Удмурт кун филармония
.jpg)
Удмурт кун филармони — интыяськемын Ижкарлэн шораз, Пушкинской урамын.
Историез
Удмурт филармони кылдытэмын 21-тӥ гудырикошконэ 1938-тӥ арын УАССР-ысь Калык Комиссаръёслэн Кенешсылэн пуктэмезъя. Солэн инъетэз луиз филармони дэменлык. Быдӟым Атыкай ож дырозь филармони дэменлыкын кырӟасьёс, музыкантъёс-инструменталистъёс тыршизы. Со сяна отын вал на симфонической оркестр, удмурт кун хор но эстрадая группа. Берлогес кылдытэмын вал крезьчиослэн ансамбльзы. 1942-тӥ арын — операя ансамбль, 1943-тӥ арысен ужаны кутскиз крезьгуро лекторий.
Филармони туннэ
Филармоние пыро:
- «Avis cantu» хоровой капелла
- «Зарни крезь» оркестр
- «Шулдыр ӝыт» эстрадая ансамбль
- Югдытӥсь но дышетӥсь программаосъя ёзэт
1958-тӥ арысен филармони арлы быдэ ортчытъя П. И. Чайковскийлы сӥзем крезьгуро фестиваль. Отчы пыриськыло быдэс дуннелы тодмо луэм крезьгурчиос.
Одӥг сезон ӵоже филармониын сюрс пала концертъёс ортчыло. Отчы 150 сюрслэсь ятыр учкисьёс лыктыло.