Ирония судьбы, или С лёгким паром!

Википедиысь материал
Ирония судьбы, или С лёгким паром!
Постер фильма
Жанрез мелодрама
трагикомедия
Режиссёрез Эльдар Рязанов
Сценарийлэн авторез Эмиль Брагинский
Эльдар Рязанов
Валтӥсь рольёсты
быдэсто		 Андрей Мягков
Барбара Брыльска
Юрий Яковлев
Любовь Добржанская
Рольёсты
озвучить каризы		 Сергей Яковлевич Никитин[d], Валентина Илларионовна Талызина[d] и Алла Пугачёва[d]
Операторез Владимир Нахабцев (валтӥсез)
Вадим Алисов
Сергей Арманд
Борис Кочеров
Монтажёрез Валерия Белова
Крезьгурчиез Микаэл Таривердиев
Художник-постановщикез Александр Борисов
Оригинальной телеканал Центральной телевиденилэн Нырысетӥ программаез
Компания «Мосфильм» киностудия. Телевизионной фильмъёслэн творческой объединенизы
Дистрибьютор СССР-ысь Министръёслэн Советсылэн телевидения но радиовещания кун комитетсы
Кыстӥськемез 184 мин
Кун СССР (кинематограф)
Кылыз ӟуч
Потон дырыз 1976
Сериослэн лыдзы 2
Таиз бере потэм фильм Ирония судьбы. Продолжение[d]
IMDb ID 0073179

«Иро́ния судьбы́, и́ли С лёгким па́ром!» — 1975-тӥ арын поттэм кык сериен совето телевизионной фильм. Пуктӥсь режиссёрез Эльдар Рязанов. СССР-ын премьераез ортчиз  «Центральной телевиденилэн нырысетӥ каналаз» 1976-тӥ арын 1-тӥ толшоре[1].

Кылдэмез

Эмиль Брагинскийлэн но Эльдар Рязановлэн 1969-тӥ арын гожтэм «С лёгким паром! или Однажды в новогоднюю ночь…» пьесазылэн экранизациез луэ. Фильм кылдытэмлэсь азьпал та пъеса СССР-ысь кӧня ке театръёсын шудэмын ни вал. Берлогес сое асьме кунысь 110 театръёсын но кунсьӧр тетаръёсын пуктылӥзы[2].

Рязановлэн мадемезъя, пьесалэн сюжетэз, фильм сямен ик, улонысь басьтэмын. Зэмзэ но вылэм огшоры адями, кудӥз 31-тӥ толсуре муночое мыныса, ӵуказеяз ӵукна мукет карын сайкам. Со зэмос вылэс историлэсь маин йылпумъяськемзэ Рязанов но Брагинский уг тодо  бере, асьсэос малпано луизы.

1975-тӥ арын сӥзьыл, фильмез СССР-ын возьматэмлэсь азьпал, Телевизионной фильмъёсын огъясоюзной фестивальлэн программаез улсын «Ирония судьбы» киноез нырысь ик Грузиын улӥсьёс адӟизы. Тбилисиын ортчем ужрадын картина нырысетӥ инты басьтӥз[3].

Сюжетэз

Сюжетын валтӥсь темаез Брежнев вакытысь мер архитектуралэн огкадь луэмез. Со югдур валэктӥське анимационной маскара прологын. Отын возьматэмын, кызьы архитекторъёс бюрократиен но политикъёсын зӥбемын (режиссёрез но аниматорез Виталий Песков). Солы луыса, быдэс Совето Союзын котькуд карын но каргуртын чылкак одӥг выллем трос этажъем юртъёс кылдӥзы[4].

Выль ар азьын арлы быдэ мунчое ветлон сямзыя, эшъёс Мускоысь одӥгаз огъя мунчоын пумисько. Валтӥсь героез Женя Лукашин Выль ар уе Галяез кураны дасяське, соин эшъёс, та ужрадэз пусйыса, кудӟытозязы юо. Эшъёс пӧлысь одӥгезлы, Павликлы, мунчо бере гуртаз кузпалыз доры Ленинградэ лобись рейсэ вуыны кулэ. Ваньзы, сое келяса, аэропортэ мыныны дасясько.

Аэропортэ вуытозязы, Женяен Павлик умме усё. Нош Сашаен Миша, кудзылы Ленинградэ лобоно вал шуыса, тодазы вайыны уг быгато. Павлик интые самолётэ янгышен Женяез пукто.

Быдэс сюрессэ Женя акыляк потэм бускелезлэн пельпум вылаз изьыса бертэ со ик Ленинградын самолётысь потыны юрттэ. Сайкаса, егит воргорон ассэ Мускоын кожа. Такси кутэ но сорлы аслэсьтыз адрессэ вера.

