Дорф, Александр Ушерович

Александр Ушерович Дорф
Александр Ушерович Дорф
Вордӥськем нуналыз	2-тӥ гудырикошконэ 1946
Вордӥськем интыез	Иж, Удмурт АССР, РСФСР, СССР
Кулон нуналыз	30-тӥ куартолэзе 2015 (68 арес)
Кулэм интыез	Иж
Кунмуртлыкез	СССР ; Россия
Ужудысэз	конструктор
Данъетъёсыз	;

Алекса́ндр У́шерович Дорф (1946—2015) — конструктор-оружейник. Росси Федерациысь дано конструктор.

Улон сюресэз

Вордӥськиз 1946-тӥ арын 2-тӥ гудырикошконэ Ижын. Атаез, инженер-связист Ушер Зиновьевич Дорф, 1941-тӥ арын Одессаысь Иже келямын вал^[1].

1964-тӥ арысен 1970-тӥ арозь дышетскиз Ижысь механикая институтысь машина лэсьтон факультетын. Механикая институтлэн «Богема» творческой группаезлэн ёзчиез вал, 1975-тӥ арын «ИжМехСмех»-ез кылдытонэ пыриськиз^[1].

1969-тӥ арысен 2013-тӥ арозь Ижысь механикая заводын тыршиз, огшоры инженерысен предприятилэн валтӥсь конструкторез дорозь ӝутскиз^[2].

Солэн пыриськеменыз но кивалтэмез улсын ож тӥрлыклэн 30-лэсь трос модельёсыз кылдытэмын но производствое поттэмын вал^[2]. Соос пӧлын ИЖ-35 но ИЖ-34 пистолетъёс, ИЖ-37 стартовой пистолет, 6Р35 (ПЯ) армейской ожгар пистолет, «Север» но «ИЖ-94» комбинированной ружьёос; ИЖ-18МН ружьё, МР-251, ИЖ-81, ИЖ-81МК, МП-133 магазинэн помповой ружьёос, ИЖ-71 пистолет, МП-461 травматической пистолет но мукет^[1].

1995-тӥ арысен 2007-тӥ арозь Ижысь механикая заводлэн валтӥсь конструкторез вал. 2007-тӥ арысен — ож тӥрлык поттонъя валтӥсь специалист — технической директорлэн советникез^[1].

1996-тӥ арысен — ручной ож тӥрлыкез эскеронъя Брюссель конвенцилэн Калыккуспо ялан ужась комиссиысьтыз Россиысь йӧскалык комитетэзлэн ёзчиез^[2]^[1].

Росси Федерациысь Кун Думалэн Кышкыттэмлыкъя комитетэз бордын ужась ож тӥрлыклэсь оборотсэ кат ласянь чакланъя секцилэн экспертэз. «Ож тӥрлык сярысь» федерал законэз кылдытӥсь группае пыриз. Россиысь кышкыттэмлыкъя, обороная но катрадлыкъя академилэн ёзчиез, Россиысь качество ужпумъёсъя академилэн корреспондентэз-ёзчиез^[2]^[1].

Экономикая но Кунпуш ужъёсъя министерствоосын, Госстандарт но мукет огазеяськонъёсын, катрадлык удысын продукцилы куронъёс пуктӥсь документъёс дасяку, «Ижмех»-лэсь тунсыкъёссэ утёнъя уж нуиз. Ож тӥрлык сертификацияя Росси Федерациысь Госстандартысь координационной кенешлэн ёзчиез, ПМК-лэн Россиысь люкетэзлэн экспертной группаезлэн кивалтӥсез вал.

6 изобретениослэн но 12 публикациослэн авторзы^[2].

2013-тӥ арын пенсие потӥз^[1]. Улонысь кошкиз 2015-тӥ арын 30-тӥ куартолэзе. Ватэмын Ижысь Хохряки шайвылын^[2].

Данъетъёсыз

ВДНХ-лэн азвесь медалез
«Изобретатель СССР» гадь пус
Удмурт Элькунысь промышленностьысь дано ужась (1996)
Росси Федерациысь Кивалтэтлэн наука но техника удысын премиезлэн лауреатэз (1997)
Росси Федерациысь дано конструктор (1999)
«Конструктор стрелкового оружия М. Т. Калашников» пус (1999)
Удмурт Элькунысь Президентлэн Данъян грамотаез
Данъян орденлэн кавалерез (2004)
Ижлэн дано кунмуртэз (2006)^[2]

Валэктонъёс

↑ ¹ ² ³ ⁴ ⁵ ⁶ ⁷ Проект «Новые ижевские кафтанщики». Александр Дорф. У истоков больших свершений, Деловая Репутация (2 пӧсьтолэзе 2024). Эскеремын: 14 тулыспалэ 2025 арын.
↑ ¹ ² ³ ⁴ ⁵ ⁶ ⁷ 7 неизвестных фактов об ижевском оружейнике Александре Дорфе: дружба со Жванецким и участие в Олимпиаде-80, izh.kp.ru (1 инвожое 2015). Эскеремын: 14 тулыспалэ 2025 арын.

Чӧлсконъёс

[:1-1] ¹ ² ³ ⁴ ⁵ ⁶ ⁷ Проект «Новые ижевские кафтанщики». Александр Дорф. У истоков больших свершений, Деловая Репутация (2 пӧсьтолэзе 2024). Эскеремын: 14 тулыспалэ 2025 арын.

[:0-2] ¹ ² ³ ⁴ ⁵ ⁶ ⁷ 7 неизвестных фактов об ижевском оружейнике Александре Дорфе: дружба со Жванецким и участие в Олимпиаде-80, izh.kp.ru (1 инвожое 2015). Эскеремын: 14 тулыспалэ 2025 арын.

[1]

[2]