Юбер

Википедиысь материал
Эскерем гожтос
Юбер яке Шырчик

Юбер яке Шырчик (нимы-кибыосты, аслыз кӧттырон шугъяськытэк шедьтэ. Толлы шуныт палъёсы лобе. Нош тулыс берен берытске.

Вылтусыз

Юберлэн нырыз шонер, кузь но юн, йылыз ӧжытак купрес. Паръяськон вакытэ со ӵужмыт буёло луэ, мукет дыръя — сьӧд. Быжыз вакчи. Бурдъёсыз йылсо, нырысетӥ тылыез мукетъёсызлэсь вакчигес, кыкетӥез ― самой кузь. Пӧртэмлыксыя юберъёс 14 пумо лыдъясько но ог-огзылэсь туж ӧжыт висъясько. Россиын 5 пумозэ адӟыны луэ[1]. Ӵемгес ― огшорыез юбер (Sturnus vulgaris). Вылтус буёлэз сьӧд, вожмыт-бусӥр пыръем чиля, вань тӧдьы виштыосыз. Сӥзьыл пал виштыосыз ӵемгес луо. Егит юберъёс тылыоссы юнматозь пурысь вылтусоесь луо, гадь улзы тӧдьыалэс. Быдӟалазыя 22 сантиметрозь будо, секталазыя — 50-ысен 100 граммозь[2].

Сямыз

Юбер ― вазь вуись бурдоос пӧлысь одӥгез. Нырысь вуо айы юберъёс, кар лэсьтон инты быръё. Мумыосыз вуэм бере, паръяськыса ӵошен кар лэсьтыны кутско. Юберъёс писпу гыркъёсы но корка кор висъёсы каръясько. Уг палэнско адямиен лэсьтэм шырчик умортоослэсь но. Мукет бурдоосын ӵошатыса, юберъёс лекесьгес, соин ик улон инты понна вожвылчизэс виыны но быгато. Кар лэсьтон понна турын, векчи вай, ӝуйы окто, улаз выль куар валё но дырысь дыре соосты вошъяло. Юберъёс пӧртэм пумо куара поттыны быгато: чипсо, шулало, ӟукырто, ӟильырто[3]. Гонзэс воштон вакытэ гинэ чалмыло. Мукет бурдоослэсь но пӧйшуръёслэсь куараоссэс асэстыны быгато. Юберез адями куаралы но дышетыны луэ. Шуныт шаеръёсы кошконзы гудырикошкон толэзьысен бер сӥзьылозь кыстӥське.

Мукет юберъёс

  • Льӧль юбер (Sturnus roseus)
  • Сьӧд юбер (Sturnus unicolor)
  • Пурысь юбер (Sturnus cineraceus)
  • Горд ныро юбер (Sturnus sericeus)
  • Огшоры юбер (Sturnus vulgaris)
  • Пичи юбер (Sturnus sturninus)
  • Куӵо юбер (Sturnus contra)
  • Пурысь йыро юбер (Sturnus malabaricus)
  • Сьӧд бурдо юбер (Sturnus melanopterus)
  • Сьӧд чыртыё юбер (Sturnus nigricollis)
  • Браминской юбер (Sturnus pagodarum)
  • Камбоджийской юбер(Sturnus burman
  • Цейлонской юбер (Sturnus albofrontatus)nicus)

Валэктонъёс