Ленинградын чылкак солэн адресэзлы тупась инты но корка вылэм. "Гуртаз" вуыса, усьтонэз но ӧс тунгоназ тупаз (со сярысь прологын тазьы шуэмын: «…стандартной тунгонъёсын стандартной корка пуктон»). Корка пушкысь мебелез но Женялэн квартираз выллем ик вылэм, пичияк пӧртэмлыкъёсын, но сазьяськымтэ воргорон сое висъяны ӧз быгаты.

Со дыре гуртаз вуэ квартиралэн кузёез Надя Шевелёва. Со Выль арез дусыменыз Ипполитэн пумитаны дасяське. Но шӧдтэк шорысь валесаз изись тодмотэм муртэ синйылтэ. Со ӧтьымтэ куноез соку ик гуртысьтыз улляны выре, нош соиз уг вала, мар каре тодмотэм кышномурт "солэн" квартираяз, эшшо ке кузёсяське. Ог-огзылы паспорт прописказэс возьматыса, геройёс югдурез валало. Женя мур куректонэ усе: Москваын сое возьма Галяез. Нош Надя доры лыктэм Ипполит уг оскы Женялэн но Надялэн мадемзылы. Воргорон соку ик Москвае лобыны шуыса кошке но, сьӧраз коньдонэз ӧвӧл шуыса вала. Со выльысь Надя доры берытсконо луэ. Ипполит вожаменыз кошке. Надялэн Женняез ӝоггес улямез потэ, нош Москвае лобись рейсъёс ӵукнаозь вылымтэ ни. Женя, Москвае трос пол жингыртыса, Галялы, кыӵе югдуре сюремез сярысь валэктыны тырше. Нылаш, Ленинград сярысь кылэмез бере, трубказэ куштэ. Надя, вокзалэ мыныса, выль тодмоезлы Москваозь билет басьтэ, нош соиз йырыз курен сое кесяса куштэ.

Женяен Надя Выль арез ӵош пумитано луо. Нырысь-валысь соос ог-огзы шоры лекъясько, собере калленэн мылкыдзы сӥя но выль тодмоос ог-огзылы синмаськыны кутско. Ӵукна кыксы но та янгышен кылдэм учыр бере соослы люкиськоно шуыса валало. Егит воргорон Москвае берытске. Жадем вылысь, умме усе. Сайкамез бере, Надяез вӧтаз шуыса малпа, нош соиз вӧзаз пуке вылэм. Надя, Москвае вуыса, шугъяськытэк яратоно муртэзлэсь улон корказэ шедьтэ. Адресъёссы но усьтонъёссы тупало уго.

Новеллизация

«Ирония судьбы» кинолы новеллизация (валэктыса сётэм ремаркаосын драма) кылдытэмын. Со Эльдар Рязановлэн фильмъёсызъя новеллизациосын бичетъёсын печатламын[5]. Солэн пуштросэз фильмлэн но пьесалэн пуштросэзлы тупа.

Рольёсын

Актёр Роль
Андрей Мягков Евгений (Женя) Михайлович Лукашин (вокал — Сергей Никитин)Евгений (Женя) Михайлович Лукашин (вокал — Сергей Никитин)[6]
Барбара Брыльска Надежда (Надя) Васильевна Шевелёва (озвучкаез —Валентина Талызина, вокал —Алла Пугачёва) ӟуч кылъя но литературая дышетӥсь Надежда (Надя) Васильевна Шевелёва (озвучкаез —Валентина Талызина, вокал —Алла Пугачёва)
Юрий Яковлев Ипполит Георгиевич Надялэн карт луонэз Ипполит Георгиевич
Любовь Добржанская Марина Дмитриевна Женялэн анаез Марина Дмитриевна
Ольга Науменко Галя Женялэн кышно луонэз Галя
Лия Ахеджакова Таня Надялэн ӵош ужась эшез Таня
Валентина Талызина Валя Надялэн ӵош ужась эшез Валя
Александр Ширвиндт Павел / Женялэн эшез Павел / фильмлэн кутсконаз кадр сьӧрын чузъясьткись куара
Георгий Бурков Миша Женялэн эшез Миша
Александр Белявский Саша Женялэн эшез Саша
Любовь Соколова Надялэн анаез[7] Надялэн анаез[7]
Готлиб Ронинсон Красноярскысь пассажир самолётэз возьмась мурт Красноярскысь пассажир
Эльдар Рязанов самолётысь пассажир (титръёсын пусйымтэ) самолётысь пассажир (титръёсын пусйымтэ)
Борис Руднев таксист (титръёсын пусйымтэ) таксист (титръёсын пусйымтэ)
Николай Погодин малпамтэ шорысь баянэн вуэм куно (титръёсын пусйымтэ) малпамтэ шорысь баянэн вуэм куно (титръёсын пусйымтэ)
Александр Постников мынӥсь-ветлӥсь (титръёсын пусйымтэ) мынӥсь-ветлӥсь (титръёсын пусйымтэ)
Елена Наумкина аэропортысь буфетчица (титръёсын пусйымтэ) аэропортысь буфетчица (титръёсын пусйымтэ)
Николай Кузнецов бускель (титръёсын пусйымтэ) бускель (титръёсын пусйымтэ)
Михаил Бочаров пуныен бускель (титръёсын пусйымтэ) пуныен бускель (титръёсын пусйымтэ)

