Россиысь наукаосъя академилэн Урал ёзэз

Россиысь наукаосъя академилэн Урал ёзэз (УрО РАН)
Калыккуспо нимыз	Ural Branch of the Russian Academy of Sciences
Кылдытэмын	1932
Интыяськемын	Россия Россия
Юридик адресэз	620041, Екатеринбург, ГСП-169, Первомайской ульча, 91-тӥ юрт
Сайтэз	uran.ru​ [ӟуч]
Медиафайлъёс РувикиМедиа пушкын

Данъетъёсыз

Россиысь наукаосъя академилэн Урал ёзэз (УрО РАН; ӟуч: Уральское отделение Российской академии наук) — Россиысь наукаосъя академилэн улосысь ёзэз, центрез Екатеринбургын интыяськемын. СССР-ысь наукаосъя академилэн Урал ёзысьтыз 1991-тӥ арын выльдӥськон сямен кылдэмын, таиз ачиз ласянь СССР-ысь АН-лэн Урал наукая центрлэн инъетэз вылын 1987-тӥ арын кылдэмын.

Эскеронъёслэн валтӥсь ӧръёссы теорияя но прикладной математикаен но механикаен, кивалтон процессъёсын, физикаен но чурыт телоя химиен, электро-теплофизикаен, теплоэнергетикаен, машиностроениея огъя ужпумъёсын, металлургиысь процессъёсъя теориен, вылӥ температурая электрохимиен, синтетикая органической химиен, калыккуспо экологиен, иммунологиен, будосъёсты, пӧйшуръёсты, ву но му ресурсъёсты котыр ласянь эскеронэн, инкуазез валаса кутонлы инъет кылдытонэн, геология но геофизика ласянь геологияя провинциез но со котырысь улосъёсты чакланэн, адями но общество сярысь наукаосъя комплексэн герӟаськемын. Та ӧръёслэн кылдэмзы Уралын академияя наукалэн история ласянь азинсконэзлэн аспӧртэмлыкъёсыныз но промышленной улосъёс пӧлысь одӥгез бадӟымез улослэн кулэяськонъёсыныз герӟаськемын.

Историез

1930-тӥ аръёсы индустриализация политикаез кун зол радъяз, Урал палэнэ кылемын ӧй вал. Металлургия но машиностроение тужгес юн азинскизы. Промышленностьлэн ӝутскемез, дышетон учреждениослэн (нырысь ик, вузъёслэн) лыдзылэн йылэмез наука ласянь рос-прос инъет кылдытыны куриз. 1932-тӥ арын 13-тӥ толшоре, СССР-ысь АН-лэн Президиумез но ВКП(б)-лэн Урал обкомез вазиськемъя, СССР-ысь ВЦИК-лэн секретариат Уралын Наукаосъя академилэсь тодосъя но эскеронъя базаезлэсь огъетсэ радъян сярысь огкылэ вуиз. Ӝоген Свердловскын академик А. П. Карпинскийлэн кивалтэмез улсын СССР-ысь АН-лэн палэнэ потыса радъям сессиез ортчиз, со центрлэсь валтӥсь ужан ӧръёссэ пусйиз: химия, геология но геохимия.

1932-тӥ арын 27-тӥ инвожое — Урал облисполкомлэн СССР-ысь АН-лэсь куинь институтлэсь Урал ёзэтсэ кылдытон сярысь постановлениез:

• химияя (директорез Звягинцев О. Е.);
• геофизикая (директорез Горшков П. М.);
• геохимияя (директорез Ферсман А. Е.).

1932-тӥ арын 16-тӥ пӧсьтолэзе — СССР-ысь АН-лэсь Президиумез Свердловск улосын СССР-ысь АН-лэсь улос ёзэтсэ «Урал филиал» ниман сярысь пумкыл кутӥз. УФАН-лы нырысетӥ тӧрое академик Александр Евгеньевич Ферсманэз юнматӥзы.

Филиалэн кивалтӥсез но, институтъёслэн директоръёссы но Свердловскын ӧз улэ, каре соос шер вуылӥзы. УФАН-эз кылдытон коньдон ужпумъёсъя но, кадръёс утчанъя но бадӟым шуг-секытъёсын герӟаськемын вал. 1934-тӥ арын усьтыны чаклам институтъёсты кылдытыны озьы ик ӧз пӧрмытэ. СССР-ысь АН-лэн Президиумез Геофизикая но Геохимияя институтъёсты кылдытонэз дугдытон но, Химияя институтысь пичи лабораториосты огазеяса, Урал филиалэз выль сямен радъян пумысен огкылэ вуиз.

