Лыдпусо манет

Википедиысь материал
Лыдпусо манет
Digital ruble red logo.svg.png

Лыдпусо манет (ӟуч: Цифрово́й рубль) — Росси Банкен кылдытӥськись Центральной банклэн цифровой валютаез (ЦВЦБ (CBDC)). Йӧскалык валюталэн куинетӥ формаез. Россиын кутӥськись коньдонлэн наличной но безналичной формаез борды ватсан. Лыдпусо манетэз Росси Банк цифровой видэныз ик кутоз. Лыдпусо манет Россиын наличной но безналичной манет интые кутӥськоз[1].

Историез

Криптовалюталэн  [ӟуч] (удм. азинскемез улсын 2017-тӥ арын коньывуон толэзе Росси Федерацилэн Кивалтэтэз «криптоманетэз» кылдытон пумысен постановленилэсь проектсэ дасяз[2].

Калыккуспо расчётъёсъя  [ӟуч] (удм. банклэн тодэтъёсызъя, 2020-тӥ арозь 80 %-эзлэсь тросэз шор банкъёс асьсэ лыдпусо манет кылдытон бордын тыршизы[3].

2020-тӥ арын коньывуон толэзе Росси Федерациысь ЦБ лыдпусо манет кылдытон сярысь доклад печатлаз (Цифровой валюты Центрального банка, ЦВЦБ)[1]. Отын ЦВЦБ криптовалюта уз луы, малы ке шуоно, сое Росси Банк гинэ поттоз шуыса пусъемын. Лыдпусо манетъёслэн единицаоссы аспӧртэмлыко лыдпусо кодэн гинэ тодмостӥськозы. ЦВЦБ безналичной но наличной коньдонлэсь функциоссэ быдэстыны кулэ — соин палэнысен яке офлайн-кошелёк  [ӟуч] (удм. пыр тыриськыны луоз; лыдпусо манет наличной но безналичной амалэн 1:1 курсъя конвертироваться кариськоз  [ӟуч] (удм.. Докладын ЦВЦБ-ез кутонлэн 4 пумо моделез возьматэмын, кин, кызьы но кинлы кошелёк усьтонэз но тыриськонэз чакласа. Соку ик азьмуртлэн пресс-секретарез Дмитрий Песков лыдпусо манетэз 3—7 ар куспын кутоно луоз шуыса ивортӥз[4].

2021-тӥ арын оштолэзе РФ ЦБ проектлэн быдэстӥськемез сярысь вераз. Быръемын вал модель, кудӥзъя Росси Банк коньдон ужпумъёсъя институтъёслы  [ӟуч] (удм. кошелёкъёс усьтэ но соосты нуыны юрттэ, нош соосыз — клиентъёслы кошелёкъёс усья. 2021-тӥ ар пумын платформа кылдытыны чакламын вал, кудаз вуоно арын лыдпусо манетлэсь кутӥськемзэ эскерыны кулэ[5].

2021-тӥ арын инвожое ЦБ 12 банкез пусйиз, кудъёсыз 2022-тӥ арын толшоре лыдпусо манетэз тестировать карыны кулэ: Ак Барс Банк, Альфа-банк,Банк ДОМ.РФ, Банк ВТБ, Газпромбанк, Тинькофф банк, Промсвязьбанк, Росбанк, Сбербанк, СКБ-банк, СОЮЗ Банк , ТКБ банк[6]. Тестировать карон кутскемын 2022-тӥ арын 19-тӥ толшоре[7]. 2022-тӥ арын 15-тӥ тулыспалэ Росси Банк но рыноке пыриськисьёс лыдпусо манетлэсь платформазэ эскерон борды басьтӥськизы но нырысетӥ кунмуртъёс куспыназинлыко переводъёс ортчытӥзы. Азьланяз вузъёс но услугаос понна тыриськонэз быдэстон понна лыдпусо манетэз кутонэз эскерыны кулэ[8][9].