Фильмысь кадръёс

  • Женялэсь но Галялэсь рольёссэс шудо Андрей Мягков но Ольга Науменко

    Женялэсь но Галялэсь рольёссэс шудо Андрей Мягков но Ольга Науменко

  • Александр Ширвиндт Павеллэсь рользэ шудэ

    Александр Ширвиндт Павеллэсь рользэ шудэ

  • Барбара Брыльска Надялэсь рользэ быдэстэ

    Барбара Брыльска Надялэсь рользэ быдэстэ

  • Юрий Яковлев Ипполитлэсь рользэ шудэ

    Юрий Яковлев Ипполитлэсь рользэ шудэ

  • Любовь Добржанская Женялэсь анаезлэсь рользэ шудэ

    Любовь Добржанская Женялэсь анаезлэсь рользэ шудэ

  • Андрей Мягков (Женя) но Барбара Брыльска (Надя)

    Андрей Мягков (Женя) но Барбара Брыльска (Надя)

Съёмочной группа

  • Сценарийлэн авторъёсыз: Эмиль Брагинский, Эльдар Рязанов
  • Режиссёр-постановщикез: Эльдар Рязанов
  • Валтӥсь операторез: Владимир Нахабцев
  • Валтӥсь суредасез: Александр Борисов
  • Кыкетӥ режиссёрез: Игорь Петров
  • Звукооператорез:Юрий Рабинович
  • Крезьгурчиез: Микаэл Таривердиев
  • Дирижёрез: Георгий Гаранян
  • Костюмъёсъя суредасез: Ольга Кручинина
  • Гримъя суредасез: Ольга Струнцова
  • Кинооператоръёс: Вадим Алисов, Сергей Арманд, Борис Кочеров
  • Комбинированной съёмкаос: Борис Травкин (операторез), Валентин Гласс (суредасез)
  • Монтаж: Валерия Белова
  • Режиссёрлэн ассистентъёсыз: Нина Коренева, Григорий Торчинский
  • Операторлэн ассистентъёсыз: Владимир Горшков, Владимир Батузов, Александр Михалычев, Сергей Кочебуров, Николай Коробейник
  • Монтажёрлэн ассистентэз: Элеонора Праксина
  • Суредась-декораторез: И. Фёдоров
  • Тылъя ӧнерчи: Марк Вайсман
  • Редакторез И. Наумова
  • Крезьгуро редакторъёс: Раиса Лукина, В. Лаписов
  • Фильмлэн кутсконысьтыз анимациез: Виталий Песков
  • Картиналэн директорез: Ефим Голынский

Кырӟанъёс но кылбуръёс

Фильмлэн сценарий пушказ 9 кылбур пуктыны но тямыссэ соос пӧлысь кырӟанлы пӧрмытыны чакламын вал. Эльдар Рязанов одӥг крезьгурчи 8 пӧртэм композициос кылдытыны уз быгаты шуыса малпаз но 4 авторъёсын герӟаськиз: Ян Френкелен, Исаак Шварцен, Андрей Петровен но Микаэл Таривердиевен. Солэн малпамезъя, котькудӥз быдэн кык кырӟан гожтыны кулэ вал. Нырысь ваньзы ик соглаш кариськизы, нош берло пӧртэм мугъёсъя куинез отказтӥзы: кин ке кунсьӧры кошкиз, кин ке ӧз ваньмы, Микаэл Таривердиев огназ кылиз[2].

Микаэл Леонович сценарийзэ лыдӟыса, отын трос пумо жанръёслэн кутӥськемзылы нырысь паймиз. Но ас понназ "толсур выжыкыл" шуыса малпаз .[8] Марина Цветаевалэн, Евгений Евтушенколэн, Белла Ахмадулиналэн но мукет тодмо кылбурчиослэн кылъёссыя крезьгур кылдытӥз.

