Матросов, Александр Матвеевич

Википедиысь материал
Рувикиын таӵе фамилиен мукет муртъёс сярысь гожтосъёс вань. Учке: Матросов.
Александр Матвеевич Матросов
Alexander Matveyevich Matrosov.jpg
Нимтулыз ӟуч Александр Матвеевич Матросов
Вордӥськем дырыз 5-тӥ тулыспалэ 1924({{padleft:1924|4|0}}-{{padleft:2|2|0}}-{{padleft:5|2|0}})[1]
Вордӥськем интыез
Кулэм дырыз 27-тӥ тулыспалэ 1943({{padleft:1943|4|0}}-{{padleft:2|2|0}}-{{padleft:27|2|0}}) (19 лет)
Кулэм интыез
Кунмуртлыкез СССРFlag of the Soviet Union 1923.svg СССР
Кыӵе войскоез Горд Арми[d]
Служить карон аръёсыз 1942—1943
Званиез Горд Армиысь ожгарчи
Ожмаськонъёс/ожъёс Быдӟым Атыкай ож
Данъетъёсыз
Совето Союзлэн Героез
Ленин нимо орден
Логотип Викисклада Медиафайлъёс РувикиМедиа пушкын

Алекса́ндр Матве́евич Матро́сов (5-тӥ тулыспалэ 1924[1], Днепропетровск — 27-тӥ тулыспалэ 1943, Чернушки[d], Тверь улос) — Совето Союзлэн Героез (1943-тӥ арын 19-тӥ инвожое), Горд Армиысь ожгарчи, Калинин фронтысь генерал М. Н. Герасимовлэн оперативной группаезлэн 6-тӥ Сталинской Сибирской добровольческой стрелковой корпуслэн И. В. Сталин нимо 91-тӥ отдельной Сибирской добровольческой бригадалэн 2-тӥ отдельной стрелковой батальонэзлэн стрелок-автоматчикез, ВЛКСМ-лэн ёзчиез. Немец ДЗОТ-лэсь амбразуразэ ас мугорыныз пытсаса, 19 арескын бырыны шедиз. Озьы асьме взводысь ожгарчиослы тушмонлэсь огневой позицизэ быдтыны луонлык кылдытӥз. Солэн подвигез сярысь трос гожъяллязы газет-журналъёсын, литератураын но киноын. Ӟуч кылын люконтэм кылтэчетлы пӧрмиз («Александр матросовлэн подвигез», «Матросовлэн подвигез»).

Улон сюресэз

[Тупатыны | вики-текстэз тупатыны]

Вордӥськиз 1924-тӥ арын 5-тӥ тулыспалэ Украин ССР-ын Екатеринославской губерниын Екатеринославын[2].

1942-тӥ арын 30-тӥ куарусёнысен Краснохолмской пехотной училищее дышетскыны пыриз, 5-тӥ роталэн курсантэз луиз. Со арын ик шуркынмон толэзе комсомол огазеяськонэ пыриз. Толсур толэзе училищеысь курсантъёсын ӵош Астраханьысь (яке Астрахань улосысь Харабали каре) сборной пунктэ учениосы келязы.

1943-тӥ арын 18-тӥ толшоре Чкалов улосысь (али дыре Оренбург) Платовка станциысен, мукет курсантъёсын ӵош, доброволец чотын Калинин фронтэ[ru] кошкиз. 12-тӥ тулыспалэ часте вуиз. И. В. Сталин нимо 91-тӥ отдельной Сибирской добровольческой бригадалэн (берлогес Калинин фронтысь 56-тӥ гвардейской стрелковой дивизилэн 254-тӥ гвардейской стрелковой полкез) 2-тӥ отдельной стрелковой батальоназ (мукет тодэтъёсъя 3-тӥ батальонлэн 1-тӥ ротаяз) служить кариз. Групкомсорге быръемын но взводлы агитаторе юнматэмын вал. 1943-тӥ арын 15-тӥ тулыспалэ, 18:00 часын, 91-тӥ бригада Земцы станциысен Локня кар пала вырӟиз.

