Модзелевский, Денис Владимирович

Википедиысь материал
Эскерем гожтос
Рувикиын таӵе фамилиен мукет муртъёс сярысь гожтосъёс вань. Учке: Модзелевский.
Денис Модзелевский
Денис Модзелевский.jpg
Быдэс нимыз Денис Владимирович Модзелевский
Вордӥськем дырыз 14-тӥ тулыспалэ 1971(1971-02-14) (55 арес)
Вордӥськем интыез Ижевск, СССР
Кунмуртлыкез СССРFlag of the Soviet Union.svg СССР → РоссияFlag of Russia.svg Россия
Ужудысэз журналист,кылбурчи, мер но политика удысын ужась
Гожъяськон кылыз ӟуч
Премиосыз Россиысь но Удмуртиысь журналист огазеяськонъёслэн премиоссылэн лауреатсы

Дени́с Влади́мирович Модзелéвский (вордӥськемын 1971-тӥ арын, 14-тӥ тулыспалэ Ижкарын) — журналист, кылбурчи, мер но политика удысын ужась[1]. Удмурт Элькунысь Журналистъёслэн огазеяськонзылэн Ижкар ёзэтэзлэн секретарез (2022-тӥ арысен). Россиысь Кун федерал собранилэн Кун Думаысь депутатъёслэн, В. Е. Шудеговлэн (2011-тӥ — 2016-тӥ аръёсы) но А. М. Хамитовлэн (2023-тӥ арысен), Удмурт Элькунысь Кун Кенеш депутатъёслэн Ф. А. Юнусовлэн (2019-тӥ — 2020-тӥ аръёсы) но О. Ю. Бобровлэн (2021-тӥ — 2022-тӥ аръёсы) юрттӥсьсы. Россиысь но Удмуртиысь журналистъёслэн огазеяськонъёссылэн премиоссылэн лауреатэз[2].

Биографиез

Денис Владимирович вордӥськиз наука удысын ужасьлэн но дышетӥсьлэн семьяяз. 1997-тӥ арын йылпумъяз Кун службая Урал Академиез (менеджер), 1999-тӥ арын — Россиысь ФСТР-ысь телевидение но радиовещание удысын ужасьёслэсь тодон-валанзэс будэтонъя институтэз (1999, журналист — редактор но передачаосты нуись).

Ужудысэз

1990-тӥ арысен «Комсомолец Удмуртии», «Трибуна», «Известия Удмуртской Республики», «Удмуртская правда» но мукет элькун газетъёсын корреспондент луыса ужаз. 1996-тӥ арысен Россиысь Журналистъёслэн огазеяськонзылэн ёзчиез луэ.

1997-тӥ арысен 2000-тӥ арозь «Перспектива» творческой огазеяськонэн кивалтӥз. Та огазеяськон элькун телеканалъёсын вить циклъем аспӧртэмлыко передачаос, кык документальной но представительной фильмъёс но одӥг радиопрограмма поттӥз.

1998-1999-тӥ аръёсы — Ижкар администрацилэн Улон интыосъя кивалтонниезлэн пресс-секретарез вал. 2008-тӥ—2009-тӥ аръёсы Удмуртиысь лэсьтӥськисьёслэн огазеяськонзылэн пресс-службаеныз кивалтӥз.

2000-тӥ арысен 2017-тӥ арозь «Премиум» но «Университет» издательствоосын «Ижевск Вечерний», «Земля Удмуртии», «Родина-Удмуртия», «Справедливая Россия в Удмуртии» газетъёслэн но «Деловой квадрат» журналлэн кылкутӥсь но валтӥсь редакторез луыса ужаз.

2011-тӥ — 2016-тӥ аръёсы Росси Федерациысь Федерал Собранилэн V но VI созывысь депутатлэн Виктор Шудеговлэн юрттӥсез но Удмурт Элькунысь Общественной приёмнойлэн кивалтӥсез вал. 2019-тӥ арын — Кун Кенешысь VI созывысь депутатъёслэн Фарид Юнусовлэн но Олег Бобровлэн юрттӥсьсы. 2023-тӥ арысен — Росси Федерациысь Федерал Собранилэн Кун Кенешысьтыз VIII созывысь депутатлэн Амир Хамитовлэн юрттӥсез луэ. ЦИК-лэн ёзчиез но куара сётон правоя визь-кенеш сётӥсь (2020—2022).