Фильмлы быдэсак крезьгурзэ гожтӥз Микаэл Таривердиев. Солэн Вера кузпалыз тодаз вае[9]:

«Однажды Таривердиев проходил мимо столовой, в которой среди других людей сидел Рязанов и напевал «На Тихорецкую состав отправится...». Эту песню он хотел взять в свой новый фильм и сожалел, что она народная. Хотя на самом деле песня была написана для оперы моего мужа. А исполнял её Владимир Высоцкий, поэтому Рязанов её слышал, но не знал автора»

Воргорон вокалэз, быдэсак сямен, быдэстэ Сергей Никитин («Со мною вот что происходит», «Я спросил у ясеня», «Никого не будет в доме» но «Если у вас нету тёти»), нылкышно вокалэз — Алла Пугачёва («По улице моей», «На Тихорецкую», «Мне нравится», «У зеркала»). Александр Кочетковлэн кылъёсызъя гожтэм «Баллада о прокуренном вагоне» кырӟанэз фильм пумын быдэсто Андрей Мягков но Валентина Талызина. Фильмысь кырӟанъёсты нырысь Анна Герман быдэстоз шуыса малпамын вал, но гожтыны ӧз пӧрмы  — сметае кунсьӧр кырӟасез ӧтён пусйымтэ вылэм[10].

Фильмлы саундтреклэсь люкетсэ Таривердиевлэн пластинкаяз 1976-тӥ арын «Мелодия» фирма поттӥзCD) поттэмын вал 2009-тӥ арын «Бомба-Мьюзик» фирмаен[12]. Винил амалэн саундтрек поттэмын 2016-тӥ арын Великобританиын «Earth» лейблэн[13], 2019-тӥ арын — «Бомба-Мьюзик» буёло винилэн[8].

2009-тӥ арын поттэм «Бомба-Мьюзик» издание
№ НазваниеСловаВокал Длительность
1. «Увертюра» (инструментал)   2:43
2. «Со мною вот что происходит» Евгений ЕвтушенкоС. Никитин 2:28
3. «Надежда» (инструментал)   4:24
4. «В ожидании Нового года» (инструментал)   1:14
5. «Никого не будет в доме» Борис ПастернакА. Пугачёва 2:17
6. «Снег над Ленинградом» (инструментал)   2:45
7. «По улице моей который год» Белла Ахмадулина  2:48
8. «На Третьей улице Строителей» (инструментал)   1:15
9. «На Тихорецкую» Михаил ЛьвовскийА. Пугачёва 1:29
10. «С Новым годом!» (инструментал)   2:46
11. «Мне нравится[14]» Марина ЦветаеваА. Пугачёва 1:35
12. «Если у вас нету тёти (Ария московского гостя)» Александр АроновС. Никитин 1:53
13. «Последний вальс» (инструментал)   1:45
14. «Хочу у зеркала спросить» М. Цветаева  1:36
15. «Я спросил у ясеня» Владимир КиршонС. Никитин 3:08
16. «С любимыми не расставайтесь» Александр КочетковА. Мягков но В. Талызина 4:26
17. «Мелодия» (инструментал)   4:33
41:03

2014-тӥ арын «Серебряный дождь» радиостанция кинофильмысь кырӟанъёсын пластинкаез «50 культовых пластинок фирмы „Мелодия“» аслаз лыдметаз пыртӥз[15].

Съёмкаос

Фильмлэн валтӥсь операторез Владимир Нахабцев со вакытэ чылкак выль трёхкамерной системаез уже кутыны малпаз. Огдыре куинь камераос ужазы, соос куинь пӧртэм ракурсъёсысь гожтӥзы. Огласянь со туж капчиятӥз ужез, нош мукет ласянь ӝегатӥз[2].

Съёмкаос кутскизы южтолэзе, йылпумъяськизы гужемлэн шораз. Соин картинаын лымыез ваталэсь, кагазлэсь но пенопластлэсь киын лэсьтоно луиз. Со вакытэ лымы пушкаос но мукет агрегатъёс кылдытымтэ на вал вал. Тӧласькемез возьматон понна огшоры фен кутӥськиз[9].

Вань съёмкас Москваын ортчизы, кӧняез ке гинэ Ленинградын. Фильмын возьматэм кыкез ик квартираос Москваысь Вернадский нимо проспектын интыяськемын: 125-тӥ номеро (Лукашинлэн квартираез) но 113-тӥ номеро юртъёсын (Надялэн квартираез). Мунчо сценалы «Мосфильмын» нимысьтыз павильон пуктэмын вал.

Строительёслэн Куинетӥ ульчазы, Вернадский нимо проспект сямен ик Москваын интыяськемын. Но 1963-тӥ арын со Мария Ульянова нимо урам шуыса нимаське вал[16].

2003-тӥ арын Лукашин Женялэн "улэм" юртэзлэн борддораз буре ваён пул юнматӥзы. Сое усьтон ужрадэ Эльдар Рязанов но пыриськиз[17]. Но нырысетӥ уяз ик алюминийлэсь лэсьтэм пластинка лушкамын вал. 2007-тӥ арын сыӵе пулъёс Вернадский нимо проспектысь кыказ ик юртъёсы шуккемын вал — 125-тӥяз но 113-тӥяз — но таосыз но интыязы кема ӧз возиське[18][19][20].