Фронтын[Тупатыны | вики-текстэз тупатыны]

1943-тӥ арын 25-тӥ тулыспалэ 91-тӥ бригада кык батальонэн Чёрное но Брутово гуртъёсты мозмытон ожъёс нуиз. 26-тӥ тулыспалэ 91-тӥ бригада 2-тӥ батальонлэн ог люкетэныз, Чернушка Северная гуртэз шундыӝужанпал ласянь ортчыса, Плетень (Северные) гурт котыре потӥз. Солы, Чернушки но Чёрная гуртъёсты возись тушмонэз урдэс ласянь быдтыса, гуртъёсты мозмытыны кулэ вал. Фронт ласянь Чернушки пала 4-тӥ батальон потӥз. Тушмон сое 3 люкетлы пазьгыны быгатӥз. Лек ожъёсты чидаса, батальон выльысь огазеяськиз, нош командирзы Капитан Афанасьев секыт сӧсырмыны шедиз.

Подвигез

[Тупатыны | вики-текстэз тупатыны]

1943-тӥ арын 27-тӥ тулыспалэ 2-тӥ батальонлы Чернушки[ru] (Калинин улос Локнян ёрос) гурт котырысь тушмонлэсь юнматэм интызэ атаковать карыны косэмын вал. Совето солдатъёс тэль дуре потэмзы бере, соку ик тушмон улэ шедизы. Гуртэ пырон азьын дзотъёсы куинь тушмон пулемёт интыямын вал. Огневой точкаосты быдтон вылысь, со пала быдэн кык адямиен штурмовой отрядъёсты ыстӥзы. Штурмовой группаос урдэсказ интыяськем кык дзотэз быдтыны быгатӥзы. Шораз нинтыяськем дзотысь пулемёт, Плетень гуртэ пырыны луонлык сётытэк, дугдылытэк ыбылӥз.

Соку Пётр Александрович Огурцов (ворд. 1920-тӥ арын, Балаково карын, Саратов улос) но Александр Матросов шор дзот пала нюжтӥськизы. Матэгес вуэмзы бере, Огурцов секыт сӧсырмыны шедиз, Матросов операциез огназ быдэстыны малпаз. Амбразура доры урдэс ласянь матэктыса, со вылэ кык граната сэрпалтӥз. Пулемёт ӧжытаклы чалмылӥз. Ожгарчиос атакае ӝутскем бере, выльысь ыбылыны кутскиз. Соку Матросов шуак султыса, амбразура пала тэтчиз но сое ас мугорыныз пытсаз. Улонзэ жалятэк, подразделениезлы боевой задачазэ быдэстыны юрттӥз.

Тушмон ыбылӥськон лябомем бере, батальон азьлань вырӟиз. 4-тӥ батальонлэн фронтальной атакаеныз но урдэс ласянь 2-тӥ батальонлэн юрттэменыз Плетень гурт басьтэмын вал. Чернушка пала сюрес усьтӥськиз, 13:00 соиз но гурт мозмытэмын вал. Старшой лейтенант Пётр Ильич Волков, 91-тӥ отдельной стрелковой бригадалэн агитаторез А. Матросовлэн подвигез сярысь политикая ёзэтэ ивортӥз[3].

Чернушки гурт дорысь немец дзот, солэсь амбразуразэ ас мугорыныз пытсаз Александр Матросов

Матросовлэн подвигез сярысь нырысьсэ печате поттӥз совето журналист Михаил Бубеннов[ru][4]. Совето литератураын Матросовлэн подвигез кышкасьтэм сэзь луонлэн, воинской доблестьлэн но шаерез яратонлэн тодметэз луиз.

Александр Матросов нырысь Чернушки гуртэ ватэмын вал, 1948-тӥ арын шӧйыз Великие Луки каре выжтэмын[lower-alpha 1].

