Шуэн Шлач (фестиваль)
| Шуэн Шлач | |
|---|---|
 | |
| Жанрез | фестиваль[d] |
| Тематикаез | шулэсь пӧрам тужгес устоез сиён-юон |
| Ортчытон дырыз | арлы быдэ куарусёнэ |
| Кутсконэз | 2021 |
| Ортчытон интыез | |
| 57°31′18″ с. ш. 53°06′44″ в. д.GЯO | |
| Ортчытон интыез | |
| Кар | Удмуртия |
| Кун |
 Россия |
 |
|
Шуэн Шлач (ӟуч: Калиновый пирог) — «Шуэн шЛАЧ» проект улсын ортчись сиён-юонлы но уйпал удмуртъёслэн фольклорзылы сӥзем ёроскуспо фестиваль. Кылдытӥсез — «Питран» модая театр. Ортче Эгра ёросысь Сундур гуртын 2021-тӥ арысен[1].
Нимыз сярысь
Фестивальлэн нимыз вашкала удмурт калык пӧраськем бордысь кылдэмын. Удмуртилэн уйпал ёросъёсаз шунянез шуэн шлач шуыса нимало. Пӧралляло вашкала дырысен, праздник нуналъёсыгес. Азьвыл сое, чорыген нянез сямен, ньыль сэрего кутылӥзы, берло дыре ӵемгес котрес табаын пыжыло. Пушкессэ шуэз парем ӵужъемен сураса лэсьто. Шӧмызъя коньыталэс-чырс луэ[2].
Кылдэмез
«Шуэн шлач» калык творчестволы сӥзем ёроскуспо фестиваль ортчиз 2016-тӥ арын 14-тӥ шуркынмонэ Глаз ёросысь Парзи гуртын[3].
Эгра ёросын нырысьсэ «Шуэн Шлач» фестиваль ортчиз 2021-тӥ арын 25-тӥ куарусёнэ Сундур гуртын[4], «Шуэн ШлаЧ» проект улсын, со Лулчеберето кичӧлтонъёсъя Президент фондэн ялэм конкурсын вормисе потӥз вал. Сое кылдытон бордын тыршизы «Питран» театр-студиысь ӧнерчиос. Проектлэн валтӥсь ужпумез — фестиваль пыр уйпал удмуртъёслэсь сям-йылолъёссэс утён но калык пӧлын вӧлмытон, озьы ик пӧраськон удысын удмурт калыклэсь быгатонлыкъёссэ азинтон, вашкала удмурт сиён-юонъёсын тодматон, калык кибашлыослы ас киынызы лэсьтэм арбериоссэс вузаны юрттон, ярмарка сямъёсты утён но люкаськем калыкез творческой коллективъёсын тодматон[1].
Ужрадэ Ижкарысь но Удмурт Элькунлэн 7 ёросысьтыз 200 пала мылкыд карисьёс вуылӥзы. Фестивальлэн программаяз пӧртэм ӵошатсконъёс пыртэмын вал, кылсярысь:
- «Шуэн шлач но Ческыт шу» — шулэсь пӧраськемъёслы сӥзем вожвылъяськон;
- Бакча сульдэр костюмъёсъя вожвылъяськон;
- «Калина красная» — творческой вожвылъяськон сяна, возьматэмын вал эктон но театральной жанръёс.
2022-тӥ арын Шуэн Шлач ортчиз 24-тӥ куарусёнэ, 2023-тӥ арын — 23-тӥ куарусёнэ озьы ик Сундур гуртын.
Галерея
2022-тӥ арын ортчем фестивальысь туспуктэмъёс
Куно пумитан
Кабачигуртысь творческой коллектив
Киын лэсьтэм арбериос
Шулась пӧраськемъёс
Валэктонъёс
- ↑ 1 2 13 проектов этнокультурной направленности из Удмуртии стали победителями конкурса Фонда культурных инициатив [ӟуч] Министерство Национальной политики УР (27 сентября 2021). Эскеремын 04.09.2025 арын
- ↑ Праздничная и обрядовая пища удмуртов [ӟуч] nekrasov.izh-cbs.ru. Эскеремын 04.09.2025 арын
- ↑ Шуэн Шлач [ӟуч] Центр культуры и туризма Глазовского района. Эскеремын 04.09.2025 арын
- ↑ Марина Перевозчикова Открытый межрайонный гастрономический фестиваль «Шуэн шлач» [ӟуч] Дворец культуры и спорта "Нефтяник". Эскеремын 04.09.2025 арын