Кинопробаос

Валтӥсь ролез — Женя Лукашинэз — шудыны малпа вал тодмо актёр Андрей Миронов. Но Рязанов солэсь кандидатуразэ палэнтӥз. Солы та роле кулэ вал огшоры тусъем но огшоры сямо воргорон. Мироновлы Ипполитэз шудыны дэмлазы, но солэсь со палэнскиз. Женя Лукашинлэсь рользэ шудыны эскеронъёсы пыриськизы Олег Даль, Пётр Вельяминов, Станислав Любшин но Иннокентий Смоктуновский[9]. Андрей Мягков малпамтэ шорысь Лукашин луиз. Режиссёр со шоры туж критично учкиз ке но, но пробаосын со тужгес тупасез луиз.

Шугъяськонъёс кылдӥзы нылкышно ролез бырйыку. Рязанов Надяез Людмила Гурченко но, Валентина Талызина но, Светлана Немоляева но, Антонина Шуранова но мукет совето кизилиос пӧлысь «ӧз адӟы». Солэн малпамезъя, героиняез Алиса Фрейндлих шудыны кулэ вал: со быгатыса шудылӥз комеди рольёсты, со сяна, усто кырӟалляз. Но худсовет сое ӧз юнматы[2]. Валтӥсь роле поляк актриса Барбара Брыльскаез юнматон сырысь Рязанов мукует режиссёрен вераськемез бере малпаськыны кутскиз. Фильме куньсӧр актрисаез ӧтизы, но юн шӧдӥськымон акцентэз понна, сое озвучить кариз Валентина Талызина. Талызина озьы ик фильмын Надялэсь эшсэ, Валяез шудӥз.

Ипполитлэсь рользэ шудыны нырысь ик пуктэмын вал Олег Басилашвили. Со кӧня ке эпизодъёсаз гожтӥськыны но вуиз. Но съёмкаос мыныку огдырегес ик кулӥзы атаез но ужанъя эшез Ефим Копелян, соин ужзэ азьланьтыны ӧз быгаты. Со интые басьтӥзы Юрий Яковлевез.

Галялэсь рользэ шудыны юнматӥзы Наталья Гвоздиковаез[21].

Женя Лукашинлэсь эшъёссэ шудӥзы Эльдар Рязановлэн эшъёсыз — Георгий Бурков но Александр Ширвиндт. Солэсь азьпал режиссёр соосын мукет фильмъёсын ужаз ни вал. Александр Белявскийез бергес ӧтизы. Надялэн но Женялэн анайёссылэн рольёсазы кутэмын вал Любовь Соколова но Любовь Добржанская, соос озьы ик азьвылгес Рязановлэн «Берегись автомобиля» фильмаз шудӥзы.

Массовкаын шудӥз Александр Беляев, НТВ каналын куазь сярысь иворъёсты лыдӟись тодмо телепередачаосты нуись[9].

Премьераез

1976-тӥ арын 1-тӥ толшоре 18:00 часын «Нырысетӥ программаын» «Ирония судьбы, или С лёгким паром» фильмлэн премьераез туж азинлыко ортчиз. Федор Раззаковлэн верамезъя, премьераез 100 миллион пала адями учкиз[22]. Редакцие фильмез выльысь возьматон сярысь куронъёсын трос гожтэт вуиз. Соослы луыса, 1976-тӥ арын 7-тӥ тулыспалэ «Ирония судьбы, или С лёгким паром» эфире кыкетсэ потӥз. Кинотеатръёсын фильмлэсь вакчиятэм кабзэ 7 миллион пала адями учкиз[23][24][25].

«Советский экран» изданиез лыдӟисьёс «Ирония судьбы» фильмез 1976-тӥ арын потэм киноос пӧлысь тужгес устоез шуыса лыдъязы, нош тужгес устоез актёр луиз Андрей Мягков, Женя Лукашинэз шудэм артист[26]. 1977-тӥ арын режиссёр Эльдар Рязанов, сценарист Эмиль Брагинский, оператор Владимир Нахабцев, крезьгурчи Микаэл Таривердиев но фильмлэн валтӥсь геройёсыз Барбара Брыльска но Андрей Мягков Совето Союзлэсь Кун премизэ басьтӥзы[27].

Данъетъёсыз

  • 1976 — «Советский экран» журналэз лыдӟисьёс «Ирония судьбы…» арлэн тужгес устоез фильмез шуизы.
  • 1976 — Андрей Мягков, «Советский экран» журналлэн ортчытэм юаськонэзъя, СССР-ысь тужгес устоез актёр нимын пусъемын[28]
  • 1977 — СССР-лэн Кун премиеныз пусъемын режиссёр Эльдар Рязанов, валтӥсь рольёсты шудӥсь Андрей Мягков но Барбара Брыльска, крезьгурчи Микаэл Таривердиев, оператор Владимир Нахабцев, сценарийлэн авторез Эмиль Брагинский.

