Max (приложение)

Википедиысь материал
Max
Скриншот программы Max
Типез Компьютерная программа[d]
Кылдытӥсез «Коммуникационная платформа» ООО
Операционной система iOS, Android, macOS, Windows
Интерфейслэн кылъёсыз англи, ӟуч но мукет
Нырысьсэ потӥз 27-тӥ южтолэзе 2025
Ужамез активной
Вотэсбам max.ru

Max (мукет сямен MAX) — «ВК»-лэн цифровой платформаез, огазея мессенджерлэсь функциоссэ, мини-приложениосты, платёжной системаез но кун сервисъёсты[1]. 2025-тӥ арын 27-тӥ южтолэзе бета-версиез (отчы пыртэмын ини мессенджер) вебсайт но устройствоослы iOS, Android, macOS но Windows инъетъёс вылын кылдытэм приложениос чотын возьматэмын вал[2]. Махлэсь ляб интыоссэ шараям понна 2025-тӥ арын пӧсьтолэзе VK корпорация 5 млн манет тырыны дась луэмез сярысь ивортӥз[3].

2025-тӥ арын 1-тӥ куарусёнысен, катрадлыкез чакласа, Max Россиысь вань выль устройствоосы пуктэмын луоз. Матысь дыре штраф тырон но ужкагазъёсты оформить карон понна, «Госуслуги» платформае но мукет кун сервисъёсы пыртыны чакламын[4]. Озьы ик со мобильной интернеттэк ужаны быгатӥсь Мерлык ласянь кулэлыко сервисъёс пӧлы пыртэмын.

Историез

Max мессенджерез лэзьыны дасяськон сярысь ивор 2025-тӥ арын 25-тӥ южтолэзе потӥз. Соку ивор вӧлмытӥсь ёзэтъёс, инсайдеръёс вылэ чӧлскыса, «матысь дыре» приложениосын магазинъёсын (App Store  [ӟуч] (удм., Google Play) мессенджерлэн бета-версиез потоз шуыса ивортӥзы, солы луыса, 4 ГБ-тозь файлъёсты келяны, сообщениосын вошъяськыны но жингыръяны луонлык кылдоз. Кунын онлайн-звонокъёс быдэсъяны юрттӥсь медиасерверъёс интыямын шуыса, вераськонлэсь ӟечлыксэ будэтон понна, Машинной обучения технологиос кылдытэмын. Нырысетӥ версие пыртэмын корпоративной чат-ботъёс кылдытӥсь инструментъёс, кудъёсыз финансовой сервисъёс, юрттэт сётӥсь службаос но мукет продуктъёс кылдытыны юртто, шуыса пусъемын. Цифровой платформае мини-приложениосты, платёжной системаез но кун сервисъёсты пыртыны чакламын, нош ачиз приложение WeChat  [ӟуч] (удм. китай платформалэн аналогез луыны быгатоз, шуыса ивортэмын[5].

Финансовой экспертъёслэн малпамзыя, нырысетӥ этапын проектэз инвестировать карон 1 млрд манетозь вуыны быгатоз[5].

27-тӥ южтолэзе платформа iOS, Android, macOS, Windows инъетъёс вылын кылдытэм устройствоослы приложениос но вебсайт чотын кутымон луиз. Бета-версие шедизы аслыко но огинлыко чатъёс, куараен сообщениос, медиафайлъёс, быдӟалазыя 4 ГБ-тозь файлъёс келян, стикеръёс но реакциос пуктылыны, аудио- но видеозвонокъёс лэсьтылын, чат-ботъёс но мини-приложениос кылдытъян луонлыкъёс[2].

