Россиын валтӥсь ставка
| Валтӥсь ставкалэн воштӥськемез | |
|---|---|
| Валтӥсез югдур: Денежно-кредитной политика | |
 | |
| Ар нуналыз | 2025-тӥ арын 25-тӥ пӧсьтолэзе |
| Интыез | Росси Банк |
| Кулэлыкез | Инфляцилэн юнмамез но экономикалэн лябӟемезлэн тодметъёсыз |
| Проектэ пыриськемъёс | Росси Банклэн директоръёсызлэн советсы |
| Пайдалыкез | Валтӥсь ставкалэн усемез |
| Азьвылъёсыз ставкаос | 20% |
| Вылез ставка | 18% ↘ |
| Усемез | 2% |
| Сайтэз | cbr.ru |
Росси банклэн валтӥсь ставкаез (ӟуч: Ключева́я ста́вка Ба́нка Росси́и) — Росси Федерациысь Центральной банклэн (Росси Банк) уксё политикаезлэн валтӥсь инструментэз, со процентной ставкаос, инфляция но кун валюталэн курсэз вылын шӧдӥське — та процентной ставка, кудӥзъя Росси Банк коммерческой банкъёслы кредитъёс сётэ но соослэсь депозитъёс басьтэ. Россиын валтӥсь ставка кутӥськыны кутскиз 2013-тӥ арын. Солэсь азьпал Росси Банкын уксё политикалэн валтӥсь инструментэз интые рефинансированилэсь ставказэ кутылӥзы[1]. Росси Банклэн директоръёсызлэн советсы валтӥсь ставкалэсь быдӟалазэ араз тямыс пол пуктылэ[2].
2025-тӥ арын 6-тӥ инвожое Росси Банк валтӥсь ставкаез 20%-озь кулэстӥз, со 2022-тӥ арын куарусён толэзьысен нырысьсэ уксё политикаез капчиятон луиз[3]. 2025-тӥ арын 25-тӥ пӧсьтолэзе Росси Банк валтӥсь ставкаез эшшо 18%-озь кулэстӥз[4].
Росси Банклэн валтӥсь ставкая ортчытъяськись операциосыз
Уксё политикалэн ужпумез — ар куспын инфляциез 4 % котыр возён. Со вылэ пыкиськыса, Росси Банк валтӥсь ставкалэн быдӟалаезъя решение кутэ. Дунъёсты вошъяськонтэм карон вылысь, центральной банк уксё политикаез чурытгес яке небытгес карыны быгатэ.
Банковской секторын ликвидность тырмыт луымтэ дыръя, центральной банк рефинансированиез паськытатэ но банкъёслы ликвидность валтӥсь ставкая сётэ. Одӥг арня ӵоже Росси Банклэн РЕПО-аукционъёсаз со минимальной процентной ставкаен огкадь луэ. Банк секторын ликвидностьлэн профицитэз луэ ке, центральной банк солэсь тырмымтэ люкетсэ поттэ но банкъёслэсь депозитъёс валтӥсь ставкая кыске, одӥг арня ӵоже Росси Банклэн депозитъёсъя аукционъёсаз со максимальной процентной ставкаен огкадь луэ.
Уксё политикая инструментъёсыз вылэ пыкиськыса, Росси Банк одӥг нуналъем процентной ставкаосын кивалтэ, кудъёсызъя банкъёс ог-огенызы уксё рынокын операциос ортчытъяло. Уксё рыноклэсь ставкаоссэ РЕПО-ставкаос но депозитъёсъя ставкаос вискын возьыны турттыса, Росси Банк соосты валтӥсь ставкалэн быдӟалаезлы матэгес карыны тырше[5].
Росси Банклэн валтӥсь ставкая решениез
Росси Банклэн директоръёсызлэн советсы валтӥсь ставкаез араз тямыс пол пуктылэ. Решение кутӥське ньыль «опорной» пумиськонъёсын, кудъёсыз кварталлы одӥг пол ортчыло, озьы ик соос вискын ортылӥсь ньыль пумиськонъёсын. Котькуд пумиськон бере Росси Банк валтӥсь ставка сярысь пресс-релиз гожтэ. «Опорной» кенешонъёс бере, пресс-релиз сяна, «Уксё политикая отчёт» печатла. Собере Росси Банклэн тӧроез пресс-конференциын вераське, кутэм решение пумысен валэктонъёс сётэ но журналистъёслэн юанъёссылы валэктонъёс сётъя[6].
Валтӥсь ставкалэн пайдалыкъёсыз
Валтӥсь ставкалэн банковской секторлэн процентной ставкаосыз вылын шӧдӥськемез сярысь уксё политикалэн «процентной каналэз» пыр верамын. Валтӥсь ставкаосъя решениос вань банковской продуктъёс вылын шӧдӥсько. Росси Банклэн операционной ужпумез — уксё рыноклэсь ставказэ валтӥсь ставкалы матын возён. Росси Банк RUONIA- ставкалэсь но валтӥсь ставкалэсь пӧртэмлыксэс ӧжытгес каре. 2013-2014-тӥ аръёсы, инфляционной таргетирование выжон азьын, пӧртэмлыкез 2 % вал ке, выжем бере, 2019-тӥ ар пумын со 0,5%-озь кулэсмиз. Пӧртэмлыклэн кулэсмемез банковской секторын ликвидностья кивалтонлэн пайдалыкезлэсь будэмзэ возьматэ[7].
