Орешник (ракетной комплекс)

Википедиысь материал
«Орешник» ракетной комплекс
«Южной машиностроительной заводэз» «Орешник» ракетной комплексэн ӵашъён (2024)
«Южной машиностроительной заводэз» «Орешник» ракетной комплексэн ӵашъён (2024)
Эскеронеъёслэн кутскон дырыз ожмаськонын — 2024-тӥ арын 21-тӥ шуркынмонэ
Техникая валтӥсь аслыкъёсыз

ӝоглыкез — 10 Мах
дальностез — 5500 иськемозь
индивидуальной наведенилэн висъясь валтӥсь люкетэз

стандартной боевой нагрузкаез — куать блок

«Орешник» — шорлыко дальностен ракетной система, нырысьсэ кутэмын 2024-тӥ арын 21-тӥ шуркынмонэ Днепропетровскысь «Южной машиностроительной заводэз» комбинировать карем пушкытонын[1]. Безъядерной гиперзвуковой оснащениен баллистической ракета лэземын вал Украиналэн но НАТО кунъёслэн шуккетсылы пумит. 2024-тӥ арын 19-тӥ шуркынмонэ Брянск улосысь объектъёс вылэ ATACMS ракетаос лэземын вал, озьы ик 21-тӥ шуркынмонэ 2024-тӥ арын Storm Shadow но HIMARS ракетаос Брянск но Курск улосъёсты ыбылыку[2].

Кутӥськемез

«Орешник» ракетной системаез ожын азинлыко кутэм сярысь ивортӥз Россилэн президентэз Владимир Путин 2024-тӥ арын 21-тӥ шуркынмонэ[3]. Шуккет сётэмын вал Украиналэн оборонно-промышленной комплексэзлэн тужгес бадӟымез объектэз ― «Южной машиностроительной завод вылэ»[4]. Кунлэн азьмуртэзлэн валэктэмезъя, «туннэ нуналлы таӵе ожтӥрлыклы пумит луисез дуннеын ӧвӧл на», малы ке шуоно, ВСУ-лэсь ракетной предприятизэ «Орешник» 10 Мах ӝоглыкен атаковать кариз (секундскын 2,5-3 иськем)[4]. НАТО-лэн умоен лыдъяменыз 2024-тӥ арын 19-тӥ шуркынмонэ Брянск улосэз ATACMS ракетаосын ыбылэмлы но 21-тӥ шуркынмонэ 2024-тӥ арын Брянск но Курск улосъёсты Storm Shadow но HIMARS ракетаосын пушкытъямлы пумит ӵашъемын вал «Южмаш» .

Владимир Путинлэн 2024-тӥ арын 21-тӥ шуркынмонэ лэсьтэм заявлениез: «С этого момента…спровоцированный Западом региональный конфликт на Украине приобрёл элементы глобального характера».

Владимир Путин ивортӥз, британ Storm Shadow но американ ATACMS ракетаос Брянск вадьсын азьпалтыса кутэмын вал, бырыны шедемъёс но куашкатон учыръёс ӧвӧл, Курск улосысь «Север» войскоослэсь группировказылэсь кивалтон пунктсэ ыбылон дыръя бырыны шедемъёс но сӧсырмемъёс вань[4]. Та выллем системаосты НАТО-лэн пыриськемезтэк кутыны уг луы, соин Росси Федерацилэн президентэз, пумит султон но мукетгес луиз шуыса алӥз:

Та дырысен, со сярысь азьвылгес но трос пол вераллямы вал, Украинаын Западэн пурӟытэм улос конфликт огъя вачевуонлы пӧрмиз[4].

Озьы ик Владимир Путин Росси Федераци вылэ урдӥськем кунъёслэсь военной объектъёссэс ӵашйыны Россилэн эрикрадэз вань шуыса тодэ вайытӥз:

Ми малпаськомы, асьмелэсь ожтӥрлыкмес быгатӥськомы кутыны со кунъёслэн ожтӥрлыко объектъёссылы пумит, кудъёсыз ми вылэ урдско. нош соос эшшо золгес кутскизы ке, ми но ӝегатскытэк чурыт кылмес вералом[5].