2025-тӥ арын 14-тӥ оштолэзе Мах сервисэ GigaChat 2.0  [ӟуч] (удм. искусственной интеллектэз пыртон сярысь ялэмын вал. ИИ-ен кусыпъяськон аслыко чат пыр ортче, кудаз юзчи вераса но гожтыса кылдытэм сообщениос, аудиофайлъёс, суредъёс но файлъёс келяны, нош солы пумит кулэ луись тодэт басьтыны быгатэ (озьы ик языковой моделен интернетысь шедьтэмзэ). Бизнес-клиентъёслэн MАХ-ын ИИ-лэсь пӧртэм версиоссэ — GigaChat 2 Pro или GigaChat 2 MAX бырйыны луонлыксы вань[6].

2025-тӥ арын инвожо толэзе басьтэм тодэтъёсъя, мобильной устройствоосын но компьютеръёсын Max росси мессенджерын пыроннимъёслэн лыдзы 1 миллионозь вуиз[7]. 2025-тӥ арын пӧсьтолэзьлэн кутсконозяз MAX-ын эрикрадъяськем юзчиослэн лыдзы 2 миллионлэсь ятыр луиз[8].

2025-тӥ арын 1-тӥ куарусёнысен Max мессенджерез Россиын потӥсь вань выль устройствоосы пуктыны чакламын[9].

Функционал

Max платформаез мобильной устройствоосы (iOS, Android), персональной компьютеръёсы (Windows, macOS) инъяны, озьы ик веб-интерфейс  [ӟуч] (удм. пыр тупатыны луэ. Приложениез App Store, Google Play, RuStore но AppGallery цифровой магазинъёсысь установить карыны луэ. Юзчи телефон номерезъя (росси яке белорус) регистрациез ортче. Приложениез нырысьсэ лэзьыку, нимез гожтыны но профильлэсь тусъетсэ инъяны кулэ[2][10].

Интерфейс  [ӟуч] (удм.ын ньыль валтӥсь вкладкаосыз вань: «Контактъёс», «Чатъёс», «Звонокъёс», «Настройкаос». Пушказ чатъёсты, уведомлениосты асъя тупатыны, папкаосъя тырыны лушкемлыкен кивалтыны луэ[10].

  • Max мобильной приложенилэн интерфейсэз
  • Регистрациез ортчонъя нырысетӥ вамыш

    Регистрациез ортчонъя нырысетӥ вамыш

  • Регистрациез ортчыку аватар быръён

    Регистрациез ортчыку аватар быръён

  • Нырысь тодматскон

    Нырысь тодматскон

  • Чатъёсын папка

    Чатъёсын папка

  • Чат-бот

    Чат-бот

  • Мини-приложение

    Мини-приложение

2025-тӥ арын 9-тӥ пӧсьтолэзе 12 час 46 минутэ MAX платформаын дырызъя но юзчиослэн лыдзыя сюбегатымтэ огинлыко видеозвонокъёсын функция ужаны кутскиз. Звонок лэсьтон понна, юзчиослы «Звонокъёс» кнопкаез зӥбыса, ӧтён чӧлскон кылдытоно. Видеоконференция дыръя экранэз возьматыны луэ, отчы пыриськемъёс сетка амалэн возьматӥсько. Матысь дыре чатэз, администраторлэсь эрикрадъёссэ сётонэз, нейроаватаръёсты, маскаосты но виртуальной фонъёсты ватсаны чакламын[11].

Коммуникация

Платформа кутӥське стандартной сообщениосын вошъяськон понна[2][12]:

  • аслыко но огинлыко чатъёс;
  • текстовой сообщениосты, суредъёсты, видео но бадӟым файлъёсты (4 ГБ-тозь) келян;
  • куараё сообщениосты келян;
  • стикеръёсты но реакциосты эмодзи амалэн келян[2][12].

Пушказ пуктэм аудио- но видеозвонокъёс вотэсъёсын вылӥ яке улӥ уровенен сигналъёсын ужало. Ивор вӧлмытӥсь ёзэтъёслэн верамзыя, звонкъёс вис карылытэк ужало, вераськонлэн но суредъёс келянлэн ӟечлыкез умой[2][12].