Валтӥсь ставкалэн воштӥськемез банкъёслэн кредит но депозит ставкаоссылэн динамиказы вылын шӧдӥське. Но со тырмыт ӧвӧл: корпоративной кредитъёсъя сегментын валтӥсь ставкалэн воштӥськемез 50-80%-озь ставкаос вылэ выжтӥське, нош розничной кредитъёсъя но депозитъёсъя сегментъёсын — 40%-лэсь трос ӧвӧл. Банк продуктъёсъя процент ставкаосты тупатон понна кӧня ке дыр кулэ луэ, ӝегамез кык-куинь толэзьысен одӥг арозь но вуэ. Процентной каналлэн огкадь луымтэез продуктъёс вылын гинэ ӧвӧл, дыр вылын но шӧдӥське. Кредитъёсъя но депозитъёсъя рыноклэн тросаз сегментъёсаз вакчи дыръем ставкаос валтӥсь ставкалэсь воштӥськемзэ ӝоггес но кужмогес шӧдо, кема дыръемъёсыныз ӵошатыса. Кредитъёсъя но депозитъёсъя рыноклэн валтӥсь сегментъёсызлэн валтӥсь ставкая решениос пумысь реакцизы асимметриен висъяське. Депозитъёсъя ставкаос валтӥсь ставкалэн будэмезлы калленгес реагировать каро, солэн кулэсмеменыз ӵошатыса, нош кредитъёсъя рынокын асимметрия чылкак пумит луэ. Озьы ке но, валтӥсь ставкалэн процентной ставкаезлэн каналэзлэн тырмыт луымтэез но асимметриез солэн пайдалыкез ӧжыт луэ шуыса уг возьматы. Центральной банклэн процентной ставкаезлэн со выллем свойствоосыз мукет экономикаосын но чакласько[8].
Росси Банклэн процентной ставкаосъя политикаез макроэкономической динамика но экономической агентъёслэн чакланъёссы вылын опосредованно шӧдӥське. Кылсярысь, валтӥсь ставкалэн возьмамтэ шорысь будэмез промышленной производстволэн индексэз вылын урод шӧдӥське. Со куинь ар ӵоже шӧдӥське но пумен кулэсме. Со сяна, инвестициослэн зэмос быдӟалазы, вузкаронлэн быдӟалаез, экспорт но импорт, зэмос уждунлэн быдӟалаез усе, ужтэк кылемъёслэн лыдзы будэ.
Пӧртэм экономической ужъёс пушкын валтӥсь ставкалэн пайдалыкез пӧртэм. Экспортной секторъёс вылын Росси Банклэн валтӥсь ставкаез уг шӧдӥськы, нош асьме экономической ужъёс, кылсярысь, лэсьтӥськонын, солы пумит, валтӥсь ставкалэн воштӥськонъёсыз зол шӧдӥсько. Со выллем ик луэ валтӥсь ставка кулэсмыку. Процентной ставкаосъя политикаез капчиятон бизнес-активностьлы ӝутскись эффект сётэ. Озьы ке но, валтӥсь ставкаосъя решениослэн шӧдӥськемзы уг адӟиськы: политикаез чурытгес каронлы макроэкономической динамика золгес реагировать каре, сое капчиятон сярысь[9].
Нейтральной валтӥсь ставка
Вань центральной банкъёслэн валтӥсь процентной ставкаен герӟаськем ужпумзы — солэн равновесной значениез. Равновесной — со уксё политикалэн «естественной» яке «нейтральной» зэмос луись процентной ставкаез, кудаз потенциальный но фактической ВВП вискын нулевой разрыв кылдэ, нош инфляция целевой ориентр котырын луэ. Номинальной нейтральной ставка реальной нейтральной ставкалэн но чаклам инфляцилэн огъя лыдыныз огкадь луэ. Инфляцилэн чакланъёсыз инфляцилэн целевой ориентирезлы тупа ке, нейтральной ставка центральной банклэн инфляцилэн целеныз огкадь луэ. Равновесия условиосын Росси Банклэн валтӥсь ставкаезлэн кема дырлы значениез араз 4 % луыны кулэ[10].
Реальной нейтральной ставка экономикалэн структураезъя тупатӥське, финансовой но нефинансовой активъёсы инвестициослэн рискенызы но экономической агентъёслэн соосты ас вылазы басьтыны дась луэменызы. Кылсярысь, нейтральной ставка вылын шӧдӥське производство факторъёслэн огъя производительностьсы, демографической условиос, финансовой секторлэн югдурез но мукет кунъёсын нейтральной ставкалэн быдӟалаез.
Нейтральной ставка — со чакланы луонтэм величина, сое чакланъёс ӵемысь приблизительной гинэ луо. Тросаз учыръёсы соос нимысьтыз точка интые, значенилэсь областьсэ гинэ пусъё. Ставкаез дунъян трос факторъёслэсь улсатэмын луэ но дыр ортчемъя вошъяське. Нейтральной ставкаез дунъян центральной банклы уксё политикалэсь направленизэ чаклан понна кулэ луэ. Валтӥсь ставкаез нейтральной уровеньлэсь вылӥегес пуктыса, Росси Банк чурыт политика нуэ. Нейтральной уровеньлэсь улӥегес пуктыса, солэн политикаез стимулирующей луэ. Нейтральной ставкаез чаклан озьы ик экономической агентъёслы кулэ луэ, — возёсъёслы но фирмаослы, —потребительской но инвестиционной решениос кутон понна[11].
