Россилэн нуналыз

Википедиысь материал
Россилэн нуналыз
День России.png
Типез Йӧскалык нунал
Официально Россилэн нуналыз
Мукет сямен 2002-тӥ арын 1-тӥ тулыспалозь — «Росси Федерацилэн кун суверенитетэз сярысь деклараци кутон нунал»
Валатонэз РСФСР-лэн кун суверенитетэз сярысь Декларация
Юнматэмын 1992-тӥ арын 11-тӥ инвожое
(Росси Федерациысь Вылӥ Кенешлэн «12-тӥ инвожое праздник нунал сярысь» 2981-I номеро Пуктэтэзъя)
Пусъё РоссияFlag of Russia.svg Россия
Дырыз 12-тӥ инвожое
Пусъён ужрадъёс концертъёс, патриотической акциос, фейерверкъёс
Сям-йылолъёс Кремльын Кун премиосын но мукет данъетъёсын пусъён
Логотип РУВИКИ.Медиа Медиафайлъёс РувикиМедиа пушкын

Россилэн нуналыз (азьвыл нимыз — Асэриклык басьтон нунал, Кун суверенитетэз сярысь Декларация кутон нунал (ӟуч: Де́нь Росси́и) — Росси Федерацись кун праздник, пусйиське арлы быдэ 12-тӥ инвожое. Юнматэмын 1992-тӥ арын 11-тӥ инвожое, РСФСР-лэн кун суверенитетэз сярысь Декларациез кутонлы сӥзьыса[1], РФ-лэн Вылӥ Кенешеныз[2]. 12-тӥ инвожо шутэтскон нуналэн ялэмын. Праздник нунал кӧснуналэ яке арня нуналэ тупа ке, шутэтскон нунал вуоно ужан нуналэ выжтӥське.

Историез

1990-тӥ арын 12-тӥ инвожое РСФСР-ысь калык депутатъёслэн I съездазы  [ӟуч] (удм. кутэмын вал РСФСР-лэн кун суверенитетэз сярысь Декларация. Со ужкагаз политической партиослэсь но мер огазеяськонъёслэсь огкадь луэмзэс пусйиз, тӧрлыкез люкылон принцип сярысь но быдэс кунын РСФСР-лэн Конституциезлэн но солэн катъёсызлэн вылӥлыксы сярысь ялӥз. Шонерак вераса, Декларация СССР-лэсь но Росси Федерацилэсь нимаз улосъёслы люкиськон процессэс кутскиз[3].

Декларация кутэмын вал «суверенитетъёслэн парадзы» шуыса нимам вакытэ, куке республикаос огез бӧрсьы мукетыз Союзлэн пушпӧлысьтыз потӥзы. Та югдурез лыдэ басьтыса, президент Борис Ельцин та нуналэз Асэриклык басьтон нунал шуыса нимаз вал[4]. Обращаясь к гражданам России в июне 1993-тӥ арын инвожое калык азьын вераськыкуз, кунлэн азьмуртэз пусйиз:

Россия аслэсьтыз кун праздниксэ Асэриклык басьтон нуналэ пумита. Та нунал туж егит ай, со асьме улонамы куинь ар талэсь азьвыл гинэ пыриз, Россилэн кун суверенитетэз сярысь Декларациез кутэмен валче[5].

Волгоградын улӥсьёс сю метръем флагез нуо (2023)

1994-тӥ арын Борис Ельцин аслаз косэтэныз 12-тӥ инвожоез РСФСР-лэн кун суверенитетэз сярысь Декларация кутон нуналэн ялӥз. Россилэн нуналыз ним 2002-тӥ арын гинэ юнмаз[6].

Праздникез шöдон

Праздник нуналлэн шӧмыз историен валче вошъяськылӥз. Нырысь-валысь 12-тӥ инвожо калык пӧлын Суверенитет сярысь декларациен герӟаське вал, РСФСР-лы «СССР-лэн пушпӧлысьтыз эрико потыны право сётэменыз». Соин валче, та нунал истоириен герӟась ёзъёсты сӧронлэн но кунлэн азинсконысьтыз быдэс сӥзэ куштонлэн тодметэз луэ[7]. 91-тӥ арын кылдэм югдурез сэрттыса-пертчыса, со «XX даурысь тужгес бадӟымез геополитической катастрофа» шуыса валан кылдӥз. Соку ик праздниклэн валатонэз но воштӥськиз. Табере, азьвыл кадь историез ӧвӧлтэм карон интые, кылдэм югдурез сэрттон-пертчон но перспективаос шедьтон валтӥсез ужпум луиз[8]. 2001-тӥ арын 12-тӥ инвожое Россилэн нуналызлы сӥзем вазиськоназ Владимир Путин шуиз:

Ваньмыз, мар пыр потыны кылдӥз та аръёс ӵоже, ваньмыз – вормонъёсмы но, янгышъёсмы но – одӥгез сярысь верало. Вань воштӥськонъёс калыклы юртто ке гинэ пайдалыко луо. Со воштӥськонъёс калыклы пумит ке, соос уг пӧрмо. Со бордын росси демократилэн валтӥсь урокез луэ. Со сярысь вераськыны кулэ туннэ, Росилэн нуналаз[9].

