Сигма-бой (кырӟан)

Википедиысь материал
Сигма Бой
Обложка сингла Betsy, Мария Янковская - Сигма Бой «Сигма Бой» ()
Сингл Betsy, Мария Янковская - Сигма Бой
Потэмын 24-тӥ коньывуонэ 2024
Форматэз Радиоротация, видеоклип, цифровой дистрибуция
Гожтэмын 2024
Кыстӥськемез 2 мин 14 секунд
Кырӟанлэн авторез Михаил Чертищев

«Сигма-бой» (англ. Sigma Boy) — поп жанрен кылдытэм крӟан. Быдэсто Светлана Чертищева (тужгес тодмо луэ «Betsy» нимын) но Мария Янковская. Сингл интернет-хитлы пӧрмиз: блогеръёс ӵемысь сое асьсэлэн видеоосазы саундтрек чотын кутылӥзы. Озьы кырӟанлэн трос ремейкъёсыз но кавер-версиосыз кылдӥзы. Крезьгурзэ но кылъёссэ гожтӥз Михаил Чертищев[1]. Billboard чартэ шедем трекез, «росси идеяосты вӧлмытэмен сэрен», Европа союзын сое алыны дэмлазы . Со сярысь Европарламентын ивортӥз Volt немец партилэн депутатэз Нела Риль. Солэсь азьпалгес «Сигма бой» кырӟанлэн егитъёс понна ярантэм луэмез сярысь Die Tageszeitung газетын гожъязы вал[2].

Пуштросэз

Кырӟанын лирической героиня пияшлы вазиське. Солы вань нылъёс синмаськемын ке но, герояиняез ас палаз берыктыны со ӧз на быгаты. Героиня аслэсьтыз «аспӧртэм» луэмзэ но матэяськыны луонтэм сямзэ возьматыны турттэ. «Сигма» кыл — со интернет-сленг луэ. Озьы аслыз ачиз оскись воргорон сярысь верало, кудӥз огназ улыны яратэ, ӵемысь мерлыко эсэпъёсты но оскон-возьманъёсты палдуртэ[3]. Кылсярысь, нимало голливуд актёрез Киан Ривзэз, американ миллиардерез но изобретателез Илон Маскез. Озьы ик ӵемысь кутӥське литератураысь но кинысь тодмо геройёсты возьматон понна: Патрик Бейтман («Американскbq психопат»), Трэвиc Бикл («Таксист») но Томас Шелби («Острые козырьки»)[4][5].

Бэтси но Мария Янковская

Кылдэмез сярысь

Кырӟанлэсь кылъёссэ но крезьгурзэ гожтӥз крезьгурчи но продюсер Михаил Чертищев. Со МУККА кырӟасен ужаменыз тодмо луэ. Чертищев озьы ик мультсериалъёслы крезьгур гожъяз, соос пӧлын «Лунтик», «Барбоскины» но «Три богатыря». Кырӟанэз быдэсто крезьгурчилэн 11 аресъем нылыз Светлана Чертищева но 12 аресъем Мария Янковская.

Синглэн тодматон ортчиз 2024-тӥ арын 4-тӥ коньывуонэ. Со вакытэ ик YouTube-каналын «Бэтси Girl» дуэтлэн клипез 3-тӥ интые потӥз но «Россиысь сю устоосыз клипъёс» пӧлы пыриз. Роликез 59 миллион мурт учкиз (тодэтъёс 21-тӥ толсурозь басьтэмын 2024-тӥ арын)[6].

Кырӟанысь чуръёс

Каждая девчонка хочет танцевать с тобой
Сигма сигма бой, Сигма Бой Сигма бой
Я такая вся, что добиваться будешь год
Сигма сигма бой, Сигма Бой Сигма бой [7].

— Betsy & Мария Янковская — Сигма Бой

2025-тӥ арын толшор пумын кырӟанлэсь авторзэ Михаил Чертищевез кырӟанэз асэстэмен янгыш каризы. Диджей Виталий Лазарев (Dj Lavitas) со выллем аранжировкаез 2010-тӥ аръёслэн шораз гожтӥз вал шуыса, ивортӥз[8].

Вӧлмемез

Нырысь-валысь кырӟан дуэтлэн фан-дэменлыкез пӧлын вӧлмиз, собере нылашъёс вакчи видео гожъяны кутскизы, кудъёсаз «Сигма-бой» кырӟанъя Чертищеваен но Янковскаяен ӵош тодмо блогеръёс но артистъёс эктылӥзы.

