Трир

Кар
Трир
нем. Trier
Файл:Trier 126x.jpg
Флагез Гербез
49°45′24″ с. ш. 6°38′29″ в. д.
Кун	Германия
Тӧро	Wolfram Leibe[d]
Историез но географиез
Кылдэмын	16 (а. э. азьвыл)
Быдӟалаез	117,14 км²
Шор интыезлэн ӝуждалаез	141 но 135
Часовой поясэз	UTC+1:00[d] но UTC+2:00[d]
Улӥсез
Улӥсез	▼110 570 мурт (31-тӥ толсуре 2021)
Цифровой идентификаторъёс
Телефон кодэз	651
Почта индекс	54290, 54292, 54293, 54294, 54295 но 54296
Автомобиль кодэз	TR
trier.de
Трир
Медиафайлъёс РувикиМедиа пушкын

Файл:Панорама Трира.JPG

Трир - гурезьысен

Трирлэн тужгес тодмо история синпелетэз - Порта Нигра

Рим выж

Трир (нем. Trier, лат. Augusta Treverorum) — «Уйпал Рим», Германияысь вашкалаез кар. Кылдытэмын асьме эралэсь азьло 15-тӥ даурын Октавиан Август рим императорен треверъёслэн племязылэн вӧсяськон интызы вӧзын, со бордысь ик карлэн нимыз — «Августа Треверская».

Кар интыяське Рейнланд-Пфальц федерал музъемлэн шундыпуксён палаз.

Городын трос чебер, синмаськымон интыосыз. Нырысь ик, со Порта Нигра (Porta Nigra) — «Сьӧд капкаос». Азьвыл солэн кӧльыосыз югытэсь вылӥллям, но дыр ортчемъя, тӧлэн но жобаськись куазен сэрен, сьӧдэктӥллям. Капкалэн пасьталаез — 36 метр, ӝуждалаез — 30 метр, нош мурдалаез — 21,5 метр. Шундыпуксён Рим империялэсь кылем капкос пӧлысь Порта Нигра — тужгес бадӟымез но умой возиськемез. Ас вакытаз со пушкын таможня интыяськем.

Туж чебер но узыр адске Трир собор но со вӧзысь нылкышноослэн монастырьзы — Либфрауэнкирхе. Соборез утён вылысь пӧртэм ужъёс нуисько. Пушказ пыраны уг лэзё. Собор 320-тӥ арын Дунчылкыт Агриций Трирскиен пуктэмын вылэм, та ужез солы быдэстыны косэм Константин император.

Быдӟым Константинлэн 310-тӥ арын пуктэм базиликаез туннэ но, куке вӧсяськон инты быдэсак выльдэмын, кыске бордаз огшорыеныз. Укноосаз азьвыл суредъёсыз ик кылемын на. XII даурысен отын епископлэн резиденциез интыяськем. Пулэсь лэсьтэм вӧлдэтэз лыдэ басьтытэк, базиликаын нокыӵе чеберъянъёсыз ӧвӧл.

Рим выж вылтӥ туннэ но сюрес ортче, нош пуктэмын ни со Порта Нигралэн даураз. Рим калыкъёс пуктӥллям — со бордысен ик нимыз.

Городысь история синпелетъёс ЮНЕСКО-ен утисько.

Трир тодмо луэ на, Карл Маркслэн вордӥськем интыез шуыса.

Валэктонъёс