Ӟуч кыллэн нуналыз
| Ӟуч кыллэн нуналыз | |
|---|---|
 | |
| Типез | Лулчеберето |
| Официально | Ӟуч кыллэн нуналыз |
| Мукет сямен | Россиын Пушкинлэн нуналыз |
| Юнматэмын | Росси Федерацилэн азьмуртэзлэн 2011-тӥ арын 6 инвожое гожтэм косэтэзъя. Сӥземын ӟуч кыллы |
| Дырыз | 6-тӥ инвожое |
| Герӟаськемын | А. С. Пушкинлэн, чеберлыко ӟуч кылэз инъясьлэн вордӥськем нуналыныз |
Ӟуч кыллэн нуналыз (ӟуч: День русского языка)— ӟуч кыллы сӥзем калыккуспо нунал. Юнматэмын 2010-тӥ арын ООН-эн, пусйиське 6-тӥ инвожое, быдӟым ӟуч кылбурчилэн Александр Сергеевич Пушкинлэн вордӥськем нуналаз[1].
Росси Федерациын 2011-тӥ арын кун инлыкен праздник шуыса юнматэмын.
Историез
Нырысьсэ Ӟуч кыллэсь нуналзэ пусъён сярысь поттылӥз «Русская игра слов» проектлэн авторез Иван Клименко «Парламентская газета» изданилэн бамаз 2007-тӥ арын 26-тӥ толсуре, Ӟуч кыллы сӥзем арлы йылпумъянъёс лэсьтыса[2].
Крымысь Ӟуч дэменлык Ӟуч кылэз утён нуналэз А. С. Пушкинлэн вордӥськем нуналаз 1996-тӥ арын ик пусйыны кутскиз. 2007-тӥ арысен Крымын ӟуч, славян культуралы сӥзем «Великое Русское Слово» калыккуспо фестиваль ортчытъяны кутскизы.
2011-тӥ арын 6-тӥ инвожое Росси Федерацилэн Азьмуртэз Д. А. Медведев, «Ӟуч кыллэсь нуналзэ юнматоно но сое арлы быдэ пусъёно 6-тӥ инвожое, быдӟым ӟуч кылбурчилэн, чеберлыко ӟуч кылэз инъясьлэн А. С. Пушкинлэн вордӥськем нуналаз» шуыса, Косэт гожтӥз[3].
ООН-лэн кылъёсызлы сӥзем нуналъёс
ООН-ын, вордскем кыллэн нуналыз сяна огазеяськонлэн официальной кылъёсызлы сӥзем нуналъёс пусйисько. Соос сярысь ялӥз ООН-лэн Vер-ивортодэтъя Департаментэз, кылъёслэсь но культураослэсь пӧртэмлыксэс утён улсын[4]. Та нуналэ ортчись ужрадъёс сӥземын кылъёслэн огкадь эрикрадо луонзылы, ООН-ысь ӧнерчиослэсь кылъёслэн историзы но азинсконзы сярысь тодон-валанъёссэс будэтонлы.
ООН-лэн программаезъя пӧртэм кылъёслы сӥзем нуналъёс
- 20 южтолэзе — Француз кыллэн нуналыз;
- 20 оштолэзе — Китай кыллэн нуналыз (Цан Цзелы, китай гожъяськетэз кылдытӥсьлы сӥземын);
- 23 оштолэзе — Англи кыллэн нуналыз (Уильям Шекспирлэн вордӥськем нуналыз);
- 23 оштолэзе — Испан кыллэн нуналыз (Мигель Сервантеслэн кулон нуналыз);
- 6 инвожое — Ӟуч кыллэн нуналыз (А. С. Пушкинлэн вордӥськем нуналыз);
- 18 толсуре — Араб кыллэн нуналыз (1973-тӥ арын араб кылэз ООН-лэн официальной кылъёсыз пӧлы пыртон сярысь Решениез юнматон нунал)[1].
Валэктонъёс
- ↑ 1 2 День русского языка в ООН
- ↑ Иван Клименко. «Да будет день!», Парламентская газета (27 толсуре 2007). Архивировано 31 коньывуонэ 2015 года. Эскеремын: 6 инвожое 2016 арын.
- ↑ О Дне русского языка : Указ Президента РФ от 06.06.2011 № 705 // Собрание законодательства РФ. 13.06.2011. № 24. Ст. 3401.
- ↑ Department of Public Information to Launch ‘Language Days at the United Nations’ Архивная копия от 2 толшоре 2018 на Wayback Machine [англи]
Чӧлсконъёс
- Официальный сайт Российской академии наук
- Указом Президента установлен День русского языка — 6 июня (Кремлин.ру)
- Стенограмма встречи в Институте русского языка, на которой Президент объявил о подписании указа «О Дне русского языка»
- Официальный сайт празднования Дня Русского языка в Москве «Русский Лад»