Александр Матросовлэн Чернушки гуртысь нырысь ватэм шайгуэз

СССР-ысь Вылӥ Кенешлэн Президиумезлэн 1943-тӥ арын 19-тӥ инвожое гожтэм «Горд Армиысь кивалтӥсь но рядовой составлы Совето Союзлэн Героез ним сётон сярысь» Косэтэзъя «фронтын немец захватчикъёсын сэзь геройлыко ожмаськемез но командованилэсь боевой заданиоссэ ӟеч быдэсъямез понна», кулэмез бере, Александр Матвеевич Матросов Совето Союзлэн Героез дано нимын пусъемын[5].

Великие Луки карын Александр Матросовлэн шайгу вылаз пуктэм синпелет, усьтэмын 1954-тӥ арын 25-тӥ пӧсьтолэзе

СССР-ысь Обороная калык комиссариатлэн 1943-тӥ арын 8-тӥ куарусёнэ гожтэм 162-тӥ номеро косэтаз «Матросов эшлэн быдӟым подвигез Горд Армиысь вань ожгарчиослы адӟем карымон луыны кулэ» шуыса гожтэмын. Со косэтъя ик А. М. Матросовлэн нимыз 254-тӥ гвардейской стрелковой полклы сётэмын, ачиз пырак азелы со полкысь 1-тӥ роталэн лыдметаз пыртэмын[6].

Александр Матросов нырысетӥез совето воин, кудӥз пырак азелы данлыко лыдметъёсы пыртэмын[ru].

Мукет валэктонъёс

[Тупатыны | вики-текстэз тупатыны]

Разведроталэн азьвыл командирезлэн Л. И. Лазаревлэн[ru] верамезъя, Матросов, гранатазэ куштыны ӝутӥськем бере, пулемётной очереден быдтэмын вал. Со дыре мышказ кылем ожгарчиослы со ас мугорыныз амбразураез пытсам кадь адӟиськиз.

Тылож пыр потэм гожъяськисьлэн, Виктор Астафьевлэн[ru] малпамезъя (со учырез ас синмынызы адӟем муртъёслэн гожтэтъёссы вылэ пыкиськыса), Матросов, пулемётлэсь кузь стволзэ куасалтон вылысь, вылланьысен амбразура вылэ кечырскиз, немецъёс стволэз кыскизы но Матросов бырыны шедиз. Тушмон дзотэз быдтыны задание Матросовен ӵош Пётр Огурцов но 4-тӥ батальонлэн военфельдшерез Галина Суднова ыстэмын вал, соин Матросовлэсь поддвигзэ соос ас синмынызы адӟизы.

Башкир историклэн Айрат Багаутдиновлэн совето ожгар частьёслэсь но вермахтлэсь ужкагазъёссэс эскеронъёсызъя, Александр Матросов нырысьсэ оже пыриськемаз ик, со ик берпуметӥез луиз, подвигзэ 1943-тӥ арын 25-тӥ тулыспалэ быдэстӥз (27-тӥ тулыспалэ ӧвӧл). 93-тӥ пехотной немец дивизилэн боевой действиосты пусъёнъя журналаз Чернушки (южная) гуртлэн лымшор но шундыӝужан висказ интыяськем немец оборонаез совето войскоос ӵукна пазьгизы шуыса гожтэмын. Совето но немец ужкагазъёс вылэ пыкиськыса, Александр Матросовлэсь меӵак бырон интызэ тодыны луиз —шундыӝужан палась тэль дурын Чернушка (южная) гуртлэсь 1 иськемын но 200 метрын. Журналын пусъемъя, ӵапак со интыын немецлэн опроной пунктэз вылэм[7].

Айрат Багаутдинов, ужкагазъёс вылэ пыкиськыса, Чернушка (южная) но Чернушка (северная) гуртъёс 1943-тӥ арын 10-тӥ тулыспалысен 27-тӥ тулыспалозь немец киулын вылэм шуыса ивортӥсь тодэтъёсты шедьтӥз[7].

Со выллем подвиг лэсьтэм муртъёс

[Тупатыны | вики-текстэз тупатыны]

Быдӟым Атыкай ож вакытэ та выллем подвигъёс ог 400 мурт лэсьтӥз; 2000-тӥ арын Н. Н. Смирнов, эскеронъёссэ ортчытыкуз, 402 муртэз шедьтӥз[8].

