Ушаков, Александр Андреевич
 Александр Ушаков | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
| Файл:Александр Ушаков, 1971 год.jpg | |||||||||||||||||||
| Огъя ивортодэт | |||||||||||||||||||
| Быдэс нимыз | Александр Андреевич Ушаков | ||||||||||||||||||
| Кунмуртлыкез | |||||||||||||||||||
| Вордӥськем нуналыз | 18-тӥ инвожое 1948 | ||||||||||||||||||
| Вордӥськем интыез | |||||||||||||||||||
| Кулэм дырыз | 14-тӥ гудырикошконэ 2024 (76 лет) | ||||||||||||||||||
| Улэм интыез | Санкт-Петербург | ||||||||||||||||||
| Титулъёсыз | |||||||||||||||||||
| Дунне чемпион | 3 (1970, 1974, 1977) | ||||||||||||||||||
| Медальёсыз | |||||||||||||||||||
|
|||||||||||||||||||
Ушаков, Александр Андреевич ― удмурт биатлонист, дуннелэн куинь полэс чемпионэз, куинь олимпи сборное пыриськем мурт[2], биатлонъя Удмуртиысь нырысетӥез калыккуспо классъем спортъя мастер.
Улон сюресэз
Александр Ушаков вордӥськиз 1948-тӥ арын 18-тӥ пӧсьтолэзе Удмурт АССР-ысь Дэри ёросысь Смирново гуртын, крестьян семьяын. Куас вылэ пичи дырысен ик султӥз. 7 классэз йылпумъяса, Иже дышетскыны кошкиз, татысь 59№ номеро школаез йылпумъяз.
Спортын вормонъёсыз
1966-тӥ арын нырысьсэ биатлонъя ӵошатсконъёсы пыриськиз но юниоръёс пӧлын котыр ласянь нырысетӥез луиз. 1967-тӥ арын спортъя мастер луон нормативъёсты быдэстӥз. 1969-тӥ арын Закопан карын (Польша) дуннелэн чемпионатаз кык зарни медаль басьтӥз – 20 иськеме бызьылонын но эстафетаын. Удмурт биатлонистъёс пӧлын нырысетӥез калыккуспо классъем спортъя мастер ним басьтӥз[3].
1970-тӥ арын, Эстерсундын (Швеция) дунне чемпионатын ӵошатскон понна, СССР-лэн сборной командаяз пыртэмын вал. Татын ик эстафетной гонкаын зарни медаль басьтӥз. Та вормонъёсыз бере, Александр Андреевич СССР-ысь сӥё-дано спортъя мастер нимын пусъемын. 13 ар ӵоже Совето Союзлэн сборной командаяз яланлыко ёзчиез вал. Ушаков дунне чемпионатъёсын эстафетаосъя куинь пол вормисе потаз (1970, 1974, 1977). Озьы ик дунне чемпионатъёсын эстафетая (ЧМ-1975) азвесь медаль но спринтъя (ЧМ-1977) узвесь медаль басьтӥз. Куинь пол Олимпи шудонъёсын СССР-лэн сборнояз запасной радэ кутэмын вал (1972, 1976, 1980), СССР-лэн кык полэс чемпи онэз луэ[4].
1980-тӥ арын бадӟым спортысь кошкыса, Ленинградысь В. Можайский нимо военно-космической академиын физвоспитания кафедраын валтӥсь преподаватель луыса ужаз. Санкт-Петербургысь биатлонъя нылкышно командалэн тренерез вал.
Пенсие подполковник званиен потӥз. Секыт висемез бере 2024-тӥ арын 14-тӥ гудырикошконэ улонысь кошкиз.