Росси кинолэн нуналыз
| Росси кинолэн нуналыз | |
|---|---|
| Файл:Кинематограф России1.jpg | |
| Дырыз | 27-тӥ гудырикошконэ |
 Медиафайлъёс РувикиМедиа пушкын | |
Росси кинолэн нуналыз ӟуч: День российского кино — Росси Федерациысь кинематографистъёслэн но кинематографез яратӥсьёслэн ӧнер праздниксы. Пусйиське арлы быдэ 27-тӥ гудырикошконэ.
Историез
Нырысетӥез киносеанс ортчиз Росси империын 4 (16) куартолэзе 1896 арын Петербургысь «Аквариум» садын[1]. 2 (15) коньывуонэ 1908 арын возьматэмвын вал нырысетӥез тямыс минутъем асьме дорын кылдытэм фильм «Понизовая вольница». Владимир Ромашков режиссёрлэн картинаез (Стенька Разин сярысь «Из-за острова на стрежень» ӟуч калык кырӟанъя) ӟуч кинолэсь вапумзэ усьтӥз[2].
1919-тӥ арын 27-тӥ гудырикошконэ РСФСР-ысь Калык комиссаръёслэн Кенешсы киноужез национализировать карон сярысь Декрет кутӥз (безвозмездной экспроприаци пыр). Та нуналысен вань фотографической но кинематографической вузкарон, промышленность но РСФСР-ысь кинотеатръёс Просвещения Калык комиссариат киулэ выжиз[3].
СССР-ысь Вылӥ Кенешлэн 1980-тӥ арын 1-тӥ коньывуонэ кутэм «Праздникъёс но буре ваён нуналъёс сярысь» 3018-X№ номеро Косэтэзъя, СССР-ысь Вылӥ Кенешлэн 1988-тӥ арын 1-тӥ шуркынмонэ кутэм «СССР-лэн праздникъёс но буре ваён нуналъёс сярысь катрадлыказ воштэтъёс пыртон сярысь» 9724-XI№ номеро Косэтлэн редакциезъя совето кинолэсь нуналзэ пусъёнлы кутскон сётэмын. (2006-тӥ арын 31-тӥ куартолэзе та косэтъёслэн кужымзы быриз[4]),
1980-тӥ арын поттэм Косэтъя (учке вылысьгес), та праздник «Совето кинолэн нуналыз» шуыса нимаськиз, 1988-тӥ арын поттэм Косэтъя — «Кинолэн нуналыз». Выльдӥськон вакытэ «Россиысь кинолэн нуналыз» шуыса нимаськиз, алиез нимыз: «Росси кинолэн нуналыз» СССР куашкам бере кутӥськыны кутскиз.
Праздниклэн кылдэм дырысеныз, сое пусъён нунал трос пол вошъяськылӥз. Нырысь ик пусйыны кутскизы 28-тӥ толсуре, Кинолэн калыккуспо нуналыныз огазеяса. Соку та празник йӧскалык инлыксэ быдэсак ыштӥз. 2001-тӥ арын Россиысь Культурая министерстволэн кинематография службаез, росси кинематографлэн аслаз нуналыз луыны кулэ шуыса оскытӥз.
Россиысь кинематографистъёслэн Союззылэн тӧроез Н. С. Михалков 2002-тӥ арын куартолэзе Росси кинолэсь нуналзэ куарусёнлэн берпуметӥ удмуртарняяз, Кинематографи устолыкъёсъя но тодосъёсъя росси йӧскалык академилэсь «Золотой орёл» премизэ сётон дыръя пусйыны дэмлаз[5]. Но та кичӧлтонэз тӧрлык умоен ӧз лыдъя, соин Росси кинолэсь нуналзэ азьланяз 27-тӥ гудырикошконэ пусйыны пумкылъязы.
Озьы ик учке
- Кинолэн нуналыз, ӟуч: День кино.
- Люмьер вынъёс — кинолэн пионеръёсыз,ӟуч: Братья Люмьер — пионеры кино.
- Броненосец «Потёмкин», ӟуч: Броненосец «Потёмкин» (СССР, 1925-тӥ ар ).
Валэктонъёс
- ↑ Н. А. Лебедев Глава 1. Кинематограф в дореволюционной России (1896-1917) [ӟуч] Очерки истории кино СССР. «Библиотекарь». Эскеремын 2015-04-05 арын
- ↑ Сегодня — день российского кино [ӟуч] Эскеремын 2017-08-21 арын
- ↑ День российского кино: история и традиции празднования. Справка РИА Новости. Эскеремын 2010-08-13 арын
- ↑ РОСПРОМ — Федеральное агентство по промышленности [недоступная ссылка]
- ↑ Никита Михалков учредил День российского кино [ӟуч]