Денис Модзелевский пӧртэм депутатъёсын ӵош куд-ог катъёсты кылдытон актъёсты кылдытонэ пыриськиз. Удмуртиысь каръёсын но ёросъёсын аслыко ужпумъёсъя калыкен 100-лэсь трос пумиськонъёс ортчытӥз.

Мыло-кыдо пыриськиз Росси Федерацилэн Президентэзлэн (1996), Ижкарлэн тӧроезлэн (мэр) (1998), Росси Федерацилэн Кун Кенешысьтыз депутатъёслэн (2007, 2011, 2016, 2021), Кун Кенешлэн (2007, 2012), Ижысь Кар кенешлэн (2010, 2020) быръён кампаниосазы.

Кун Кенешысь политической партиослэн улосвыл ёзэтъёссылэн кивалтӥсь ёзэсъёссылэн но быръёнъёсъя штабъёссылэн ёзчиез вал: «Россиысь коммунистъёслэн демократической партизы» — НПСР (1991—1993), «Россиысь аграрной партия» (2003), «Родина» (2006), «Справедливая Россия» (2007—2016, 2020—2021).

2018-тӥ арысен — «Удмуртиысь журналистъёслэн огазеяськонзы» улосвыл мерлыко огазеяськонлэн тӧроезлэн юрттӥсез, та дырысен ик мерлыко вотэсъёсын УЖУ сообществоослэн администраторзы луэ. 2022-тӥ арын Удмуртиысь Журналистъёслэн огазеяськонзылэн Ижкар ёзэтэзлы секретаре быръемын. Таиз ёзэт элькунын тужгес бадӟымез луэ.

Денис Владимирович Удмуртиысь Журналистъёслэн огазеяськонзылэн творческой вожвылъяськонъёсызлэн кичӧлтӥсез: «Мы и жильё» (1998-тӥ ар, Ижысь администрациен ӵош), «Права человека» (2019-тӥ ар, Удмурт Элькунысь адямилэн правоосызъя уполномоченнойен ӵош), «Культура и Искусство Удмуртии» (2020-тӥ ар, Россия Федерациысь Федерал Собранилэн Кун Думаезлэн воштӥсез Алексей Загребинэн ӵош), «Пресса просвещает, пресса мотивирует» (2021-тӥ ар, Удмурт Элькунысь Центральной избирательной комиссиеныз)[3], «Выборы — открыто и гласно» (2022-тӥ ар, Удмурт Элькунысь Центральной избирательной комиссиен ӵош).

Творчествоез

Денис Владимирович Модзелевский

Денис Модзелевский Удмуртиысь журналистъёс пӧлысь нырысетӥез, кудӥз инкуазь ужпумъёсты ӧнер ласянь сэрттӥз-пертчиз. Трос гожъяськиз СССР-лэн но Россилэн туала историзы, политика, наука, культура но спорт сярысь. Жилищно-коммунальной возёсъя но партийно-политической ужъёсъя кӧня ке монографиос люказ. Ваньмон дыръёсаз кылбур гожъя.

Ваньмаз сямен кылбуръёсаз улонлэн шекъёсыз серемпыр возьматэмын[4]. Печатласькизы «Удмуртская правда», «Ижевск Вечерний», «Земля Удмуртии» газетъёсын, «Луч» но «Италмас» (Ижевск) журналъёсын, «Аквилон» (Москва) литературной альманахын но Интернет порталъёсын.

Семьяез

Песятаез — Александр Александрович Модзелевский (1906—1996), Ижысь машина лэсьтон заводлэн конструкторез, тодосчи, изобретатель но дышетӥсь, УАССР-ысь наука но техника удысысь дано ужась, СССР-ысь Вылӥ школалэн отличникез.

Ӵужатаез — Владимир Иванович Топоров (1919—2010), кадровой ожгарчи, Ижкар Кенешлэн исполкомезлэн 1969-тӥ — 1980-тӥ аръёсы улон интыез чотанъя но люкылонъя ёзэтэзлэн кивалтӥсез, Ижкар Кенешлэн кӧня ке созывъёсаз депутатэ бырйылэмын, Быдӟым Атыкай ожын сӧсырмем мурт.

