Музейёслы сӥзем уй
| «Музейёслы сӥзем уй» | |
|---|---|
 | |
 | |
| Удыс | лулчеберет, устолык, музей уж |
| Нырысьсэ ортчытэмын | 1997 |
| Ортчытъянлэн ӵемлыкез | арлы быдэ |
| Берлозэ ортчытэмын | 2025 |
| Радъясез | РФ Лулчеберетъя министерство |
| Инлыкез | ортчытъяське |
| Сайтэз | museumnight.culture.ru |
 Медиафайлъёс РувикиМедиа пушкын | |
«Музейёслы сӥзем уй» (ӟуч: Ночь музе́ев, англ. Night of Museums) — Музейёслэн калыккуспо нуналзылы сӥзем акция. Музейёслэн нуналзы 18-тӥ куартолэзе пусйиське; акция со котырысь нуналъёсы, ӵемысь тупась шутэтскон нуналъёсы ортчытӥське — куартолэзьлэн куинетӥ шутэтскон нуналаз. Та нуналэ музейёс бер ӝытозь яке уйин но ужало[1]. Ужрадлэн ужпумез – музей коллекциосты калык пӧлы вӧлмытон но музей ужлэн луонлыкъёсыныз но выль ужан амалъёсыныз тодматон[2]. Нырысьсэ таӵе ужрад ортчиз 1997-тӥ арын[3].
2025-тӥ арын Россиын «Музейёслы сӥзем уй» 17-тӥ куартолэзе ортчиз. Со «Геройёслы» сӥземын вал[4].
Историез
Нырысетӥез «Музейёслы сӥзем кузь уй» (нем. Lange Nacht der Museen)[5] 1997-тӥ арын Берлинысь дас кык музейын ортчиз. Со ужрад улсын экскурсиос, лекциос, театрализациос быдэс уй ӵоже ортчытӥськизы. Музейёсы пырон со уе дунтэк радъямын вал[1].
1999-тӥ арын со выллем акция ортчытӥз Франциысь Лулчеберетъя но коммуникациосъя министерство[6].
2001-тӥ арын со борды Европаысь но Америкаысь 39 кун итӥськиз[4].
Францилэсь «Музейёслы сӥзем уез» арлы быдэ ортчытъяны ӵектонзэ 2005-тӥ арын Европа Кенеш умоен лыдъяз. Ужрад Музейёслэн калыккуспо нуналзылы матын луись шутэтскон нуналъёсы ортчылоз шуыса пумкылъямын вал[7].
2025-тӥ арез басьтыса, акцие 40 пала кунъёсысь 3,5 сюрслэсь ятыр музейёс пыриськизы[7].
Россиын
Россия та ужрадэ 2002-тӥ арын 20-тӥ оштолэзе пыриськиз[8][9]. Красноярскысь музей центрен радъям ужрадэ со уе 5 сюрслэсь трос мурт вуылӥз[6].
2006-тӥ арын «Музейёслы сӥзем уез» Санкт-Петербургын но Кузонын ортчытӥзы[4].
2007-тӥ арын акция нырысьсэ ортчиз Мускоын но Екатеринбургын. Мускоын ужрадэз «Музейын ортчытэм уй» шуыса нимазы[7]. Та акци улсын тросэз музейёс нылпиослы но мӧйыослы нимысьтыз адӟытонъёс но экскурсиос радъязы.
2015-тӥ арын «Музейёслы сӥзем уй» ужрадлы федерал инлык сётӥзы. Со дырысен акция Росси Федерациысь Лулчеберетъя министерстволэн юрттэмез улсын ортчылэ. Акцие быдэс кунысь федерал, кун, муниципал, ведомственной но частной музейёс пырисько[2].
«Музейёслы сӥзем уй» Россиын 2 сюрслэсь ятыр музей организациосты огазея[7]. Озьы ик та ужрадэ пырисько адӟытон центръёс, театръёс, галереяос, лыдӟиськонниос но мукет ужъюртъёс[2].
Арлы быдэ акция кыӵе ке но темалы сӥземын луэ.
