Аксёнов, Александр Михайлович

Википедиысь материал
Рувикиын таӵе фамилиен мукет муртъёс сярысь гожтосъёс вань. Учке: Аксёнов.
Александр Михайлович Аксёнов
Аксёнов Александр Михайлович.jpg
Вордӥськем дырыз 23-тӥ пӧсьтолэзе 1919(1919-07-23)
Вордӥськем интыез Ново-Николаевск,
Томск губерния,
Росси кун[1]
Кулэм дырыз 16-тӥ коньывуонэ 1943(1943-10-16) (24 арес)
Кулэм интыез Верхнекаменистая черкогурт дорын, Пятихатск ёрос, Днепропетровск улос, УССР, СССР[2]
Кунмуртлыкез СССРFlag of the Soviet Union.svg СССР
Кыӵе войскоез ВДВ
Служить карон аръёсыз 1938—1943
Званиез Гвардилэ старшой лейтенантэз
Ожмаськонъёс/ожъёс Быдӟым Атыкай ож
Данъетъёсыз
Совето Союзлэн Героез
Ленин нимо орден

Алекса́ндр Миха́йлович Аксёнов (23-тӥ пӧсьтолэзе 1919 — 16-тӥ коньывуонэ 1943) — Быдӟым Атыкай оже пыриськем мурт, Степной фронтысь 37-тӥ армилэн 1-тӥ гвардейской воздушно-десантной дивизиезлэн 6-тӥ гвардейской воздушно-десантной стрелковой полкезлэн стрелковой ротаезлэн командирез, Совето Союзлэн Героез, гвардилэн старшой лейтенантэз.

Улон сюресэз

Вордӥськиз 23-тӥ пӧсьтолэзе 1919-тӥ арын Ново-Николаевскын, служащейлэн семьяяз (мукет тодэтъёсъя 12-тӥ пӧсьтолэзе 1918-тӥ арын Ижкарын Вятской губерниын)[3].

Дышетскиз Новосибирскысь совето вузкаронъя техникумын. 1938-тӥ арын Горд Армие мынӥз. Читаысь военно-технической училищеез йылпумъямез бере Северо-Западной но Степной фронтъёсын ожмаськиз. Днепр понна ожмаськонэ пыриськиз, 37-тӥ армилэн 1-тӥ воздушной десантной гвардейской дивизиезлэн 6-тӥ воздушно-десантной гвардейской полкезлэн стрелковой ротаеныз командовать кариз.

1943-тӥ арын 16-тӥ коньывуонэ Верхнекаменистая гуртэз мозмытон понна, рота солэсь трослы кужмогес но «Тигр» танкъёсын юнматэм немец пехотен ожмаськоно луиз. Со ожын роталэн командирез бырыны шедиз[4]

СССР-лэн Вылӥ Кенешезлэн Президиумезлэн 1944-тӥ арын 22-тӥ тулыспалэ гожтэм «Горд Армиысь офицер, сержант но рядовой составлы Совето Союзлэн Героез дано ним сётон сярысь» Косэтэзъя «Днепр понна ожъёс мыныку командованилэсь боевой ужъёссэ ӟеч быдэстэмез, шурлэн бурпал ярдураз боевой ужъёсты азинлыко нуэмез но геройлыко сэзь луэмез понна» Совето Союзлэн Героез дано ним сётэмын[5].

Ватэмын Днепропетровск улосын Пятихатск ёросысь Михайловка черкогурт дорын (Украина).

Данъетъёсыз

  • Совето Союзлэн Героезлэн «Зарни Кизили» Медалез
  • Ленин орден

Буре ваён

Аксёновлэн нимыз Новосибирскысь одӥгезлы урамлы сётэмын. Отын ик буре ваён пул юнматэмын. Совето Союзлэн Героезлы А. М. Аксёновлы сӥзем буре ваён стела усьтэмын 2022-тӥ арын 7-тӥ куарусёнэ[6].

Новосибирскын ортчыло «Мемориал Аксёнова. Возрождение» нимо единоборствоя ӵошатсконъёс[7].

Валэктонъёс

  1. ↑ али дыре Новосибирск кар, Россия.
  2. ↑ Али Украина.
  3. ↑ [Смирнов В. В. [ Архивированная копия Адрес подвига вятский]. — Киров: Государственное издательско-полиграфическое предприятие "Вятка", 1995. — С. 471. — 480 с. — 5000 экз. — ISBN 5-85271-058-X.]
  4. ↑ 16.10.1943 г. в бою за д. Верхнекаменистое рота приняла неравный бой с немецкой пехотой, поддерживаемой танками "Тигр".
  5. ↑ Указ Президиума Верховного Совета СССР «О присвоении звания Героя Советского Союза офицерскому, сержантскому и рядовому составу Красной Армии» от 22 февраля 1944 года // Ведомости Верховного Совета Союза Советских Социалистических Республик : газета. — 1944. — 5 южтолэзе (№ 13 (273)). — С. 1.
  6. ↑ Сибиряки-герои: Александр Аксенов
  7. ↑ В Новосибирске встретились сильнейшие борцы из семи стран

Литература

  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — 911 с. — 100 000 экз. — ISBN отс., Рег. № в РКП 87-95382.
  • Андреев Г. И., Вакуров И. Д. Герои — сибиряки. Новосибирск, 1967.
  • Имя на карте города. — Новосибирск.: Новосибирское книжное издательство, 2001. — С. 9.

Чӧлсконъёс

Сергей Каргапольцев Александр Михайлович Аксёнов [ӟуч] «Герои страны» сайт.  [Дата обращения: 2 южтолэзе 2010]

«https://udm.ruwiki.ru/w/index.php?title=Аксёнов,_Александр_Михайлович&oldid=485519»-ысь басьтэмын