Можга (черкогурт)

Можга
	Черкогурт
Можга
	56°22′25″ с. ш. 52°15′38″ в. д.GЯO
Кун	Россия;
Историез но географиез
Часовой поясэз	UTC+04:00
Улӥсез
Улӥсез	▼781 мурт (2012);
Официальной луись кыл	Удмурт кыл но Ӟуч кыл
Цифровой идентификаторъёс
Телефон кодэз	34139
Почта индекс	427770
Возьматоно/ватоно картаосты
	Можга

Ӧвӧл сурано Можгаен — сыӵе ик нимо городэн.

Можга́ — Удмурт Элькунысь Можга ёросысь черкогурт. Можга гурт поселенилэн центрез.

Азьвыл удмурт нимыз Бусурман-Можга, ӟуч сямен сое ӵемысь село Можгинское шуо вал.

Интыяськемез

Можга черкогурт интыяськемын Можга ёрослэн шор люкетаз, Ныша шур дурын, Можга карлэсь 8 иськемын.

Историез

Мадёсъя Можга выжыысь Мардан (Мордан) но Бия удмурт батыръёс та интыез черемисъёслэсь но бигеръёслэсь вормыса басьтӥзы^[2]. Гурт Можга воршудлэн нимыныз, бордаз Бусорман ватсаса, нимамын вал, угось азььвыл та интыын черемисъёс (поръёс) но бигеръёс улӥзы, соос удмуртъёс понна инородецъёс — бусурманъёс — вал.

Гуртлэн нимыз нырысьсэ пумиське 1716-тӥ арын ортчем Ландратской переписьын; Кузон уездысь Арск сюресысь Сотня Андрея Байтемирова пушкы пыре вылэм Бусорман-Можга но^[3].

Можга черкогуртлэн приходэз Вӧсьлыко Синодлэн юнматэмезъя 1751-тӥ арын 3-тӥ инвожое усьтэмын. 1754-тӥ арын пу черк пуктон йылпумъяськиз. 30-тӥ коньывуонэ черк Кузонысь Инмар Анайлэн нимыныз вӧсямын вал.

Алабго утем кылдэмен валче 1780-тӥ арын черкогуртэ утемлэн кыкетӥ выт станэзлэн становой квартираез интыяськиз.

1844-тӥ арын пу черк интые излэсь Казанско-Богородицской черк пуктэмын.

1859-тӥ арын ортчем 10-тӥ ревизилэн йылпумъянъёсызъя, 93 азбарын 517 улӥсез вылэм. Отын ик интыяськиллям волостной но гурт кивалтон, православной черк, торжок, кык ву вуко, кирпич но селитран юртъёс^[4].

1892-тӥ арын Можгала вуылӥз тодмо кылчи Юрьё Вихман. Отын со бичаз Мардан батыр сярысь фольклоръя материалъёс.

1921-тӥ арысен, Алабго утемез люкемен но Можга утем кылдытэмен валче, черкогуртэ выль утемлэн кивалтонэз интыяськиз. 1921-тӥ арын 8-тӥ толшорысен 1924-тӥ арын 3-тӥ куартолэзёзь черкогурт Можга кар нимаське вал^[5]. 1924-тӥ арын тылпу потэмен, пу карлэн тужгес бадӟым люкетэз ӝуаз, соин валче утемлэн кивалтонэз ӝог выжтэмын Сюга заводлэн посёлоказ, азьвыл интыяз сельсовет гинэ кылиз. Карез выльысь пуктэмзы бере Можга нош ик черкогурт луиз.

Улӥсьёсыз

2012-тӥ арын черкогуртын 781 улӥсез вал.

Мерыко удыс

Можга шор ёзо школа
Можга нылпи сад
Лулчеберетъя юрт
Фельдшер-акушер пункт
Искусствоосъя школа

Валэктонъёс

↑ http://www.webcitation.org/6XGMZPE6J
↑ Материалы по статистике Вятской губернии. Подворная опись 1884—1893 гг. | Родная Вятка
↑ Справочник по административно-территориальному делению Удмуртии. 1917—1991 гг. / Составители: О. М. Безносова, С. Т. Дерендяева, А. А. Королёва. — Ижевск: Удмуртия, 1995. — С. 16. — 744 с. — 2000 экз. — ISBN 5-7659-0425-4.
↑ Списки населенных мест Российской империи. Том X. Вятская губерния. Список населенных мест по сведениям 1859—1873 годов
↑ Можга: Документы, материалы. 1835—2005. — Ижевск/Комитет по делам архивов при Правительстве УР, 2006 ISBN 5-89806-084-7 Стр.13

[_67f524d599f42e13-1] ttp://www.webcitation.org/6XGMZPE6J

[2] Материалы по статистике Вятской губернии. Подворная опись 1884—1893 гг. | Родная Вятка

[3] Справочник по административно-территориальному делению Удмуртии. 1917—1991 гг. / Составители: О. М. Безносова, С. Т. Дерендяева, А. А. Королёва. — Ижевск: Удмуртия, 1995. — С. 16. — 744 с. — 2000 экз. — ISBN 5-7659-0425-4.

[4] Списки населенных мест Российской империи. Том X. Вятская губерния. Список населенных мест по сведениям 1859—1873 годов

[5] Можга: Документы, материалы. 1835—2005. — Ижевск/Комитет по делам архивов при Правительстве УР, 2006 ISBN 5-89806-084-7 Стр.13

[1]

[2]

[3]

[4]

[5]