Удмурт Википедия
Удмурт Википедия — со Википедилэн удмурт кылын версиез. 24-тӥ коньывуонэ 2005-тӥ арын Илья Евлампиевлэн (Кузон), Денис Сахарныхлэн (Ижкар) но Вячеслав Ивановлэн (Владикавказ—Вӧсьбуро Петыркар (Санкт-Петербург)) ӵектэмзыя удмурт кылын Википедилэн люкетэз усьтэмын вал. Та ужрад Удмурт шаерлэн кунлыкезлы 85 ар тырмонлы сӥземын вал, Элькунмылэн вӧрдӥськем нуналаз аспӧртэмлыко кузьымлы пӧрмиз. 31-тӥ толшоре удмурт Википедиын 1000 статья люкаськиз (мукет кылын Википедиос пӧлын 203-тӥ интыын). 15-тӥ тулыспалэ 2011-тӥ арын фин-угор википедиос пӧлысь нырысетӥ интые потӥз, Коми Википедиез азьпалтыса.
Тросаз ӧжыт калыкъем кунъёслэн Википедиосазы сямен ик удмурт Википедиын саклык висъяське лулчеберетлы, шаертодонлы но пöртэм йӧскалык (национальной) ужпумъёслы. Ляб интыосыз пöлысь висъяны луэ: инъет луись статьяос öжыт, статьяосын кыл возетъес ӵем дыръя лыдэ басьтэмын öвöл, озьы ик пыриськем муртъёслэн лыдзы туж öжыт.
Удмурт Википедиез узырмытон - секыт ужпум, удмурт кылэ берыктон кулэ каре етӥз визьбурлыкез но волятэм кылэз. Тырмыт öвöл пӧртэм тодосъёсъя ужъёс. Озьы ик секыт ужпум Википедие пыриськисьёсты ужрадлэн öраз пыртон
Нош али дырын Удмурт Википедиын 9892 статья вань ини.
Статистика
- 2005—100 статьяос
- 2007—300 статьяос
- 2009—2010 — ~500 статьяос
- 2010—700 статьяос (грант бере)
- 2011—1000 статьяос
- куартолэзь 2011—2300 статьяос.
- 2012 — 3070 статьяос.
- куартолэзь 2013 — 3334 статьяос.
- толшор 2014 — 3580 статьяос.
- 25-тӥ тулыспалэ 2015—105 000 тупатон.
Чектослы (Проектлы) юрттон
2010-тӥ арын Кастрен нимо огазеяськон ИПК и ПРО УР-лы удмурт википедиез азинтон понна уксё висъяз. Институтын ужасьёс но öтем авторъёс 200-лэсь ятыр статьяос кылдытӥзы, кудъёсыз историко-регионоведческой öр кылдытӥзы. Авторъёслэн малпамзыя, öрлэн ӝог будэмез тунсыкъяськытоз но выль авторъёсты бордаз кыскоз.
Удмурт Википедиез азинтон понна 2013-тӥ арын оштолэзе «ВКонтакте» мер вотэсын UdmWiki[1] нимаз огин кылдытэмын вал.
Валэктонъёс
Чӧлсконъёс
- «Открылся удмуртоязычный раздел Википедии, свободной энциклопедии!» (пресс-релиз от 4 ноября 2005 г.)
- В удмуртской Википедии — тысяча статей
- Сахарных Д. М. Научно-методическая поддержка развития удмуртской электронной письменности в ГОУ ДПО ИПК и ПРО УР (2010—2011 гг.) // Языки меньшинств в компьютерных технологиях: опыт, задачи и перспективы. Сборник материалов международной конференции. — Йошкар-Ола, 2011. С. 19-21. (см. также презентацию доклада)