2022-тӥ арын 21-тӥ оштолэзе РФ ЦБ тӧроез Эльвира Набиуллина  [ӟуч] (удм. Кун Думаын отчётаз, кун пушкын но озьы ик калыккуспо расчётъёс быдэсъяны 2023-тӥ арысен кутскыны кулэ шуыса пусйиз: «Вуоно арын лыдпусо манетэз экономикаын кутонэ калленэн выжом ини. Лыдпусо манет тыриськон дунэз кулэстыны кулэ. Ми малпаськомы, сое калыккуспо тыриськонъёсын но кутыны луоз»[10].

2023-тӥ арын 16-тӥ южтолэзе лыдпусо манет сярысь катӵектос Кун Думаын нырысетӥ лыдӟонэз ортчиз[11]. 2023-тӥ арын 20-тӥ инвожое РФ Кун Дума сое умоен лыдъяз[12], нош 11-тӥ пӧсьтолэзе, кыкетӥ но куинетӥ лыдӟонъёсын, лыдпусо манетэз кутон сярысь кат поттӥзы[13].

2023-тӥ арын 24-тӥ пӧсьтолэзе Россилэн азьмуртэз Владимир Путин лыдпусо манетэз кутон но сое кутонлы тупась кплатформа кылдытон сярысь косэт гожтӥз. Катлэн валтӥсь положениосыз кужымлыко луизы 2023-тӥ арын 1-тӥ гудырикошконэ[14]. Со ЦБ пилотной проектэз кутскыны луонлык сётӥз, отчы 13 банк пыриськиз[15].

2023-тӥ арын 3-тӥ гудырикошконэ Росси Банк лыдпусо манетлэсь логотипсэ умоен лыдъяз[16][17].

2023-тӥ арын 15-тӥ гудырикошконысен лыдпусо манет зэмос операциосын кутӥськыны кутскиз[18].

2024-тӥ арын 17-тӥ пӧсьтолэзе Владимир Путин лыдпусо манетэз кутонъя пилотной проектэ 11 каръёсысь 12 банк, 600 мурт, 22 торгово-сервисной предприятиос пыриськиз шуыса ивортӥз. 2024-тӥ арын пӧсьтолэзе басьтэм тодэтъёсъя, лыдпусо манетэз кутыса, 27 сюрслэсь ятыр переводъёс но 7 сюрслэсь ятыр вуз но услуга дун тыремын. Солы луыса, Россилэн президентэз лыдпусо манетэз кутонэз паськытатыны косӥз[19].

2025-тӥ арын 28-тӥ толшоре тодмо луиз, Росси Банк Росси Федерациысь Коньдон ужпумъёсъя министерствоен но казначействоен  [ӟуч] (удм. валче нырысьсэ бюджет процесс улсын лыдпусо манетэз эскерон ортчытӥз. Лыдпусо манетэз паськыт кутон 2025-тӥ арын 1-тӥ пӧсьтолэзьлы чакламын вал. Росси Банк вань кулэлыко кредит ужъюртъёс со дырлы дась луозы шуыса оскытӥз[20].

2025-тӥ арын 4-тӥ тулыспалэ Росси Банк мессенджеръёсын но мерлыко вотэсъёсын лыдпусо манет сярысь зулёнъёсты синйылтӥз. Регулятор верамъя, со выль коньдон формалы осконэз лябомытон но калык пӧлын куалектон мылкыд вӧлмытон понна кылдытэмын вал. ЦБ со зулёнъёсты палэнтӥз но лыдпусо коньдонэз кутын кужмысь уз косэ, со наличной но безналичной формаос борды ватсэт понна кылдытэмын шуыса валэктӥз[21].

2025-тӥ арын тулыспалэ ЦБ лыдпусо манетэз паськыт кутонэз дугдытыны дэмлаз[22].

2025-тӥ арын 11-тӥ оштолэзе Центробанк йыружасьёслэсь выль амалзэс шараяз: йыртэмасьёс фейковой интернет-сайтъёс кылдыто но лыдпусо манетлэн луисьтэм программаяз калыклэсь уксёзэ кыско[23].

