Кӧжыпог
| Кӧжыпог | |
|---|---|
| Кӧжыпог | |
 | |
| удмурт сиён-юонъёс | |
| Кун |
 Удмуртия |
| Ку кылдэмын | вашкала дырысен |
| Малэсь пӧрамын | |
| Валтӥсьёсыз |
|
| Пӧлаз кутыны луэ |
|
| Со выллем пӧросъёс | |
| Матын луись | кӧжы ӝук |
 Медиафайлъёс РувикиМедиа пушкын | |
Кӧжыпог ― удмурт калыклэн сиён-юонъёсыз пӧлысь одӥгез. Нелькем кӧжыез пичи колӟоос выллем погылляса, бадӟым гурын дасям пыжос[1].
Вакчияк историез
Удмурт калыклэн 200 пала чылкак йӧскалык луись сиён-юонъёсыз лыдъясько. Соос пӧлын валтӥсь инты басьто ю-тысьлэсь пӧраськемъёс. Ӵемысь соос асьсэ понна кутӥсько яке мукет пӧросъёс пӧлы ватсасько. Тужгес ӵем кутӥськисьёсыз пӧлы пыро: ӟег, йыды, сезьы, вазь, тари, шергес — чабей. Озьы ик паськыт кутӥське кӧжы: сое шыд пӧзьтыку ватсаллязы, солэсь кисаль суралтылӥзы, кӧжы погъёс колӟаллязы, ӝук пӧзьтылӥзы но мукет кеньырен ӝук пӧлы ватсаллязы. Пирсатэм но пушкытэм кӧжыез уката зол ярато пиналъёс[2].
Азьвылгес дыръя удмуртъёс пӧраськоназы бакча сиёнъёсты шер кутылӥзы. Картофкаез асьме шаере вуттэмлэсь азьпал, пӧраськонэ паськыт кутылӥзы сяртчыез но кӧжыез[1]. Удмурт калыклэн вань сиён-юонъёсыз огшоры нуналэ, праздник нуналэ но вӧсяськон-куриськонъёсы пӧрамъёсызлы висъясько.
Нимыз сярысь
«Кӧжыпог» нимыз пӧран амалэз бордысь кылдэмын — кӧжыез погылляса. Ӟуч кылысь берыктыса, «гороховые шарики» шуэмез возьматэ. Вераськонын но удмурт калык фольклорын «кӧжыпог» кыл «визьпог», «визьбугор» но «визькуды» кылъёслы синоним луэ но серемес валатонэн кутӥське. Кылсярысь, ӵемысь нылпиез ушъяса, кӧжыпог шуо, пинал ке но — визьмо, амало, пе. [3] Нимыз озьы ик нылпи литератураын но кутӥське. Кылсярысь, 1995-тӥ арын Алексей Ельцов нылпиослы сӥзем кылбуръёсын «Кӧжыпог» бичет поттӥз[4].
Пӧраськемез
Кӧжыпог ― огшоры нуналэ но праздник нуналлы дасяны луись сиён. Сое пӧран понна, миськем кӧжыез небӟытозяз пӧзьтыса нелько но бордаз векчи юдэм сугон ватсало. Сугонэз ыльын яке вӧй пушкын пырсатыса ватсало. (Куд-огез кӧжы ӝук пӧлы векчи юдэм сӥль ватса). Небӟытэм скал вӧйын суралтыса, пичи колӟоос погылляло но но бадӟым гуре пукто. Куд-огез гуре пуктэмлэсь азьпал пыргытэм сукыри пӧлын погылля. Ӝӧк вылэ пуктон азьын вылтӥз шунтэм вӧйын зыралто. Сиыны луэ пӧсен но сӥямен[5].
Валэктонъёс
- ↑ 1 2 Глазовский краеведческий музей. Блюда удмуртской кухни.
- ↑ Воршуд. Национальная кухня
- ↑ Т. Р. Душенкова. КЛЮЧЕВЫЕ ПОНЯТИЯУДМУРТСКОЙ ЯЗЫКОВОЙ КАРТИНЫ МИРА
- ↑ Национальная электронная библиотека Удмуртской Республики. А. Ельцов. Кӧжыпог
- ↑ Трофимова Е. Я. Как сложилась народная кухня удмуртов. Блюда удмуртской кухни