Shoozymade
| Shoozymade | |
|---|---|
| Файл:Shoozymade.jpg | |
| Вордӥськем нуналыз | 16-тӥ куарусёнэ 1999 (26 арес) |
| Вордӥськем интыез | Данёгурт, Дэбес ёрос, Удмуртия |
| Кун | |
| Ужудысэз | кырӟась |
Shoozymade — тодмо удмурт кырӟась, рэпер.
Историез
Shoozymade — удмурт кырӟасьлэн Денис Максимовлэн псевдонимез. Кырӟась вордскемын но будэмын Дэбес ёросысь Данёгуртын. Дышетске Удмурт кун университетын удмурт филологлы. «Shoozymade» псевдонимзэ пияш нырысетӥ курсын дышетскыкуз малпаз. 2018-тӥ арын та нимын со удмурт но ӟуч кылын кырӟанъёссэ гожъяны но поттаны кутскиз. Псевдонимзэ кык пӧртэм сямен валаны луэ: shoozymade-ез удмурт сямен лыдӟыны ке — со «шузи маде», нош англи кылысь берыктыны ке — со «бырйиськись», эшшо «made» — со МАксимов ДЕнис нимысь нырысетӥ букваосыз.
Крезьгурез
Кырӟасьлэн нырысетӥ удмурт кырӟанэз вотэсын 31-тӥ куартолэзе 2019-тӥ арын потӥз. Нимаське со «Али». Жанрезъя кырӟан рэп луэ. 25-тӥ куарусёнэ «Али» кырӟанлы вотэсын клип потӥз. Отын удмурт егитъёслэн «Юмок» театрысьтызы артистъёс шудӥзы.
Shoozymade-лэн кыкетӥ кырӟанэз «Сак» нимаське. Таиз рэп вотэсэ 12-тӥ толсуре 2019-тӥ арын понэмын вал. «Сак» рэпын тышкаськон кылъёс кутӥсько, соин ик кырӟан калыкез паймытӥз. «Али» кырӟан капчи но туала луэменыз ваньзылы кельшиз ке вал, таиз кырӟан сярысь пӧртэм малпанъёс вань: кинлы ке со туж кельше, таӵеез ӧй на вал, шуо, нош кин ке курла. Удмурт кырӟанъёс сяна, Shoozymade-лэн ӟуч кырӟанъёсыз но вань:
- Пальцем в небо (2018)
- Розовые линзы (2018)
- Появись (2019)
- Поднимаюсь (2019)