Аслыко перепискаын контактъёсын, геолокациен вошъяськыны но СБП  [ӟуч] (удм. пыр уксё лэзъяны луэ. Приложенилэн нырысетӥ версияз Альфа-банкысь но ВТБ банкысь уксё келяны луэ ( со понна: МАХ-ын кулэ луись банкез быръем бере, финансовой организацилэн мобильной приложенияз выжыса, кулэ луись операциез йылпумъяно)[13].

Чат-ботъёс но мини-приложениос

Max чат-ботъёсты  [ӟуч] (удм. но мини-приложениосты подключить карыны луонлык сётэ. Со Max Bot API (ботъёсты кылдытон но валтон понна), Max Bridge (клиентъёслэсь мини-приложениоссэс огазеян понна библиотекаос) но MasterBot (ӝог публиковать карон но API-ключъёс басьтон понна служебной бот) инструментъёсты кутыса быдэстӥське. Разработка быдэстӥське программаос, визуальной конструкторъёс но мукет инструментъёс пыр (BotMother, JetBot, ChatForma, SaleBot. Ботъёслэн нимъёссы, Telegram выллем, bot кылын йылпумъяськыны кулэ (кылсярысь, @examplebot)[14].

Мини-приложениос мессенджерлэн пушказ солэн интерфейсаз лэзисько, солэн луыны быгатэ аслаз графикаез но бизнес-логикаез, чат-ботъёс пыр лэзиське[12][14].

Искусственной интеллект

2025-тӥ арын 14-тӥ оштолэзьысен Max GigaChat 2.0  [ӟуч] (удм. ИИ-платформаен валчеямын. Платформа пушкы пыртэм нейросеть текст, суред кылдытъяны, куараё сообщениосты валаны, видеолэсь, статьяослэсь пуштроссэс вакчиятыса вераны, суредъёслы валэктон сётыны, А4 форматэн 200 бамозь файлъёсын ужаны быгатэ[6].

Огдыре кӧня ке файлъёсты лэзьыку, ИИ вачевераськонэз возьыны юрттэ, инъям тодэтъёс вылэ пыкиськыса, рос-прос валэктон сётэ но кутэм источникъёс вылэ чӧлсконъёсты возьматэ[6].

Азинскемез

Max платформаез кылдытон бордын ужаз «Коммуникационная платформа» ООО, солэн учредителез «Компания ВК  [ӟуч] (удм.» ООО луэ. Со платформа «суперприложение» («суперапп») кылдытонлы инъет шуыса лыдъяське, кудӥз огъя интерфейсэ нуналмысь кутӥськись трос пӧртэм цифровой ужпумъёсты огазея. Матысь дыре таӵе функциосты лэзьыны чакламын[6][5]:

  • мини-приложениослэн экосистемазы пыр брендъёслы но разработчикъёслы юрттэт сётонэз паськытатон;
  • аслэсьтыз платёжной системазэ кылдытон;
  • кун сервисъёсын валчеяськон (кылсярысь, «Госуслуги  [ӟуч] (удм.» портал)[6][5].

Критика

Mах «ВК» холдинглэн мукет сервисъёсыныз меӵак огазеяськемын ӧвӧл шуыса пусъё юзчиос, кылсярысь, «ВКонтакте» яке VK Музыка платформаосын. Соос озьы ик тодэтъёслэн двухфакторной аутентификацизы но шифрованизы ӧвӧл шуыса сюлмасько[15][16].

Платформаез Telegram  [ӟуч] (удм. мессенджерен одӥг выллем луэмез пумысен курлазы — юзчиос озьы ик ботъёсты но мини-приложениосты кутон ласянь одӥг кадь луэ шуыса пусйизы. Соин валче, али ужась тодмо платформаос ванен, выльзэ кылдытонлэн кулэлыкез быре. Куд-огез, асьме дорын кылдытэм платформаос кунсьӧр аналогъёсты воштыны быгатозы шуыса малпа[12][17].