Хронологиез
- 2016-тӥ арын акция 21-тӥ куартолэзе ортчиз. Ужрадъёс Росси кинолэн арезлы сӥземын вал. Тросэз музейёс «Одӥг экспонат сярысь веран» темая ужрадъёс ортчытӥзы. Санкт-Петербургын, Екатеринбургын но Калининградын акцие пыриськись площадкаос огъя билетэн ужазы[10]. Музейёсын но каръёсын 130-лэсь трос экскурсиос ортчытэмын, 60 концерт но 30 кино возьматон радъямын вал. Мускоысь ВДНХ-ын «Кино но мода. Александр Васильев нимо фондысь тодмо киноактрисаослэн дэремъёссы» адӟытон ужаз[11].
- 2017-тӥ арын акция 21-тӥ куартолэзе выжон уе ортчиз. Валтӥсь темаез — 1917-тӥ рын ортчем Революция[12]. Ужрадэ ог дасо пала лулчеберетъя площадкаос пыриськизы. Соос пӧлын: Третьяковской галерея, Царицыно усадьба, ВДНХ, Муско зоопарк, Туала устолыкъя «Гараж» музей но мукет. Ортчизы лекциос, экскурсиос, искусствоведъёсын, историкъёсын, туспуктӥсьёсын пумиськонъёс, мастер-классъёс но театральной представлениос[13].
- 2018-тӥ арын 19-тӥ куартолэзе ортчиз. Темаез— «Ватосъёсысь шедевръёс»[14]. Ужрадэ музейёс, театръёс, галереяос, арт-центръёс но устолыкъя школаос пыриськизы. Музейёс шер пумиськылӥсь но азьвыл реставрациын вылэм экспонатъёсты возьматӥзы. Москваын 800-лэсь трос ужрадъёс ортчизы, отчы 500 сюрс адями пыриськиз.
- 2019-тӥ арын акция 18-тӥ куартолэзе ортчиз. Со «Элементъёслы» сӥземын вал. Шаерысьтымы 100-лэсь трос музейёс пӧртэм ужрадъёс радъяса, бер ӝытозь ужазы. Кылсярысь, «Гараж» музей Павел Пепперштейнлэн «Человек как рамка для пейзажа» но «Рашид Араин. Ретроспектива» адӟытонъёсъя лыктэмъёслы дунтэк экскурсиос радъяз. Бахрушин нимо музейын «Театр Софокл дырысен Мейерхольд дорозь» театральной спектакль ортчиз, отчы лыктэмъёс асьсэлэн мылкыдзыя сизьым театральной «эраос» пӧлысь, вашкала дырысен 17-тӥ даурозь, одӥгзэ бырйыны быгатӥзы. «Солянка» галереяын лыктэм куноос художникъёслэсь ужан сюрессэс возьматӥзы. Ужрадлэн шор интыез луиз Москваысь музей, отын Drumsfest Russia— 2019 калыккуспо фестивале пыриськемъёс барабанъёсын шоу возьматӥзы[15].
- 2020-тӥ арын валтӥсь темаез вал — «Символъёс»[16]. Covid-19 пандемиен сэрен вань ужрадъёс 16-тӥысен 17-тӥ куартолэзёзь онлайн-форматэн ортчизы. Акцие Мускоысь 50 пала музейёс но галереяос пыриськизы. Онлайн-ужрадъёс ужъюртъёслэн официальной сайтъёссы но мерлыко вотэсъёс пыр ортчылӥзы. Ӵектэм ужрадъёсы 800 сюрслэсь трос мурт пыриськиз[17].
- 2021-тӥ арын 15-тӥ куартолэзе ортчиз. Темаез — «Музей гинэ ӧвӧл»[18]. Третьяковской галерея валтӥсь площадкалы пӧрмытэмын вал. Отын «Мечты о Свободе. Романтизм в России и Германии» калыккуспо адӟытон ортчиз. История кун музее лыктэмъёс шер пумиськылӥсь экспонатъёсты выльдон ужен тодматскизы, рукописной синпелетъёсты адӟизы. Чебермась устолыкъя Огъяросси музей нылпиослы программа дасяз, мылкыд карисьёс понна куролэсь пӧртэм арбери лэсьтонъя мастер-клас ортчытӥз[19].
- 2022-тӥ арын ужрад 21-тӥ куартолэзе ортчиз. Темаез — «Точка отсчёта»[20]. Лыктэмъёс понна экскурсиос, концертъёс, крезьгуро но кылбуро перформансъёс, мастер-классъёс, кырын ортчись лекциос, киновозьматонъёс, адӟытонъёс радъямын вал[21]. Ужрадъёсы 300 сюрслэсь трос адями пыриськиз.