Технической аслыкъёсыз

Росси ожгар экспертъёс, «Южмашез» ӵашъён кадръёсты рос-прос эскерыса, «Орешниклэн» таӵе аслыкъёсыз сярысь веразы:

  • шорлыко дальностез — 1000-ысен 5500 иськемозь;
  • ӝоглыкез — 10 Мах;
  • индивидуальной наведенилэн висъясь валтӥсь люкетэз;
  • стандартной боевой нагрузкаез — куать блок[6].
Кытчыозь быгатэ «вуттӥськын» «Орешник» ракетной комплекс (2024)

Ӵашъён сярысь тодэтъёс

Президентлэн пресс-секретарез Дмитрий Песков ивортӥз, «Орешник» ракетаез лэземлэсь 30 минут азьпал, Россия США-лы автомат автомат режимен ӵашъён сярысь ивор лэзиз[7].

Белой Домлэн пресс-секретарез Карин Жан-Пьер брифингын США Украинаез но солэсь союзникъёссэ Россилэн шорлыко дальностен ракета лэзёнэз сярысь азьвыл ик алӥз шуыса ивортӥз вал[8].

Реакцизы

Пентагонын, США Россиен ваче вуыны уг тыршы шуыса веразы[9]. Озьы ке но, ведомстволэн пресс-секретарез Сабрина Сингх ватсаз, «Орешникез» кутон Вашингтонлэсь Украина пумысь политиказэ уз вошты[10].

Венгрилэн премьер-министрез Виктор Орбан Россилэн ядерной доктринаез воштэмез но «Орешник» комплексэз ожын азинлыко кутэмез пумысен НАТО-кунъёсты рос-прос малпаськыны дэмлаз:

…россий президент телевизор пыр калыклы вазиськыса, меӵак вераз, кунъёсты, кудъёсыз Украиналы ожтӥрлыкен юртто, асьме ожгар целен ялыны быгатӥськом. Со коммуникационной уловка ӧвӧл. Куке Россия со пумысен мар ке вера ке, озьы ик со луыны кулэ[11].

Валэктонъёс

  1. ↑ Путин рассказал об ударе баллистической ракетой «Орешник» по заводу в Днепре, Коммерсантъ (21 шуркынмонэ 2024). Эскеремын: 21 шуркынмонэ 2024 арын.
  2. ↑ Силы ПВО отразили украинский удар ATACMS по Брянской области, РИА Новости (19.11.2024). Эскеремын: 19 шуркынмонэ 2024 арын.
  3. ↑ Путин сообщил об ударе баллистической ракетой по объекту на Украине, РБК (21.11.2024). Эскеремын: 22 шуркынмонэ 2024 арын.
  4. ↑ 1 2 3 4 Заявление Президента Российской Федерации, Президент России. Эскеремын: 21 шуркынмонэ 2024 арын.
  5. ↑ Путин заявил о праве ответных ударов по военным объектам других стран, РИА Новости (21.11.2024). Эскеремын: 21 шуркынмонэ 2024 арын.
  6. ↑ "Сбить невозможно". Что известно о ракете, которую представил Путин, РИА Новости (21.11.2024). Эскеремын: 21 шуркынмонэ 2024 арын.
  7. ↑ Белый дом: США заранее уведомили Украину о предстоящем запуске "Орешника", РИА Новости (21.11.2024). Эскеремын: 21 шуркынмонэ 2024 арын.
  8. ↑ В Белом доме ответили на пуск российской ракеты "Орешник", РИА Новости (21.11.2024). Эскеремын: 21 шуркынмонэ 2024 арын.
  9. ↑ США не стремятся к конфликту с Россией, заявили в Пентагоне, РИА Новости (21.11.2024). Эскеремын: 21 шуркынмонэ 2024 арын.
  10. ↑ Иванов, Глеб. Бежать и прятаться. В Киеве паника из-за удара «Орешником», AiF (22.11.2024). Эскеремын: 22 шуркынмонэ 2024 арын.
  11. ↑ Орбан призвал Запад воспринимать запуск "Орешника" всерьез, РИА Новости (22.11.2024). Эскеремын: 22 шуркынмонэ 2024 арын.
«https://udm.ruwiki.ru/w/index.php?title=Орешник_(ракетной_комплекс)&oldid=479549»-ысь басьтэмын