Ува (санаторий)
| Ува | |
|---|---|
 | |
| Кун | |
| Кылдытэмын | 1987 |
| Ужан дырыз | быдэс ар ӵоже |
| Ватсам тодэтъёс | |
| Профиль | эмъянъя но диагностикая |
| Адресэз | Удмуртия, Ува ёрос, Ува каргурт, Курортная урам, 13-тӥ юрт |
 |
|
| uvasan.com | |
Ува́ санаторий — Удмуртиысь Ува каргуртысь вылӥ категориен трос профильем йӧнатӥськон инты. Лулсэр, лы, быгытъёс, вирсэр, син, пуштӥрлык висёнъёсын, шокан, нылпи ваён ёзвиосын но мукет черъёсын курадӟисьёслы тазалыксэс юнматонъя программаос ӵектэ.
Историез
1974-тӥ арын удмурт Ува каргурт котырысь нюр интыосын санаторий пуктыны кутскизы. Сое ӝутыны «Росколхозздравница» огазеяськон бакель сётӥз, озьыен, ужъюрт росси курорт инлык басьтӥз. Лэсьтӥськон ужъёсты 5 ар куспын йылпумъяны медо вал, но пуктӥськон 14 ар кыстӥськиз. Коньдон тырмымтэен шуг-секытъёс кылдӥзы, со сяна, огдыре 28 пӧртэм объектъёсты ӝутыны кутскемзы но югдурез секытомытӥз[1].
1987-тӥ арын «Ува» санаторий шутэтскыны малпасьёс понна ӧсъёссэ усьтӥз. Быдэс кунысь гурт удысын тыршисьёсты эмъяны кутылӥз. Путёвкаосты Мускоысь «Росколхозздравница» люкылӥз[2].
1991-тӥ арысен санаторий гужем вакытэ нылпиосын анай-атайёсты но эмъяны ӧдъяз, таин валче, 4 ар ортчыса, солы «Анай но пинал» типъем здравницалэсь инлыксэ сётӥзы[3].
2006-тӥ ар пумын «Ува» санаторийлэн пӧртэм пумо висёнъёсты эмъянъя 39 лицензиез но вылӥ категориен сертификатэз вал ни. Санаторий лулсэр, лы, быгытъёс, вирсэр, син, пуштӥрлык висёнъёсын, шокан, нылпи ваён ёзвиосын но мукет черъёсын курадӟисьёслэсь тазалыксэс юнматъяз[2].
2017-тӥ арын здравницалы «Куинь кизилиос» категория сётэмын[3].
Эмъяськон юрт йӧнатӥськыны кужым сётӥсь кык пӧзись ошмесъёслэн потон интыязы пуксемын — вуосазы трос сульфатэз, натриез, хлоридэз, йодэз, бромез. Озьы ке но вуосын но дэриен гинэ татын уг эмъяло[1].
Санаторий котырын выль корпусъёс пуктӥсько, азьлоосыз но выльдӥсько, спортэн вырон но тренажёръёсын залъёс ужало, велодорожка, терренкур, тазалыкез юнматонъя пыдын ветлон сюрес, волейболэн но баскетболэн шудон площадкаосыз, теннисэн шудонъя кортэз вань[4].
Интыяськон
Санаторий 254 шутэтскисьёслы чакламын. Номеръёсыз одӥг яке кык муртлы; стандарт, умоятэм но «люкс» категириен[4][5].
Инфраструктураез
Улон но эмъяськон корпусъёс, спортъя залъёс сяна, санаторийлэн котыраз вань:
- кафе;
- аптека;
- йырси ӵышкон;
- сауна но ӟуч мунчо;
- конференц-зал;
- мисьтаськон инты;
- парковка;
- сувениръёсын лавка[4].
Сиськон инты
Мугорез кыдатонъя но тазалыкез юнматонъя корпус
Бассейн
Валэктонъёс
- ↑ 1 2 История санатория [ӟуч] Официальный сайт санатория «Ува». Эскеремын 10.10.2025 арын
- ↑ 1 2 Санаторий ува тропа здоровья [ӟуч] med.prprel.ru. Эскеремын 10.10.2025 арын
- ↑ 1 2 35-летие санатория «Ува» [ӟуч] Профсоюз работников агропромышленного комплекса Российской Федерации (05.08.2022). Эскеремын 10.10.2025 арын
- ↑ 1 2 3 Санаторий Ува в Удмуртии [ӟуч] санатории-россии.рф. Эскеремын 10.10.2025 арын
- ↑ Номера [ӟуч] Официальный сайт санатория «Ува». Эскеремын 10.10.2025 арын
Литература
Шпаковская Л. Санаторий «Ува»: 20 лет. — Ижевск: Секреты красоты и здоровья, 2008. — 79 с.
Чӧлсконъёс
- 35-летие санатория «Ува» [ӟуч]
 |
|---|