- 2023-тӥ арын 21-тӥ куартолэзе ортчиз. Со «Историлы но историослы» сӥземын вал[22]. Акцие пыриськизы Индиысь, Саудовской Аравиысь, Венесуэлаысь, Катарысь, Ливанысь, Камбоджаысь, Монголиысь но мукет кунъёсысь диплолмати миссиослэн огмуртъёссы. А. С. Пушкин нимо ГМИИ-ын «Как звучит пейзаж» программа дасямын вал: музее лыктэмъёс телефонэн но наушникъёсын музейлэн бӧлетъёсаз крезьгурен но живописен тодматскизы. Шундыӝужанлы сӥзем музей ВДНХ-ын яланлыко экспозиция «крезьгуро маршрут» дасяз[23]. Акци улсын 1300 пала ужрад чакламын вал, отчы 2 миллион котыр адями пыриськиз[24].
- 2024-тӥ арын акция ортчиз 18-тӥ куартолэзе. Сӥземын вал семьялы, — «Из поколения в поколение. Семейные реликвии» шуыса нимаськиз[25]. Мускоысь лулчеберето площадкаосын 500 пала ужрад ортчытэмын вал. Кылсярысь, литературной спектакльёс, театрализациос, мастер-классъёс, квестъёс, викторинаос, концертъёс. Дэмлам площадкаосы 300 сюрслэсь трос мурт вуылӥз.
- 2025-тӥ арын 17-тӥ куартолэзе ортчиз. Валтӥсь темаез — «Геройёс»[26]. Атыкай музъемез утисьлэн араз программа сӥземын вал историез тодэ ваёнлы но духовно-нравственной дунлыкез утёнлы .
Росси Федерациысь лулчеберетъя министр Ольга Любимова пусйиз[27]:
Быдӟым Вормонлы сӥзем аре тодамы ваёмы кунмылэн эрикез но эрикез понна асьсэды жалятэк нюръяськем но фашизмлэсь мозмытыны юрттэм геройёсты. «Геройёс» тема Россилэн пӧртэм сэрегъёсысьтыз музей дэменлыкъёсын кулэлыко луэ, малы ке шуоно, котькуд улосвыллэн аслаз геройёсыз вань. Озьы ик Быдӟым Атыкай ожлэн но, шаермы понна мукет пусйымон учыръёсын вунонтэм историез но. Асьмеос нош ик берытскомы ортчем вакытысь батырлыко бамъёсы, тодамы ваёмы калыкмылэсь пӧртэм исторической вакытъёсысь батырлыко ужъёссэ, кылзомыгеройёс сярысь веранъёсты но ь мадиськонгеройёслэсь веранъёссэс кылзом.
Акция улсын пӧртэм тунсыко ужрадъёс ортчизы: экскурсиос, адӟытонъёс, лекциос, мастер-классъёс, концертъёс[28]. Мускоысь Транспортлы сӥзем музейын комиксъёс кылдытонъя мастер-класс ортчиз, Третьяковской галереяын лыктэмъёслы мини-лекторий дасямын вал, Муско Кремльлэн музеяз «Александр Невский — защитник земли русской» лекция но «Александровский сад — мемориал двух Отечественных войн» экскурсия радъямын вал.
Со выллем нуналъёс
- Экскурсоводлэн дунневыл нуналыз (21-тӥ тулыспалэ)
- Ллулчеберет удысын ужасьёслэн нуналзы (25-тӥ южтолэзе)
- Синпелетъёслэн но историен герӟаськем интыослэн нуналзы (18-тӥ оштолэзе)
- Музейёслэн калыккуспо нуналзы (18-тӥкуартолэзе)
- Кинолы сӥзем уй (дырыз арлы быдэ вошъяське)
Валэктонъёс
- ↑ 1 2 Что известно о всероссийской акции "Ночь музеев", TACC (17 куартолэзе 2024). Эскеремын: 27 оштолэзе 2025 арын.
- ↑ 1 2 3 Всероссийская акция "Ночь музеев", РИА Новости (18 куартолэзе 2024). Эскеремын: 27 оштолэзе 2025 арын.
- ↑ Денис Сидоров. Музей подготовился к грядущей ночи, Победа РФ | Новости, история, патриотизм (15 куартолэзе 2021). Эскеремын: 27 оштолэзе 2025 арын.
- ↑ 1 2 3 Когда пройдет «Ночь музеев» в 2025 году?, AiF (5 тулыспалэ 2025). Эскеремын: 27 оштолэзе 2025 арын.