Россиын валтӥсь ставкалэн воштӥськемез
Экспертъёслэн чакламзыя, Росси Банклэн валтӥсь ставкаезлэн нейтральной значениосыз 1- 3 % луо. 2016-тӥ арын ортчытэм эскеронъёсъя, Росси Банклэн аслаз чакламезъя, кема дырлы тупатэмез 1 % котыр возиське, вакчи дырлы тупатэмез — 3 % котыр[12]. Нейтральной ставкалэн независимой дунъетъёсыз сыӵеесь ик яке кӧня ке улынгес. 2018-тӥ ар пумын МВФ сое 1- 3 % тыр дунъяз, со вакыт ик тросэз дунъетъёс 2 % котырын бергазы[13]. «ВТБ Капиталысь» экономистъёс лыдъямъя, нейтральной ставка 1,5 но 2,5 % вискын возиське[14]. 2020-тӥ ар понна Россилэн банкез чаклам 2-3%-ем долгосрочной реальной нейтральной ставка вылэ пыкиське. Инфляцилэн 4%-ем целевой ориентирезъя, номинальной нейтральной ключевой ставка 6-ысен 7%-озь луыны кулэ[10].
2024-тӥ арын 16-тӥ тулыспалэ Росси Банклэн директоръёсызлэн советсы валтӥсь ставкаез араз 16 % возиз[15].
2024-тӥ арын 26-тӥ оштолэзе Росси Банк базовой сценарияз 2024-тӥ но 2025-тӥ аръёсы валтӥсь ставкалэсь шоро-куспо быдӟалазэ 15,0-16,0%-озь но 10,0-12,0%-озь эсэплаз. «Дезинфляция процесс дугдӥз ке, валтӥсь ставка но ӝутскыны быгатоз», — 26-тӥ оштолэзе ивортӥз Росси Федерациысь Центральной банклэн кивалтӥсез Эльвира Набиуллина. Центральной банк инфляцилэн целевой показателез дорозь — 4%-озь вуытозь ставкаез вылӥын возёз шуыса, пусйиз Набиуллина. Росси Банк вуоно арын 4%-озь вуыны чакла. Со вакытэ ик 2024-тӥ арлы инфляцияя Росси Банклэн чакланэз 4-4,5%-ысен 4,3-4,8%-озь будэтэмын вал[16].
2024-тӥ арын гужем Россиысь банкъёслэн кивалтӥсьёссы Герман Греф но Андрей Костин, валтӥсь ставкаез 4-5%-озь кулэстэмлэсь ӟечсэ возьманэз ӧвӧл шуыса ивортӥзы. Греф таӵе гипотетической решениез «вань банкъёслы, быдэс экономикалы сигнал» луэ шуыса пусйиз, «берпуметӥез нодлыко ужъюртлэн — Центральной банклэн кытӥыз ке шальтраз»[17].
2024-тӥ арын 26-тӥ пӧсьтолэзе Росси Банк 2023-тӥ арын толсур толэзьысен нырысьсэ валтӥсь ставкаез ӝутӥз — араз 16%-ысен 18%-озь. Гудырикошконэ Росси Банк пӧсьтолэзе ортчем кенешонын ставкаез соку ик 19-20%-озь ӝутон сярысь вераськонлэсь мугъёссэ шараяз . Соос пӧлын инфляциез кема дыр ӵоже 4%-лэсь вылӥынгес возён но производительёслэсь будон луонлыкъёссэс быдтон[18].
2024-тӥ арын гудырикошконлэн пумаз Росси Банк экономикалэн валтӥсь ставка вылын шӧдӥськемезлэн лябӟемез сярысь пусйиз, соин ик азьланяз регуляторлэсь сое шӧдскымон воштэмзэ кулэ кароз, шуыса вераз Центральной банклэн тӧроезлэн воштӥсез Алексей Заботкин. Со пусйиз, али дыре валтӥсь ставкалэн быдӟалаез рекордной уровеньлы матын луэ, но регуляторлэн политикаез али дыре туж лэчыт шуыса веран янгыш луоз[19].
2024-тӥ арын 13-тӥ куарусёнэ Центральной банк валтӥсь ставкаез араз 18%-ысен 19-озь ӝутӥз[20]. Вуоно арын инфляция 8%-озь вуиз ке, валтӥсь ставка 23%-озь ӝутэмын луыны быгатоз, шуиз ВТБ-лэн правлениезлэн тӧроезлэн воштӥсез Дмитрий Пьянов[21]. Коньывуонэ ВТБ-лэн кивалтӥсез Андрей Костин 2024-тӥ арын Центральной банклэсь валтӥсь ставказэ 21%-озь ӝутыны эсэплаз[22].