2025-тӥ арын 30-тӥ инвожое ЦБ лыдпусо манетэз кутонлы нырысь йылпумъянъёс лэсьтӥз, кудӥз кутскемын вал 2023-тӥ арын 15-тӥ гудырикошконэ. 2025-тӥ арын куартолэзь пумын лыдпусо манетлэн платформаяз пыриськемъёс 63 сюрслэсь ятыр переводъёс, 13 сюрс тыр дунъёслы но услугаос понна тыриськонъёс но 17 сюрслэсь ятыр смарт-контрактъёс быдэстӥзы шуыса пусъемын вал отын. Ваньмыз-ӧвӧлыз, платформаын 2500 пала кошелёкъёс усьтэмын, 150 пала улон интыосысь 15 банкъёсысь клиентъёслы пӧртэм операциос лэсьтыны луонлык кылдытэмын[24].

2025-тӥ арын 15-тӥ пӧсьтолэзе РФ Кун Дума куинетӥ лыдӟонъёсын лыдпусо манетэз поэтапно кутон но озьы ик вузъёс но услугаос понна тыриськонын кутӥськись универсальной QR-код кылдытон сярысь кат кутӥз. 2026-тӥ арын 1-тӥ куарусёнысен банкъёс клиентъёслы пӧртэм операциос быдэсъяны луонлыкъёс кылдытыны кулэ. Вузкарисьёс, кудъёсызлэн табышсы араз 5 млн-лэсь ӧжытгес луэ, лыдпусо манетэз кутытэк но быгато[25]. 2026-тӥ арысен выль катъя федерал коньдэтысь пӧртэм выплатаосты лыдпусо манетэн басьтыны луоз. Озьы ик пенсиосты, пособиосты  [ӟуч] (удм., стипендиосты но бюджетникъёслы уждун.

2025-тӥ арын «лыдпусо манет» «Слово года» проектлэн топ-40 тужгес кутӥськисьёсыз пӧлы пыртэмын[26].

Лыдпусо манетлэн логотипез

Лыдпусо манетлэн нырысетӥ логотипез — котрес пушкын манетлэн пусэз, РФ ЦБ-лэн логотипез выллем, возьматэмын вал 2023-тӥ арын 3-тӥ гудырикошконэ нимысьтыз видеоын но сайтын [27][28].

Дунъет

Экспертъёс лыдпусо манетлэн валтӥсь кулэлыкез пӧлы пырто коньдонэз катэз тӥяса кутонэн  [ӟуч] (удм. нюръяськонэз капчиятонэз, малы ке шуоно, транзакциосъя  [ӟуч] (удм. вань тодэтъёс Росси Банкын утиськозы[29].

РФ коньдон ужпумъёсъя министр Антон Силуанов лыдпусо коньдонэз перспективной шуыса пусйиз. Солэсь оскымон луонзэ министр Центробанкен герӟаз. Силуановлэн малпамезъя, коньдэт понна проект аслаз пырадӟиськись луэменыз тунсыко луыны кулэ[30].

«Яков и Партнёры» компаниысь экспертъёслэн огъянъёссыя (азьвыл McKinsey), ужбергатон но банкъёс понна лыдпусо манетэз кутонлэн огъя экономической эффектэз арскын 328 млрд манетозь вуыны кулэ — нырысь ик, эквайринговой операциос  [ӟуч] (удм. вылын шыръяса[31].

Курланъёс

«Сбербанк» докладэз курлаз, солэн малпамезъя, коньдонлэн лыдпусо коньдонэ выжонэз 2—4 триллион манет тыр луыны кулэ, соин сэрен кредит ставкаос  [ӟуч] (удм. ӝутскыны быгатозы . Со дыре банкъёс пӧлысь ӝыныез лыдпусо коньдонэз кылдытонэз юнме дыр быдтонэн лыдъязы[32]. Сбербанк озьы иквыль валюталэн ляб киберустойчивостез сярысь алӥз . Сое кужмоятон вылысь, банклэн правлениезлэн тӧроезлэн воштӥсезлэн Станислав Кузнецовлэн малпамезъя, аспӧртэмлыко система кылдытыны кулэ, со понна 20-25 млрд манет кулэ луоз[33].

«Сколково-РЭШ» центрын, умой палъёссэ сяна, ЦБ коньдон ужпумъёсъя рыноке кыскемын луоз шуыса пусйизы. Озьы солэн независимой статутэз бырыны быгатоз[34] но солы оскон мылкыд лябомоз.