Данъетъёсыз

[Тупатыны | вики-текстэз тупатыны]
  • Совето Союзлэн Героез (кулэмез бере) — сётэмын 1943-тӥ арын 19-тӥ инвожое.[9].
    • Ленин орден
    • «Зарни Кизили» медаль

Буре ваён

[Тупатыны | вики-текстэз тупатыны]
Александр Матросовлэн туспуктэменыз почта конверт (1983)
Почта марка (СССР, 1944-тӥ ар)
Почта марка (СССР, 1963-тӥ ар)
Санкт-Петербургын А. Матросов нимо урамын буре ваён пул
Александр Матросовез нырысь ватэм интылэн схемаез

Тылож вакытэ «Окна ТАСС» «Комсомолецлэн Александр Матросовлэн подвигез[ru]» нимын агитаци плакат поттӥз.

  • Великие Луки карын Матросовлэн шайгуэз вылын синпелет пуктэмын. Сое кылдытон бордын ужазы скульптор Е. В. Вучетич но валтӥсь архитектор В. А. Артамонов. Сӥё-дано усьтон ужрад 1954-тӥ арын 25-тӥ пӧсьтолэзе ортчиз. Шайгуэз вӧзысь площадьлы Геройлэн нимыз сётэмын[10].
  • Петропавловск-Камчатский карысь 53129 МПК-332 военной частьлэн лыдметаз пырак азелы пыртэмын.
  • 1943-тӥ арын 8-тӥ куарусёнэ Матросовлэн нимыз 56-тӥ гвардейской стрелковой дивизилэн 254-тӥ гвардейской стрелковой полкезлы сётэмын, ачиз пырак азелы со частьлэн 1-тӥ ротаезлэн лыдметаз пыртэмын.
  • Александр Матросовлэн бырем интыяз мемориал комплекс ӝутэмын.
  • Россиысь но СНГ кунъёсысь тросаз каръёсын ульчаослы но паркъёслы Александр Матросовлэн нимыз сётэмын. 2015-тӥ арын Ульяновскысь Пионер-геройёслы сӥзем аллеяын Александр Матросовлы сӥзем барельеф пуктэмын[11].
  • Александр Матросовлэн нимыз «Пассажирречтранс» компанилэн Енисей шур кузя Красноярскысен Дудинкаозь калыкез нуись-ваись теплоходэзлы сётэмын.
  • Александр Матросовлэн нимыз Ульяновск улосысь Ивановка черкогуртысь нылпи юртлы сётэмын (1960-тӥ арысен). Отын со 1937-тӥ-39-тӥ аръёсы улӥз.
  • А. Матросовез буре вайыса, 1978-тӥ арысен Ульяновск улосын капчи атлетикая ӵошатсконъёс ортчыло.
  • Охотничья- Станциысь тазалыкез юнматонъя нылпи лагерь Совето Союзлэн Героезлэн А. Матросовлэн нимыныз нимамын.
  • РСФСР-ысь Министръёслэн кенешсылэн 1973-тӥ арын 27-тӥ тулыспалэ гожтэм Пуктэтэзъя Александр Матросовлэн нимыз Ульяновск улосысь «Баратаевский» совхозлы сётэмын —Совето Союзлэн Героез Александр Матросов нимо совхоз[12].
  • Великие Луки кары Александр Матросов нимо комсомол данлыклы сӥзем музей усьтэмын.
  • 1960-тӥ арын Ивановка черкогуртын Совето Союзлэн Героезлы А. Матросовлы сӥзем мемориал музей усьтэмын. Со музей Мускоысь Поклонной гораысь ужан но ожгар данлыкен музейёслэн лыдметазы пыртэмын.
  • 1958-тӥ арын 8-тӥ тулыспалэ Ивановка черкогуртын Матросовлэн улэм юртаз буре ваён пул юнматэмын.
  • 1944-тӥ но 1963-тӥ аръёсы СССР-ысь Почта Геройлы сӥзем маркаос поттӥз (учке фотоосты).
  • 1973-тӥ арын СССР-ысь Связья министерство маркировать карем чеберлыко конверт поттӥз. Отын «Совето Союзлэн Героезлэн Александр Матросовлэн подвигез» скульптура возьматэмын[13].
  • 1983-тӥ арын,Александр Матросовлэн быремез дырысен 40 ар тырмонлы сӥзьыса, маркировать карем чеберлыко конверт поттэмын.