2024-тӥ арын 25-тӥ коньывуонэ Росси Банк аслэсьтыз валтӥсь ставказэ араз 19%-ысен 21%-озь ӝутӥз. Россиысь Центральной банклэн валтӥсь ставкаезлэн та куинетсэ будэмез луэ, нош 21 % — солэн историысьтыз тужгес вылӥ быдӟалаез. Азьвылэз рекордной пусэз — 20 % 2022-тӥ арын тулыспалэ вал, Украинаын военной операция кутскем бере но Центральной банклэсь золотовалютной резервъёссэ кунгож сьӧрын "кынтэм" бере[23]. Центральной банклэн лэчыт уксё политикаез — со огшоры ӧвӧл, со экономикаын луэм учыръёслы неизбежной реакция, шуиз Центральной банклэн тӧроез Эльвира Набиуллина Кун Думаын финансовой рынокъёсъя комитетлэн кенешоназ. Солэн верамезъя, Центральной банклэн лэчыт уксё политикаез «уждунъёсты, пенсиосты, пособиосты но люкам уксёоосты дун ӝутсконлэсь уте», нош вылӥ инфляция пайдаё луыны быгатэ сыӵе ужбергатонниослы, кудъёсызлэсь вузъёссэс калык номыр шоры учкытэк басьяно луоз[24].
2025-тӥ арын 14-тӥ тулыспалэ Россиысь банкъёс Центральной банклэсь пунэмаськонъёссэс шӧдскымон кулэстӥзы 1,79 триллион манетозь, со 2024-тӥ арын инвожо пумысен тужгес пичиез лыдпус луэ. 43,4%-лы кулэстон банкъёс матысь кенешонын валтӥсь ставкаез ӝутыны уг чаклало шуыса возьматэ[25]; берло тодмо луиз, Росси Банк кенешонын валтӥсь процентной ставкаез воштытэк кельтӥз шуыса, араз 21 % процент[26].
2025-тӥ арын 21-тӥ южтолэзе Росси Банк куинетӥзэ валтӥсь ставказэ воштытэк кельтӥз — араз 21 %. Решение кутэмын вал, арняем инфляцилэн кулэсмемез но калыклэн но ужъюртъёслэн инфляци ласянь эсэпланъёссы шоры учкытэк[27].
2025-тӥ арын 25-тӥ оштолэзе Росси Банклэн Кивалтӥсьёсызлэн советэз валтӥсь ставкаез араз 21 % возён сярысь решение кутӥз. Со ньылетӥез кенешон, кудаз ставка воштӥськытэк кылиз[28].
2025-тӥ арын 6-тӥ инвожое Росси банк 2022-тӥ арын куарусён толэзьысен нырысьсэ валтӥсь ставкаез араз 20%-озь кулэстӥз[3].
2025-тӥ арын 25-тӥ пӧсьтолэзе ЦБ эшшо одӥг пол кулэстӥз — араз 18 %-озь[4].
Малпанъёс но эсэпланъёс
2024-тӥ арын шуркынмонэ Россиысь Центральной банклэн кивалтӥсез Эльвира Набиуллина нырысьсэ матысь аръёслы валтӥсь процентной ставкаос но инфляцилэн быдӟалаез сярысь малпанъёссэ вераз, соослэсь эсэпам кулэсмемзэз пусйыса. Кун Думаын вераськыкуз, со Росси Банклэн чакланъёсыныз тодматӥз, кудъёсызъя валтӥсь ставка 2025-тӥ арын 17%-ысен 20%-озь луыны быгатоз (али 21 %), нош инфляция — 4,5-5 %. Азьланяз инфляция 4%-озь кыльыны кулэ, нош 2027-тӥ арозь валтӥсь ставка 7,5-8,5%-озь кулэсмоз. Экономика али воштӥськон вакытын шуыса пусйиз Набиуллина, матысь толэзьёсы корпоративной кредитной портфельлэн будэмез ӝегалоз, со ас вакытаз, огъя кулэяськонлэсь будэмзэ кулэстоз но туала инфляциез ӝегатыны юрттоз. Со пусйиз, та югдур уксё политикалэсь кулэ вадесаз вуэмзэ возьматэ[29].
2025-тӥ арын 25-тӥ тулыспалэ ВТБ-лэн чакламезъя, валтӥсь ставка быдэс ар ӵоже 21 % кылёз. Банклэн правлениезлэн тӧроезлэн нырысетӥ воштӥсез Дмитрий Пьянов 2025-тӥ арез «кредитной манёврлэн арез» шуыса пусйиз, нимаз адямиослы кредит сётон административной ужрадъёс пыр уз ни, потребительской кредит сётонын сюбегатонъёс пыр кулэстӥськоз[30].
2025-тӥ арын 28-тӥ тулыспалэ ВТБ-лэн тӧроез Андрей Костин, 2025-тӥ арлэн кыкетӥ ӝыныяз Центральной банклэн валтӥсь ставкаез 19%-озь кулэсмоз шуыса эсэпаз. «Россия 24» эфирын со инфляция кулэсмоз шуыса вераз. Лэчыт кредитной политика но Центральной банклэн 19-22%-ем ставкая эсэпамез шоры учкытэк, Костин ар пумозь ставкаез кулэстонлы осконзэ вераз. Топ-менеджерлэн верамезъя, банкъёслэн табышсы 2025-тӥ арын 15-20%-лы кулэсмыны быгатоз[31].
2025-тӥ арын 3-тӥ оштолэзе Росси Банклэн кивалтӥсез Эльвира Набиуллина вераз, 2025-тӥ арын шоро-куспо валтӥсь ставка, Центральной банклэн чакланъёсызъя, 19-22 % луыны кулэ, нош регулятор, со та диапазонлэн улӥ вадесэзлы матынгес луоз шуыса эсэпа[32].