Светлана Чертищева, Мария Янковская но Вика Андриенко

Кырӟан уката зол вӧлмиз TikTok-ын: блогеръёс«Сигма-бой» композициез видеоосазы саундтрек чотын кутылӥзы. Кырӟанлэн пӧртэм ремейкъёсыз но кавер-версиосыз кылдӥзы.

Трос пол кутӥськись «Сигма-бой» кылъёс ӟуч но англи кылын вераськисьёслы валамон луиз, соин кырӟан кунсьӧрын но вӧлмиз . «Аталанта» футбол клублэн официальной бамъёсаз «Сигма-бой» кырӟанъя ролик потӥз [9]. Прагаын «Спарта» чех клублэн хоккей матчез мыныку, чирлидершаос росси артисткаослэн трексыя эктӥзы[10].

2025-тӥ арын 16-тӥ толшорозь басьтэм тодэтъёсъя, «Сигма-бой» кырӟан Billboard эктон чартлэн 10 устоосыз пӧлысь сизьыметӥез луиз[11]. Крезьгуро журналлэн композицилы саклык висъямез бере,  трек эшшо зогес вӧлмиз. Spotify сервисын кырӟан 3,8 млн пол кылзэмын[12].

Курланъёс

Кырӟан укыр зол вӧлмиз ке но, видеохостингъёсын курланъёс ӧжыт ӧй вал: кылсярысь, юзчиос синглэз огшоры кылъёсыз но йырысь кошкисьтэм акыляк потӥсь крезьгурез понна курлало[13]. Куд-ог кылзӥсьёс «Сигма-бой» трекез «брейн-рот» — ляб ӟечлыкен но адямилэсь психиказэ пожась контентъёс пӧлы пыртӥзы. ( «brain rot» англи кылысь «гниль мозга» шуыса берыктӥське)[14].

Крезьгуро критик Евгений Бабичев «Сигма-бой» кырӟанлэсь укыр зол вӧлмемзэ "вирусностен" герӟаз, куке одӥг мурт солы кельшись кырӟанэз мыкетъёсызлы ысъя , соиз аслаз тодмоосызлы [15].

«Вольт Европа» партилэсь Европарламентлэн ёзчиез Нэла Риль 2024-тӥ арын толсуре, заседание мыныку, «Сигма Бой» росси хитэз юн курлаз [16] но ӟуч лулчеберетэз алон улсын кырӟанэз но алыны куриз . Солы пумит кылын вазиськиз ЛДПР партилэн азьветлӥсез, Кун думаысь калыккуспо ужъёсъя комитетлэн тӧроез Леонид Слуцкий. Европарламентарийёслэсь нылпи кырӟан пумысь вазиськонзэс со Нылпи эрикрадъёсъя конвенцилы тупамзэ эскерыны но эрикрадъёсты утёнъя калыккуспо огазеяськонъёсы вазиськыны кыл сётӥз[17].

«Сорок сороков» мерлыко движение, кырӟанэз эскерыны курыса, Россилэн Генеральной прокуратураяз вазиськиз[18].

Ватсам ивртодэтъёс

Светлана Чертищева азьвылгес «Капибара» но «Симпл-димпл, поп-ит, сквиш» нылпи кырӟанъёс быдэстэменыз тодмо луиз.

Мария Янковская «СТС Kids» телеканаллэн резидентэз луэ.

«Сигма-бой» сингл потэм бере, куинь толэзь ортчыса, Betsy-лэн мерлыко вотэсъёсаз «Sigma Boy» кырӟанлы англи кылын ремикс поттэмын вал. Чертищеваен но Янковскаяен ӵош синглэз гожтонэ пыриськизы кунсьӧр артистъёс Ely Oaks но LAVINIA[19].