1936-тӥ арын СССР-ысь АН-лэн Президиумез УФАН-эз быдтон сярысь пумкыл кутӥз. Но ӝоген та ужпум выльысь эскеремын вал.

1937-тӥ яке 1938-тӥ арын Ферсман академикез Урал ёзэтлэн тӧроезлэн ужудысаз металлург, академик Иван Павлович Бардин воштӥз. 1939-тӥ арын УФАН-лэн выль составез юнматэмын вал:

• Металлофизикая, металловедениея но металлургияя институт (директорез Демнев Н. В.);
• Химияя институт (директорез Чуфаров Г. И.);
• Гурезь геологияя институт (директорез Шевяков Л. Д.).

Быдӟым Атыкай ож вакытэ, 1942-тӥ арысен 1944-тӥ арозь, СССР-ысь АН-лэн Президиумез но сое валтӥсь академик В. Л. Комаров Свердловскын ужазы.

1942-тӥ арысен Н. Н. Колосовский кивалтэм улсын техника но экономика эскеронъёсъя сектор ужаны ӧдъяз, 1944-тӥ арын Биологияя институт усьтэмын вал, соин профессор В. И. Патрушев кивалтӥз.

Наукая эскеронъёс ортчытэмез но наукая кадръёс дасямез понна, инкуазь узырлыкъёсты уже кутонын но Уралысь производствоя кужымъёсты азинтонын бадӟым уж лэсьтэмез понна УНЦ Октябрь Революцилэн орденэныз пусъемын (1982).

Россиысь наукаосъя академилэн Урал ёзэзлэн сӧзнэтэз

2022-тӥ арысь ивортонъёсъя

• Ёзэтлэн тӧроез РАН-ысь академик Виктор Николаевич Руденко;
• РАН-ысь валтӥсь тодосчи секретарь корреспондент ёзчи Евгений Васильевич Попов;
• РАН-лэн тӧроезлэн воштӥсьёсыз академик Валерий Павлович Матвеенко но академик Николай Варфоломеевич Мушников;
• УрО РАН-лэн Президиумез;
• УрО РАН-лэн Президиумезлэн аппаратэз.

УрО РАН-лэн президиумез

УрО РАН-лэн Уставезлэн 30-тӥ пунктэзъя но куара сётонъя, УрО РАН-лэн Президиумаз быръемын (тӧро но воштӥсьёсыз сяна):

• Попов Евгений Васильевич;
• Анфилогов Всеволод Николаевич;
• Асхабов Асхаб Магомедович;
• Бердышев Виталий Иванович;
• Большаков Владимир Николаевич;
• Бухарин Олег Валерьевич;
• Володин Владимир Витальевич;
• Вотяков Андрей Владимирович;
• Дегтярь, Владимир Григорьевич;
• Загребин Алексей Егорович;
• Зайков Юрий Павлович;
• Корнилков Сергей Викторович;
• Липанов Алексей Матвеевич;
• Масленников Валерий Владимирович
• Месяц Геннадий Андреевич;
• Павленко Владимир Ильич;
• Руденко Виктор Николаевич;
• Садовский Михаил Виссарионович;
• Стрельников Владимир Николаевич;
• Устинов Владимир Васильевич;
• Черешнев Валерий Александрович;
• Чупахин Олег Николаевич;
• Шестаков Александр Леонидович;
• Шпак Валерий Григорьевич.

УрО РАН-лэн Президиумез бордын кылдытэм учреждениос но огазеяськонъёс

• Математикая, механикая но информатикая огазеям тодосчи кенеш. Тӧроез — Бердышев Виталий Иванович.
• Физика но техника наукаосъя огазеям тодосчи кенеш. Тӧроез — Шпак Валерий Григорьевич;
• Химия наукаосъя огазеям тодосчи кенеш. Тӧроез — Чупахин Олег Николаевич;
• Биология наукаосъя огазеям тодосчи кенеш. Тӧроез — Большаков Владимир Николаевич;
• Музъем сярысь наукаосъя огазеям тодосчи кенеш. Тӧроез — Анфилогов Всеволод Николаевич;
• Гуманитария наукаосъя огазеям тодосчи кенеш. Тӧроез — Руденко Виктор Николаевич;
• Экономика наукаосъя огазеям тодосчи кенеш. Тӧроез — Татаркин Александр Иванович;
• «Ураллэн узырлыкез» комплекс программая кенеш;
• Тодос тӥрлыкъя кенеш;
• Ивортодэтъя но лыдӟетъюрт ужпумъёсъя кенеш;
• Тодос но издательство ужпумъёсъя кенеш;
• Наукая но ивортодэтъя центр;
• Егит тодосчиослэн кенешсы;
• РАН-лэн Урал ёзэзлэн издательствоез;
• «Уралысь наука» газетлэн редакциез;
• Сертификацияя центр но «Сертимет» метрология;
• Ивортодэтэз техникая утёнъя лаборатория;
• Ивортодэт сӧзнэтъёсты кылдытон но утён ёз;
• Наукая но техникая адӟытонъёсъя ёз;
• Вузъёсты, ужъёсты но услугаосты басьтонэз радъясь ёз;
• «УрО РАН-лэн администрация но хозяйство ласянь кивалтонэз» НВУ;
• УрО РАН-лэсь мерлыко удыссэ радъясь огазеяськонъёс.