2025-тӥ арын 9-тӥ оштолэзе Эльвира Набиуллина, Кун Думаын вераськыкуз вераз, Центральной банк валтӥсь ставкаез кулэстон ласянь сак ужалоз шуыса. Набиуллина тодаз вайиз, кылем арын инфляция ар кутсконын ӧжытак ӝегамез бере нош ик ӝоггес луиз, соин ик Центральной банк сак кариськыны малпа[33]. Регуляторлэн кивалтӥсез пусйиз:
Ставкаез кулэстон борды ми туж ӝикыт но эскериськыса басьтӥськомы. Инфляцилэн ӝегамез юн шуыса валаны кулэ. Но вань на мукетыз кышкытлык — дуннеысь вузкаронын тектонической воштӥськонъёс. Асьме син азямы вуз карон ожъёс пуромо, секыт валаны, кытчы соос вуттозы дуннеысь экономикаез но кызьы соос шӧдӥськозы Россия вылын[34].
2025-тӥ арын 21-тӥ оштолэзе РБК-лэн юалляськоназ пыриськем аналитикъёс эсэпазы, 25-тӥ оштолэзе ортчем кенешонын Росси Банк ньылетӥ ползэ ини валтӥсь ставкаез араз 21 % возьыны быгатоз шуыса. Тросэз экспертъёс ставка уз воштӥськы шуыса малпало. Озьы ке но, куд-огез уксё политика лябомыны быгатоз но ставка оштолэзе лэзиськоз шуыса верало. Ставкаез возьыны дурбасьтӥсь аргументъёс пӧлысь одӥгез — инфляцилэн ӝегамез, со валлин — калыклэн но ужъюртъёслэн инфляци ласянь эсэпланъёссы вылынэсь, озьы ик геополитической напряженность но вузкарон ожъёслэн ӝутскемзылэн кышкытлыкез. Со дыре ик, кӧняез ке экспертъёс экономикалэсь сӥямзэ возьматӥсь тодметъёсты пусъё, кредит сётонлэн кулэсмемез но М2 уксёлэн кулэсмемез, со озьы ик ставкаез кулэсмытон понна муг луыны быгатоз[35].
2025-тӥ арын 25-тӥ оштолэзе ВТБ-лэн тӧроезлэн нырысетӥ воштӥсез Дмитрий Пьянов Росси Банклэсь валтӥсь ставкалэсь вылӥ луэмзэ экспериментальной антибиотикен ӵошатӥз, сое кема дыр ӵоже возьыны кулэ шуыса пусйиз. Солэн малпамезъя, уксё политикаез дырызлэсь вазь капчиятон, эмъюмъёсты юэмысь дугдэм кадь ик кышкыт кылдытыны быгатоз. Россилэн экономикаез 2022-тӥ ар бере аспӧртэмлыко учыр луэ шуыса пусйиз Пьянов, нош Центральной банк та «антибиотикез» кутон дырез рос-прос эсэпаны уг быгаты[36].
2025-тӥ арын 2-тӥ инвожое тодмо луиз, аналитикъёс пӧлысь куиньмосэз 6-тӥ инвожое ортчоно кенешонын Росси Банк валтӥсь ставкаез кулэстыны быгатоз шуыса эсэпало. РБК-лэн консенсус-прогнозэзъя 30 пӧлысь 10-эз ставка 19%-озь кулэсмыны быгатоз шуыса лыдъяло, со дыре ик соос пӧлысь бадӟым люкетэз — (30 пӧлысь 20-ез) сыӵе ик, 21 % кылёз, но кӧня ке небытгес луоз, шуо. Ставкаез кулэстонлэн одӥгез валтӥсез фактор — инфляцилэн юнлыко кулэсмемез, инфляцилы эсэпанъёс вылӥын ке но. Росси Банклэн тӧроезлэн воштӥсез Филипп Габуния матысь дыре ортчоно кенешонын пӧртэм вариантъёс эскеремын луозы шуыса ивортӥз. Коньдон ужпумъёсъя министр Антон Силуанов озьы ик ставкаез кулэстыны луонлык вань шуыса вераз, инфляцилэн умой динамикаез вылэ чӧлскыса. Озьы ке но, тросэз экспертъёс ужъя рынокен, инфляциен но коньдэт политикаен герӟаськем кышкытлыкъёсты пусъё, со инвожое ставкаез кулэстыны люкетыны быгатоз[37].
2025-тӥ арын 6-тӥ инвожое Росси Банк аслэсьтыз валтӥсь ставказэ араз 21%-ысен 20%-озь кулэстӥз, 2022-тӥ арын куарусёнысен со уксё политикаын нырысетӥез капчиятон луиз. Тросэз аналитикъёс ставка 21%-озь ик кылёз шуыса эсэпазы ке но, коньдон ужпумъёсъя но экономикаез азинтонъя министръёс сое кулэстон понна кылзэс веразы. Тодэтъёсъя, Россиын инфляция кулэсмыны кутскиз, оштолэзе 10,23%-озь вуиз, инвожо толэзьлэн кутсконаз — 9,66%-озь. Рубльлэн юнмамез но дунъёсты кулэстонлы юрттӥз. Аналитикъёс 2025-тӥ арын валтӥсь ставкаез эшшо но кулэстыны луоз шуыса эсэпало, ар пумозь — 14-15%-озь[38].