Зэмослыкъёс

Опечаткаен кадр
  • Фильмез усьтӥсь титръёсын янгыш кылемын: «исключительно» кылын «л» букваез кельтэмын. Орфографиез но пунктуациез быдэсак озьы ик кельтэмын.

Совершенно нетипичная история которая могла произойти только и искючительно в новогоднюю ночь

  • Фильмлэн кутсконаз ик, режиссёрлэн малпамезъя, возьматыны кулэ вал вертолётысен лэсьтэм огвыллем совето постройкаосты. Но картиналэн бюджетаз сое пыртымтэен, учкись со интые анимациез адӟиз.
  • Надя лымы вылысь Ипполитлэсь тусбуйзэ ӝутыкуз, туспуктэмын Яковлев интые Басилашвилилэнэз кылемын. Выльысь та кадрез снять карон понна, лымы шунаса быремын ни вал[29].
  • Валтӥсь героиня Надя дышетӥсь луыса ужа. Озьы ке но, Ипполитэн вераськыкуз янгышаса: «Я забыла одеть праздничное платье» шуыса вера. Ӟуч кыллэн правилоосызъя «надеть» шуыны кулэ вал.
  • Лукашин Ленинградэ Домодедово аэропаортысь лобе, нош совето вакытэ уйпала но шундыпуксён пала пуш рейсъёс Шереметьево-1 аэропортысь лобаллязы[30]
  • Эльдар Рязанов картинаын эпизодической ролез шудӥз — самолётысь пассажир, кудӥз вылэ ялан някырскылӥз изись Лукашин[30][31].
  • «Какая гадость эта ваша заливная рыба» но «О, тёпленькая пошла» — фразаос фильмлэн сценарияз ӧй вал. Со Юрий Яковлевлэн импровизациез[30].
  • 1958-тӥ арысен Москваын Строительёслэн 3-тӥ ульчазы вал, но 1963-тӥ арын солэсь нимзэ воштӥзы,  Мария Ульянова нимо урам шуыса нимаськыны кутскиз. Ленинградын Строительёслэн 3-тӥ ульчазы ноку ӧй вал, нош 1955-тӥ арысен 1962-тӥ арозь огдыре Строимтельёслэн кык ульчазы вал, одӥгез — Красногвардейской ёросысь промзонаын; али дыре со урам Бокситогорской шуыса нимаське, кыкетӥез — Кировской ёросын, али — Маринеско урам.

Культурной влияниез

  • 1981-тӥ арын КПСС-лэн XXVI съездаз Леонид Брежнев аслаз отчётной докладаз фильм сярысь тодаз вайиз:

Не надо объяснять, как важно, чтобы всё окружающее нас несло на себе печать красоты, хорошего вкуса. Олимпийские объекты и некоторые жилые кварталы Москвы, возрождённые жемчужины прошлого и новые архитектурные ансамбли Ленинграда, новостройки Вильнюса, Навои, других городов — это наша гордость. И всё же градостроительство в целом нуждается в большей художественной выразительности и разнообразии. Чтобы не получалось, как в истории с героем фильма, который, попав по иронии судьбы в другой город, не сумел там отличить ни дом, ни квартиру от своей собственной. (Оживление в зале. Аплодисменты.)[32]

  • 2015-тӥ арын Индиын «Я люблю Новый год» фильм потӥз, валтӥсь рольёсты шудӥзы Санни Деол но Кангана Ранаут. Геройёс инди сямен нимамын, возьматэмын Чикаго но Нью-Йорк каръёсын ортчем учыр. Сюжетэз быдэсак «Ирония судьбы…» фильмын кадь Но продюсеръёс асэстэм идея пумысь чалмыт улӥзы[33][34][35].
  • 2021-тӥ арын гужем росси режиссёр Марюс Вайсберг «Ирония судьбы в Голливуде» нимын фильмлэсь аслэсьтыз вариантсэ кылдытыны малпаз. Американ фильмын шудӥзы Эмма Робертс, Джулии Робертслэн племянницаез, Томас Манн, Мэделин Петш но Бритт Робертсон.

Критика

«Неполадки в русском доме» статьяяз Сергей Кара-Мурза Рязановез «антисоветскость» шӧм пыӵатонэн но геройёсызлы «пуш эмигрант» образ кылдытонэн пыкылӥз. Со малпамъя, «Ирония судьбы» фильмлэн геройёсыз — «со вакаытысь типичной интеллигентъёс, кудъёсызлэн куамын арлэсь трос улыса, семьязы но, нылпизы но ас юртсы но ӧвӧл, со понна вань арлыдо нылпиоссэс интыяны тыршись анайёссы[39].

