Безбородов, Николай Александрович

Николай Александрович Безбородов
Вордӥськем нуналыз	29-тӥ куарусёнэ 1946({{padleft:1946|4|0}}-{{padleft:9|2|0}}-{{padleft:29|2|0}}) (79 лет)
Вордӥськем интыез	Красный Бор[d], Красный Бор ёрос[d], Бигер Автономной Советской Социалистической Республика, РСФСР, СССР
Кунмуртлыкез	СССР СССР → Россия Россия
Ужудысэз	ыбылӥськон пыӵалтӥрлыкъя конструктор
Данъетъёсыз

Никола́й Алекса́ндрович Безборо́дов (ворд. 29-тӥ куарусёнэ 1946, Красный Бор^[d], Красный Бор ёрос^[d], Бигер Автономной Советской Социалистической Республика, РСФСР, СССР) — инженер, ыбылӥськон пыӵалтӥрлыкъя конструктор, изобретатель. "Концерн «ИЖМАШ» ОАО-ысь ыбылӥськон пыӵалтӥрлыкъя валтӥсь конструктор. РФ-ысь Кун премилэн лауреатэз, Ижкарлэн дано муртэз (2007).

Улон сюресэз

1946-тӥ арын 29-тӥ куарусёнэ Татарстанысь Красный Бор черкогуртын вордӥськиз. 1965-тӥ арын Ижкарысь индустриальной техникумез йылпумъяз но Ижысь машиностроительной заводын техник-конструктор луыса ужаны кутскиз. 1973-тӥ арозь Ижысь механикая институтын дышетскиз, отӥяз — аспирантураын, техника наукаосъя кандидат. Таин валче авиацияя пушкаосты сериен производствое поттонэз чаклан-радъянъя бюролы кивалтӥсе юнматэмын вал. 1988-тӥ арысен СКБ-40 производствоен кивалтӥз. 1990-тӥ аръёсы производствоез утён но отӥяз предприятиез азинтон понна трос лэсьтӥз.

Безбородов ожгар но граждан ыбылӥськон пыӵалтӥрлыклэсь сюлэсь ятыр модельёссэ но модификациоссэ дасянэ пыриськиз. Спортъя армейской АВ винтовка лэсьтӥз, «Лось», «Барс», «Марал» карабинъёсты кылдытонэ пыриськиз, куд-ог ожгар ыбылӥськон пыӵалъёслэсь модельёссэс пӧйшуранын но спортын кутыны тупамон вылысь воштонъёс пыртонэз радъяз. Росси Федерациысь Федерал Собранилэн Кун Думаысь кышкытлыклэсь утиськонъя комитетлэн эксперт кенешезлэн ёзчиез, ыбылӥськон пыӵалтӥрлыкез сертификация пыр поттон удысъя ужпумез радъянъя ведомствоос куспысь кенешлэн ёзчиез; Росси Федерациысь Кун стандартъя техникая комитетлэн ёзчиез. Удмурт Элькунысь Инженерияя академиысь корреспондент ёзчи (1995).

Н. А. Безбородов — изобретениослы, промышленной образецъёслы но кулэ луись модельёслы ог 40 патентъёслэн но свидетельствоослэн авторзы. Спортъя но пӧйшуранъя, ожгар пыӵалтӥрлыкъя каталогъёслэн авторез.

Данъетъёсыз

• «Данъян пус» орден (1982);
• Эшъяськон орден (1998);
• Данъян орден (2005);
• РФ-ысь Кун премилэн лауреатэз (1998);
• «СССР-ысь изобретатель» гадьпус;
• СССР-ысь Обороная промышленностья министерствоысь «Устоез конструктор» (1987) но «Ӟечлыкъя отличник»;
• Росси Федерациысь Промышленностья, наукая но технологиосъя министерствоысь «Дано машиностроитель» (2002);
• Удмурт Элькунысь промышленность удысысь дано ужась;
• Удмурт Элькунысь Правительстволэн М. Т. Калашников нимо премилэн лауреатэз;
• А. В. Суворов нимо премилэн лауреатэз;
• Ижкарлэн дано муртэз (2007).

Валэктонъёс

Литература

• Удмуртская Республика: энциклопедия / Туганаев В. В.. — Ижевск: Удмуртия, 2008. — С. 202—203. — 765 с. — 2200 экз. — ISBN 9785765904862.
• Инженеры Урала: энциклопедия / Данилов Н. И.. — Екатеринбург: Уральский рабочий, 2007. — С. 68. — 887 с. — 2000 экз. — ISBN 5853833502.
• Кто есть кто в Удмуртии / Афанасьева Л. В.. — Ижевск: Регион-Пресс, 2001. — С. 119. — 422 с.
• Широбоков Ю. А. Оружие и его создатели — связь времён / Писарев С. А., Якимович Б. А.. — Ижевск: Издательство ИжГТУ, 2012. — С. 199—205. — 518 с. — 200 экз. — ISBN 9785752605536.