2025-тӥ арын 27-тӥ инвожое Россилэн азьвыл премьер-министрез Сергей Степашин Центральной банклэн туала 20%-ем валтӥсь ставкаез промышленность понна туж бадӟым шуыса пусйиз, югдурез 1999-тӥ арен ӵошатыса, куке ставка 60%-озь вуиз. Озьы ик 1999-тӥ арын инфляция 36,5 % пала вал, нош экономикаын условиос соку мукетэсьгес вал шуыса вераз. 2025-тӥ арын инвожое Центральной банк 2022-тӥ арын куарусёнысен нырысьсэ ставкаез 21%-ысен 20%-озь кулэстӥз, ар пумозь инфляция 7-8%-озь кулэсмоз шуыса оскыса[39].
2025-тӥ арын 2-тӥ пӧсьтолэзе Росси Банклэн Финансовой конгрессаз Центральной банклэн кивалтӥсез Эльвира Набиуллина пусйиз: регулятор инфляция эсэпамъёслэсь ӝоггес ӝега, но со чакламлэсь вылӥынгес луэ на; инфляциез чакламлэсь улӥе лэзён валтӥсь ставкаез ӝоггес кулэстыны луонлык сётоз[40].
Россиын валтӥсь ставкалэн быдӟалаезлэн историез
Первоисточник: сайт Банка России [ӟуч] — база данных.
| Действовать карон дырыз | арскын %-эз | Воштӥськемез |
|---|---|---|
| 17.09.2013 — 02.03.2014 | 5,5 | — |
| 03.03.2014 — 27.04.2014 | 7,0 | ↗ 1,5 |
| 28.04.2014 — 27.07.2014 | 7,5 | ↗ 0,5 |
| 28.07.2014 — 04.11.2014 | 8,0 | ↗ 0,5 |
| 05.11.2014 — 11.12.2014 | 9,5 | ↗ 1,5 |
| 12.12.2014 — 15.12.2014 | 10,5 | ↗ 1,0 |
| 16.12.2014 — 01.02.2015 | 17,0 | ↗ 6,5 |
| 02.02.2015 — 15.03.2015 | 15,0 | ↘ 2,0 |
| 16.03.2015 — 04.05.2015 | 14,0 | ↘ 1,0 |
| 05.05.2015 — 15.06.2015 | 12,5 | ↘ 1,5 |
| 16.06.2015 — 02.08.2015 | 11,5 | ↘ 1,0 |
| 03.08.2015 — 13.06.2016 | 11,0 | ↘ 0,5 |
| 14.06.2016 — 18.09.2016 | 10,5 | ↘ 0,5 |
| 19.09.2016 — 26.03.2017 | 10,0 | ↘ 0,5 |
| 27.03.2017 — 01.05.2017 | 9,75 | ↘ 0,25 |
| 02.05.2017 — 18.06.2017 | 9,25 | ↘ 0,5 |
| 19.06.2017 — 17.09.2017 | 9,0 | ↘ 0,25 |
| 18.09.2017 — 29.10.2017 | 8,5 | ↘ 0,5 |
| 30.10.2017 — 17.12.2017 | 8,25 | ↘ 0,25 |
| 18.12.2017 — 11.02.2018 | 7,75 | ↘ 0,5 |
| 12.02.2018 — 25.03.2018 | 7,5 | ↘ 0,25 |
| 26.03.2018 — 16.09.2018 | 7,25 | ↘ 0,25 |
| 17.09.2018 — 16.12.2018 | 7,5 | ↗ 0,25 |
| 17.12.2018 — 16.06.2019 | 7,75 | ↗ 0,25 |
| 17.06.2019 — 28.07.2019 | 7,5 | ↘ 0,25 |
| 29.07.2019 — 08.09.2019 | 7,25 | ↘ 0,25 |
| 09.09.2019 — 27.10.2019 | 7,0 | ↘ 0,25 |
| 28.10.2019 — 15.12.2019 | 6,5 | ↘ 0,5 |
| 16.12.2019 — 09.02.2020 | 6,25 | ↘ 0,25 |
| 10.02.2020 — 26.04.2020 | 6,0 | ↘ 0,25 |
| 27.04.2020 — 21.06.2020 | 5,5 | ↘ 0,5 |
| 22.06.2020 — 26.07.2020 | 4,5 | ↘ 1,0 |
| 27.07.2020 — 21.03.2021 | 4,25 | ↘ 0,25 |
| 22.03.2021 — 25.04.2021 | 4,5 | ↗ 0,25 |
| 26.04.2021 — 14.06.2021 | 5,0 | ↗ 0,5 |
| 15.06.2021 — 25.07.2021 | 5,5 | ↗ 0,5 |
| 26.07.2021 — 12.09.2021 | 6,5 | ↗ 1,0 |
| 13.09.2021 — 24.10.2021 | 6,75 | ↗ 0,25 |
| 25.10.2021 — 19.12.2021 | 7,5 | ↗ 0,75 |
| 20.12.2021 — 13.02.2022 | 8,5 | ↗ 1,0 |
| 14.02.2022 — 27.02.2022 | 9,5 | ↗ 1,0 |
| 28.02.2022 — 10.04.2022 | 20,0 | ↗ 10,5 |
| 11.04.2022 — 03.05.2022 | 17,0 | ↘ 3,0 |
| 04.05.2022 — 26.05.2022 | 14,0 | ↘ 3,0 |
| 27.05.2022 — 13.06.2022 | 11,0 | ↘ 3,0 |
| 14.06.2022 — 24.07.2022 | 9,5 | ↘ 1,5 |
| 25.07.2022 — 18.09.2022 | 8,0 | ↘ 1,5 |
| 19.09.2022 — 23.07.2023 | 7,5 | ↘ 0,5 |