2025-тӥ арын 7-тӥ пӧсьтолэзе VK Mах мессенджерлы агрессивной рекламной кампаниез лэзиз, со пӧлын Санкт-Петербургысь VK Fest  [ӟуч] (удм. нимлыко ужрад. Инстасамка  [ӟуч] (удм. но мукет блогеръёс выль сервисэз мыло-кыдо вӧлмытыны тыршо. Озьы ке но. мессенджерлэн рейтингъёсыз зол висъясько: App Store-ын — 4.1, нош Google Play-ын — 1.1, со конкурентлэн луоно сюбегатонъёсыз пумысен Telegram-лэн юзчиосызлэн негативной реакциенызы герӟаськемын луыны быгатэ. MAX кун ласянь юрттэт басьтонлы но мукет официальной сервисъёсын кусыпъяськонлы оске, нош Telegram аслаз каньыл фунционалэныз аудиториез бордаз кыске. Платформаос куспын конкуренция пумен будэ но будэ[18].

Валэктонъёс

  1. ↑ VK создает аналог китайского мессенджера с госуслугами и платежами WeChat Эскеремын 12.07.2025 арын
  2. ↑ 1 2 3 4 5 6 В России представили MAX — отечественный мессенджер и аналог WeChat Эскеремын 12.07.2025 арын
  3. ↑ За найденные уязвимости в мессенджере Max заплатят до пяти миллионов рублей, РИА Новости (20250701T1442). Эскеремын: 9 пӧсьтолэзе 2025 арын.
  4. ↑ Всё о Max: российский национальный мессенджер запустят в 2025 году. Эскеремын: 12 пӧсьтолэзе 2025 арын.
  5. ↑ 1 2 3 4 VK запустит бета-версию аналогичного китайскому WeChat мессенджера Max Эскеремын 12.07.2025 арын
  6. ↑ 1 2 3 4 5 Чатная инициатива: нацмессенджер MAX объединился с крупнейшим в РФ ИИ-ботом Эскеремын 12.07.2025 арын
  7. ↑ В российском мессенджере MAX зарегистрировались больше 1 млн пользователей, Hi-Tech Mail (30 инвожое 2025). Эскеремын: 12 пӧсьтолэзе 2025 арын.
  8. ↑ Пользователям МАХ стали доступны групповые видеозвонки, Известия (9 пӧсьтолэзе 2025). Эскеремын: 12 пӧсьтолэзе 2025 арын.
  9. ↑ Новый мессенджер Max: что это такое, зачем нужен и где скачать, РБК Life. Эскеремын: 9 пӧсьтолэзе 2025 арын.
  10. ↑ 1 2 Max: что известно о новом приложении ВК и аналоге WeChat Эскеремын 12.07.2025 арын
  11. ↑ Платформа MAX запустила неограниченные групповые видеозвонки, ВЗГЛЯД.РУ. Эскеремын: 12 пӧсьтолэзе 2025 арын.
  12. ↑ 1 2 3 4 5 VK выпустила Max — бета-версию мессенджера с мини-приложениями, ботами, звонками и API для разработчиков Эскеремын 12.07.2025 арын
  13. ↑ Протестировал MAX от VK, iPhones.ru. Эскеремын: 16 оштолэзе 2025 арын.
  14. ↑ 1 2 MAX для разработчиков Эскеремын 12.07.2025 арын
  15. ↑ MAX: общение, полезные сервисы Эскеремын 12.07.2025 арын
  16. ↑ VK по-китайски. Что за платформа MAX от ВКонтакте с «невидимкой» и передачей огромных файлов Эскеремын 12.07.2025 арын
  17. ↑ Компания VK выпустила приложение MAX — обещают сделать аналог китайского WeChat Эскеремын 12.07.2025 арын
  18. ↑ Мессенджер МАХ - борьба за пользователя — Малкин про MAX на vc.ru, vc.ru. Эскеремын: 12 пӧсьтолэзе 2025 арын.
«https://udm.ruwiki.ru/w/index.php?title=Max_(приложение)&oldid=506647»-ысь басьтэмын