Пантелеимон нимо черк (Вотка)

Православной черк
Пантелеимон нимо черк
57°02′41″ с. ш. 53°58′13″ в. д.
Кун	Россия
Интыяськемез	Вотка
Конфессия	Православие
Епархия	Ижысь епархия
Архитектурной стиль	ӟуч
Кылдытэмын	1889
Инлыкез	ОКН № 1800000044
Сайтэз	stpanteleimon.cerkov.ru
Медиафайлъёс РувикиМедиа пушкын

Дун-чылкыт Пантелеимонлэн черкез (Курадӟытыса быдтэм вӧсьлыко целитель Пантелеимонлы сӥзем черк, Пантелеимон Целитель нимо черк; ӟуч: Пантелеимоновская церковь (Воткинск)) — Ӟуч православной черклэн Ижкар епархиысь черкез. Вотка карын интыяськемын. Архитектурая синпелет луэ.

Историез

Ватка духовной консисторилэн указэзъя 1887-тӥ арын черк пуктыны кутскизы, ужъёсты 1895-тӥ арын йылпумъязы. Черкез вӧсязы 1895-тӥ арын 6-тӥ куартолэзе (мукет ивортонъёсъя — 4-тӥ толшоре. Пантелеимонлэн черкез единоверческой вал (службаосты вуж йылолъёсъя нуизы). 1903-тӥ арозь со Перевозное черкогуртысь Казанской черк борды юнматэмын вал. 1903-тӥ арын 15-тӥ оштолэзе Вӧсьлыко Синодлэн указэныз черкын нимысьтыз приход кылдытӥзы.

Сарапулысь окрисполкомлэн президиумезлэн 1929-тӥ арын 15-тӥ южтолэзе юнматэм пуктэтэзъя черкез пытсазы. 1935-тӥ арозь юртын кинотеатр ужаз, 1935-тӥ арысен — МТС-лэн механикая мастерскоез, 1956-тӥ арысен — векчи вузъёсын база, 1963-тӥ арысен — битумлэсь арбериосты поттонъя цех, 1980-тӥ аръёсы татын тыршиз карысь пуэн выронъя комбинатлэн небыт материаллэсь липет лэсьтонъя цехез. 1934-тӥ арын гырлы жугонзэ куашкатӥзы. 1970-тӥ аръёсы юрт борды ватсаса ӝутӥзы производствоын кутӥськись пристройёс.

1991-тӥ арын 5-тӥ куартолэзе кар кенеш юртэз Ӟуч православной черклы берыктон пумысен огкылэ вуиз. 1993-тӥ—1995-тӥ аръёсы черкез вӧсяськонъёс ортчытъяны луон вылысь тупатъязы. 1995-тӥ арын черклэн настоятелез баӵко Валерий Ельцов ялӥз Валентинлэн (Русанцевлэн) «Суздальысь епархияз» выжон пумысен. 1996-тӥ арын 12-тӥ южтолэзе черкез Ӟуч православной черклы берыктӥзы. Выль настоятелез луиз баӵко Алексей Белоногов, со черкын выльдӥськон ужъёсты йылпумъяз. 1999-тӥ арын 31-тӥ толшоре Ижысь но Удмуртиысь архиепископ Николай черкез вӧсяз. 2016-тӥ арын чукындырон (вӧсян) черкез пуктон ужъёс йылаз-пумаз вуттэмын вал.

Архитектураез

Пантелеимонлы сӥзем черк кирпичлэсь ӟуч стилья пуктэмын. Одӥг куполэн ньыль сэрго пуктэм юрт (четверик) борды урдэсъёсаз притворъёс, сиськон инты (трапезная) но шатёр выллем лэсьтэм гырлы жугон ӝутэмын.

Духовенство

• Черклэн настоятелез — протоиерей Алексей Белоногов;
• Иерей Олег Санников;
• Иерей Дмитрий Санников;
• Иерей Сергий Воронцов.

Валэктонъёс