Квадробер

Википедиысь материал
Квадробер
Квадробер.jpg
Кылдэмез 2020
Вӧлмемез Быдэс дуннеын

Квадро́бер (лат. quattuor — «ньыль» но англ. aerobics — «аэробика») — квадробикаен тунсыкъяськись мурт, неофициальной спортлэн, 7-14 аресъем нылпи субкультуралэн огмуртэз. Квадроберъёс, пӧйшур маска дӥсяса, соослэсь выросъёссэс пышкыло[1].

Квадроберъёс калык пӧлын пӧсь споръяськонъёс ӝутӥзы. Ужпумез эскеронэ философъёс, ӧнер психологъёс но психиатръёс, политикъёс пыриськизы[2].

Россиын квадроберъёсын тунсыкъяськон ужъюртъёслы нимысьтыз соос понна вуз поттонэз радъяны мылкыд сётӥз. Вузаськонниосын квадроберъёслы зынвуос, искусственной гонлэсь лэсьтэм арбериос, сиён-юон но мукет вузъёс потӥзыПерейти к разделу «#Реакция рынка»[3].

Вылтуссы но асьсэды воземзы

Квадроберъёс асьсэлы тупась пӧйшурез быръё но маскаос, пыдъёс, пельёс но быжъёс юнматыса, солэсь туссэ кылдыто. Квадраберъёс ӵемысь асьсэос дӥськутсылэсь ёзъёссэ кылдыто, куд-огез быдэсак пӧйшур мактал дӥсясько[4], солэсь сямъёссэ адӟем каро, мукет квадроберъёсын кусып возё, «уллё» иерархиын интызэс чаклало. Квадробикаез яратӥсьёс асьсэ геройёссылы историос малпало, офлайн но онлайн группаос кылдыто, пӧртэм люкаськонъёс радъяло, мерлыко вотэсэ видеосюжетъёс кылдытъяло[5] [6].

Квадробика

Спорт но субкультура

Квадроберъёс аэробной упражнениос лэсьтыло: ог интыын бызьылонъёс, маке вамен тэтчанъёс но мукет. Со дыре ик квадроберъёслэн тусбуйзы субкультуралэсь пӧртэм тодметъёссэ возьматэ. Та сураськонъёслы луыса, квадроберъёс сярысь, со яке спортсменъёс, яке неофициальной движенилэн огмуртъёсыз шуыса шонерак вераны уг луы. Но вань примеръёс, куке субкультура быдэсак спортивной дисциплиналы пӧрме, кылсярысь, хоббихорсинг[7].

Квадробика
Квадробер коӵыш

Квадробер, териан, фурри

Квадроберъёслэн вылтуссы мукет субкультуралы — фуррилы тупа. Но вань пӧртэмлыкъёссы: квадроберъёс быдэсак возьматыны тыршо пӧйшуръёслэсь выросъёссэс, фурриос а нтропоморфной (адямилы укшась) пӧйшуръёсты возьмато. Квадроберъёс аэробикаен выро, фурриос асьсэ образзэс творчествоын гинэ куто[8]. Квадроберъёс пӧлын пумиськыло терианъёс яке териантропъёс, адямиос, кудъёсыз пышкылэм гинэ ӧвӧл, асьсэды быдэсак пӧйшурен лыдъяло[9].

Вӧлмон феномен

Квадроберъёслэн нырысетӥез сообществозы «ВКонтакте» мерлыко вотэсын 2022-тӥ арын шуркынмонэ кылдӥз. 2024-тӥ арын коньывуонэ со выллем 46 группа кылдытэмын вал, огъя лыдзы 17 сюрс 503 мурт. Runet-ын вӧлскемез ласянь учконо ке, квадробинг — со пичияк учыр гинэ[10]. Но Mia Boykoлэн Надымын ортчем концертаз 2024-тӥ арын 31-тӥ гудырикошконэ луэм учыр бере, сцена вылэ нылаш-квадробер тубем бере[11], СМИ-осын но мерлыко вотэсъёсын квадроберъёс сярысь вераськонъёс шуак йылӥзы (уй-нунал куспын 5,1 сюрсысен 30 сюрсозь). Та ченгешонъёсы пыриськизы Федераци Кенешысь сенаторъёс но Кун думаысь депутатъёс, медиа- но политтехнология удысысь ӧнерчиос[10].

