Чегандаысь мугыркъёс
| Чеганда мугыркъёс | |
|---|---|
 Мугырке пырон интыез | |
| Аслыкъёсыз | |
| Мурдалаез | 50-80 метр м |
| Кузьдалаез | 106 метр м |
| Быдӟалаез | 170 кв. метр м³ |
| Усьтэмын | 1862-тӥ арын |
| Интыяськемез | |
| 55°54′54″ с. ш. 53°31′47″ в. д.GЯO | |
 | |
 Медиафайлъёс РувикиМедиа пушкын | |
Чеганда мугырк— со кылдытэм маке, интыяськемын Белая шурлэн Каме усён интыяз, Чеганда гурт но Усть-Бельск черкогурт вискын. Мугырклэн мурдалаез 50-80 метр, огъя быдӟалаез — 170 квадрат метр, огъя кыстӥськемез — 106 метр.[1]
Кылдэмез
Мугыркъёс сярысь нырысь веранъёс 1862-тӥ арын пумисько[1]. Тужгес паськыт вӧлмем малпамъя, азьвыл татын ыргон поттонни вылэм. Пушрадызъя со XVII—XIX дауръёсысь пичияк рудниклы тупа: рудной гнездо лэсьтон понна, татын урдэс ласянь вакчи штрекъёсын галереяосыз вань, корт кайллэн пытьыез но кӧзоноослэн арка выллем туссы кылемын. Пу юнматэтъёслэн ӧволтэмысьтыз, та рудник XVIII даурлэн кутсконаз «медной лихорадкаен» валче кылдытэмын вал шуыса, валаны луэ[1]. Куке-соку та мугырк одӥг но ӝыны иськем пала кыстӥське вылэм, али 106 метрез гинэ кылемын, мукет люкетэз сюен согиськемын. Озьы ик татын кык (мукет тодэтъёсъя ньыль[2]) пыронниез вылэм, али одӥг гинэ, со но туж лапег: ог-кык метрзэ пыдесъяськыса ортчем бере гинэ ӝуждалаезъя 2 метръем гротэ вуыны луэ[3].
Лулчеберетын
Мугыркъёслэн лушкемлыксы сярысь, номыр вылэ пыкиськисьтэм трос дауркылъёс кылдытэмын. Кылсярысь, та мугыркез, пе, пегась муртъёс копаллям. Соос вылтуссыя туж чебересь вылӥллям, соин сэрен огшоры адямиослэсь ватсыса улоно луиллям[3]. Вань на одӥг пересь сярысь дауркыл. Вашкала дыръя, пе, Кам шур туж шукрес вылэм. Сое одӥг пересь гинэ буйгатыны быгатылэм, соин татӥ ортчись корабльёс черодэ султыса возьмано луылӥллям мугыркысь со пересьлэсь потэмзэ но быдӟым шурез буйгатэмзэ[2]. Мукет мадёсъя, татын асьсэлэсь узырлыксэс ватыса возиллям тодмо дон казакъёс Емельян Пугачёв но Стенька Разин. Вань на йырвандӥсьёс сярысь мадёнъёс, соос, пе, шур кузя ортчись купец корабльёсты талан понна, татчы асьсэлы инты лэсьтӥллям. XX даурлэн кутсконаз та мугыркъёсы белогвардецъёс совето властьлэсь ватскыса улӥллям[3]. Берлогес беглой крестьянъёс сярысь веранъёс кылдӥзы. Берлоосыз сярысь Романовскийлэн «Синяя молния» повестяз гожтэмын[1].
Валэктонъёс
- ↑ 1 2 3 4 А. А. Гунько. Пещеры: Выпуск 39: Сборник научных трудов. — Естественнонаучный институт Пермского государственного национального исследовательского университета, 1988. — С. 77—81. — 97 с.
- ↑ 1 2 татын. Чегандинские пещеры
- ↑ 1 2 3 Тонкости туризма. Чегандинские пещеры
Литература
- Урванцева Л. Ф., Юрина М. И., Ворончихина Н. И., Белоусова Л. А. Село мое родное, родная сторона. — Ижевск, 2016. — 487 с. : фот.