Наукая кенешъёс, наукая кенешъёслэн секциоссы

• РАН-ысь конденсированной ӧръёсысь физикая тодосъя кенешлэн «Физикая куашкасьтэм эскерон амалъёс» секциез;
• РАН-ысь чурыт телолэн радиацияя физикаезъя тодосъя кенеш;
• Металлургияя процессъёслэн физика но химия инъетъёссыя наукая кенеш;
• РАН-ысь тодосъя кенешлэн вылӥ температураен электрохимияя секциез;
• РАН-ысь экологияя но шимучыръёсъя тодосъя кенешлэн «Россиысь Урал улосысь экологияя ужпумъёс» улосвыл ёзэтэз;

Екатеринбургысь наукая учреждениос но огазеяськонъёс

Наукая учреждениос

• УрО РАН-ысь Математикая но механикая институт;

• УрО РАН-ысь Металлъёслэн физиказыя институт;
• УрО РАН-ысь Электрофизикая институт;
• УрО РАН-ысь Теплофизикая институт;
• УрО РАН-ысь Машиноведениея институт;
• УрО РАН-ысь Промышленной экологияя институт;
• УрО РАН-ысь Металлургияя институт;
• УрО РАН-ысь Органической синтезъя институт;
• УрО РАН-ысь Чурыт телолэн химиезъя институт;
• УрО РАН-ысь Вылӥ температураен электрохимияя институт;
• УрО РАН-ысь Будос но пӧйшур экологияя институт;
• УрО РАН-лэн Ботаникая садэз;
• УрО РАН-ысь Иммунологияя но физиологияя институт;
• УрО РАН-ысь академик А. Н. Заварицкий нимо геологияя но геохимияя институт;
• УрО РАН-ысь Геофизикая институт;
• УрО РАН-ысь Гурезь ужъёсъя институт;
• УрО РАН-ысь Историяя но археологияя институт;
• УрО РАН-ысь Философияя но правоя институт;
• УрО РАН-ысь Экономикая институт;
• УрО РАН-ысь наукая шор лыдӟетъюрт;
• УрО РАН-ысь Минералогияя институт.

Предприятиос но огазеяськонъёс

• Тодос приборостроениея нимысьтыз конструктор бюро федерал кун унитарной предприятие (ФГУП СКБ НП УрО РАН);
• «Оскымон луон но бадӟым машина сӧзнэтъёслэн луонлыксы» наукая но инженерияя центр;
• Инновациосъя но технологиосъя «Академический» центр.

УрО РАН-лэн Архангельск наукая центрез

• Архангельскысь тодос центрлэн президиумез;
• Президиумлэн аппаратэз;
• Инкуазь воштӥськонъёслэн физиологизыя институт;
• Уйпалась экология ужпумъёсъя институт;
• УрО РАН-ысь АНЦ-лэн экономика эскеронъёсъя ёз;
• Арктикаез котыр ласянь эскеронъёсъя ёз;
• Геофизикая но эмъян но биология эскеронъёсъя ёз;
• Биология ресурсъёсын кивалтон ёз;

УрО РАН-лэн Коми наукая центрез

• Коми тодос центрлэн президиумез;
• Президиумлэн аппаратэз;
• УрО РАН-ысь Биологияя институт;
• Геологияя институт;
• Физиологияя институт;
• Химияя институт;
• Мерлыко экономикая но Уйпалась энергетикая ужпумъёсъя институт;
• Кылъя, литературая но историяя институт;
• Ӵошатон кардиологияя лаборатория;
• Математикая ёз;
• «Тодос архив но энциклопедия» ёз.

