Полом лулчеберет

Полом культура Шор дауръёс
Улос	Удмуртия
Интыяськемез	Чупчи шурлэн йылыз но шор палыз
Дырыз	V—IX дауръёс
Калыкъёс	перм калык
Бӧрысьлыкез
Мазунинской← Азелинской← Гляденовской← → →Чупчи

Полом лулчеберет (ӟуч: Поло́мская культу́ра) — V—IX дауръёсысь археологи лулчеберет. Отчы пыро Чупчи шурлэн йылаз но шор вадесаз Шор даурлэн кутсконысьтыз утиськем синпелетъёс. Нимыз Кез ёросысь Полом черкогурт дорысь шедьтэм вашкала шайёслэн нимзыя кылдэмы, 1906—1908-тӥ аръёсы соосты эскерон бордын тыршизы П. Г. Тарасов но В. Д. Емельянов.

Историез

Полом лулчеберет нырысь ик трос компонентъем кылдытос сямен, пӧртэм этнокультурной групппаослэн пыриськемзыя пӧрмемын вал. Соос яркыт висъясько V—VII дауръёсысь ватон сэбедъёсъя но улэм-вылэменызы герӟаськем материалъёсын. Огдыре ик соос Кам йылысь ломоватовской лулчеберетлы матын луо. Кыкезлэн но культураослэн источникенызы лыдъяське Камлэн шор вадесаз улэм калык. Чупчи пала соос шурлэн шундыпуксёнпал вайшуръёсыз — Сива но Очёр шуръёс кузя вуиллям. VI даурлэн пумаз полом синпелетъёсын азелинской культуралэн влияниез шӧдӥське но Чупчи шур улланёзь вӧлме.

Полом лулчеберетлэн шорсюлмыз Чупчи йыллэн бурпал ярдурыз луэ. Нырысетӥосыз полом синпелетъёс Чупчи йылын V даурлэн пумаз кылдыло но 2-лы люкисько — Варни́ гурт котырысь но Полом черкогурт котырысь. VII дауре со лулчеберет Чупчи шур улланетӥ Глаз карозь вуыса пыӵаны кутске.

Полом лулчеберет чупчи лулчеберетлэн инъетэз луэ. Ӵемысь та кык культураосты одӥге, поломско-чепецкой археологической культурае огазеяло (А. Г. Иванов).

Лулчеберет мукетъёсызлэсь бадӟымесь вашкала шайгуосыныз но отын тросэн кыллӥсь лысьӧмъёсын висъяське. Калыкъёслэн быдӟым выжонзы ортчем бере, лымшор влияние улсын кулэм муртъёсты вырйылъёсы ватылыны кутско. Вашкала каръёссы кожйылъёсы интыясько.

Азинскыны кутско дуриськон (синйылтэмын гутёосы интыям корт ӵыжатон домницаос, кортсыркъёс, туй узвесез ӵыжатонын кутӥськись тигельёс) но музъем гырон удысъёс. Со вакытысь калыклэн хозяйствоез комплексной вал. Соос пудо вордон, музъемез гырон-кизён, пӧйшуран, чорыган но мушкан удысъёсын вырылӥзы. Варни шайгуын ожтӥрлыкенызы валче ватэм ожгарчиослэн кылем-мылемъёссы шедьтэмын.

Антропологи ласянь полом лулчеберетысь калык кык типлы люкиське — мезокранной паськыт ымныръем монголоидъёс но долихокраной сюлэг ымныръем европеоидъёс.

Чӧлсконъёс

• Поломская культура // Большая российская энциклопедия
• Древности дебёсской земли // Национальная библиотека УР