Лыткин, Василий Ильич

Василий Ильич Лыткин
Василий Ильич Лыткин
	коми Илля Вась Лыткин
Вордӥськем нуналыз	15‑тӥ (27-тӥ) толсуре 1895
Вордӥськем интыез	Тентюково черкогурт (али Сыктывкар)
Кулон нуналыз	27-тӥ гудырикошконэ 1981 (85 лет)
Кулэм интыез	Муско, СССР;
Кунмуртлыкез	Россия империя ; СССР; РСФСР
Ужудысэз	кылбурчи, нылпиослы гожъяськись, берыктӥсь, лингвист
Данъетъёсыз

Васи́лий Ильи́ч Лы́ткин (псевдонимъёсыз Лыткин Илля Василей, Илля Вась; 15‑тӥ (27-тӥ) толсуре 1895, Тентюково^[d], Вологда губерния^[d] — 27-тӥ гудырикошконэ 1981, Муско) — коми кылбурчи, кылчи, фин-угор тодосчи, кылысь кылэ берыктӥсь, филологи наукаосъя доктор. МГУ-ысь профессор, Тодосъёсъя Фин академиысь академик (1969). Коми АССР-ысь Куратов нимо премилэн лауреатэз, РСФСР-ысь наукаысь но техникаысь дано ужась. СССР-ысь Писательёслэн огазеяськонзылэн ёзчиез.

Улон сюресэз

Василий Лыткин вордӥськиз 1895-тӥ арын Коми шаерысь Усть-Сысольск ёросысь Тентюково черкогуртын (али — Сыктывкар) крестьян семьяын. 2 классъем церковно-приходской школа бере тодон-валан люказ Усть-Сысольскысь училищеын, нош бӧрысь — Дышетӥсьёсты дасянъя Тотемской семинариын. Дышетскон висказ кылбуръёс гожъяны ӧдъяз. Соос нырысьсэ печатласькизы 1918-тӥ арын^[1].

Дышетсконзэ йылпумъямез бере Василиез ысто служить карыны. Со пыриське Нырысетӥ дунневыл оже но Граждан войнае. 1917-тӥ арын Георгий киросэн пусъемын^[1].

Ожъёс вискын дышетӥз Усть-Сысола уездысь Деревянской школаын но Калыкез дышетонъя Зырян институтын, «Зырянская жизнь» газетлэн редколлегиезлэн ёзчиез но Коми издательствоын ӧнерчи вал^[1].

Ож сюрессэ йылпумъяса, Василий Лыткин басьтӥське дышетсконзэ азинтон борды. Со пыре Москваысь кун университетлэн филологияя факультетаз. 1925-тӥ арын сое йылпумъя но дышетсконзэ аспирантураын азьланьтэ. 1927-тӥ арын Будапештысь университетын философияя доктор степень басьтэ^[1].

1930-тӥ-1933-тӥ аръёсы Василий Лыткин тыршиз Москваысь кун университетын, мыло-кыдо пыриськиз 1932-тӥ арын усьтӥськем Коми пединститутлэн ужаз, студентъёсты пӧртэм удысъя дышетӥз^[1].

1933-тӥ арын Лыткин пытсэт сьӧры сюриз юри фабриковать карем СОФИН ужъя, 5 арлы келямын вал Дальней Востокысь лагере. Мозмемез бере берытске Муское, собере улэ Кашираын, ужа ӟуч кылъя но литературая дышетӥсьын^[1].

1939-тӥ арысен Чкаловысь но Рязаньысь пединститутъёсын тырше, нош 1959-тӥ арын выльысь Москвае лыктэ, отын 10 ар ӵоже СССР-ысь Наукаосъя академиысь Кылтодонъя институтысь фин-угор кылъёсъя секторен кивалтэ^[2].

1946-тӥ арын «Древнепермский язык: историческая грамматика» ужез понна пусъемын филология наукаосъя доктор степенен.

1956-тӥ арын реабилитировать каремын^[3].

1958-тӥ арысен В. И. Лыткин СССР-ысь Писательёслэн огазеяськонзылэн ёзчиез луэ.

Семьяез

Нырысетӥ кышноез — Анна Афанасьевна Торлопова. Тодматскизы Усть-Сысольскын, соку Анна нылпи садын воспитатель луыса ужа вал. Быземез бере Муское улыны выжиз, консерваторие дышетскыны пыриз. Ия нылыз вордскем бере дышетсконзэ куштоно луиз. Василий пытсэт сьӧры шедем бере Анна огназ нылзэс будэтӥз. 1937-тӥ арын Лыткин Муское берытскиз. Анна кузпалыз дорысь кошкиз, нылзэс Василийлы кельтыса^[1].

Кыкетӥ кузпалыз — Мария Соколова, Чкаловысь дышетӥсь. Вордӥськиз Евгений пизы. Но кузпалъёс ӝоген люкиськизы^[1].

