Тарасов, Константин Николаевич

Константин Николаевич Тарасов
Константин Николаевич Тарасов
Вордӥськем дырыз	11-тӥ куартолэзе 1919
Вордӥськем интыез	Удмуртия
Кулэм дырыз	6-тӥ южтолэзе 1945 (25 арес)
Кулэм интыез	Польша
Кунмуртлыкез	СССР
Ожмаськонъёс/ожъёс	Великая Отечественная война; Совето-финн ож

Тарасов Константин Николаевич (11.05.1919 — 06.03.1945) — 20-тӥ мотострелковой бригадаысь штабез чаклась ёзлэн командирез, старшой сержант, Совето Союзысь Герой (1945, кулэмез бере).

Улон сюресэз

Вордӥськиз 1919-тӥ арын 11-тӥ куартолэзе Ведрец черкогуртын (али Удмуртиысь Камбарка ёросын) крестьян семьяын. 6 классэз йылпумъямез бере колхозын ужаз. 1937-тӥ арын судоводительёслэсь курсъёссэс йылпумъяз, Ярославль улосын Рыбинск ГЭС лэсьтонын катерез нуллӥз^[1].

1939-тӥ арын коньывуонэ Рыбинск военкомат пыр Горд армие басьтэмын. 1939-тӥ-1940-тӥ аръёсы Совето-фин оже пыриськиз. Быдӟым Атыкай ожын — 1942-тӥ арын куарусёнысен. 1944-тӥ арын коммунистической партие пыриз^[1].

Висъяськиз ожлэн берпуметӥ люкетаз, поляк Губен (яке Губин) кар понна ожъёсын^[1].

1945-тӥ арын 6-тӥ южтолэзе Губен карлэн уйпал-шундыӝужанпалаз тушмонлэн ӝутскемез улсын 296-тӥ артиллерийской полк стратегической позициосысь чигназ, орудиоссэ кельтыса. Старшой сержант Тарасов пехота взводэн контратакае ӝутскиз но интыез берыктӥз. Со нырысетӥез пыриз немецъёслэн траншеяязы. Ожмаськон дыръяз Тарасов сӧсырмиз, но ож бусыысь ӧз кошкы; яразэ ӝогак бинялтыса, выльысь ожмаськонэ пыриз. Нюръяськонын кыкетӥзэ сӧсырмиз. Но таяз радэ но ожысь ӧз поты. Старшой сержант Тарасов кивалтэмез улсын взвод тушмонлэсь кӧня ке атакаоссэ палэнтӥз. Огаз ожын Тарасов быриз. Сое ватӥзы Губин карын^[1].

СССР-ысь Вылӥ Кенешлэн президиумезлэн 1945-тӥ арын 27-тӥ инвожое поттэм косэтэзъя ожгар заданиосты адӟем карымон быдэстэмез но ассэ геройлыко возьматэмез понна Константин Николаевич Тарасов старшой сержант кулэмез бере Совето Союзысь Герой нимын пусъемын^[1].

Данъетъёсыз

Пусъемын Ленин орденэн, Отечественной ожлэн 2-тӥ степенё орденэныз, медальёсын^[1].

Буре ваён

Рыбинск карын одӥгез ульча Геройлэсь нимзэ нуллэ, озьы ик со урамын солы сӥзем буре ваён пул шуккемын^[1].

Валэктонъёс

↑ ¹ ² ³ ⁴ ⁵ ⁶ ⁷ Тарасов Константин Николаевич Герои страны

Литература

Герои огненных лет. Ярославль: Верхне-Волжское кн. изд., 1985.
Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.

Чӧлсконъёс

Константин Николаевич Тарасов [ӟуч] «Герои страны» сайт. Эскеремын 2014-07-04 арын

Улица Тарасова

[:0-1] ¹ ² ³ ⁴ ⁵ ⁶ ⁷ Тарасов Константин Николаевич Герои страны

[1]