Одиянков, Евгений Германович
| Евгений Одиянков | |
|---|---|
| Евгений Германович Одиянков | |
 | |
| Вордӥськем нуналыз | 25-тӥ коньывуонэ 1952 |
| Вордӥськем интыез | |
| Кулон нуналыз | 25-тӥ толшоре 2020 (67 лет) |
| Кулэм интыез | |
| Ужудысэз | эмчи-кардиолог, политик, мерлыко ужась, ужбергатӥсь |
| Данъетъёсыз |
|
Евгений Германович Одиянков (25-тӥ коньывуонэ 1952, Иж — 25-тӥ толшоре 2020, Иж) — росси удмурт эмъясь, кардиолог но мерлыко ужась.
Улон сюресэз
1975-тӥ арын Ижысь медициная институтэз йылпумъяз, хирург луыса нырысетӥ элькун больницаын ужаз; 1979-тӥ арысен — кардиологияя элькун больницаысь валтӥсь врачлэн эмъян люкетъя воштӥсез. 1987-тӥ арын кардиологияя элькун диспансерлы валтӥсь враче юнматэмын[1].
1990-тӥ арысен 1993-тӥ аръёсы Одиянков РСФСР-ысь калык депутат вал, 1995-тӥ арысен 2003-тӥ арозь — Удмуртиысь Кун Кенешысь депутат, 2000-тӥ арын ортчем президент быръёнъёсын Владимир Путинлэн оскем муртэз вал[2].
2004-тӥ арын Удмуртилы Президентэз быръёнъёсы пыриськиз, экономикаын но мерлык удысын кылдэм шуг-секытъёс но нырысетӥ эмъюрттэт сётонын югдур уродмем понна элькунысь кивалтэтэз курлаз. Быръёнъёслы йылпумъянъёсъя кыкетӥ инты басьтӥз, 18,89 процент куара люказ, ужась Президент Александр Волков — 54,26 процент. Куара сётонын катэз тӥян учыръёсты пусйыса, быръёнъёсъя йылпумъянъёслы пумит судэ вазиськиз; Россиысь Конституцияя судозь вуиз, быръён кампаниос дыръя ӝожтӥськонъёсты эскерон дырлэсь чурыт пуктэм вакытсэ куштытыны быгатӥз[2]. 2005-тӥ арын кардиоцентрен кивалтон ужлэсь мозмытэмын вал. Интыысь СМИ-ос тае быръёнъёсы пыриськеменыз герӟазы, Волков озьы пунэмзэ берыктӥз шуыса, гожъязы. Отӥяз Одиянков частной медицинае кошкиз[2], «Медсервис» клиника кылдытӥз[3].
2020-тӥ арын 25-тӥ толшоре Ижкарын улонысь кошкиз. Соин пыраклы люкиськон 27-тӥ толшоре Дун-чылкыт Михаиллэн собораз ортчиз[4].
Данъетъёсыз
- Удмуртиысь Комсомоллэн премиез;
- Удмуртиысь Кун премия;
- «Ӟеч ужамез понна» медаль;
- «Знак Почёта» орден;
- Россиысь Президентлэн В. В. Путинлэн Таукаронэз;
- «СССР-ысь тазалыкез утён удысысь отличник»;
- «Удмурт Элькунысь тазалыкез утён удысысь дано ужась»;
- «Ижкарлэн дано муртэз» (1997).
Валэктонъёс
- ↑ Скончался известный в Удмуртии врач-кардиолог Евгений Одиянков [ӟуч] kommersant.ru (26.01.2020). Эскеремын 21.09.2025 арын
- ↑ 1 2 3 Отличник здравоохранения Советского Союза [ӟуч] kommersant.ru (27 января 2020). Эскеремын 21.09.2025 арын
- ↑ Ушёл, побеждая смерть [ӟуч] medservice24.ru (25 января 2020). Эскеремын 21.09.2025 арын
- ↑ Екатерина Ардашева, Игорь Бобров, Михаил Красильников (27 января 2020) «Облегчать чужую боль было для него так же естественно, как дышать»: В Ижевске простились с талантливым хирургом Евгением Одиянковым [ӟуч] izh.kp.ru. Эскеремын 21.09.2025 арын
Чӧлсконъёс
- 25-тӥ коньывуонэ вордӥськемъёс
- 1952-тӥ арын вордӥськемъёс
- Ижкарын вордӥськемъёс
- 25-тӥ толшоре кулэмъёс
- 2020-тӥ арын кулэмъёс
- Ижкарын кулэмъёс
- «Знак Почёта» орденлэн кавалеръёсыз
- Тазалыкез утён удысысь отличникъёс (СССР)
- Тодмо муртъёс алфавитъя
- Россиысь калык депутатъёс
- Ижкарлэн дано муртъёсыз
- Удмурт Элькунысь Кун Кенешлэн депутатъёсыз
- Ижысь медициная академиын дышетскемъёс
- Удмурт Элькунысь Кун премилэн лауреатъёсыз