- ↑ Всероссийская акция «Ночь музеев» 2024, Аскинский район — дата и место проведения, программа мероприятия., Культура.РФ. Эскеремын: 27 оштолэзе 2025 арын.
- ↑ 1 2 История акции "Ночь музеев", TACC. Эскеремын: 14 куартолэзе 2025 арын.
- ↑ 1 2 3 4 История акции
- ↑ «Ночь в храме», возможно, пройдет в Москве // Православие и мир. — 22.09.2015.
- ↑ Красноярский музейный центр Эскеремын 2010-04-10 арын
- ↑ Акция "Ночь музеев", посвященная Году кино, стартует по всей России, РИА Новости (21 куартолэзе 2016). Эскеремын: 27 оштолэзе 2025 арын.
- ↑ Волкова, С.. «Ночь музеев» - 2016: Хотите увидеть редкие коллекции, торопитесь зарегистрироваться, msk.kp.ru (13 куартолэзе 2016). Эскеремын: 14 куартолэзе 2025 арын.
- ↑ «Ночь музеев»-2017 посвятили русской революции, Известия (19 куартолэзе 2017). Эскеремын: 27 оштолэзе 2025 арын.
- ↑ "Ночь в музее" в Москве: Куда пойти, что посмотреть, и как добраться, Metro Москва. Эскеремын: 14 куартолэзе 2025 арын.
- ↑ «Шедевры из запасников» станут главной темой «Ночи музеев-2018», Известия (7 куартолэзе 2018). Эскеремын: 27 оштолэзе 2025 арын.
- ↑ «Ночь музеев» в Москве 2019: куда идти и что смотреть, BURO.. Эскеремын: 14 куартолэзе 2025 арын.
- ↑ Участие в «Ночи музеев — 2020»
- ↑ Онлайн-мероприятия акции "Ночь в музее – 2020" посетили более 800 тыс. человек, TACC. Эскеремын: 14 куартолэзе 2025 арын.
- ↑ Анонс пресс-конференции «Ночи музеев — 2021»
- ↑ Ночь музеев - 2021 [ӟуч]
- ↑ Как пройдет акция "Ночь музеев" в России в 2022 году, РЕН ТВ (20 куартолэзе 2022). Эскеремын: 27 оштолэзе 2025 арын.
- ↑ Что и где посмотреть в Москве в «Ночь музеев-2022»?, AiF. Эскеремын: 14 куартолэзе 2025 арын.
- ↑ Ночь музеев: когда будет в 2023 году, участники акции, программа, РИА Новости (5 куартолэзе 2023). Эскеремын: 27 оштолэзе 2025 арын.
- ↑ Экскурсия по бункеру, рок-концерт и закулисье театра: куда пойти на «Ночь музеев» в Москве, Global City. Эскеремын: 14 куартолэзе 2025 арын.
- ↑ Министр культуры рассказала о рекордах "Ночи музеев" в России Вести.ру.
- ↑ Объявлены дата и тема «Ночи музеев» 2024 года - Год Литературы, Год Литературы (13 южтолэзе 2024). Эскеремын: 27 оштолэзе 2025 арын.
- ↑ «Ночь музеев» пройдет по всей России 17 мая. Публикации СМИ. Первый канал, 1tv.ru (5 тулыспалэ 2025). Эскеремын: 27 оштолэзе 2025 арын.
- ↑ Ольга Любимова: Всероссийская акция «Ночь музеев» в 2025 году будет посвящена теме «Герои» Министерство культуры РФ.
- ↑ Ночь музеев — 2025. Официальный сайт акции
Литература
- Казакова, О., Кошелева, С. Ночь музеев во Франции как пример современной международной кооперации и общественно-государственного партнёрства // Вестник Кемеровского государственного университета культуры и искусств. — 2023. — № 63.
- Малафий, А. Туризм впечатлений : ресурсы и перспективы развития в Тульской области // Современные проблемы сервиса и туризма. — 2019. — № 2.
- Петрунина, Л. Два лица одного музея. "Ночь музеев" в Третьяковской галерее // Телескоп: журнал социологических и маркетинговых исследований. — 2012. — № 6.
- Черткова, М. А., Аксенова, Л. В., Каримова, Э. Т. Международная акция «Ночь музеев» в Учебном ботаническом саду им А.Г. Генкеля ПГНИУ // Ботанические сады в современном мире. — 2024. — № 6.