Феклистова, Мария Александровна

Википедиысь материал
Рувикиын таӵе фамилиен мукет муртъёс сярысь гожтосъёс вань. Учке: Феклистов.
Мария Феклистова
Феклистова Мария.jpg
Огъя тодэтъёс
Быдэс нимыз Мария Александровна Феклистова
Кунмуртлыкез
Вордӥськем дырыз 12-тӥ куартолэзе 1976({{padleft:1976|4|0}}-{{padleft:5|2|0}}-{{padleft:12|2|0}}) (50 лет)
Вордӥськем интыез
Спортысь ыбылӥськон амал винтовкаен ыбылӥськон
Тренеръёс А. Ананьев, В. Лукин
Ӝуждалаез/секталаез 158 см/53 кг
Медальёсыз
гужем Олимпи шудонъёс
Бронза Сидней 2000 куинь положениысь винтовка, 50 м

Мари́я Алекса́ндровна Фекли́стова (ворд. 1976-тӥ арын 12-тӥ куартолэзе Ижын) — пневматикаен винтовкаысь ыбылӥськонъя совето но росси спортсменка. 2000-тӥ арын ортчем гужем Олимпи шудонъёс[ru] дыръя туй призёр. Европаысь чемпионка. Россиысь спортъя дано мастер.

Спортын кыдамез

1976-тӥ арын 12-тӥ куартолэзе Удмурт АССР-ысь Ижкарын вордӥськиз. 1988-тӥ арын Мария ыбылӥськыны ӧдъяз[1]. 1994-тӥ арысен Россилэн сборнояз сюриз[2].

Со аре ик Феклистова юниоръёс пӧлын пичи калибръем винтовкаысь выдыса ыбылӥськонын дуннеысь чемпионка луиз. 1996-тӥ арын Мария Европаысь чемпионатын юниоръёс пӧлын туй медаль утӥз. Нырысетӥ бадӟым вормонэз — 1999-тӥ арын Миланын ортчем дуннеысь кубокын бадӟымъёс пӧлын куинетӥ инты басьтэмез[1].

2000-тӥ арын Мария Сиднейын ортчем гужем Олимпи шудонъёсы пыриськиз. Ассэ жалятэк, шудонъёслы кема дасяськиз. Тренерез Владимир Валерьянович Лукин но маза ӧз сётылы. Со спортсменкалы кыкетӥ атай кадь вал. Квалификация басьтымон раундын Феклистова витетӥ интыын возиськылӥз, нырысетӥ интылэсь 3 баллы кыльыса. Та эшшо сэзьгес кариськыны косӥз. Берпум финал раундын Ижысь спортсменка кыкетӥ вуиз, оглом 679,9 очко люказ но Шудонъёсын туй медаль утӥз. Кияз медаль вуэм бере но, кык арня ортчыса гинэ, вормонэлэсь кужымзэ рос-прос валай, шуылӥз. 2000-тӥ арын 20-тӥ куарусёнэ Удмуртиысь спортсменка Мария Феклистова сярысь быдэс дунне тодӥз [1].

2000-тӥ арын ортчем Олимпи шудонъёс бере Мария Феклистова спортэн выронзэ азинтӥз, но бадӟым вормонъёс дорозь сузьтӥськыны ӧз пӧрмыты ни. Берло дыре тужгес ӟечез емышез — Лымшор Кореяысь Чханвонын ортчем дуннеысь кубокын куатетӥ интые потэмез[1].

2006-тӥ арын Воронежысь мугорез кыдатон культурая кун институтэз йылпумъяз[3].

Россиысь Обороная министерствоысь спорт клублэсь данзэ утьыса ыбылӥськылэ[2].

Данъетъёсыз

  • RUS Medal of the Order For Merit to the Fatherland 2nd class ribbon.svg «За заслуги перед Отечеством» II степенё орденлэн медалез (2001)[4]
  • RUS Medal of the Order For Merit to the Fatherland 1st class ribbon.svg «За заслуги перед Отечеством» I степенё орденлэн медалез (2016)[5]

Улонэз

Мария Феклистова быземын. Кузпалызлэн нимыз Дмитрий. Семьяеныз Ижын улэ[6].

Туризмен но чорыганэн тунсыкъяське. Котыр дуннеез адӟыса, шур дурын визнанэн пукыса, сюлэмзэ буйгатэ [6].

Валэктонъёс

  1. ↑ 1 2 3 4 Феклистова Мария Алексадровна Официальный сайт Администрации города Ижевска.
  2. ↑ 1 2 Феклистова Мария Александровна | Российские спортсмены | Спортивная Россия [ӟуч]
  3. ↑ Cайт Воронежской государственной академии спорта|access-date=23.04.2025|deadlink=no]
  4. ↑ Феклистова Мария Александровна cska.ru.
  5. ↑ Алёна Григорьева Стрелок из Удмуртии Мария Феклистова получила медаль ордена «За заслуги перед Отечеством» первой степени ИА "Удмуртия".
  6. ↑ 1 2 Феклистова Мария Александровна persona.rin.ru.

Чӧлсконъёс

«https://udm.ruwiki.ru/w/index.php?title=Феклистова,_Мария_Александровна&oldid=495834»-ысь басьтэмын