Владимир Путин но Борис Ельцин Россилэн нуналызлы сӥзем сӥё-дано приёмын (2001)

2022-тӥ арын Росси Федерация котырын геополитической югдур кылдэмен, Россилы пумит санкционной но берло гибридной война нуэмен, калык пӧлын Россилэн нуналыз суверенитетэз берентонэн, экономикалэн юнмаменыз но кунлэн утиськыны луонлыкеныз герӟаськыны кутскиз. Сое валаны луэ 2022-тӥ арын ВЦИОМ-лэн (Всероссийский центр изучения общественного мнения) ортчытэм социологической юалляськонъёсызъя, 58 %-эз СССР-лэн куашкамез пумысен жаль потэмзэс веразы[10]. 

Сям-йылолъёс

Россилэн нуналызлы сӥзьыса, Анапа котырын вӧлъям флаг. 2024-тӥ арын 12-тӥ инвожое

Котьку сямен, та нуналэ Кремльын сӥё-дано ужрад ортче, Росси Федерацилэн азьмуртэз наука но технологиос, лулчеберет но устолык удысъёсын басьтэм азинсконъёс понна кун премиосын но «РФ Ужысь Герой» медален пусъе. Праздниклэн тодметэз Россилэн куншетэз луэ. Та нуналлы сӥзем валтӥсь ужрадъёс Москваысь Горд площадьын радъясько. Быдэс кунын кар урамъёс но площадьёс флагъёсын но плакатъёсын чебермасько. Ортчо фестивальёс, концертъёс, адӟытонъёс, спортлы сӥзем ӵошатсконъёс но патриотической акциос. Кылсярысь, 2024-тӥ арын Краснодар шаерысь Сукко каргуртын быдӟалаезъя 4 сюрс м²-ем флаг вӧлъямын вал. Сьӧд зарезь дурын дурыстэм бадӟым кесэгез 1 сюрс 221 мурт возиз. Та зэмослык Рекордъёсын книгае пыртэмын[11].

Санкт-Петербург. Россилэн нуналаз Петровской фоватер йылэ Россилэсь флагзэ ӝутон акция дыръя. Флайбордистъёс 12 метрозь ӝутскылӥзы.

Тросэз 12-тӥ инвожоез кузпалъяськон нунал карыны туртто. Кылсярысь, 2024-тӥ арын Россилэн нуналаз Москваын 165 семья кылдӥз[12]. Та нуналэ шоркарын ватсаса кузпалъяськон интыос усьтӥськыло. Метро станциосын, шур кузя ветлӥсь трамвайёсын, историен герӟаськем юртъёсын но усадьбаосын выездной площадкаос ужало.

«Маяковская» метро станциын кузпалъяськем егитъёс (2022-тӥ ар 12-тӥ инвожо)

Быдэс кунын Россилэн нуналызлы сӥзем пӧртэм ужрадъёс ортчыло. Нунал, котьку сямен, ӝыт салютэн йылпумъяське. 12-тӥ инвожо шутэтскон нуналэн ялэмын. Праздник нунал кӧснуналэ яке арня нуналэ тупа ке, шутэтскон нунал вуоно ужан нуналэ выже[13].

Россилэн нуналызлы сӥзем салют Нижний Новгородысь кремль вадбсын.
Нижний Новгород, 20215-тӥ ар 12-тӥ инвожо.

Валэктонъёс

  1. ↑ Указ Президента РФ О государственном празднике Российской Федерации
  2. ↑ История празднования Дня России - ТАСС, TACC. Эскеремын: 27 оштолэзе 2024 арын.
  3. ↑ День России 12 июня: как отмечают, история праздника, РБК Life. Эскеремын: 27 оштолэзе 2024 арын.
  4. ↑ День принятия Декларации о государственном суверенитете России - День России
  5. ↑ Обращение Президента Российской Федерации Б.Н.Ельцина к гражданам Российской Федерации накануне праздника - Дня независимости России
  6. ↑ День России в 2024 году: история и традиции праздника
  7. ↑ Декларация о государственном суверенитете Российской Советской Федеративной Социалистической Республики
  8. ↑ Путин разъяснил свои слова о "геополитической катастрофе" в контексте распада СССР - ТАСС, TACC. Эскеремын: 30 оштолэзе 2024 арын.
  9. ↑ Выступление на торжественном приеме по случаю Дня принятия Декларации о государственном суверенитете России
  10. ↑ Ровно тридцать лет и три года, Коммерсантъ (11 инвожое 2023). Эскеремын: 2 куартолэзе 2024 арын.
  11. ↑ На Кубани в День России развернули самый большой триколор страны, TACC. Эскеремын: 4 инвожое 2025 арын.
  12. ↑ 165 пар поженились в Москве в День России // Новости НТВ, НТВ. Эскеремын: 4 инвожое 2025 арын.
  13. ↑ Праздник и выходные в июне 2025 года: как работаем и отдыхаем \ КонсультантПлюс [ӟуч]

Чӧлсконъёс

«https://udm.ruwiki.ru/w/index.php?title=Россилэн_нуналыз&oldid=471949»-ысь басьтэмын