Покрас, Илья Борисович

Илья Борисович Покрас
Вордӥськем дырыз	1-тӥ оштолэзе 1936({{padleft:1936|4|0}}-{{padleft:4|2|0}}-{{padleft:1|2|0}})
Вордӥськем интыез	Коростышев[d], Украина
Кулэм дырыз	8-тӥ толсуре 2024({{padleft:2024|4|0}}-{{padleft:12|2|0}}-{{padleft:8|2|0}}) (88 лет)
Кулэм интыез	Иж, Россия
Кун	Украин ССР  РСФСР  Россия  СССР
Дышетскемез	Ижысь М. Т. Калашников нимо техникая кун университет (1960)
Учёной степенез	профессор[d] но техника тодосъёсъя доктор[d]
Данъетъёсыз

Илья Борисович Покрас (1-тӥ оштолэзе 1936, Коростышев^[d] — 8-тӥ толсуре 2024, Иж) — совето но росси тодосчи, инженер-механик, дышетӥсь. Техника наукаосъя доктор, профессор. Росси Федерациысь вылӥ тодон-валан сётон удысысь дано ужась, ИжГТУ-ысь дано профессор.

Улон сюресэз

Вордӥськиз 1936-тӥ арын 1-тӥ оштолэзе Украин ССР-ысь Житомир улосысь Коростышев карын. 1960-тӥ арын Ижысь механикая институтэз йылпумъяз, собере «Уралмаш» заводын тыршиз.

1963-тӥ арысен Илья Покрас Ижысь механикая институтын ужаны кутскиз, татын со вузысь аспирант луиз, отӥяз ассистентысен кафедраысь профессорозь будӥз.

1985-тӥ арысен 1988-тӥ арозь но 1992-тӥ арысен 1997-тӥ арозь Ижысь техникая кун университетысь (1994-тӥ арысен — ИжГТУ) инженерияя но технологияя факультетысь «Машинаос но зӥбет улын кортъёсты воштон амалъёс» нимо кафедраен кивалтӥз. 2000-тӥ аръёслэн пумазы «Технология, тӥрлык но машина лэсьтонэз автоматизировать карон» магистр ӧрез но «Математикая моделирование но зӥбет улын кортъёсты воштон процессъёслы автоматизация амалъя проект лэсьтон» наукая ӧрез валтӥз. Кык доктор диссертационной кенешъёслэн ёзчизы вал.

Илья Покрас 130-лэсь уно наукая ужъёслэн авторзы луэ, соос пӧлын кӧня ке монографиос. Солэн 39 автор свидетельствоосыз но патентъёсыз.

Покраслэн валтӥсь эскерон удысъёсыз сӥземын вал зӥбет улын кортъёсты воштонлы, зӥбет улын кортъёсты воштон-тупатон дыръя зыраськон но вӧян ужпумъёслы, вузлэсь ӟечлыксэ кылдытонлы, напряжённо-деформированной инлыклы, температурая радлыклы. Озьы ик со прецизионной гумыосты кезьыт радиальной пачкатон технологилы наукая инъет кылдытӥз.

Солэн кивалтэмез улсын одӥг доктор но вить кандидат диссертациос утемын.

Илья Покрас кема висемез бере 2024-тӥ арын 8-тӥ толсуре улонысь кошкиз. Ватэмын Ижкарын.

Библиографиез

• И. Б. Покрас. Теория обработки металлов давлением: учебное пособие. — Ижевск: Изд-во ИжГТУ им. М. Т. Калашникова, 2015. — 402 с. — 100 экз. — ISBN 978-5-7526-0714-1.
• И. Б. Покрас, Н. Н. Князева. Основы технологии холодного радиального обжатия труб. — Ижевск: Издательство ИжГТУ, 2012. — 110 с.
• И. Б. Покрас, Н. Н. Князева, И. Н. Габдрахманов. Научные основы технологии холодного радиального обжатия труб: монография. — Ижевск: Издательство ИжГТУ, 2011. — 203 с.
• И. Б. Покрас. Исследование гидродинамического эффекта смазки при осадке. — Ижевск, 1969. — 212 с. — ISBN 978-5-7526-0477-5.
• И. Б. Покрас, Г. А. Чикуров, М. И. Касимов. Гидродинамический эффект смазки при волочении с применением вязкопластических смазок [ӟуч] // Вестник ИжГТУ имени М.Т. Калашникова. — 2014. — № 4. — С. 7—10. — ISSN 1813-7903.
• И. Б. Покрас, Н. С. Сивцев, Ю. О. Михайлов, В. П. Шеногин. Закономерности граничного трения при обработке металлов давлением [ӟуч] // Интеллектуальные системы в производстве. — 2019. — № 1. — С. 122—127. — ISSN 1813-7911.

Данъетъёсыз

Илья Покрас кӧня ке кун но удыс данъетъёсын пусъемын, озьы ик кӧня ке дано нимъёсын сӥлы каремын:

• Росси Федерациысь вылӥ тодон-валан сётон удысысь дано ужась;
• Удмуртиысь наука но техника удысысь дано ужась;
• Ижысь М. Т. Калашников нимо техникая кун университетысь дано профессор.

Валэктонъёс

Литература

• Ижевский государственный технический университет. — Ижевск: Издательство ИжГТУ, 2012. — 52 с.
• Удмуртская Республика: Энциклопедия / гл. ред. В. В. Туганаев. — Ижевск: Удмуртия, 2008. — С. 546. — 768 с. — 2200 экз. — ISBN 978-5-7659-0486-2.