| 24.07.2023 — 14.08.2023 | 8,5 | ↗ 1,0 |
| 15.08.2023 — 26.10.2023 | 12,0 | ↗ 3,5 |
| 27.10.2023 — 15.12.2023 | 15,0 | ↗ 3,0 |
| 15.12.2023 — 25.07.2024 | 16,0 | ↗ 1,0 |
| 27.07.2024 — 13.09.2024 | 18,0 | ↗ 2,0 |
| 13.09.2024 — 25.10.2024 | 19,0 | ↗ 1,0 |
| 25.10.2024 — 06.06.2025 | 21,0 | ↗ 2,0 |
| 06.06.2025 — 25.07.2025 | 20,0 | ↘ 1,0 |
| 25.07.2025 — н. в. | 18,0 | ↘ 2,0 |
Валэктонъёс
- ↑ Введение ключевой ставки ЦБ России и ее изменения, РИА Новости. Эскеремын: 10 гудырикошконэ 2025 арын.
- ↑ Ключевая ставка - что это простыми словами - Российская газета, Российская газета (19 толсуре 2024). Эскеремын: 6 инвожое 2025 арын.
- ↑ 1 2 Банк России снизил ключевую ставку впервые с 2022 года, www.forbes.ru. Эскеремын: 10 гудырикошконэ 2025 арын.
- ↑ 1 2 Центробанк снизил ключевую ставку второй раз подряд, РБК. Эскеремын: 10 гудырикошконэ 2025 арын.
- ↑ Система инструментов денежно-кредитной политики, Банк России. Эскеремын: 10 гудырикошконэ 2025 арын.
- ↑ Решение Банка России по ключевой ставке: процесс подготовки и коммуникация, Банк России. Эскеремын: 10 гудырикошконэ 2025 арын.
- ↑ Станик и Крайнюков, 2020, с. 23.
- ↑ Егоров и Борзых, 2018, с. 115.
- ↑ Пестова и др., 2019, с. 65.
- ↑ 1 2 Евдокимова, Жирнов, 2020, с. 11.
- ↑ Банк России, 2019, с. 16.
- ↑ Крепцев и др., 2016, с. 33.
- ↑ IMF, 2019, p. 14.
- ↑ Isakov A., Latypov R. The Ibsen Manoeuvre: Yet Another R* Estimate [англи] // VTB Capital Research Alert (Very) Technical Brief Series. — 2019. — 15 July.
- ↑ Жестко стелет: почему ЦБ сохранил ключевую ставку на уровне 16 процентов, Профиль. Эскеремын: 10 гудырикошконэ 2025 арын.
- ↑ Ставка может быть больше, Журнал "Эксперт". Эскеремын: 10 гудырикошконэ 2025 арын.
- ↑ Костин и Греф назвали «ужасом» и «сбоем» снижение ставки до 4–5%, РБК. Эскеремын: 10 гудырикошконэ 2025 арын.
- ↑ В ЦБ раскрыли детали обсуждения роста ставки до 19–20%, РБК. Эскеремын: 10 гудырикошконэ 2025 арын.
- ↑ ЦБ признал снижение чувствительности экономики к ключевой ставке, РБК. Эскеремын: 10 гудырикошконэ 2025 арын.
- ↑ Центробанк повысил ключевую ставку до 19% годовых, РБК (13 куарусёнэ 2024). Эскеремын: 10 гудырикошконэ 2025 арын.
- ↑ В ВТБ описали сценарий с ростом ключевой ставки до 23%, РБК. Эскеремын: 10 гудырикошконэ 2025 арын.
- ↑ Глава ВТБ допустил повышение ключевой ставки ЦБ до 21% в 2024 году, Interfax.ru (16 коньывуонэ 2024). Эскеремын: 10 гудырикошконэ 2025 арын.
- ↑ ЦБ поднял ставку выше кризисного уровня 2022 года, РБК. Эскеремын: 210.08.2025 арын.
- ↑ Набиуллина объяснила, почему ЦБ повышает ключевую ставку, РБК. Эскеремын: 10 гудырикошконэ 2025 арын.
- ↑ Банки не заложили новое повышение ставки ЦБ в феврале, РБК. Эскеремын: 10 гудырикошконэ 2025 арын.
- ↑ Банк России сохранил ключевую ставку на уровне 21% годовых, РБК. Эскеремын: 14 тулыспалэ 2025 арын.
- ↑ ЦБ в третий раз подряд сохранил ключевую ставку 21%, РБК. Эскеремын: 10 гудырикошконэ 2025 арын.
- ↑ ЦБ сохранил ключевую ставку 21% в четвертый раз подряд, РБК. Эскеремын: 10 гудырикошконэ 2025 арын.
