Ракетной войскоослэн но артиллерилэн нуналыз
| Ракетной войскоослэн но артиллерилэн нуналыз | |
|---|---|
 СССР-ысь почта марка «Артиллерия — Ожлэн инмарез!» (1945 г.) | |
| Озьы ик | Артиллерилэн нуналыз |
| Юнматэмын | 1944-тӥ арын |
| Пусъё |
 Белоруссия Казахстан Россия Киргизия |
| Дырыз | 19-тӥ шуркынмонэ |
| Сям-йылолъёс | ӵош служить карем эшъёсын пумиськонъёс |
| Герӟаськемын | «Уран» операцилэн кутсконэныз |
Ракетной войскоослэн но артиллерилэн нуналыз ӟуч: День ракетных войск и артиллерии — буре ваён нунал, азьвыл пусйиськылӥз СССР-ын, туала вакытэ Россиын, Белоруссиын [1], Казахстанын[2][3], Киргизиын[4] но Узбекистанын[5] 19-тӥ шуркынмонэ пусйиське.
Историез
Нырысьсэ Артиллерилэн нуналыз СССР-лэн Вылӥ Кенешезлэн Президиумезлэн 1944-тӥ арын 21-тӥ коньывуонэ поттэм Косэтэныз юнматэмын вал.[6] Дырыз ― 19-тӥ шуркынмон таӵе мугъя быръемын: 1942-тӥ арын 19-тӥ шуркынмонэ Юго-Западной но Донской фронтъёсын Горд Армилэн артиллериез «Уран» операциез кутскиз. Сталинград ожын со совето контрнаступление Быдӟым Атыкай ожлэсь но Кыкетӥ Дунне ожлэсь югдурзэ быдэсак воштӥз. Да нуналэз ӵектӥз Горд Армилэн Ожгар кенешезлэн ёзчиез артиллерилэн генерал-лейтенантэз И. С. Прочко. Мукет ӵектонъёс но вал, кылсярысь, Артиллерийской музеен кивалтӥсь полковник Я. Куске 2-тӥ тулыспалэз дэмлаз вал — Сталинград ожлэсь йылпумъяськон нуналзэ.[7]
СССР-лэн Вылӥ Кенешезлэн Президиумезлэн 1964-тӥ арын 17-тӥ шуркынмонэ поттэм Косэтэзъя, но Совето Армилэсь Артиллери войскооссэ Ракетной войскоос но Сухопутной войсколэн Артиллериез нимамен, праздник Ракетной войскоослэн но артиллерилэн нуналыз шуыса пусйиськыны кутскиз. Росси Федерацилэн Ожгар Кужымъёсызлэн вань ракетной но артиллерийской частьёсаз пусйиське. Арлы быдэ та нуналэ Москваысь Александровской садын Тодмотэм солдатлэн шайгу вылаз но «Город-герой Сталинград» памятной знак азе сяська но венок тырон сӥё-дано ужрад ортче[8]. Праздник азьын Россиысь ракетной войскоослэн но артиллерилэн ветеранъёсыз но военначальникъёс артиллерилэн валтӥсь маршалъёслэн Николай Вороновлэн но Митрофан Неделинлэн Кремль борддор вӧзысь шайгу вылазы сяська но венок нуо [9].
Валэктонъёс
- ↑ Поздравление министра обороны Республики Беларусь с Днём ракетных войск и артиллерии www.vsr.mil.by. Эскеремын 2019-04-07 арын
- ↑ День ракетных войск и артиллерии
- ↑ В Вооруженных Силах Казахстана отметили День ракетных войск и артиллерии www.mod.gov.kz. Эскеремын 2019-04-07 арын
- ↑ Памятные даты. День артиллерии Кыргызской Республики
- ↑ «19-Noyabr — O'zbekiston qurolli kuchlari artilleriyasi kuni» www.taqvim.uz. Эскеремын 2023-02-04 арын
- ↑ Закалённые громом, опалённые порохом... 74rvia.mil.ru. — Архивные документы Министерства обороны Российской Федерации. Эскеремын 2018-11-20 арын
- ↑ Крылов В. М. «Малочисленность пехоты вынуждала нас всю тяжесть прогрызания вражеской обороны возлагать на артиллерию…» Из истории учреждения Дня ракетных войск и артиллерии. // Военно-исторический журнал. — 2004. — № 11. — С.75-76.
- ↑ В Александровском саду состоялась торжественная церемония возложения цветов и венков к Могиле Неизвестного солдата и памятному знаку «Город-герой Сталинград» : Министерство обороны России…
- ↑ У Кремлёвской стены состоялось торжественное возложение венков к урнам с прахом главных маршалов артиллерии Николая Воронова и Митрофана Неделина : Министерство обороны России…