Мерлыко архитектор
| Мерлыко архитектор | |
|---|---|
 | |
| Кутӥськон ӧрыз | Кун но муниципал кивалтон |
| Кылдэмын | 2020-тӥ арын |
Мерлыко архитектор (ӟуч: Социальный архитектор) — кулэлыко мер ужпумъёсын герӟаськем практикаосты но кичӧлтонъёсты быдэсъясь ӧнерчи. Мер архитектура удысын со пӧртэм мерлыко группаосты, институтъёсты но кун ёзрадъёсты огазеясь луэ.
2025-тӥ арын 1-тӥ куарусёнэ Москваысь кун университет но Финансовой университет Россиын нырысьсэ мерлыко архитектурая магистерской программаос усьтӥзы[1].
Ӧнер
«Мерлыко архитектор» валатон кылдӥз 2020-тӥ аръёсы, калыклэн туала азинсконэзлы луыса. Солэн валтӥсь ужпумез — кунэз, ужбергатонэз но калыкез огазеясь проектъёс пыр граждан мерлык кылдытон.
2025-тӥ арын гудырикошконэ социологъёс мерлыко архитектор ужудысэз вуоно дырысь ӧнер шуыса пусйизы. Эксперт дэменлыкен валчеужанъя Мерлыко эскеронъёсъя экспертной институтлэн кивалтӥсезлэн Фирдус Алиевлэн верамезъя, мерлыко архитектура — со трос уровеньем конструкция[2]:
Мерлыко архитекторлэн кулэлыкез — Россиын вань луонлыкъёсты, экспертизаез, иворлыко ресурсъёсты огазеяса, мерлыко прогнозирования но мерлыко проектирования технологиосты, культураез но практикаез кылдытон но азинтон. Матысь дыре ми вуоно дырлэсь туссэ кылдытыны но тупатъяны кулэ, со пӧртэм уровеньем мерлыко проектъёс пыр быдэмоз.
Мерлыко архитекторъёс улос администрациосын тӧролэн воштӥсез чотын ужаны быгатозы. Озьы ик соос демография, семья но калык кусыпъёсын герӟаськем ужпумъёс понна кылкутыны кулэ. Мерлыко малпанъёсты эскеронъёсъя огъяросси центрлэн (ВЦИОМ) тӧроез Валерий Фёдоров пусйиз, выль ужудысэз тӧрлыке пыртон понна али тупась луонлыкъёс кылдэмын[3]:
Мерлыко архитектура ваче вуон интыын сылэ, азьвыл со понна «междисциплинарность» кыл кутӥськылӥз, али тросгес интегрированность сярысь верасько.
Азьланяз, вузъёс выль удысэз дышетонназы кутыкузы, ассэлы тупась ӧр вылэ пыкиськозы. Кылсярысь, Москваысь кун университет (МГУ) — политологической аспектъёс вылэ, Экономикая вылӥ школа (ВШЭ) — медиакоммуникациос вылэ, Калык возёсъя но кун кивалтонъя росси академия (РАНХиГС) — кунэн кивалтон вылэ.
Дышетон
2025-тӥ арын 1-тӥ куарусёнысен Россиын нырысьсэ мерлыко архитектурая магистерской программаос усьтэмын: МГУ-лэн политологияя факультетаз но РФ кивалтэтэз улсын финансовой университетлэн мерлыко тодосъёсъя но массовой коммуникациосъя факультетын. Озьы ик ватсаса дышетон курсъёс кылдытэмын Россиысь гуманитарной кун университетын (РГГУ).
Дышетон планэ пыртэмын политической стратегиосъя, информационно-аналитической сопровождения, мерлыко архитектураын моделирования но проектирования но кунмуртлыко идентичностез кылдытонъя дисциплинаос. Магистрантъёс теориез дышетэм сяна, уж вылын дышетскозы; политология, социология, коммуникациос но мерлыко проектъёсын кивалтон удысысь тодон-валанъёс басьтозы.
МГУ-лэн деканэзлэн Андрей Шутовлэн верамезъя, магистратураез быдтэмъёс туж кулэлыко ӧнерчиос луозы, малы ке шуоно, соос мерлык, тӧрлык но ужбергатон удысъёсты валчеян, мерлык ласянь кулэлыко проектъёс кылдытон но пӧртэм мерлыко группаослэсь куспыпъёссэс радъян бордын тыршозы[4].
РФ президентлэн мерлыко ужпумъсъя управлениезлэн кивалтӥсез Александр Харичев пусйиз, туала куронъёс тодон-валанъёссэс уж вылын кутыны но выль кылдэм куронъёсты ӝог быдэстыны быгатӥсь ӧнерчиосты кулэ каро[5].
Мерлыко архитектура улосъёсын
Кировлэн 650 ар тырмонэзлы сӥзьыса (2024-тӥ арын пусйиськиз), кивалтӥсьёс таӵе метафора малпазы: улослэн шоркарез — «Ӟуч Уйпаллэн ӟезьыез». Со дырысен туризмен но архитектураен герӟаськем проектъёс ваньмыз со темалы сӥземын.
Якутилэн губернаторез Айсен Николаев якут киноен тунсыкъяськонлэн будэмез сярысь вераз. Солэн верамезъя, Якут элькун фильмъёс поттонъя Москва бере кыкетӥез луэ.
Мурманск улосын кивалтэ «Уйпалан улыны» нимо кампания кылдытӥз. Отын улӥсь калыклы сыӵе лозунг кельшиз, бӧрысьгес улосэз азинтонъя планэз но озьы ик нимазы[6][7].
Валэктонъёс
- ↑ В России впервые стартовали магистерские программы по социальной архитектуре, ВЗГЛЯД.РУ (1 куарусёнэ 2025). Эскеремын: 26 куарусёнэ 2025 арын.
- ↑ Социологи назвали социального архитектора профессией будущего - Российская газета, Российская газета (8 гудырикошконэ 2025). Эскеремын: 26 куарусёнэ 2025 арын.
- ↑ Экспертиза по любым вопросам, Коммерсантъ (8 гудырикошконэ 2025). Эскеремын: 26 куарусёнэ 2025 арын.
- ↑ В России впервые стартовали магистерские программы по социальной архитектуре, ВЗГЛЯД.РУ (1 куарусёнэ 2025). Эскеремын: 26 куарусёнэ 2025 арын.
- ↑ В российских вузах впервые начали готовить социальных архитекторов (1 куарусёнэ 2025). Эскеремын: 26 куарусёнэ 2025 арын.
- ↑ В университетах начнут учить на социальных архитекторов, Ведомости (19 инвожое 2025). Эскеремын: 26 куарусёнэ 2025 арын.
- ↑ Наш Север | Благоустройство [ӟуч]