«Сейчас тема активно обсуждается, в том числе лидерами мнений и политиками, и с появлением каждого нового ролика или после каждого нового заявления она заходит на новый виток обсуждения», — Игорь Лащевский, директор коммуникационного агентства АГТ[10].

Калыкын та пумысь малпанъёс

Квадробер ӟичы

Калыкын квадроберъёс пумысь пӧртэм малпанъёс вӧлмемын. Куд-огъёсыз, физической нагрузкаос ласянь нылпиослы пайдаё луэ, будэмезъя тунсыкъяськонэз ортчоз шуо[12]. Озьы ке но, вал учыръёс, куке квадроберъёс пиналъёс но мӧйыос вылэ урдскылӥзы, куртчылӥзы[13]. Куд-огез психологъёс нылпилэсь квадробикаен тунсыкъяськемзэ солэн психической висёнъёсыныз герӟало[14]. Быдэ вуымтэос пӧлын квадроберъёсты ӵемысь исало (буллинг)[15].

2024-тӥ арын 8-тӥ коньывуонэ Арменилэн но Россилэн кунсьӧр ужъёсъя министръёслэн официальной пумиськоназы Сергей Лавров Арарат Мирзоянлэсь, вань-а соослэн квадроберъёссы шуыса юаз[16]. Мирзоян со движени сярысь тодӥсько шуыса вераз. Нош Арменилэн Росси Федерациысь посолэз Гурген Арсенян пусйиз, Европа кунъёсын квадроберъёс асьсэды «гендеръёс» шуыса нимало[17].

Росси президентлэн пресс-секретарез Дмитрий Песков РИА Новостилы интервью сётыкуз, тодэ-а Владимир Путин квадроберъёс сярысь юанлы, таӵе валэктон сётӥз[18]:

«Туж оскисько, уг тоды, шуыса. Сое ӧвӧл паськыт вӧлмытоно». Азьвылгес Песков, «квадроберъёслэн двизженизы „кулэтэм маке“ гинэ» шуыса вераз вал[19].

Казаньын ортчем БРИКС саммитын Белоруссилэн президентэз Александр Лукашенко, вань-а соослэн куназы квадроберъёс юанлы, «таӵе шугъяськон ужпуммы ӧвӧл», шуыса вераз[2]:

«Бен, ветло. Ма со маскаос ук? Милям сыӵе шуг-секытмы ӧвӧл. Тӥ алигес со пумысен кат кутӥды… Кызьы ай со? Чайлдфри. Ми дорын со но вӧлмемын ӧвӧл на, со сярысь верай ке но вал, медаз но луы. Нош со квадроциклъёс ми дорын ӧвӧл, зэм верасько»[20].

2024-тӥ арын коньывуонэ Воронежын куд-ог мер сиён-юон сётонъя учреждениосы квадроберъёсты пырыны лэзисьтэм пусъёс пуктылыны кутскизы. Карысь одӥгезлэн фаст-фуд сетьлэн квадроберъёсты со интыосы люкаськылыны лэземез понна, сиськоннилэн кузёез алӥсь пусъёс пумысен тазьы валэктӥз: «Егитъёслэн таӵе тунсыкъяськонзылы мултэс эрик сётон изъян вайыны быгатоз»[21].

Квадроберъёслы пырыны уг яра

Ужпумез катэн чаклан

2024-тӥ арын коньывуон толэзе Кун думаысь депутат Сергей Колунов кывадробер-нылпиослэн анай-атайёссы понна кылкутытон дэмлаз. Кылсярысь, анай-атайёсты эрикрадъёслэсь палэнтон, административной яке уголовной кылкутон улэ кыскон. Депутат ӵектоссэ Россиысь президентлэн нылпи эрикрадъёсъя уполномоченнойлэн аппаратаз келяз[22].

