Можгин, Михаил Григорьевич

Михаил Можгин
Вордскыкуз сётэм нимыз	Дараев Михаил Григорьевич
Вордӥськем дырыз	12-тӥ пӧсьтолэзе 1890({{padleft:1890|4|0}}-{{padleft:7|2|0}}-{{padleft:12|2|0}})
Вордӥськем интыез	Самара губерниысь Бугульма уездэ пырись Бавлы волостьысь Потапово-Тумбарла черкогурт
Кулон дырыз	22-тӥ оштолэзе 1929({{padleft:1929|4|0}}-{{padleft:4|2|0}}-{{padleft:22|2|0}}) (38 лет)
Кулэмын	Бугульма кар, СССР
Ужудысэз	кылбурчи, кылысь кылэ берыктӥсь, дышетӥсь

Можгин (Дараев) Михаил Григорьевич (12-тӥ пӧсьтолэзе 1890, Бавлы ёрос^[d] — 22-тӥ оштолэзе 1929, Бугульма^[d], Бигер Автономной Советской Социалистической Республика) — удмурт кылбурчи, кылысь кылэ берыктӥсь но дышетӥсь, удмурт литературалы огез кутскон сётӥсь.

Улон сюресэз

Вордӥськиз 1890-тӥ арын 12-тӥ пӧсьтолэзе Потапово-Тумбарла черкогуртын (али — Татарстанысь Бавлы ёрос). Пичи дырысеныз вольыт вераськиз ӟуч, бигер, пор но башкир кылъёсын. Сиосын крезьгуро тӥрлык лэсьтылӥз но соосын быгатыса шудылӥз. 1906-тӥ арын Бирскысь дышетӥсьёсты дасянъя семинариез йылпумъяз, Потапово-Тумбарла, Покровское-Урустамак но Чирково гуртъёсын дышетӥз. Бубизлэсь Дараев фамилизэ Михаил воштӥз Можгин фамилилы, Удмуртиысь Можга воршудысь выжем выжыоссэ сӥлы карыса.

1914-тӥ арын мобилизациен австрийской фронтэ ыстэмын вал, Уралын Граждан оже пыриськиз. Отысь берытскемез бере 1923-тӥ арын выльысь ужаз дышетӥсь луыса, отӥяз вордскем черкогуртысьтыз сизьысь аръем школалэн директорез вал. Кузонысь дышетӥсьёслэсь тодон-валанзэс будэтонъя вакчи курсъёсты йылпумъямез бере Потапово-Тумбарлаысь неполной шор ёзо школалы директоре юнматӥзы.

Михаил Можгин вордскем палъёсысьтыз фольклорез бичалляз но ӟуч кылэ берыктылӥз. Калыкысь люкам материал вылын «Беглой» (ӟуч: Беглец) баллада гожтӥз, сое 1909-тӥ арын Кузонын потӥсь «Удморт кылын календарь» (ӟуч: Календарь на удмуртском языке) ежогодникын печатлаз. Азьвыл поэма нимаськись баллада сӥземын эшсэ виемез понна токма янгыше уськытэмез но та понна сое быдтыны дась луэм гуртоослэсь сикын пегась егит муртлэн шара мадиськемезлы. Балладалэн мотивъёсызъя кырӟан кылдӥз, со калык кырӟанлы пӧрмиз. Баллада али но удмурт кылбур бичетъёсы но школа хрестоматиосы пыре. Ӟуч кылын Ю. Грудзинлэн берыктэменыз со ож вакытысен тодмо. Эшшо но лэчыт социальной ужпум ӝутэмын «Суд» поэмаын, кудзэ М. Можгин йылсаны ӧз вутты.

Можгин общественной ужлэсь ноку ӧз палэнскылы. П.-Урустамакын дышетыкуз, лыдӟон корка усьтӥз, политкружокен кивалтӥз, школалы поплэсь корказэ басьтӥз, кооператив усьтон уж бордын трос выриз.

Михаил Можгин Бугульмаысь кар эмъяськонниын 1929-тӥ арын 22-тӥ оштолэзе чекоткалэсь кулӥз. Улонысь кошкон азяз «Гудыри» газетын потӥз солэн лирикая кылбурез — «Шур вылын» (ӟуч: На реке).

Библиография

• Михаил Можгин. Беглой : [удм.]. — Удморт кылын календарь. — 1909.
• Михаил Можгин. Беглой : [удм.]. — Кенеш. — 1929. — № 9. — С. 22.
• М. Г. Можгин. Беглой : [удм.]. — Молот. — 1939. — № 8—9. — С. 62—63.
• Михаил Можгин. Поэты Урала: Антология: В 2 т. / Пер. Ю. Грудзино. — Свердловск: Сред.-Уральск. кн. изд-во, 1976. — 78—80 с.
• М. Можгин, М. Прокопьев, И. Еремеев и др. Зарни крезь. — Ижевск: Удмуртия, 1972. — 77 с.

Валэктонъёс

Источникъёс

• Удмуртская Республика: Энциклопедия / гл. ред. В. В. Туганаев. — Ижевск: Удмуртия, 2008. — 768 с. — 2200 экз. — ISBN 978-5-7659-0486-2.
• Уваров А. Н. К вопросу о становлении жанров удмуртской литературы дооктябрьского периода [ӟуч] // Об истоках удмуртской литературы. — 1982. — С. 5—51.