Моисеев, Валерий Васильевич
| Валерий Васильевич Моисеев | |
|---|---|
 | |
| Быдэс нимыз | Валерий Васильевич Моисеев |
| Вордӥськем нуналыз | 30-тӥ шуркынмонэ 1949 (76 арес) |
| Вордӥськем интыез | |
| Кулон нуналыз | 8-тӥ толсуре 2024 (75 лет) |
| Кулэм интыез | |
| Ужудысэз | директор, инженер-металлург |
Моисе́ев, Вале́рий Васи́льевич (1949 — 2024) — инженер-металлург, «Ижсталь» заводлэн директорез (1992—2011), Удмурт Элькунысь Кун Кенешлэн кыкетӥ, куинетӥ но ньылетӥ ӧтчамъёсызлэн депутатэз.
Удмурт АССР-ысь дано рационализатор, Удмурт Элькунысь промышленностьысь дано ужась, Ижкарлэн дано муртэз. Россиысь инженеръёслэн академиысьтызы академик[1][2][3].
Улон сюресэз
Вордӥськиз Донецкын 1949-тӥ арын 30-тӥ шуркынмонэ. Школа бере Донецкысь политехнической институтэ дышетскыны пыриз, йылпумъяз сое 1972-тӥ арын. Ужаны Ижысь металлургической заводэ келямын вал[1][2].
1972-тӥ арысен 1986-тӥ арозь тыршиз волочильщик, инженер-технолог, вылӥ инженер-технолог, бюролэн кивалтӥсез, нош собере цехлэн кивалтӥсез луыса. 1986-тӥ арысен 1992-тӥ арозь производствоя генеральной директорлэн юрттӥсез но воштӥсез вал[2][4].
1992-тӥ арын Моисеев «Ижсталь» огазеяськонлэн валтӥсь директорез луиз. 2006-тӥ арысен 2011-тӥ арозь компанилэн быдэсъясь кивалтӥсез вал[4]. 2011-тӥ арысен 2013-тӥ арозь заводысь директоръёслэн кенешенызы кивалтӥз, нош 2013-тӥ арысен «Ижсталь»-ысь директоръёслэн кенешсазы пыриз[2].
Моисеев кичӧлтэмъя предприятиын выльдӥськизы программаос но куронъёс. Со понна «Ижсталь» металлъёсъя кунгожсьӧр рыноке потыны но ассэ оскымон бизнес-огазеяськон сямен возьматыны быгатӥз[5].
Валерий Моисеев Удмуртиысь Кун Кенешлэн кыкетӥ, куинетӥ но ньылетӥ ӧтчамъёсаз депутатэ бырйиськылӥз, бюджетъя, вытъёсъя но коньдон ужпумъёсъя ялан ужась ӧриын тыршиз. «Огъя Россия» фракцилэн ёзчиез вал[6].
Улонысь кошкиз Ижын 2024-тӥ арын 8-тӥ толсуре 75 аресаз[7].
Данъетъёсыз
- Дано металлург
- Удмурт Элькунысь промышленностьысь дано ужась
- Удмурт АССР-ысь дано рационализатор
- Ижкарлэн дано муртэз
- Удмурт Элькунысь Кун премилэн наука но техника удысын лауреатэз
- Удмурт Элькунысь Кивалтэтлэн но М. Т. Калашников нимо «Удмурт Элькунысь тодос но инженер мерлыко огазеяськонъёслэн союззылэн» лауреатэз
- Быдӟым Пётр нимо йӧскалык мерлыко премилэн лауреатэз
- «Россиысь йӧскалык Олимп» огъяросси йӧскалык премилэн лауреатэз
- «Арлэн ужбергатӥсез – 2006» калыккуспо вожвылъяськонлэн элькун этапезлэн лауреатэз
- 4-тӥ степенё «За заслуги перед Отечеством» орден
- Данъян орден (ӟуч: Орден Почёта)
- Эшъяськон орден
- Быдӟым Пётрлэн 2-тӥ степенё орденэз
- Ӟуч черклэсь Дунчылкыт Саров Серафимлэн 3-тӥ степенё орденэз
- «Ужын висъяськемез понна» (ӟуч: «За трудовое отличие») медаль
- «За ратную доблесть» медаль
- «За вклад в наследие народов России» медаль
- «Удмурт Элькунысь Кун Кенешлы 20 ар» медаль
- «Шахтёрлэн данэз» 2-тӥ но 3-тӥ степенё значокъёс[5][6][8]
«Известия Удмуртской Республики» элькун газетэн ялэм «2006-тӥ арысь адямиос но учыръёс» вожвылъяськонын «Арлэн адямиез» нимамын вал «Ижсталь» заводлэн кивалтӥсь директорез Валерий Моисеев[8].
2020-тӥ арын Удмуртилэн кунлык басьтэмез дырысен 100 ар тырмонлы «Деловая репутация» улосвыл журнал «Удмуртиысь 100 адӟем карымон адямиос» рейтинг кылдытӥз, Валерий Моисеев «Производствоын ужасьёс» номинациын пусъемын вал[9].
Валэктонъёс
- ↑ 1 2 Моисеев Валерий Васильевич Официальный сайт города Ижевска.
- ↑ 1 2 3 4 Моисеев Валерий Васильевич, Единая Россия. Эскеремын: 9 пӧсьтолэзе 2024 арын.
- ↑ Ижсталь Каталог «100 крупнейших производственных предприятий».
- ↑ 1 2 Валерий Моисеев покинул пост управляющего директора завода «Ижсталь», ИА «Сусанин» (1 тулыспалэ 2011). Эскеремын: 9 пӧсьтолэзе 2024 арын.
- ↑ 1 2 Моисеев Валерий Васильевич Официальный сайт города Ижевска.
- ↑ 1 2 Моисеев Валерий Васильевич, Единая Россия. Эскеремын: 9 пӧсьтолэзе 2024 арын.
- ↑ Игорь Бобров. Скончался Почетный гражданин Ижевска Валерий Моисеев, Ижлайф (09.12.2024). Эскеремын: 13 толсуре 2024 арын.
- ↑ 1 2 Валерий Моисеев. «Ижсталь» - дело всей его жизни, Рейтинговое агентство Русмет (6 оштолэзе 2007). Эскеремын: 9 пӧсьтолэзе 2024 арын.
- ↑ 100 выдающихся личностей Удмуртии | Деловая Репутация, Деловая Репутация (4 шуркынмонэ 2020). Эскеремын: 9 пӧсьтолэзе 2024 арын.