Ижысь радиозавод
| Ижысь радиозавод | |
|---|---|
 | |
| Типез | компаниослэн группазы |
| Кылдэм арез | 1958 |
| Интыяськемез |
 Росси Федерациысь Удмурт Элькунысь Ижкарысь Базисной ульчаысь 19-тӥ юрт |
| Валтӥсь адямиос |
Майер Александр Владимирович (валтӥсь директор), Валиахметов Игорь Нариманович (1992-тӥ—2016-тӥ аръёсы валтӥсь директор) |
| Удысэз | приборъёс лэсьтон |
| Поттэм вузэз (бизнес) | бортовой но му валлин ужась радиотехникая комплексъёс; чугун сюреслы автоматика но связь; навигацияя аппаратура; телекоммуникацияя тӥрлык; мувӧй кысконлы тӥрлык; синмын эскерон сӧзнэтъёс; эскерон но мертан аппаратура; УКВ1, УКВ2 (FM), СВ но ДВ радиоприемникъёс |
| Данъетъёсыз |
 |
| Сайт | www.irz.ru |
Ижысь радиозавод (ИРЗ) — Россиысь приборъёс лэсьтонъя компаниослэн группазы[1][2][3][4], Удмурт Элькунысь Ижкарын интыяськемын. 1958-тӥ арын кылдытэмын.
Историез
Предприятие Удмуртиысь Совнархозлэн решениезъя 1958-тӥ арын 6-тӥ южтолэзе пу вандон-дасян, материал лэсьтон заводлэн инъетэз вылын кылдӥз. Со аре ик завод нырысетӥ вуззэ поттӥз — IV классъем «Волна» радиоприёмникъёс.
Отӥяз предприятиын авиацияя но инсьӧр удысъёслы радиотехника лэсьтыны ӧдъязы. Заводэ пырон валтӥсь ӧсъёсыз котырын тодмотэм абстракционист художниклэн нимтэм картинаез суредамын.
1976-тӥ арын завод инсьӧр техникаез лэсьтонын вормонъёс басьтэмез понна Ужысь Горд Знамя нимо орденэн пусъемын.
1984-тӥ арын инсьӧр связь удыслы ужаны ӧдъяз.
1992-тӥ арын предприятиез акциослы люкылӥзы, озьы «Ижысь радиозавод» ОАО кылдӥз.
2015-тӥ арын Ижысь радиозавод инсьӧр удыслы радиотехникая сӧзнэтъёс лэсьтыны быгатэмез улсын туала сотовой герӟетъя тӥрлык кылдытыны ӧдъяз. ИРЗ-ын кыдёкысь гуртъёсты, автомобиль но чугун сюресъёсты мобильной связен герӟан вылысь «RADIUS» oDAS оборудование кылдытэмын вал, со 2G, 3G но 4G стандартъёсъя ужаз. Ижысь радиозавод телекоммуникацияя удысын кунгож сьӧрысь вузъёслэсь мозмытскон но соосты кунамы лэсьтон вылысь Интернетэн но мобильной связен ужаны луонлык сётӥсь системаос лэсьтыны кутскиз[5][6].
2021-тӥ арын Ижысь радиозавод обороная но промышленностья комплекслэн (ОПК) реестраз пырись Удмуртиысь предприятиос пӧлысь потӥз, отӥяз вуззэ кунгож сьӧры экспортэн капчиен поттыны мед быгатоз шуыса[7].
Поттэм вузэз
- Абонент терминалъёс но улысь орбиталы чаклам спутник связья бортовой аппаратура;
- Корпоративной герӟетъя спутник связьлы пӧртэм VSAT-станциос;
- СВЧ-модульёс, спутник ретрансляторъёслы волноводной трактъёс, керамикалэн инъетэз вылын лэсьтэм микросборкаос, ӵажетӥсьтэм усилительёс, гермопереходъёс но мукетыз;
- Спутник радионавигацияя GPS/ГЛОНАСС системаослы тӥрлык;
- Мобильной объектъёслы спутник мониторингъя системаос;
- Пӧртэм пумо нуллоно но стационар радиостанциос;
- Чугун сюрес станцилы стационар радиостанциос;
- Чугун сюрес вылын кышкытлыклэсь утиськонъя но автоматикая системаос;
- Ивор сётӥсь цифровой радиорелейной системаос, цифровой кабель системаос;
- Пыдло лэзёно электро насосъёслы телеметрия;
- Пыдло лэзёно электро насосъёсын кивалтоно станциос;
- Частотаез воштӥсь тӥрлык но частотаосты воштӥсь ёзъёс вылын кылдытэм технологияя процессъёсын кивалтон станциос;
- Инструментальной оснастка: пресс-формаос, штампъёс, мертан но вандон тӥрлык (кылдытон, поттон но вузан);
- УКВ диапазонэн радиоприёмникъёс;
- Вылӥ ӟечлыко видеокамераос;
- Кортлэсь но пластмассалэсь тӥрлык лэсьтон;
- Корт шкафъёсты но кросс-оборудованиез поттон;
- Печатной платаос, полиамидной шлейфъёс (проект дасян, поттон но вузан);
- «Эльбрус» ӟуч компьютеръёс.
Данъетъёсыз
- 1976 — Ужысь Горд Знамя нимо орден.
Валэктонъёс
- ↑ АО «Ижевский радиозавод»
- ↑ Ижевский радиозавод исключили из списка предприятий ОПК [ӟуч]
- ↑ Александра Майера назначили генеральным директором Ижевского радиозавода [ӟуч]
- ↑ Ижевский радиозавод диверсифицировал производство и вышел из списка предприятий ОПК
- ↑ Бречалов: ижевский радиозавод хочет конкурировать с Huawei и Ericsson Архивная копия от 28 инвожое 2022 на Wayback Machine // РИА Новости, 24 июн 2022
- ↑ Вице-премьер РФ Чернышенко Д.Н. посетил Ижевский радиозавод Архивная копия от 12 гудырикошконэ 2022 на Wayback Machine // ИРЗ, 24 июня 2022
- ↑ Ижевский радиозавод диверсифицировал производство и вышел из списка предприятий ОПК Архивная копия от 25 куартолэзе 2022 на Wayback Machine // 18.01.2021
Литература
- Ижевский Ордена Трудового Красного знамени радиозавод: факты, события из жизни завода / сост. Е. С. Минеев. — Ижевск: Удмуртия, 1978. — 46 с.
Чӧлсконъёс
- Предпритилэн сайтэз
- Ижысь радиозавод // IZ-article.ru