Удмурт фамилиос
Удмурт фамилиос (ӟуч: Удму́ртские фами́лии) — удмуртъёслэн выжы но семья нимъёссы.
Ёзрадэз
Вааньмыз сямен, туала фамилиос ӟуч ним пӧрмытон амалъя кылдэмын: -ов (-ев), -ин, -ский суффиксъёс ватсаса. Нош кылвыжыез, кудӥз бордысь пӧрмемын фамили, куинь группалы люкыны луэ:
- Удмурт кылысь кылвыжы;
- Ӟуч кылысь кылвыжы;
- Интернациональной нимъёс, кудъёсыз бордысь ӟуч кылын пӧрмемын.
Удмурт кылвыжыен фамилиос
- Агаев — агай (ӟуч кылын «старший брат» яке «дядя»)кыл бордысь;
- Бузмаков — бузмак (ӟуч кылын «безземельный крестьянин») кыл бордысь;
- Гондырев — гондыр (ӟуч «медведь») кыл бордысь;
- Кайсин — кайсы (ӟуч «клёст») кыл бордысь;
- Парськуков — парсь кук (ӟуч «свиная нога») кыл бордысь;
- Чорыгов — чорыг (ӟуч «рыба») кыл бордысь;
- Чушъялов — ӵушъял (ӟуч «ёж») кыл бордысь;
- Юберов, Юберев — юбер (ӟуч «скворец») кыл бордысь;
- Юрметов — юрмег (ӟуч «ласка») кыл бордысь;
- Пислегин — пислег (ӟуч «синица») кыл бордысь.
Удмурт нимъёслэсь пӧрмем фамилиос
- Акку́зин
- Ассы́лов
- Бу́дин
- Булда́ков (Булда́ воршуд нимлэсь пӧрмемын, ӟуч кылынлэсь ударениен висъяське, Булдако́в удмуртаз ударение берпум слог вылэ усе)
- Зентереков («Зянтерыш» кыл бордысь)
- Ожме́гов (Ожме́г кыллэсь)
- Уде́гов
- Урсе́гов
- Чеже́гов (Чуже́г кыллэсь)
- Шуде́гов (Шуде́г ← шуд (ӟуч «счастье») кыл бордысь)
- Дзю́ин
- Корепанов
- Ярыгин (Ярыг ← ярык (ӟуч «трещина, щель; треснутый») кыл бордысь).
Мукет кылысь вуэм фамилиос
Тросэз удмурт фамилиос, христианизациен валче но удмуртъёслэн ӟучомеменызы, ӟуч кылысь вуэмын. Яке тюрк кылысь, озьы ик, тюркизация, исламизация но отатаривание процессъёсын герӟаськыса.
Ӟуч кылысь вуэм фамилиос:
- Владыкин (черке пыртэм бере сётылӥзы, ст.‑слав. владыка кыл бордысь)
- Ельцов
- Иванов
- Ившин (проповедникъёс пӧлысь тужгес мыло-кыдоезлэн фамилиезъя)
- Лукин
- Христолюбов (черке пыртэм беры сётылӥзы)
- Снигирев
- Ходырев (Гондырев удмурт фамилилы укшатыса)
- Князев
- Мосов
- Вахрушев (вашкала славян нимъёслэсь)
- Широбоков
Литература
- Фамилии восточно-финского происхождения // Унбегаун Б.-О. Русские фамилии. М.,1995. С. 284.