С. Кара-Мурзалэн фильмлы сётэм критикаез сяна, мукетъёсыз но вал. 2018-тӥ арын толсур толэзе «Ирония судьбы» киноез арлы быдэ 31-тӥ толсуре возьматъян сямлы пумит луэмзэ вераз митрополит Рязанский Марк. Солэн малпамезъя, фильмлэн валтӥсь малпанэз — «мар ке умоез луон понна, ужаны кулэ ӧвӧл, эшъёсын огшоры пумиськыны, юыса пукыны луэ» — христианстволэсь ас бордын ужаны дышетонэз лябомытэ, нош геройёс ас яратонзэс мукетъёссэ пӧяса шедьто[40].

Историк но протодиакон Владимир Василик фильмысь кӧня ке темаоссэ сэрттӥз-пертчиз — Хрущёв-Брежнев вакытысь совето интеллигенцилэн атайтэк кылемез, яратон но пӧяськон, юон, жобаськон Адӟонлэн образэз луэ но Выль аре ортчыт шулдыръяськонэз возьматэ, — фильмез «берло вакытысь социализмлы, солэн величиеныз но трагизменыз синпелет» шуыса нимаз, кудӥз со дыре ик «инмарен кельтэм адямиослэсь ог-огзэс яратонзылэсь кысэмзэ возьматэ»; Инмарлэсь мӧзмон нырысь ик кылбуръёс нео кырӟанъёс пыр возьматӥське[41].

Фильмысь Лия Ахеджаковаез палэнтон сярысь курон

2024-тӥ арын шуркынмон толэзе Кышкыттэмлыкъя но коррупциен нюръяськонъя федерал проектлэн кивалтӥсез Виталий Бородин фильмысь Лия Ахеджаковаез утялтыны куриз, отын Ахеджакова Танялэсь рользэ шудӥз — валтӥсь героинялэсь эшсэ. Ахеджаковалэн Лос-Анджелесын 2024-тӥ арлэн кутсконаз Украинаез шонере поттыса вераськемез понна, Бородин сое палэнтыны куриз. Ахеджаковаез Елизавета Боярская актрисаен нейросеть амалэн воштыны дэмламын вал[42].

DVD-ын релиз

DVD-ын релизэз поттӥз 2009-тӥ арын 10-тӥ толсуре «Флагман-Трейд» компания[30].

Азьланьтонэз

«Ирония судьбы» фильмлэн азьланьтонэз «Ирония судьбы. Продолжение» нимын 2007-тӥ арын толсуре потӥз но соку ик кассовой хитлы пӧрмиз, производственной бюджетэз 5 млн долларысь 55 млн долларозь ӝутӥз. Женя Лукашинлэн но Надя Шевелевалэн быдэ вуэм но сыӵе ик югдуре сюрем нылпиоссэс шудӥзы Константин Хабенский но Елизавета Боярская[43].

Андрей Мягков съёмкаосы пыриськиз ке но, лэсьтэм ужен соглаш ӧз кариськы[44].