Макроэкономической анализъёсъя но вакчи дырлы прогнозъёсъя центрысь экспертъёс, лыдпусо манетэн сэрен банкъёс ликвидностьсэс ыштыны быгатозы шуыса, ас малпанъёссэс шараязы. 2024-тӥ ар пумын физической но юридической лицоос 9 трлн манет пала коньдонзэс выжтыны быгатозы[34].

Лыдпусо манетэз кутонлэн кышыкытлыкез

ЦВЦБ-ез (CBDC) улонэ пыӵатон таӵе кышкытлыкъёс кылдытыны быгатэ — Росси Федерациысь коньдон ужпумъёсын герӟаськем сӧзнэтэз монополизировать карон; калык, кун но муниципал ужъюртъёс понна коньдон кутонлы лимит юнматон, озьы ик коньдон люканэз — солэсь валтӥсь функциезлэсь куштӥськон. Валтӥсез кышкытлык — мултэс сверхрегулировать карон[35].

Валэктонъёс

  1. ↑ 1 2 Цифровой рубль. Банк России [ӟуч] cbr.ru. Эскеремын 9 куарусёнэ 2025 арын
  2. ↑ Цифровой суверенитет. Зачем правительству понадобился крипторубль [ӟуч] Forbes.ru. Эскеремын 9 куарусёнэ 2025 арын
  3. ↑ Кисаров И. В. О переходе к цифровому рублю // Вестник Тверского государственного университета.Серия: Экономика и управление. — 2021. — № 1 (53). — С. 198—208.
  4. ↑ Вершинина О. В., Лабушева Я. Г., Султаниев И. С. Анализ возможностей и рисков введения в обращение цифровых валют центральных банков на примере «цифрового рубля» // Вестник Российского нового университета. Серия: Человек и общество.. — 2021. — № 1. — С. 51—60.
  5. ↑ ЦБ наполнит кошельки цифровыми рублями, Коммерсантъ (8 оштолэзе 2021). Эскеремын: 9 куарусёнэ 2025 арын.
  6. ↑ ЦБ выбрал 12 банков для тестирования цифрового рубля [ӟуч] Forbes.ru. Эскеремын 9 куарусёнэ 2025 арын
  7. ↑ Некоторые российские банки уже тестируют платежи между физлицами с цифровым рублем - ТАСС, TACC. Эскеремын: 9 куарусёнэ 2025 арын.
  8. ↑ Цифровой рубль: старт тестирования [ӟуч] cbr.ru. Эскеремын 9 куарусёнэ 2025 арын
  9. ↑ В пилотном режиме: в России начались первые испытания цифрового рубля [ӟуч] RT на русском. Эскеремын 9 куарусёнэ 2025 арын
  10. ↑ С 2023 года в России планируют начать расчёты в цифровых рублях [ӟуч] ИА REGNUM. Эскеремын 9 куарусёнэ 2025 арын
  11. ↑ Госдума одобрила законопроект о цифровом рубле в первом чтении, но поручила депутатам внести правки :: РБК.Крипто, РБК Крипто. Эскеремын: 9 куарусёнэ 2025 арын.
  12. ↑ Депутаты одобрили законопроект о наследовании цифрового рубля во втором чтении :: РБК.Крипто, РБК Крипто. Эскеремын: 9 куарусёнэ 2025 арын.
  13. ↑ Госдума приняла закон о внедрении цифрового рубля, TACC. Эскеремын: 9 куарусёнэ 2025 арын.
  14. ↑ Путин подписал закон о внедрении цифрового рубля, TACC. Эскеремын: 9 куарусёнэ 2025 арын.
  15. ↑ ЦБ РФ начнет пилот с реальными цифровыми рублями после появления законодательной базы, Interfax.ru (22 южтолэзе 2023). Эскеремын: 9 куарусёнэ 2025 арын.
  16. ↑ ЦБ утвердил логотип цифрового рубля, TACC. Эскеремын: 9 куарусёнэ 2025 арын.
  17. ↑ У цифрового рубля появился логотип [ӟуч] rutube. Эскеремын 9 куарусёнэ 2025 арын
