Григорьев, Андрей Николаевич
| Андрей Николаевич Григорьев | |
|---|---|
.jpg) | |
| Вордӥськем дырыз | 12-тӥ куартолэзе 1989 (36 лет) |
| Вордӥськем интыез | Якутиысь Нюрба ёрос |
| Званиез | Ефрейтор[d] |
| Ожмаськонъёс/ожъёс | Украинаын нимысьтыз ожгар операция |
| Данъетъёсыз |
 |
Андрей Николаевич Григорьев — Россиысь ожгарчи, ефрейтор, Украинаын нимысьтыз ожгар операцие пыриськись. Позывноез «Тута». Россиысь Герой (2025).
Улон сюресэз
Вордӥськиз Якутиысь Нюрба ёросын трос нылпиё семьяын[1].
Украинаын нимысьтыз ожгар операцие пыриськиз. Позывноез — «Тута». Службазэ нуэ Россиысь ожгар «Восток» группаысь 39-тӥ гвардейской мотострелковой бригадаын[2][3].
А. Григорьев кышнояськемын, вить нылпиосыз.
Подвигез
2024-тӥ арын шуркынмонэ, украин ожгарчиос ДНР-ысь Трудовое черкогуртэз берыктыны турттыкузы, Андрей Григорьев огеныз украин ожгарчиен нюръяськиз. Тушмонлэн шлемысьтыз камера жугиськемзэс гожтыса кельтӥз. 2025-тӥ арлэн кутсконаз со видео мерлыко вотэсъёсы сюриз. Соку ик ожмаськонзы сярысь пыр-поч тодмо луиз. Андрей Григорьев ивортӥз, солы эшеныз Трудовое черкогуртын Россилэсь флагзэ юнматыны косӥзы шуыса. Но та заданиез быдэстыку, Григорьевлэсь эшсэ украин пулемётчик вииз. Со бӧрсьы украин ожгарчи Григорьевез пленэ сётскыны косэ вал[4], но соиз нюръяськыны кутскиз[3]. Григорьевлэн сьӧраз якут пуртэз вылэм, соик ик тушмонэз вормиз. Украин ожгарчи Григорьевез «дуннеысь тужгес усто ожгарчи» шуиз но куриз сое улэп кельтыны но кошкыны лэзьыны. Григорьев куронзэ быдэстӥз. Нюръяськемез бере Григорьевлы эшшо куать нунал ӵоже тушмонэн басьтэм интыын улоно но улон понна нюръяськоно луиз[4]. Россиысь солдатлэн мугораз 16 яраез вал: 14-ез осколоклэсь, кыкез пуртлэсь, со сяна контузия. Госпитальын эмъяськиз.
Андрей Григорьевен ожмаськем украин ожгарчилэн нимыз тодмо луиз. Со — Одесса улосын вордӥськем 30 аресъем украин ожгарчи, ВСУ-ысь 71-тӥ бригадаысь «Кобра» позывноен Дмитрий Масловский[2].
2025-тӥ арын 11-тӥ толшоре Россилэн азьмуртэз Владимир Путин Андрей Григорьевез Россилэн Героез нимын пусйиз[4].
Со нуналэ ик Якутилэн тӧроез Айсен Николаев Андрей Григорьевен пумиськиз. Со пусйиз: ожгарчи — востэм егит воргорон, кудӥз ассэ героен уг лыдъя. Солэн подвигез видеое ӧй ке кыльысал, со сярысь нокин ӧй но тодысал, вылды. Пумиськонзы пумын Айсен Николаев Андрей Григорьевлы выль якут пурт кузьмаз[5].
Андрей Григорьевлэн украин ожгарчиен нюръяськеменыз видео сярысь мылкыдзэ вераз Америкаысь миллиардер Илон Маск. X мерлыко вотэсысь бамаз со гожтӥз:
Марысь мар ке, мынам изён комнатаям борддорам Нырысетӥ дунневыл вакытысь пурт мертчемын. 1917-тӥ арын лэсьтымын. Ог-оген нюръяськыку, солэн пайдаез, пистолетлэн сярысь, бадӟымгес[6].
Данъетъёсыз
- Россилэн Героез (2025)
Чӧлсконъёс
- ↑ Татьяна Цвенгер Глава Якутска подарил Андрею Григорьеву снегоболотоход(ӟуч)
- ↑ 1 2 Козлов, Иван. Грыз зубами, бил ножом. Перед смертью солдат ВСУ восхитился якутским бойцом, AiF. Дата обращения: 11 толшоре 2025.
- ↑ 1 2 Маск прокомментировал рукопашную схватку штурмовика из Якутии с военным ВСУ - Российская газета, Российская газета (4 толшоре 2025). Дата обращения: 11 толшоре 2025.
- ↑ 1 2 3 Путин присвоил звание Героя России ефрейтору Григорьеву, Известия (11 толшоре 2025). Дата обращения: 11 толшоре 2025.
- ↑ Глава Якутии встретился с героем Андреем Григорьевым, прославившимся на поле боя. Дата обращения: 11 толшоре 2025.
- ↑ Маск неожиданно высказался о схватке штурмовика из Якутии с военным ВСУ, РИА Новости (4 толшоре 2025). Дата обращения: 11 толшоре 2025.