Валэктонъёс

  1. ↑ Фильм Ирония судьбы, или С лёгким паром!: смотреть онлайн в хорошем качестве, фото, видео - Вокруг ТВ.(англи) Вокруг ТВ. Эскеремын 2019-11-26 аре
  2. ↑ 2,0 2,1 2,2 2,3 Ирония судьбы - главный новогодний фильм СССР и России. Рассказываем историю его создания // Правила жизни : журнал. — 2021. — 31 толсуре.
  3. ТАСС.
  4. ↑ Frederick Edwin Ian Hamilton, Kaliopa Dimitrovska Andrews, Nataša Pichler-Milanović. Transformation Of Cities In Central And Eastern Europe. — New York: UN University Press, 2005. — С. 159. — ISBN 9280811053 (pbk.).
  5. АСТ, Зебра Е, 2008. — С. 151—232. — 688 с. — ISBN 978-5-17-048780-6. — ISBN 978-5-94663-535-6.
  6. Московский комсомолец.
  7. ↑ Пьесаын, кудӥзъя пуктэмын фильм, Надялэн анаезлэн нимтулыз Ольга Николаевна шуыса гожтэмын, фильмын — ӧвӧл.
  8. ↑ Discogs, аннотация
  9. ↑ 9,0 9,1 9,2 9,3 Галина Глазко. Необычные факты создания фильма «Ирония судьбы, или С легким паром!» // Спорт-экспресс : сайт. — 2021. — 31 толсуре.
  10. ↑ Павел Соседов. Анна Герман: Почему она любила высоких мужчин? // 7дней.ру : сайт. — 2023. — 2 пӧсьтолэзе.
  11. Discogs
  12. Discogs
  13. Discogs
  14. ↑ «Мне нравится, что вы больны не мной» Цветаевой — любовный треугольник pishi-stihi.ru. Эскеремын 2019-11-26 аре
  15. ↑ 50 культовых пластинок фирмы «Мелодия» | Серебряный Дождь(ӟуч)
  16. ↑ 10 интересных фактов о фильме «Ирония судьбы, или С лёгким паром!» // Дом кино : журнал. — 2017. — 25 толсуре.
  17. ↑ Самый новогодний фильм увековечен мемориальной доской, РБК. Дата обращения: 18 шуркынмонэ 2024.
  18. ↑ "Ирония судьбы" обзавелась памятными досками на местах съемок, РИА Новости (20071229T1430). Дата обращения: 18 шуркынмонэ 2024.
  19. ↑ Вандалы украли памятную табличку, посвященную фильму "Ирония судьбы" – Москва 24, 24.07.2013(ӟуч)
  20. ↑ Со стены дома, где снимали «Иронию судьбы», украли памятную табличку(ӟуч)
  21. ↑ Женский портал: 10 актёров, которые могли бы сыграть в «Иронии судьбы, или С лёгким паром!»
  22. ↑ Почти рождественская История Архивная копия от 25 южтолэзе 2013 на Wayback Machine. market.umh.ua.
  23. ↑ 40 лет с «Иронией» - Газета.RU Газета.RU.
  24. Шаблон:YouTube/Time converter
  25. ↑ Киностальгия «Ирония судьбы, или с лёгким паром», часть 3 - Пятый канал Пятый канал. Эскеремын 2020-01-02 аре
  26. ↑ Победители конкурса журнала "Советский экран" // akter.kulichki.com. — 1983. — Коньывуон.
  27. ↑ Телефильм "Ирония судьбы, или С легким паром!". Досье - ТАСС, TACC. Дата обращения: 18 шуркынмонэ 2024.
  28. ↑ История, рассказанная в "Иронии судьбы, или С легким паром!", реальна. в 60-х годах 31 декабря композитор Никита Богословский решил пошутить: пьяного товарища отвезли на вокзал и с 15 копейками в кармане отправили в Киев Факты и комментарии. Эскеремын 2019-11-26 аре
  29. ↑ 5 киноляпов в "Иронии Судьбы", которые вы не заметили даже спустя почти 50 лет, Life.ru (23 толсуре 2022). Дата обращения: 18 шуркынмонэ 2024.
  30. ↑ 30,0 30,1 30,2 30,3 Ирония судьбы, или С легким паром! (ТВ, 1975)(ӟуч)
  31. ↑ Ирония судьбы, или С легким паром! - «25-й кадр» | Независимый журнал о кино
  32. Политиздат, 1981. — С. 81.
  33. ↑ Я люблю Новый год (2015) — дата выхода в России и премьеры в мире — Кинопоиск(ӟуч)
  34. ↑ I Love New Year (англи) на сайте Internet Movie Database
  35. ↑ Болливуд снял индийский ремейк "Иронии судьбы", РБК. Дата обращения: 18 шуркынмонэ 2024.
  36. ↑ Марюс Вайсберг снимет американскую адаптацию фильма Эльдара Рязанова «Ирония судьбы, или с легким паром!»
  37. ↑ В США снимут англоязычную версию «Иронии судьбы». Режиссер – Марюс Вайсберг
  38. ↑ Вайсберг показал первый кадр из голливудской «Иронии судьбы»
  39. ↑ Кара-Мурза С. Г., Телегин С. А. Неполадки в русском доме Архивная копия от 23 толсуре 2021 на Wayback Machine. — М.: Алгоритм. — Серия «Горячая линия». — 443 с. — 3000 экз. — ISBN 5-699-09616-7.
  40. ↑ Митрополит Рязанский раскритиковал фильм «Ирония судьбы»
  41. ↑ Протодиакон Владимир Василик. О духовном содержании фильма «Ирония судьбы, или С легким паром!» / Православие.Ru. Дата обращения: 18 шуркынмонэ 2024.
  42. ↑ Лию Ахеджакову могут убрать из любимой россиянами «Иронии судьбы», Росбалт (6 толсуре 2024). Дата обращения: 6 толсуре 2024.
  43. ↑ Анна ВЕЛИГЖАНИНА. «Ирония судьбы»: Брыльска не хотела целоваться с Яковлевым, а Боярская - с Хабенским // Комсомольская правда : сайт. — 2007. — 27 толсуре.
  44. ↑ Алина Минеева. «Не одобряю»: Андрей Мягков против «Иронии судьбы» // газета.ru : сайт. — 2018. — 25 толсуре.

Литература

(Дата обращения: 3 пӧсьтолэзе 2009)

  • Рязанов, Э. А. Старики-разбойники. — АСТ; Зебра Е, 2008. — С. 151—232. — 688 с. — ISBN 978-5-17-048780-6. — ISBN 978-5-94663-535-6.
  • Наталья Радулова: «Выключить Женю Лукашина».

Чӧлсконъёс

«https://udm.ruwiki.ru/w/index.php?title=Ирония_судьбы,_или_С_лёгким_паром!&oldid=237472»-ысь басьтэмын