Куинетӥ кузпалыз — Тамара Ивановна Тепляшина, удмурт тодосчи, финно-угровед, филология тодосъёсъя кандидат. Соос 2 ныл будэтӥзы, ӵошен 30 ар улӥзы^[1].

Тодос ужъёсыз

Наукая ужъёсыз сӥземын вашкала перм кылъёслы, коми кыллэсь кылдэмзэ но туала перм кылъёслэн вераськетъёссэс (диалектъёссэс) эскеронлы.

В. И. Лыткин — 11 монографиослэн но 300 наукая статьяослэн авторзы. Соос пӧлын:

Коми писатели. — М.:1926-тӥ ар.
Очерки фонетики коми языка. — М.:1929-тӥ ар.
Кывбуръяс. — Сыктывкар: 1929-тӥ ар.
Древнепермский язык: чтение текстов, грамматика, словарь. — М.: Изд-во АН СССР, 1952-тӥ ар. — 176 с. — 1700 экз.
Шонди петігӧн. — Сыктывкар: 1959-тӥ ар.
Коми-язьвинский диалект. — М.: Государственное издательство иностранных и национальных словарей, 1961-тӥ ар. — 924 с. — 11000 экз.
Исторический вокализм пермских языков. — М.: 1964-тӥ ар.

Творчествоез

В. И. Лыткин — революцилы сӥзем кылбуръёслэн авторзы. Кылсярысь, «Великое утро», «Первое мая», «Осенью», озьы ик гожъяз Граждан ожлы сӥзем веросъёс но пичиослы чаклам выжыкылъёс но мукет. 1927-тӥ арын йылпумъяз «Идут» поэма гожтонзэ. Со сӥземын Коми шаерысь граждан оже пыриськемъёслы — геройёслы. Коми кылэ берыктӥз А. Пушкинлэсь, Ф. Тютчевлэсь, Ш. Петёфилэсь, В. Маяковскийлэсь ужъёссэс.

Библиографиез

Лыткин В. И. Кывбуръяс. — Сыктывкар, 1929.
Лыткин В. И. Шонді петігöн. — Сыктывкар: Коми небӧг лэдзанін, 1959. — 144 с.

Данъетъёсыз

Пусъемын Коми АССР-лэн Куратов нимо кун премиеныз, РСФСР-ысь но Коми АССР-ысь наука но техника удысысь дано ужась нимын. 1969-тӥ арысен — Наукаосъя Фин академилэн академикез.

Валэктонъёс

↑ ¹ ² ³ ⁴ ⁵ ⁶ ⁷ ⁸ ⁹ Лыткин Василий Ильич (Илля Вась), NBRKomi.ru. Эскеремын: 2 коньывуонэ 2025 арын.
↑ Институт языкознания РАН. Сектор финно-угорских языков Эскеремын 2009-12-07 арын
↑ Коюшев И. Г. Все было заранее решено // Покаяние : Коми республиканский мартиролог жертв массовых политических репрессий. Т. 7 / Коми респ. обществ. фонд «Покаяние» ; сост. М. Б. Рогачев. – Сыктывкар, 2005. – С. 21–28 : ил.

Литература

Серебренников Б. А. В. И. Лыткин // Известия АН СССР. Сер. литературы и языка. 1966. Т. 25. Вып. 1;
Коми советские писатели. — Сыктывкар, 1968;
Лыткин Василий Ильич / Микушев А. К. // Большая советская энциклопедия : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978. — (Большая советская энциклопедия : [в 30 т.] / гл. ред. А. М. Прохоров).
Коми учёный и писатель В. И. Лыткин: К 75-летию со дня рождения. — Сыктывкар, 1970;
Жеребцов И. Л., Некрасова Г. А., Дёмин В. Н. Василий Ильич Лыткин: жизнь и творчество. — Сыктывкар, 1997. — 48 с. (Коми научный центр УрО РАН. Серия «Люди науки». Вып. 21);
В. И. Лыткин: биобиблиографический указатель. Сыктывкар, 1997;
В. И. Лыткин — учёный, поэт, педагог (к 110-летию со дня рождения). Сыктывкар, 2005.
Бурлыкина М. И. Финно-угровед Василий Лыткин (Илля Вась). Сыктывкар, 2013. 432 с.

[:0-1] ¹ ² ³ ⁴ ⁵ ⁶ ⁷ ⁸ ⁹ Лыткин Василий Ильич (Илля Вась), NBRKomi.ru. Эскеремын: 2 коньывуонэ 2025 арын.

[2] Институт языкознания РАН. Сектор финно-угорских языков Эскеремын 2009-12-07 арын

[3] Коюшев И. Г. Все было заранее решено // Покаяние : Коми республиканский мартиролог жертв массовых политических репрессий. Т. 7 / Коми респ. обществ. фонд «Покаяние» ; сост. М. Б. Рогачев. – Сыктывкар, 2005. – С. 21–28 : ил.

[1]

[2]

[3]