УрО РАН-лэн Оренбург наукая центрез

• Оренбург тодос центрлэн президиумез;
• Клетка но клеткаос пушкысь симбиозъя институт;
• Степенья институт;
• УрО РАН-ысь ОНЦ-лэн геоэкологияя ёзэз;
• УрО РАН-ысь биотехникая сӧзнэтъя ёз;
• УрО РАН-ысь Экономикая институтлэн лабораториез.

УрО РАН-лэн Пермь наукая центрез

• Пермь наукая центрлэн президиумез;
• Президиумлэн аппаратэз;
• УрО РАН-ысь Котыр механикая институт;
• УрО РАН-ысь Технической химияя институт;
• УрО РАН-ысь Микроорганизмъёслэн экологизыя но генетиказыя институт;
• УрО РАН-ысь Гурезь институт;
• Кунгож кылъёсъя но философияя кафедра;
• УрО РАН-ысь ПНЦ-лэн фотоникая лабораториез;
• УрО РАН-ысь ПНЦ-лэн политикая институтъёсты но процессъёсты эскеронъя ёзэз;
• УрО РАН-ысь ПНЦ-лэн историяя, археологияя но этнографияя ёзэз;
• УрО РАН-ысь ПНЦ-лэн Экономикая институтлэн Пермь филиалэз;
• УрО РАН-ысь политикаысь институтъёсты но процессъёсты эскеронъя Пермьысь ёз;
• Историяя но археологияя институтлэн Пермьысь ёзэз;
• Порошок материаловедениея тодос центр;
• УрО РАН-ысь ПНЦ-лэн коми-пермяк калыклэн историезъя но лулчеберетэзъя сектор.

УрО РАН-лэн Удмурт наукая центрез

• Удмурт тодос центрлэн президиумез;
• Президиумлэн аппаратэз;
• Физикая но техникая институт;
• Механикая институт;
• Историяя, кылъя но литературая Удмурт институт;
• УрО РАН-ысь Экономикая институтлэн Удмурт ёзэз;
• УрО РАН-ысь Философияя но правоя институтлэн Удмурт ёзэз;
• Химияя физикая но мезоскопияя тодосъя но дышетонъя центр;
• Будосъёслэн интродукцизыя но акклиматизацизыя ёз;
• УрО РАН-ысь Морфологияя, иммунологияя но генетикая институтлэн лабораториез.

УрО РАН-лэн Челябинск наукая центрез

• Челябинск тодос центрлэн президиумез;
• Президиумлэн аппаратэз.

Президиум бордысь ёзэтъёс

• Ивортодэтъя но лыдъетъя ёз;
• Челябинскысь Тодосчиослэн юртсы.

Наукая учреждениос

• УрО РАН-ысь Минералогияя институт;
• Ильменскысь геологияя но минералогияя кун заповедник;
• УрО РАН-ысь минералогияя но геоэкологияя Лымшор Урал наукая федерал центр;
• УрО РАН-ысь Металлургияя институтлэн Челябинскысь ёзэз;
• УрО РАН-ысь Экономикая институтлэн Челябинскысь ёзэз;
• УрО РАН-ысь Историяя но археологияя институтлэн археологияя Лымшор Урал ёзэз;
• УрО РАН-ысь Математикая но механикая институтлэн алгоритмикаысь топологияя ёзэз;
• УрО РАН-ысь Электрофизикая институтлэн нелинейной оптикая вуз но академ ёзэз;
• Материаловедениея ужпумъёсъя вуз но академ ёз;
• Машиностроениысь ӟечлык ужпумъёсъя вуз но академ ёз;
• Усьтэм гурезь ужъёсъя эгыр промышленностьысь наукая но техникая центр — Инкуазь узырлыкъёсты усьтэм амалэн поттон ужъёсты эскеронъя проектно-конструкторской тодос институт.

Тобольскысь огъет наукая станция

• Кышкытлыко музъем ужъёсъя зонаын будосъёслэн но пӧйшуръёслэн экологизыя лаборатория;
• И. Н. Рябов нимо радиоэкологияя лаборатория;
• Экотоксикологияя лаборатория;
• Ву экосистемаосъя лаборатория;
• Сибирез азинтон историяя лаборатория;
• А. А. Дунин-Горкавич нимо музей;
• Наукая но эскеронъя «Миссия» стационар.

Тодос журналъёс

• Металлъёслэн физиказы но металловедение (журнал);
• Экология (журнал);
• Расплавъёс (журнал);
• Дефектоскопия (журнал);
• Литосфера (журнал).

Валэктонъёс

Чӧлсконъёс

• Сайт Уральского отделения Российской академии наук [ӟуч], www.uran.ru. Эскеремын: 13 гудырикошконэ 2025 арын.