  18. ↑ ЦБ РФ: о появлении цифрового рубля не знают более 30% опрошенных россиян [ӟуч] Эксперт (журнал). Эскеремын 9 куарусёнэ 2025 арын
  19. ↑ Путин поручил перейти к широкому внедрению цифрового рубля [ӟуч] РИА "Новости". Эскеремын 9 куарусёнэ 2025 арын
  20. ↑ ЦБ и Минфин провели первые тесты цифрового рубля в бюджетном процессе, РБК. Эскеремын: 9 куарусёнэ 2025 арын.
  21. ↑ ЦБ зафиксировал всплеск мифов о цифровом рубле в мессенджерах и соцсетях, РБК. Эскеремын: 9 куарусёнэ 2025 арын.
  22. ↑ ЦБ отложил массовое внедрение цифрового рубля, РБК (27 тулыспалэ 2025). Эскеремын: 9 куарусёнэ 2025 арын.
  23. ↑ ЦБ предупредил о схеме похищения денег через ложные инвестиции в цифровой рубль, Известия (11 оштолэзе 2025). Эскеремын: 9 куарусёнэ 2025 арын.
  24. ↑ Банк России подвел первые итоги пилотирования цифрового рубля, Ведомости. Эскеремын: 9 куарусёнэ 2025 арын.
  25. ↑ Госдума утвердила внедрение цифрового рубля, Коммерсантъ (15 пӧсьтолэзе 2025). Эскеремын: 9 куарусёнэ 2025 арын.
  26. ↑ «Лабубу», «сигма» и «цифровой рубль» вошли в топ-40 слов в России, РБК (3 куарусёнэ 2025). Эскеремын: 9 куарусёнэ 2025 арын.
  27. ↑ Фирменный стиль [ӟуч] cbr.ru. Эскеремын 9 куарусёнэ 2025 арын
  28. ↑ ЦБ утвердил логотип цифрового рубля [ӟуч] Ведомости. Эскеремын 9 куарусёнэ 2025 арын
  29. ↑ Каменская К. В. К вопросу введения Цифрового рубля как инструмента противодействия экономическим и финансовым нарушениям // Инновации. Наука. Образование.. — 2021. — № 25. — С. 77—84.
  30. ↑ Министр финансов России Силуанов назвал создание цифрового рубля перспективным, Газета.Ru. Эскеремын: 9 куарусёнэ 2025 арын.
  31. ↑ Инновационный кошелек [ӟуч] Эксперт. Эскеремын 9 куарусёнэ 2025 арын
  32. ↑ Что не так с цифровым рублем: Сбер предупредил о рисках новой валюты [ӟуч] Вести.ру. Эскеремын 9 куарусёнэ 2025 арын
  33. ↑ Сбербанк оценил, во сколько обойдется устойчивость цифрового рубля, РБК. Эскеремын: 9 куарусёнэ 2025 арын.
  34. ↑ 1 2 «Полный цикл операций». В России испытали цифровой рубль - Газета.Ru, Газета.Ru. Эскеремын: 9 куарусёнэ 2025 арын.
  35. ↑ Четыре главные опасности цифрового рубля, Ведомости. Эскеремын: 9 куарусёнэ 2025 арын.

Литература

  • Вершинина О. В., Лабушева Я. Г., Султаниев И. С. Анализ возможностей и рисков введения в обращение цифровых валют центральных банков на примере «цифрового рубля» // Вестник Российского нового университета. Серия: Человек и общество. № 1. — 2021. — С. 51—60.
  • Каменская К. В. К вопросу введения Цифрового рубля как инструмента противодействия экономическим и финансовым нарушениям // Инновации. Наука. Образование. № 25. — 2021. — С. 77—84.
  • Кисаров И. В. О переходе к цифровому рублю // Вестник Тверского государственного университета. Серия: Экономика и управление. № 1 (53). — 2021. — С. 198—208.

Чӧлсконъёс

«https://udm.ruwiki.ru/w/index.php?title=Лыдпусо_манет&oldid=501209»-ысь басьтэмын