- ↑ В ЦБ представили «план Набиуллиной» по снижению ключевой ставки, Life.ru (19 шуркынмонэ 2024). Эскеремын: 10 гудырикошконэ 2025 арын.
- ↑ В ВТБ предсказали ключевую ставку на 2025 год, Lenta.RU. Эскеремын: 10 гудырикошконэ 2025 арын.
- ↑ Глава ВТБ спрогнозировал снижение ключевой ставки в 2025 году, РБК. Эскеремын: 10 гудырикошконэ 2025 арын.
- ↑ Набиуллина дала прогноз по средней ключевой ставке на 2025 год, РБК Инвестиции. Эскеремын: 10 гудырикошконэ 2025 арын.
- ↑ ЦБ будет аккуратно подходить к вопросу снижения ключевой ставки, TACC. Эскеремын: 10 гудырикошконэ 2025 арын.
- ↑ Банк России будет учитывать в решении по ключевой ставке новый риск, РБК Инвестиции. Эскеремын: 10 гудырикошконэ 2025 арын.
- ↑ Эксперты предсказали сохранение ставки ЦБ 21% четвертый раз подряд, РБК. Эскеремын: 10 гудырикошконэ 2025 арын.
- ↑ В ВТБ сравнили высокую ключевую ставку с «экспериментальным антибиотиком», РБК. Эскеремын: 10 гудырикошконэ 2025 арын.
- ↑ Треть аналитиков поставили на снижение ключевой ставки уже в июне, РБК. Эскеремын: 10 гудырикошконэ 2025 арын.
- ↑ Банк России снизил ключевую ставку впервые за три года, РБК. Эскеремын: 10 гудырикошконэ 2025 арын.
- ↑ Степашин сравнил ситуацию с ключевой ставкой сейчас и в 1999 году, РБК. Эскеремын: 10 гудырикошконэ 2025 арын.
- ↑ На Финансовом конгрессе Банка России обсуждали замедление экономики и снижение ставки, BFM.ru (2 пӧсьтолэзе 2025). Эскеремын: 10 гудырикошконэ 2025 арын.
Литература
- Богомолов А.И., Цветков А.О. Эконометрическая модель зависимости уровня инфляции от ключевой ставки Центрального Банка Российской Федерации (рус) // Вектор экономики. — 2018. — Т. 19, № 1. — С. 20.
- Евдокимова Т.В., Жирнов Г.А. Ключевая ставка Банка России: в поисках нейтрального уровня (рус) // Экономическое развитие России. — 2020. — Т. 27, № 1. — С. 11—19. Архивировано 26 южтолэзе 2022 арын.
- Егоров А., Борзых О. Асимметрия процентного канала денежной трансмиссии в России (рус) // Экономическая политика. — 2018. — Т. 13, № 1. — С. 92–121.
- Крепцев Д., Поршаков А., Селезнёв С., Синяков А. Равновесная процентная ставка: оценки для России (рус) // Серия докладов об экономических исследованиях. — 2016. — № 13. Архивировано 15 пӧсьтолэзе 2019 арын.
- Кузнецова А.В., Тарута С.В. Причины перехода от ставки рефинансирования к ключевой ставки (рус) // Аллея науки. — 2018. — Т. 3, № 1. — С. 288—293.
- Нейтральная процентная ставка (рус) // Вестник Банка России. — 2019. — 10 толсуре (№ 77—78). — С. 16. Архивировано 14 южтолэзе 2022 арын.
- Станик Н. А. и Крайнюков Н. И. Действие трансмиссионного механизма денежно-кредитной политики в российской практике (рус) // Экономика. Налоги. Право.. — 2020. — № 1. — С. 20—33.
- Пестова А.А., Мамонов М.Е., Ростова Н.А. Шоки процентной политики Банка России и оценка их макроэкономических эффектов (рус) // Экономическая политика. — 2019. — № 4. — С. 48–75.
- Удоратин В.В. Особенности денежного рынка России и роль ключевой ставки процента в его регулировании (рус) // Экономика и социум. — 2019. — № 1—1. — С. 959—962.
- International Monetary Fund. Russian Federation [англи] // Staff Report for the 2019 Article IV Consultation. — 2019. — August. Архивировано 26 гудырикошконэ 2019 арын.
Чӧлсконъёс
- Жёстко стелет: почему ЦБ сохранил ключевую ставку на уровне 16 процентов [ӟуч] журнал «Профиль» (16.02.2024). Эскеремын 10.08.2025 арын
- Процентная статистика ключевой ставки на сайте Банка России [ӟуч] Банк России. Эскеремын 10.08.2025 арын
- Как принимаются решения по ключевой ставке [ӟуч] Банк России. Эскеремын 10.08.2025 арын
- Доклад о денежно-кредитной политике Банка России [ӟуч] Банк России (февраль, 2020). Эскеремын 10.08.2025 арын
Уксё рыноклэн эталонной процентной ставкаосыз (бенчмаркаос) | |||||
|---|---|---|---|---|---|
| Теоретической инъетъёс | |||||
| Уксё рынокын дун пуктон | |||||
| Уксё политикаын эталонной ставкаос | |||||
| Эталонной ставкаослэн реформазы | |||||
| Эталонной ставкаос |
| ||||
