Мукши

Гурт
Мукши
57°14′23″ с. ш. 53°23′35″ в. д.
Кун	Россия Россия
Федерацилэн асмосэз	Удмурт Элькун
Муниципал ёрос	Якшур-Бӧдья
Историез но географиез
Кылдэмын	1772
Шор интыезлэн ӝуждалаез	174 м
Улӥсез
Улӥсез	↗600 мурт (2012)
Цифровой идентификаторъёс
Почта индекс	427100
Код ОКАТО	94250830001
Код ОКТМО	94550000231
Мукши Москва

Мукши — Удмурт Элькунысь Якшур-Бӧдья ёросысь гурт.

Интыяськемын

Интыяськемын элькунлэн шор люкетаз, лысо но куаро писпуо интыын, Мукшинка шурлэн бурпал ярдураз, 94К-44 трасса вылын, Якшур-Бӧдьялэсь 13 иськемын (шонер сюрес кузя).

Куазь

Куазез шоро-куспо континентальной, кезьыт но лымыё кузь толэн но вакчи шуныт гужемен. Тужгес шуныт толэзе (пӧсьтолэзь) омырлэн температураез 18 °C-озь ӝутӥське (абсолютной максимумез пусъемын — 36,6 °C пӧсь); тужгес кезьытэз толэзь (торлшор), омырлэн температураез 15 °C-озь лэзиське (абсолютной минимум — 47,5 °C кезьыт). Ар ӵоже 532 мм зор-кот усе, тужгес бадӟым люкетэз арлэн шуныт вакытаз.

Часовой пояс

Мукши гурт, быдэс Удмурт Элькун сямен ик, МСК+1 часовой зонаын интыяськемын. UTC-ъя кутӥськись дырлэн висъяськемез +4:00 луэ.

Историез

Мукши кылдэмын 1772-тӥ арын. Отчы нырысетӥ вуэмъёс — со Сосновка волостьысь Мувыр гуртысь некрутлэсь пегӟем крестьянъёс. Одӥгезъя малпанъя, гуртлэн нимыз нырысетӥ вуэм семьялэн воршуд нимыз бордысь потэмын. Мукет малпанъя, нимыз гуртын улӥсь муш вордӥсьёс бордысь, «мушкась» кыллэсь кылдэмын.

Улӥсез

1859—1873-тӥ аръёсы Ватка губерниысь улон интыосъя лыдметын Мукши гуртын 121 мурт пусъемын вал. 1891-тӥ арын — 227 мурт.

Численность населения

2010	2012
585	↗600

2025-тӥ арын 1-тӥ коньывуонэ басьтэм тодэтъёсъя гуртын 559 мурт улэ. Соос пӧлысь: 6 аресозь нылпиос — 56 мурт, 7-ысен 17 аресозь — 66 мурт, 18-ысен 29 аресозь — 67 мурт, 30-ысен 60 аресозь — 241 мурт, 60-лэсь мӧйыгес — 122 мурт, 80-лэсь кема улэмъёс — 8 мурт.

2002-тӥ арын быдэс Россиын ортчытэм лыдъян-чотанъя, 612 улӥсьёс пӧлысь 83 %-эз удмуртъёс вал.

Мукшиын кутлы синпелет

Туризм

2012-тӥ арын, Мукши гуртлэн 240 ар тырмонэзлы сӥзьыса, гуртысь скульптор Евгений Вахрушев кутлы синпелет лэсьтӥз. Со быдэс Удмуртиын одӥг гинэ. Малы ке шуоно, кут кутан — татын улӥсьёслэн вашкала дырысен валтӥсь ужъёссы пӧлысь одӥгез луэ. Кут кутан уж али дыре гуртын выльдӥське. Гуртын улӥсьёс гужем турын утялтыны кутэн ветлыло. Озьы ик лыктэм муртъёслы кузьым интые сётъяло. Кутлы синпелет пуктэм берегес ик «Лапоть на счастье» нимо турмаршрут усьтӥськиз.

Озьы ик Мукшиын Вумуртлэн юртъерез кылдытэмын. Солэн азбар котыраз пичигес тыметэз но эмъясь вуо ошмесэз вань. Лыктэм куноосты пуммита но котырысь калыклэн дауркылъёсыныз но выжыкылъёсыныз тордматэ мукет персонажлэн, Лӧпшо Педуньлэн кузпалыз — Орина.

Валэктонъёс