«Сигма-бой» сингллы ремикслэн вылтусыз

Чартъёс

Чарт (2024—2025) Интыез
АвстрияFlag of Austria.svg Австрия (Ö3 Austria Top 40)[20] 73
ЧехияFlag of the Czech Republic.svg Чехия (Singles Digitál Top 100)[21] 30
ГерманияFlag of Germany.svg Германия (GfK)[22] 56
Sweden (Sverigetopplistan)[23] 89
US Hot Dance/Pop Songs (Billboard)

Чӧлсконъёс

Валэктонъёс

  1. ↑ «Сигма-бой» — хит соцсетей. Откуда взялась вирусная песня и почему ее так полюбили за рубежом, Т⁠—⁠Ж (11 толсуре 2024). Эскеремын: 18 толсуре 2024 арын.
  2. ↑ Депутат Европарламента предложила запретить песню «Сигма бой», РБК (26 толшоре 2025). Эскеремын: 26 толшоре 2025 арын.
  3. ↑ «Сигма, сигма-бой»: как девочки из России покорили западный «ТикТок» на хайпе нового слова, ФОНТАНКА.ру (15 толшоре 2025). Эскеремын: 21 толшоре 2025 арын.
  4. ↑ «Сигма-бой» — хит соцсетей. Откуда взялась вирусная песня и почему ее так полюбили за рубежом, Т⁠—⁠Ж (11 толсуре 2024). Эскеремын: 21 толшоре 2025 арын.
  5. ↑ Беленицина, Ольга Акимова, Ксения. Сигма-бой: 3 типичные черты мужчины — героя трендового трека (27 толсуре 2024). Эскеремын: 21 толшоре 2025 арын.
  6. ↑ Песня «Сигма-бой» возглавила чарт Spotify, Халва медиа (17 толсуре 2024). Эскеремын: 18 толсуре 2024 арын.
  7. ↑ Сигма-Бой — слова песни. Эскеремын: 18 толсуре 2024 арын.
  8. ↑ Создателя «Сигма бой» обвинили в плагиате - Газета.Ru | Новости, Газета.Ru. Эскеремын: 31 толшоре 2025 арын.
  9. ↑ «Аталанта» роликом с российской песней «Сигма-бой» отметила 10-ю победу подряд в Серии А. Эскеремын: 18 толсуре 2024 арын.
  10. ↑ Чирлидерши чешской «Спарты» в Праге зажгли под российский трек «Сигма-бой», Life.ru (13 толшоре 2025). Эскеремын: 21 толшоре 2025 арын.
  11. ↑ «Сигма, сигма-бой»: как девочки из России покорили западный «ТикТок» на хайпе нового слова, Фонтанка.ру (16 толшоре 2025). Эскеремын: 21 толшоре 2025 арын.
  12. ↑ Sigma Boy: как песня российских школьниц стала мировым хитом [ӟуч]
  13. ↑ сигма-бой. [ӟуч]
  14. ↑ Что за песня «Сигма Бой» прославила двух россиянок на весь мир?, AiF (16 толсуре 2025). Эскеремын: 21 толшоре 2025 арын.
  15. ↑ Музыкальные эксперты рассказали, как российский хит «Сигма Бой» попал в американский чарт, Рамблер/развлечения и отдых (16 толшоре 2025). Эскеремын: 21 толшоре 2025 арын.
  16. ↑ Депутат Европарламента призвала запретить песню российских школьниц Sigma Boy, BFM.ru (28 толшоре 2025). Эскеремын: 28 толшоре 2025 арын.
  17. ↑ Слуцкий прокомментировал критику Европой песни "Сигма Бой", РИА Новости (27.01.2025). Эскеремын: 27 толшоре 2025 арын.
  18. ↑ Mash: ГП попросили проверить хит "Сигма бой" из-за откровенных танцев школьниц - Российская газета, Российская газета (27 толшоре 2025). Эскеремын: 27 толшоре 2025 арын.
  19. ↑ LAVINIA, Ely Oaks, Betsy, Мария Янковская - Sigma Boy (Rework 2024) [ӟуч]
  20. ↑ "Austriancharts.at – Betsy / Мария Янковская – Sigma Boy"  [нем.]. Ö3 Austria Top 40.
  21. ↑ "ČNS IFPI"  [чешск.]. Hitparáda – Digital Top 100 Oficiální. IFPI Czech Republic. Note: Change the chart to CZ – SINGLES DIGITAL – TOP 100 and insert 20251 into search.
  22. ↑ "Мария Янковская/?type=single Musicline.de – Betsy / Мария Янковская Single-Chartverfolgung"  [нем.]. Media Control Charts. PhonoNet GmbH.
  23. ↑ Veckolista Singlar, vecka 3 [швед.] Sverigetopplistan.
«https://udm.ruwiki.ru/w/index.php?title=Сигма-бой_(кырӟан)&oldid=486309»-ысь басьтэмын