СССР
Служить карон аръёсыз	1942—1946
Званиез
Ожмаськонъёс/ожъёс	Быдӟым Атыкай ож;

Л. А. Ардашев Кезысь Геройёслы сӥзем стелаын

Леонид Арсеньевич А́рдашев (1924—1952) — Быдӟым Атыкай оже пыриськем мурт, Совето Союзлэн Героез (1944).

Улон сюресэз

Леонид Арсеньевич Ардашев вордӥськиз 1924-тӥ арын 16-тӥ куарусёнэ Вотской автономной областьысь Глаз уездын Лып волостьын Лып-Булатово гуртын (али дыре — Удмуртиысь Кез ёросысь гурт ). Удмурт семьяын. 7 классэз йылпумъяз. Школа бере колхозын нырысь рядовой луыса ужаз, собере бригадире пуктӥзы.

Быдӟым Атыкай ож дыръя 1942-тӥ арын инвожо толэзьысен Южной фронтын Ростов-на-Дону котырын ожмаськиз, 16-тӥ гудырикошконэ сӧсырмыны шедиз. Госпитальын йӧнатскемез бере Брянской фронтэ келязы, коньывуон толэзе нош сӧсырмиз. Йӧнатскемез бере Ленинградской, Карельской но Прибалтийскй фронтъёсын ожмаськиз^[1].

21-тӥ армилэн 72-тӥ стрелковой дивизезлэн 133-тӥ стрелковой полкезлэн командирской ротаезлэн связноез, младшой сержант Ардашев 1944-тӥ арын 14-тӥ инвожое Карел перешеекын ожмаськыкуз сэзь луэменыз висъяськиз. Роталэсь командирзэ юн сӧсыртэмзы бере, Ардашев ачиз подразделениез тушмон укреплениос вылэ штурме поттӥз. Сыӵе геройлыко подвигез понна солы Совето Союзлэн Героез ним сётэмын^[1].

1944-тӥ арын шуркынмон толэзе Белорус фронтысь младшой лейтенантъёслэн курсъёсазы басьтӥзы. Дышетсконзэ Вормон бере йылпумъяз. 1945-тӥ арын пӧсьтолэзе Белорус фронтысь офицер составлэн резервезлэн отдельноой полкезлэн взводаз командире юнматӥзы. 1946-тӥ арын младшой лейтенант званиен запасэ лэземын^[1].

Бертэмез бере вордӥськем гуртаз улӥз, школаын дышетӥсь луыса ужаз. 1952-тӥ арын 20-тӥ оштолэзе — Кез станциысь бертыкуз кынмыса кулӥз^[2].

Буре ваён

Леонид Арсеньевич Ардашевлэн нимыныз Выборгысь одӥгез урам нимамын.

Валэктонъёс

Чӧлсконъёс

Леонид Арсентьевич Ардашев [ӟуч] «Герои страны» сайт.

[ГВ-1] ¹ ² ³ Наш Выборг — история города

[2] Герой Советского Союза Ардашев Леонид Арсентьевич :: Герои страны

[1]

[2]