Синпелетъёс[Тупатыны | вики-текстэз тупатыны]

Пӧртэм каръёсын но улон интыосын Александр Матросовлы синпелетъёс пуктэмын:

  • Анжеро-Судженск;
  • Барнаул;
  • Великие Луки;
  • Днепропетровск (2023-тӥ арын 3-тӥ яке 4-тӥ толшоре куашкатэмын);
  • Дюртюли;
  • Ишеевка — каргуртысь одӥгаз паркын;
  • Ишимбай — А. Матросов нимо шутэтскон паркын (синпелетлэн куинетӥ версиез);[14]
  • Коряжма;[15]
  • Краснодар — солэсь нимзэ нуллӥсь 14-тӥ номеро школаын;
  • Красноярск;
  • Курган — Матросов нимо азьвыл кинотеатр азьын (али Toyota техцентр), (1987-тӥ ар, скульпторез Г. П. Левицкая);[16]
  • Октябрьский 
  • Салават — Матросовлэн бюстэз (1961-тӥ ар), скульпторез Л. Ю. Эйдлин;
  • Ленинград (али Санкт-Петербург) — Вормон Муско паркын но Александр Матросов нимо урамын;
  • Сибай;
  • Севастополь;
  • Стерлитамак;
  • Тольятти;
  • Ульяновск;
  • Ивановка (Ульяновск ёрос, Ульяновск улос);
  • Станция-Охотничья;
  • Баратаевка (Ульяновск улос);
  • Высококолковской гурт поселение — стела (2016);[17]
  • Уфа — Ленин нимо паркын синпелет (1951-тӥ ар, скульпторез Эйдлин Л. Ю.[18]); Уфаысь Юридик институт азьын; Вормон Паркын А. Матросовлы но М. Губайдуллинлы мемориал (1980-тӥ ар, скульпторъёсыз Л. Кербель, Н. Любимов, Г. Лебедев);
  • Харьков: Харьковын одӥгез урам Матросовлэн нимыныз нимамын;
  • Галле (Саксония-Анхальт) — ГДР[18]
  • Буре ваён знак: Михайло-Коцюбинское;[19]
  • Оренбург улосысь Платовка черкогурт — бюстэз А. Матросов нимо школаын (скульпторез — Н. Колесников).

Галерея

[Тупатыны | вики-текстэз тупатыны]
  • А. Матросовлэн бюстэз Армавирын, Краснодар шаер

    А. Матросовлэн бюстэз Армавирын, Краснодар шаер

  • А. Матросовлы синпелет. Галле, Германия

    А. Матросовлы синпелет. Галле, Германия

  • А. Матросовлы синпелет Днепропетровскын, Украина

    А. Матросовлы синпелет Днепропетровскын, Украина

  • А. Матросовлэн бюстэз Дятьковичиын, Брянск улос

    А. Матросовлэн бюстэз Дятьковичиын, Брянск улос

  • А. Матросовлэн бюстэз Ельняын, Смоленск улос

    А. Матросовлэн бюстэз Ельняын, Смоленск улос

  • Памятник Герою Советского Союза Александру Матросову в Краснодаре.jpg

    А. Матросовлы синпелет Краснодарын

  • А. Матросовлэн бюстэз (Ш. Мухамедьянова) Кунакбаевоын, Башкортостан

    А. Матросовлэн бюстэз (Ш. Мухамедьянова) Кунакбаевоын, Башкортостан

  • А. Матросовлэн бюстэз Резекне карын, Латвия

    А. Матросовлэн бюстэз Резекне карын, Латвия

  • А. Матросовлэн бюстэз Салаватын, Башкортостан

    А. Матросовлэн бюстэз Салаватын, Башкортостан

  • А. Матросовлы синпелет Санкт-Петербургын

    А. Матросовлы синпелет Санкт-Петербургын

  • Барельеф Александр Матросов (3).JPG

    Александр Матросовлы сӥзем барельеф (Пионер-геройёслы сӥзем аллея (Ульяновск)).

