Шакиров, Ульмас Шакирович

Википедиысь материал
Ульмас Шакирович Шакиров
Пичиятэм тусэз кылдытонын янгыш: Пичиятэм тусэз кулэ интые сакланы ӧз луы.
Вордӥськем дырыз 20-тӥ толсуре 1922({{padleft:1922|4|0}}-{{padleft:12|2|0}}-{{padleft:20|2|0}})[1]
Вордӥськем интыез
Кулэм дырыз 20-тӥ гудырикошконэ 1998({{padleft:1998|4|0}}-{{padleft:8|2|0}}-{{padleft:20|2|0}}) (75 лет)
Кулэм интыез
Кунмуртлыкез СССРRed Army flag.svg СССР
Кыӵе войскоез пехота[d]
Служить карон аръёсыз 1941—1945
Званиез Старшой сержант
Ожмаськонъёс/ожъёс
Данъетъёсыз
Совето Союзлэн Героез
орден Ленина орден Отечественной войны I степени
 отставкаын колхоз председатель, дышетӥсь

Ульмас Шакирович Шакиров (1923 — 1998) — Быдӟым ож вакытэ 1-тӥ Прибалтика фронтысь 259-тӥ стрелковой полкысь взводлэн командирезлэн юрттӥсез, Совето Союзлэн Героез.

Улон сюресэз

Вордӥськиз 1923-тӥ арын 20-тӥ толсуре Башкир АССР-ысь Бирск кантонысь Выль Асав гуртын (али — Балтач ёрос) удмурт крестьян семьяын, укмысэтӥ нылпи вал[2].

Школаын 7 классэз йылпумъяз. 1944-тӥ арысен коммунистической партие пыриз.

Быдӟым ожлэсь азьло Ульмас Шакиров Балтач ёросысь «Урняк» колхозын тыршиз. Горд армие Балтач военкомат пыр 1941-тӥ арын пӧсьтолэзе басьтэмын вал.

Службазэ нуиз взводлэн командирезлэн юрттӥсез луыса 259-тӥ стрелковой полкын (179-тӥ стрелковой дивизия, 43-тӥ армия, 1-тӥ Прибалтика фронт). Кышкасьтэм но сэзь луэмзэ Белоруссиысь Витебск улосэз мозмытонын возьматӥз. 1944-тӥ арын 22-тӥ инвожое Шумилино гурт дорын У. Шакиров взводэн кивалтонэз ас вылаз басьтӥз но тушмонлэсь 3 контратаказэ палэнтӥз. Со ожын 16 гитлеровецъёс быдтэмын вал. 1944-тӥ арын 26-тӥ инвожое Боровцы гурт вӧзын солэн взводэз тушмонлэсь 11 разведчиксэ пленэ басьтӥз. Та подвигъёсыз понна 1944-тӥ арын 22-тӥ пӧсьтолэзе Ульмас Шакиров Совето Союзысь Герой вылӥ нимын пусъемын вал[3].

Демобилизация бере У. Шакиров вордскем палъёсаз берытскиз.

1950-тӥ арысен «Молотов» колхозлэн председателез луыса тыршиз, нош 1959-тӥ арысен – вордскем школаяз мугор кыдатонъя но трудъя дышетӥсь луыса. Ӟеч ужез понна У. Шакировлы «Калыкез дышетонысь отличник» (ӟуч: Отличник народного просвещения) гадьпус сётӥзы.

1983-тӥ арын пенсие потӥз.

Кулӥз 1998-тӥ арын гудырикошконэ.

Семьяез

Ульмас Шакиров Шарзия кышноеныз 5 нылпи будэтӥз.

Данъетъёсыз

  • Совето Союзысь Геройлэн «Зарни Кизили» медалез (22.07.1944)[4]
  • Ленин орден (22.07.1944)
  • Отечественной ожлэн I степенё орденэз (06.04.1985)[5]
  • Медальёс

Буре ваён

Ульмас Шакировлэсь нимзэ нулло Башкириысь Балтач черкогуртысь но Асавка гуртысь урамъёс. Со сяна, Геройлэн нимыз сётэмын Балтачысь 1 номеро но Балтач ёросысь Шавьяды, Норкино, Бигинеево школаослы.

Озьы ик Балтач черкогуртын Быдӟым ожын бырем ожгарчиослы сӥзем синпелет вӧзын Ульмас Шакировлэн бюстэз сылэ[6].

Валэктонъёс

  1. ↑ Башкирская энциклопедия (ӟуч) — Башкирская энциклопедия, 2005. — 4344 с. — ISBN 978-5-88185-053-1
  2. ↑ Герой Советского Союза Шакиров Ульмас Шакирович. «Герои страны» Эскеремын 2013-02-26 арын
  3. ↑ Наградные документы в электронном банке документов «Подвиг народа» (архивные материалы ЦАМО. Ф. 33. Оп. 686043/793756. Д. 106/54. Л. 4/59, 60).
  4. ↑ Наградные документы в электронном банке документов «Подвиг народа» (архивные материалы ЦАМО. Ф. 33. Оп. 686043/793756. Д. 106/54. Л. 4/59, 60).
  5. ↑ Карточка награждённого к 40-летию Победы в электронном банке документов «Подвиг народа».
  6. ↑ Шакиров Ульмас Шакирович

Литература

  • Башкирская энциклопедия / Гл. ред. М. А. Ильгамов. — Уфа: Башкирская энциклопедия, 201. — Т. 7: Ф-Я. — 624 с.
  • Шакиров, Ульмас Шакирович // Башкирская энциклопедия / гл. ред. М. А. Ильгамов. — Уфа : ГАУН «Башкирская энциклопедия», 2015—2020. — ISBN 978-5-88185-306-8.

Чӧлсконъёс

«https://udm.ruwiki.ru/w/index.php?title=Шакиров,_Ульмас_Шакирович&oldid=486579»-ысь басьтэмын