Кузё-Инмарез пумитан

Википедиысь материал
Кузё-Инмарез Пумитан
Sretenie.jpg
Типез Христиан праздник
Юнматэмын Иерусалимысь черке анай-атаеныз Иисус Христос нуныез ваён
Дырыз православие — 2 (15) тулыспалэ
католицизм — 2-тӥ тулыспалэ
Герӟаськемын Ымусьтонэн
Логотип РУВИКИ.Медиа Медиафайлъёс РувикиМедиа пушкын

Кузё-Инмарез пумитан, озьы ик Инмарез пумитан (греч. συνάντησις «пумиськон»[1], ӟуч: Сретение Господне, озьы ик ӟуч: Сретение), Черке ваён (греч. Ἡ Ὑπαπαντὴ τοῦ Κυρίου, лат. Praesentatio Domini «Инмар-Кузёен тодматон») — историысь черкъёсын но куд-ог протестант конфессиосын пусйиськись христиан праздник[2]. Сӥземын Ымусьтон (ӟуч: Рождество) бере 40-тӥ нуналаз Иисус Христос нуныез Иерусалимысь черке ваён пумысен евангелиысь учырлы, озьы вань нырысетӥ вордскем пиосты Инмарлы сӥзён сярысь Торалэн предписаниезъя вуттылӥзы.

Православиын сое Паска бере ортчем дас кык быдӟым праздникъёс пӧлы пырто. Кузё-Инмарез пумитанэз пусъё 2 (15) тулыспалэ яке 2-тӥ тулыспалэ, ваньмыз потэ, кыӵе черк календарья нимысьтыз община яке интыысь черк улэ-вылэ. Католицизмын григориан календарья пусъё 2-тӥ тулыспалэ, Армян апостол черк — 14-тӥ тулыспалэ.

Евангелиея сюжетэз

Лукалэн 2:22-39 евангелиезъя, Иосиф  [ӟуч] (удм. но Мария  [ӟуч] (удм. ньыльдон нуналъем Иисус нуныез Иерусалимысь черке вуттӥзы но, законлэсь куронъёссэ быдэстыса, куанеръёслы курбон сётӥзы — «кык горлицаез яке кык дыдык пиосты» (Лк 2:24; ср.: Лев 12:8). Таин валче быдэстэмын вал Инмарлы нырысетӥ вордскем пиез сизён  [ӟуч] (удм. сярысь предписание.

Праздниклэн славян нимыз «сретение» (пумиськон), со герӟаськемын Вӧсьлыко семьялэн  [ӟуч] (удм. черкын праведной Симеон Богоприимецен  [ӟуч] (удм. пумиськонэныз, со Нуныез сӥзем Мессиез сямен кутӥз. Симеон кылъёссэ вераз, соос туннэ христианствоын «Симеон Богоприимецлэн кырӟанэз» молитва сямен кутӥсько[3]:

Али ас ляльчидэ, Кузё-Инмар, верам кылыдъя каньылэн лэзиськод, угось вань калыкъёс понна утиськондэ, язычникъёсты югдытон понна сётэм югыттэ, Израиль калыкедлэсь ӝутэм данзэ синъёсы адӟизы.

— Лк. 2:29—32

Иосиф но Мария та кылъёслы паймизы. Мариялы вазиськыса, Симеон пророчествозэ шараяз:

Симеон соосты бакель кариз но Солэн Анаезлы, Мариялы, шуиз: тани та Израильысь тросэзлэн куашканэзлы но ӝутсконэзлы, куаретонъёслы инъет луэ, Тынад ожтӥрлыкед лулад пыроз — уноезлэсь сюлэм малпанъёссы мед усьтӥськозы.

— Лк. 2:34—35

Та кылъёс «Лек сюлэмъёсты небӟытӥсь» нимо Инмар Анай мудорлы инъет луизы[4].

Отын ик Иисусэз пумитаз пророчица Анна  [ӟуч] (удм., отӥяз со Инмарез данъяны но солэн вуоно утиськонэз сярысь ивортонэз вӧлмытыны ӧдъяз.

Черк сизёнъя, Симеон Птолемей II Филадельф вакытэ кылысь кылэ «сизьымдон кык» берыктӥсьёс пӧлы пырылӥз, кудъёсыз Дун-чылкыт Писаниез грек кылэ берыктон бордын тыршизы; та сизёнын озьы ик верамын Девалэсь Мессиялэн вордскемез сярысь Исаиилэн  [ӟуч] (удм. пророчествоезлы Симеонлэн оскымтэез пумысен, та пророчествоысь ик кылчинлэн мадиськемезлы но ӧз оскылы, сӥзёнлэсь быдэсмемзэ адӟытэк, уз кулы шуыса.

