Гаврилов, Борис Гаврилович (этнограф)
| Борис Гаврилович Гаврилов | |
|---|---|
| Вордӥськем нуналыз | 21-тӥ пӧсьтолэзе 1854 |
| Вордӥськем интыез | |
| Кулон нуналыз | 4-тӥ пӧсьтолэзе 1885 (30 лет) |
| Ужудысэз | гожъяськись |
Борис Гаврилович Гаврилов (21-тӥ пӧсьтолэзе 1854 Никифорово гурт, Мамадыш уезд Кузон губерния ― 4-тӥ пӧсьтолэзе 1885) ― калык пӧлысь потэм аспӧрмосо тодосчи, удмурт фольклорез люкась, удмуртъёслэсь но кряшенъёслэсь улэм-вылэмзэс, сям-йылолъёссэс эскерись, гуртысь дышетӥсь, берло улон аръёсаз – Алабго уездысь Вятской епархиысь священник но миссионер[1].
Биографиез
Дышетон удысын
Борис Гаврилов вордӥськиз 1854-тӥ арын 21-тӥ пӧсьтолэзе Кузон губерниысь Мамадыш уездысь Никифорово гуртын крестьян семьяын. 1864-тӥ –1866-тӥ аръёсы дышетскиз Кузонысь Центральной крещено-татарской миссионерской школаын. Дышетӥз удмурт кылэз. 1867-тӥ арын толшорысен дас кык аресъем Гаврилов Кузон уездысь Апазово гуртысь школаын дышетӥсь луыса ужаны кутскиз. Та уездысь ик Ушма гуртын удмурт школа устӥськем бере, 1868-тӥ арын отчы выжиз. 70-тӥ аръёс пумын Гаврилов дышетон удыссэ Ватка губерниысь Алабго уездысь Пуже-Уча черкогуртысь «вотской иностранной школаын» азьланьтӥз (али дыре Удмурт Элькунысь Пичи Пурга ёросысь Ильинск черкогурт). Со вакытэ ик удмуртъёслэн улэмзы сярысь тодэтъёсты люканы но печатланы кутскиз[2][3]. 1872-тӥ -1877-тӥ аръёсы кузон (кыдёкысь лымшор), малмыж (шор) но глаз (уйпал) удмуртъёслэсь фольклор материал люкаса, «Произведенiя народной словесности, обряды и поверья вотяковъ Казанской и Вятской губернiй» нырысьсэ удмурт диалектъёсын гожтэм оригинальной текстъёсын книга печатлаз. Солэн фольклорно-диалектологической публикациосыз со вакытэ финно-угроведениын туж кулэлыкоесь луизы. Гавриловлэн гожъямъёсыз пӧлысь тросэз, тужгес но кырӟанъёс но мадиськонъёс кунсьӧр (М. Бух, Б. Мункачи) но асьме тодосчиослэн , так и отечественных (Г. С. Лыткин, М. П. Петров, Н. П. Кралина, Т. Г. Перевозчикова но мукет) ужъёсазы кутӥськылӥзы[4].
Тодос удысын Борис Гаврилов тодмо луиз таӵе монографиоссэ печатламез бере:
- «Погребальные обычаи и поверья старо-крещеных татар деревни Никифоровой Казанской губернии Мамадышского уезда» (1874);
- «Произведения народной словесности, обряды и поверья вотяков Казанской и Вятской губерний» (1880)[5];
- «Поверья, обряды, обычаи вотяков Мамадышского уезда Урясь-Учинского прихода» (1891).
Вӧсьлыко удысын
1880-тӥ арын Гаврилов Инмарлы оскон сюрес быръе. 1880-тӥ арын 29-тӥ куарусёнэ Ватка епархилэн кивалтэтэз сое Алабго уездысь Крынды черкогуртэ гуртэ священнике юнматӥз. 1881-тӥ арын 1-тӥ пӧсьтолэзе сое Умяк гуртэ выжтӥзы но Петрпавловской черке настоятеле юнматӥзы. Нош 1882-тӥ арысен со Алабго уездысь миссионер луиз[6].
1885-тӥ арын 4-тӥ пӧсьтолэзе 30 аресаз Борис Гаврилов секыт висеменыз улонысь кошкиз.
Библиография
- Гаврилов Б. Г. Погребальные обычаи и поверья старокрещеных татар // Известия по Казанской епархии. Казань, 1874. № 9.
- Гаврилов Б. Г. Обряды и поверья вотяков Казанской и Вятской губерний / записаны, переведены и изложены Б. Гавриловым во время командировки его в вотские селения. Казань, 1880. Серия публикаций фрагментов этой книги состоялась также и в неофициальной части «Вятских губернских ведомостей» в 1882 (№ 69) и 1883 г. (№ 59–62, 64–66)
- Гаврилов Б. Г. Поверья, обряды и обычаи вотяков Мамадышского уезда, Урясь-Учинского прихода // Труды Четвертого археологического съезда в России, бывшего в Казани с 31 июля по 18 августа 1877 года. Казань, 1891. Т. 2.
Валэктонъёс
- ↑ А. А. Туранов. Священник Борис Гаврилов – неизвестная рукопись
- ↑ Туранов А.А. О крайних датах биографии Бориса Гаврилова
- ↑ Коробейников А.В. Чураков В.С. Рукопись Б. Г. Гаврилова из собрания Русского Географического общества
- ↑ КЕЛЬМАКОВ В.К. Б. Г. ГАВРИЛОВ И ПУБЛИКАЦИЯ ПЕРВЫХ ОРИГИНАЛЬНЫХ ТЕКСТОВ НА УДМУРТСКИХ ДИАЛЕКТАХ
- ↑ Произведения народной словесности, обряды и поверья вотяков Казанской и Вятской губерний. Гаврилов Борис Гаврилович
- ↑ Туранов А.А. Борис Гаврилов: пять лет в сане священника. Размышления о «фактах» биографии