  • Памятник А. Матросову (Ульяновск).JPG

    А. Матросовлы синпелет Ульяновскын

  • А. Матросовлы синпелет Уфаын

    А. Матросовлы синпелет Уфаын

  • А. Матросовлэн бюстэз Харьковын, Украина

    А. Матросовлэн бюстэз Харьковын, Украина

Устолыкын

[Тупатыны | вики-текстэз тупатыны]

Фильмъёс[Тупатыны | вики-текстэз тупатыны]

Произведениос[Тупатыны | вики-текстэз тупатыны]

  • Анвер Бикчентаев. Право на бессмертие'. — М.: Советский писатель, 1950. — 288 с.
  • Багаутдинов Айрат Маратович, Багаутдинов Рушан Айратович. Подвиг Александра Матросова: анализ советских и немецких документов. Монография. Уфа. РИЦ БашГУ. 2021. — 223 с. ISBN 978-5-7477-5317-4
  • Бикчентаев А. Г. Орёл умирает на лету. — Уфа, 1966.
  • Журба П. «Александр Матросов»
  • Пантелеев «Гвардии рядовой»

Крезьгурын[Тупатыны | вики-текстэз тупатыны]

  • «Гражданская Оборона» группалэн «Свобода» номо кырӟаназ Александр Матросов сярысь кылъёсыз вань («И чему посмеивался Санька Матросов…»).

Валэктонъёс

[Тупатыны | вики-текстэз тупатыны]

Комментарийёс[Тупатыны | вики-текстэз тупатыны]

  1. ↑ со 2 октября 1957 года город Великие Луки входит в состав Псковской области
  1. ↑ 1 2 Aleksandr Matveyevich Matrosov // TracesOfWar
  2. ↑ Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
  3. ↑ Семен Экштут, доктор философских наук. Километры и секунды Александра Матросова. Полная реконструкция подвига, совершенного 75 лет назад. Публикуется впервые.
  4. ↑ Память народа
  5. ↑ Указ Президиума Верховного Совета СССР «О присвоении звания Героя Советского Союза начальствующему и рядовому составу Красной Армии» от 19 июня 1943 года // Ведомости Верховного Совета Союза Советских Социалистических Республик : газета. — 1943. — 23 инвожое (№ 23 (229)). — С. 3.
  6. ↑ О ПРИСВОЕНИИ 254-му ГВАРДЕЙСКОМУ СТРЕЛКОВОМУ ПОЛКУ ИМЕНИ АЛЕКСАНДРА МАТРОСОВА
  7. ↑ 1 2 Багаутдинов, А. М. Подвиг Александра Матросова: анализ советских и немецких документов // Проблемы востоковедения : журнал. — 2021. — № 3 (93). — doi:10.24412/2223-0564-2021-3-15-23.
  8. ↑ Возможно, выйдет новая книга о героях. Об актах самопожертвования советских воинов в годы Великой Отечественной войны. // Военно-исторический журнал. — 2001. — № 3. — С.9.
  9. ↑ Наградной лист в электронном банке документов «Подвиг народа» (архивные материалы ЦАМО. Ф. 33. Оп. 793756. Д. 30. Л. 228).
  10. ↑ Подвиг Александра Матросова.
  11. ↑ В Ульяновске открыли Аллею пионеров-героев(ӟуч) Эскеремын 2020-11-04 аре
  12. ↑ Ульяновская правда, 27.2.1973 г. Совхозу - имя героя(ӟуч)
  13. ↑ с.Ивановка СКУЛЬПТУРА МАТРОСОВА 1973 ХМК КТ9 конверт Ульяновск.область(ӟуч) Эскеремын 2020-10-08 аре
  14. ↑ Никулочкин, Д. В. Хранители истории Ишимбая : ч. VI-II // Подметки+ : газ. / ред. Г. Р. Ямалова. — Ишимбай : РИК «Аспект», 2018. — № 20 (16 Куартолэзь). — С. 2. — ISSN 2220-8348.
  15. ↑ Коряжма. Памятники Архивная копия от 26 куарусёнэ 2016 на Wayback Machine.
  16. ↑ Фотография памятника Александру Матросову в Кургане Архивная копия от 22 инвожое 2015 на Wayback Machine.
  17. ↑ В Ульяновской области открыли памятный знак Александру Матросову(ӟуч) Эскеремын 2020-10-11 аре
  18. ↑ 1 2 Изобразительное искусство Эскеремын 2013-01-12 аре
  19. ↑ Информация о памятнике Эскеремын 2013-04-24 аре

