Перепеч.кин

Перепечкин — нырысетӥ удмурт кафе.

Историез

Нырысьсэ удмурт йӧскалык сиёнъёсын карысь улӥсьёсты но куноосты шумпоттылӥзы 2005 арын. Со вал пичи акция «Перепеч пиццалы пумит». Ижлэн Шор площадяз пуктэмын вал гур но со пушкын «Брангуртысь песянайёс» пыжылӥзы удмурт йӧскалык сиёнъёс: табань но перепеч. Та конкурс ӧз ортчы, малы ке шуоно Ижысь «пиццерийщикъёс» вожвылъяськонэ ӧз вуэ. Но перепечен но табанен котькуд адями быгатӥз ассэ шумпоттыны. Та уж бордын ужазы ньыль удмурт пиос: Семён Семёнов, Роман Дементьев, Игорь Фоминых, Алексей Вотинцев.

Нырысетӥ удмурт кафе «Перепеч.Кин» усьтӥськиз 13 куартолэзе 2012 арын. Но кема ужаса ӧз вутты, ворсаськиз. Озьы ке но брендэз кылиз, со улсын ппрепеч пыжо Ижысь паркъёсын.