2024-тӥ арын коньывуонэ Кун думаысь депутатъёс быдэ вуымтэослэн официальной представительёссы но 16 арес тырмем квадроберъёс пумысь Административной кодексэ воштэтъёс дасян борды басьтӥськизы. Адямиос но гурт пудо-пӧйшуръёс вылэ урдскемзы понна 5 сюрс манет штраф чакламын. Квадробер 16 ареслэсь пичи ке, анай-атаезлы, каронлыкъёссэ кулэезъя быдэсъямтэез понна, ватсаса эшшо 500 манет сётӥськоз[23].

Узбекистанысь МВД-лэн тодэтъёсызъя, нылпиослэн квадробикаен тунсыкъяськемзы понна анай-атайёсты каронлыкъёссэс быдэстымтэзы понна кылкутыто. Со понна 1,875 млн сум тыр — 14 сюрс манет пала штраф чакламын[24].

Вузпӧрлэн реакциез

Шорлыдын 2024-тӥ ар ӵоже Россиын квадробер продукцилы кулэяськон 12 поллы будӥз, Санкт-Петербургын — 37 поллы, Москваын — ог 45 поллы. Вузпӧрын паськыт ӵекто пӧртэм маскаос, пыдъёс, пельёс но быжъёс, будкаос но кыллён интыос, дышетон курсъёс но стилистъёслэн услугаоссы[25][26]. 2024-тӥ арын коньывуонэ вузпӧре квадробинген вырисьёслы нимысьтыз сиён-юон поттэмын. Со сиён-юонъёс дасямын: сакыр, какао вӧез воштӥсь — пальма вӧй, пыргытэм какао, куасьтэм йӧлву, кизермытэм йӧл порошок, кокос вӧй, какао-порошок, сураса дасям кеньыръёс (рис, чабей пызь, сакыр, какао-порошок, сылал)[27].

Фонтанка.ру газетын квадроберъёсын кутӥськись арбериос сярысь гожтос печатламын вал. Тужгес вӧлмемын ас киын лэсьтэм арбериос: искусственной гонлэсь вурем быжъёс 200 манетысен 300 манетозь, нош 1,5 метръем искусственной гонлэн дуныз 6000—7000 манет. Парфюмеръёс нимысьтыз квадроберъёслы чаклам но квадроберъёсты кышкатӥсь зынвуос кылдытӥзы (груша, арбуз яке улмо зынъёс шуыса верамын). Озьы ик вузпӧре поттэмын тренировкаослы чаклам пластик баръеръёс (900—4000 манет), профессиональной модельеръёсын кылдытэм дӥськут — 20 000—30 000 манет. Куд-ог огшоры вузъёс но нимысьтыз квадробикалы шуыса вузаськыны кутскизы, кылсярысь, тигр тусъем вельвет брюкиос[3].