Анаез — Наталья Владимировна Модзелевская (1945—2018), Ижысь школаосын англи кылъя дышетӥсь но социальной педагог луыса ужаз.

Атаез — Владимир Александрович Модзелевский (1946—2008), наука но техника удысын ужась, изобретатель, берпум аръёссэ «Молот» Вятско-Полянской машиностроительной завод" ОАО-лэн контрольно-ревизионной директорез луыса ужаз.

Сузэрез — Екатерина Владимировна Дерягина (Модзелевская, вордӥськемын 1979-тӥ арын), ужбергатӥсь, чеберлыко студилэн кивалтӥсез.

Кузпалыз (1992—2016) — Ирина Викторовна Модзелевская (Лацевич, вордскемын 1973-тӥ арын), журналист, ужбергатӥсь.

Пиез — Виктор Денисович Модзелевский (вордӥськемын 1995-тӥ арын), инженер, техника удысысь переводчик.

Премиосыз

  • Россиысь Журналистъёслэн огазеяськонзылэн Данъян грамотаез (2021).
  • Россиысь(2003) но Удмуртиысь (1996, 1999) Журналистъёслэн огазеяськонзылэн премиоссылэн лауреатэз.
  • Куинь пол пусъемын Удмурт Элькунысь ЦИК-лэн тӧроезлэн Тау каронэныз.
  • Удмурт Элькунысь адямилэсь правооссэ утёнъя уполномоченнойлэн, Ижкар администрацилэн, Удмурт Элькунысь адямилэсь правооссэ утёнъя центрлэн Тау каронъёсыныз но мукет мерлыко медальёсын пусъемын.
  • Россиысь Журналистъёслэн огазеяськонзылэн «За заслуги» Данъян пусэз (2024, Удмуртиысь нырысетӥез таӵе данъетэн пусъем мурт).

Тунсыкъёсыз

• Росси армилэн кырӟанъя но эктонъя А. В. Александров нимо Академической ансамбльлэн калыккуспо фан-сообществоезлэн азьветлӥсьёсыз пӧлысь одӥгез но сетевой администраторез[5].

• Туала ӟуч история, крезьгур, кылбурет удыс, футбол. Та удысъёсъя пластинкаосын бадӟым коллекциез вань, аудиовизуальной материалъёсыз но тематической гожъямъёсыз люкамын.

Литература

  • «Мы и наше жилье», справочно — информационные вестники, II выпуска (Ижевск, Горжилуправление, 1997, 1998).
  • «Жилищная политика местных властей», монография РАН (1998, Санкт-Петербург).
  • «Справедливая Россия в Удмуртской Республике», книга-летопись (2014, Ижевск).
  • «Альтернативы демократии не вижу, но пути к ней могут быть разными», интервью с вице-президентом РФ А. В. Руцким («Известия Удмуртской Республики», 1992).
  • «Авторитет науки — престиж республики», интервью с академиком, лауреатом Госпремии СССР А. М. Липановым («Удмуртская правда», 1994).
  • «Человек разумный: откуда и куда», интервью с заслуженным деятелем науки РФ, профессором В. В. Туганаевым ("Удмуртская правда, 1996).
  • «Стрелок, догнавший счастье», очерк об олимпийском чемпионе и чемпионе мира по биатлону В. А. Медведцеве («КлубМегаСпорт», 2002).
  • «Пройдёт, если пройдёт», стихи (литературный журнал «Луч», 2010).
  • «Пятьдесят лет и два часа», интервью с народным артистом РСФСР, многолетним руководителем ансамбля «Италмас» А. В. Мамонтовым (журнал «Италмас», 2011).
  • «На эстрадной радиоволне», интервью с популярным музыкальным обозревателем В. М. Лучниковым (литературный журнал «Луч», 2018).
  • «Учёный, политик, человек», очерк памяти заслуженного деятеля науки РФ, профессора, экс-сенатора и депутата Госдумы от УР В. Е. Шудегова («Удмуртская правда», 2022).

Валэктонъёс

Чӧлсконъёс

«https://udm.ruwiki.ru/w/index.php?title=Модзелевский,_Денис_Владимирович&oldid=473669»-ысь басьтэмын