Литература

[Тупатыны | вики-текстэз тупатыны]

(ӟуч) // Ватандаш : журнал. — 2005. — № 2. — С. 107—112. — ISSN 1683-3554.

  • Бо­ри­сов Н. Бро­сок в бес­смер­тие // Жи­вая па­мять: Ве­ли­кая Оте­че­ст­вен­ная: прав­да о вой­не. М., 1995. Т. 1.
  • Вклад за­клю­чен­ных ГУЛага в по­бе­ду в Ве­ли­кой Оте­че­ст­вен­ной вой­не // Новая и новейшая история. 1996. № 5.
  • Коваленко А. П., Сгибнев А. А. Бессмертные подвиги. — М.: Воениздат, 1980. — 351 с.
  • Ко­ва­лен­ко А. П. Прав­да о Мат­ро­со­ве и мат­ро­сов­цах. М., 1994
  • 2194579 / Колганов А. М. // Маниковский — Меотида [Электронный ресурс]. — 2011. — С. 382. — (Большая российская энциклопедия : [в 35 т.] / гл. ред. Ю. С. Осипов ; 2004—2017, т. 19). — ISBN 978-5-85270-353-8.
  • Легостаев И. Т. Бросок в бессмертие: к 40-летию подвига А. Матросова / предисл. И. С. Медникова. — 2-е изд., перераб. — М.: Молодая гвардия, 1983. — 111 с. — (Герои комсомола).
  • Имя с первой полосы. — М., 1985. — С. 540—548.
  • Молодые герои Великой Отечественной войны. — М., 1970. — С. 141—153.
  • Славные сыны Башкирии. — Уфа, 1965. — Т. 1. — С. 19—28.
  • Шкадаревич И. И. Подвиг Матросова. — М.: Воениздат, 1961. — 104 с.
  • Шкадаревич И. И. Бессмертный подвиг Александра Матросова. — М.: Просвещение, 1973. — 192 с.
  • Матросов, Александр Матвеевич // Золотые Звёзды : Книга о дважды Героях и Героях Советского Союза, уроженцах Днепропетровщины / сост. Н. С. Головин, В. Н. Петрищева ; при участии Ф. А. Матюшко, А. И. Посаднев ; ред. М. А. Штейн. — Днепропетровск : Промiнь, 1967. — С. 245—247. — 432 с. — (Герои Советского Союза).
  • Матросов, Александр Матвеевич // И генерал, и рядовой… : Очерки о Героях Советского Союза, уроженцах Днепропетровской области / Н. И. Воробьёв, С. А. Герасименко, В. Л. Головко и др. ; сост. А. Ф. Снитко ; ред. Г. В. Николенко, К. К. Чернышев. — Днепропетровск : Промiнь, 1983. — С. 313—317. — 567 с. — (Герои Советского Союза). — ББК 63.3(2Ук)722.78.
«https://udm.ruwiki.ru/w/index.php?title=Матросов,_Александр_Матвеевич&oldid=299001»-ысь басьтэмын