Валэктонъёс

  1. ↑ Квадроберы: кому на самом деле они подражают и почему этого не нужно бояться // Новости НТВ, НТВ (29 инвожое 2024). Эскеремын: 15 гудырикошконэ 2024 арын.
  2. ↑ 1 2 Лукашенко не выявил в Белоруссии проблем с квадроберами, РБК (23 коньывуонэ 2024). Эскеремын: 24 коньывуонэ 2024 арын.
  3. ↑ 1 2 Барьеры, духи и корм для квадроберов. Как из скандального детского хобби пытаются делать бизнес, Фонтанка.ру (4 коньывуонэ 2024). Эскеремын: 24 коньывуонэ 2024 арын.
  4. ↑ Квадробика: что это и как заниматься, опасность тренда, почему хотят запретить в России, Lenta.RU (5 пӧсьтолэзе 2024). Эскеремын: 15 гудырикошконэ 2024 арын.
  5. ↑ Сходка квадроберов [рус.]
  6. ↑ Что такое квадробика: спорт это или нет, РБК Life (23 куартолэзе 2024). Эскеремын: 15 гудырикошконэ 2024 арын.
  7. ↑ Скачки на деревянных лошадках стали видом спорта. Олимпиада ждет, sport-express.ru (9 гудырикошконэ 2023). Эскеремын: 15 гудырикошконэ 2024 арын.
  8. ↑ «Я — рысь, моя подружка — пантера»: чем опасно новое помешательство подростков — они надевают маски и прыгают на четвереньках, НГС.ру (30 куартолэзе 2024). Эскеремын: 15 гудырикошконэ 2024 арын.
  9. ↑ Териантропы: кто это, чем занимаются, как выглядят, отличия от фурри и квадроберов, Lenta.RU (12 пӧсьтолэзе 2024). Эскеремын: 15 гудырикошконэ 2024 арын.
  10. ↑ 1 2 3 Как, почему и зачем квадроберы стали «политтехнологическим случаем», РБК (19 коньывуонэ 2024). Эскеремын: 1 шуркынмонэ 2024 арын.
  11. ↑ Mia Boyka осудила квадроберов и их родителей - Газета.Ru | Новости, Газета.Ru (2 куарусёнэ 2024). Эскеремын: 1 шуркынмонэ 2024 арын.
  12. ↑ «Я — рысь, моя подружка — пантера»: чем опасно новое помешательство подростков — они надевают маски и прыгают на четвереньках, НГС.ру (30 куартолэзе 2024). Эскеремын: 15 гудырикошконэ 2024 арын.
  13. ↑ В Кандалакше девочка-«зверёк» укусила ребёнка (18 инвожое 2024). Эскеремын: 15 гудырикошконэ 2024 арын.
  14. ↑ Психолог об увлечении детей квадробикой и терианством: «Уходят в вымышленный мир» | Ямало-Ненецкий автономный округ | ФедералПресс, ФедералПресс (27 куартолэзе 2024). Эскеремын: 15 гудырикошконэ 2024 арын.
  15. ↑ Олеся Ларина Фурри и квадроберы: в чем опасность сомнительных субкультур?Шаблон:Ref-Русский
  16. ↑ Лавров объяснил, почему затронул тему квадроберов перед переговорами стран СНГ, ОТР (8 коньывуонэ 2024). Эскеремын: 9 коньывуонэ 2024 арын.
  17. ↑ Лавров на встрече в Кремле рассказал коллеге из Армении про квадроберов, РБК (8 коньывуонэ 2024). Эскеремын: 8 коньывуонэ 2024 арын.
  18. ↑ Песков ответил на вопрос о Путине и квадроберах, Lenta.RU (9 коньывуонэ 2024). Эскеремын: 24 коньывуонэ 2024 арын.
  19. ↑ Песков назвал квадробику полной ерундой, Ведомости (9 коньывуонэ 2024). Эскеремын: 24 коньывуонэ 2024 арын.
  20. ↑ Лукашенко о квадроберах: в Белоруссии нет «квадроциклов», Коммерсантъ (23 коньывуонэ 2024). Эскеремын: 24 коньывуонэ 2024 арын.
  21. ↑ «Квадроберам вход запрещён». Воронежский ресторатор обезопасил заведения специальными наклейками, Без формата (25 коньывуонэ 2024). Эскеремын: 30 коньывуонэ 2024 арын.
  22. ↑ Депутат Колунов предложил ввести ответственность для родителей детей-квадроберов
  23. ↑ "Приведут в чувство мам": названы будущие штрафы для квадроберов
  24. ↑ В Узбекистане пригрозили штрафами родителям квадроберов
  25. ↑ Квадроберы атакуют: дети в масках наводняют российские города, Росбалт (11 коньывуонэ 2024). Эскеремын: 11 коньывуонэ 2024 арын.
  26. ↑ Спрос стал массовым: в России зафиксирован 50-кратный рост продаж товаров для квадроберов | RB.RU, rb.ru (11 коньывуонэ 2024). Эскеремын: 11 коньывуонэ 2024 арын.
  27. ↑ На маркетплейсах появился корм для квадроберов
«https://udm.ruwiki.ru/w/index.php?title=Квадробер&oldid=483369»-ысь басьтэмын