  • Дуччо. «Сретение». «Маэста», фрагмент, 1308—1311. Опера-дель-Дуомо музей, Сиена
    Дуччо. «Сретение». «Маэста», фрагмент, 1308—1311. Опера-дель-Дуомо музей, Сиена
  • Сретение. Рогир ван дер Вейден

    Сретение. Рогир ван дер Вейден

Верослэн кутскон кылаз евангелист Инмар Анайлэн но Иосифлэн, оскись иудейёслэн сямен, нылпи ваёнъя Моисейлэсь законъёссэ рос-прос быдэсъямзылы саклык висъя. Темаез тазьы усьтон пусъе: утиськон сярысь выль шараям малпан Ветхий Заветлэсь  [ӟуч] (удм. танӥськыса дасямын ӧй вал — азьвыл законлы осконэн пачыласа (ср.: Мф. 5:17). Со дыре ик веросын чидан пумысен тема ӝутэмын: Инмар Анай, аслаз чылкытлыкеныз законлэсь вылӥынгес луыса, ас мылкыд каремезъя сӥзёнлы дурбасьтэ но таин валче оскисьёслы чиданлыксэ возьматэ[5]. Ас вакытаз Христос но — Закон кылдытъясь — «законъя» быдэстэ сое, ма законлэсь вылӥынгес, духлэсь эриксэ утьыса, буквалы служить каронэз уг палэнты[6].

Верослэн нырысетӥ стихъёсаз «закон» кылэз куинь пол кутон, отӥяз шоретӥ люкетаз солэсь валатонъёссэ Дун-чылкыт Духлэн темаезлы пумит пуктон (Дух сярысь озьы ик куинь пол верамын) шоры юромо чаклам композицияя амалэз сямен учкыны луэ, со «закон вакытысь» «благодать вакытэ» выжыны ӧте кадь[7]. Та дыре ик Инмарез пумитан сярысь повествование со Евангелиысь ик мукет историлы параллель сямен лэсьтэмын — вандон, ним сётон но дун-чылкыт Иоанн Предтечалэн черказ ваён сярысь (Лк. 1:59-80).

Симеон Богоприимец но Анна Пророчица (бур палаз)

Празднике вӧсяськон

Праздникез пусъён

Инмарез пумитан праздник кылдӥз Иерусалимын, та карысь христиан черкысь вӧсяськон календарьын IV дауре пусъемын вал. Нырысь-валысь Инмар возьматӥськемлы  [ӟуч] (удм. сӥзем праздниклы 40 нуналъем службаослэсь йылпумъяськемзэс возьматылӥз, сыӵе дыръя Ымусьтонэн но Инмарез вӧсянэн герӟаськем евангелиысь учыръёсты тодазы вайылӥзы[8].

Праздник сярысь вашкалаез историысь свидетельство луэ IV дауре пусъем «Эгериялэн паломничествоез» (ӟуч: Паломничество Эгерии).

Эпифания бере 40-тӥ нунал татын сиё-дано пусйиське. Та нуналэ процессия ортчылэ Анастасисын (Инмарлэн коросэзлы сӥзем черк), ваньзы вамышто, ваньмыз Паска дыръя сямен ик быдӟым данлыкен радызъя радъяське. Проповедь вань пресвитеръёс лыдӟо, отӥяз епископ Евангелия инты сярысь ваньзылы маде, кытын ньыльдонэтӥ нуналаз Иосиф но Мария Инмарез Храме вайизы, Сое адӟизы Симеон но пророчица Анна, Фануиллэн нылыз, соослэсь Инмарез адӟемзы бере верам кылъёссэс тодэ уськытэ, анай-атаезлэсь курбонзы сярысь шарая. Собере дышем сямъя Литургия ортчытэ, отӥяз бакель сётэ.

Иисус Христослэсь музъем вылын улон вакытсэ вӧсяськонъёсын данъян вӧлмыны кутскиз 451-тӥ арын люкам Халкидон собор  [ӟуч] (удм. бере. Рим черкын Мариялэн чылкытатӥськемезлы сӥзем праздникез пусйыны ӧдъязы V даур пумын, нош Константинополь черкын Инмар-Кузёез пумитан ним улсын — VI даурлэн нырысетӥ люкетаз[8].

Православие

Ӟуч православной черкысь Иерусалим уставъя, Сретение праздникез пырто Инмарлы сӥзем праздникъёс пӧлы[9], но куд-ог тодметъёсызъя Инмар Анайлы сӥземъёсызлы но укшалля. Сретениез сӥё-дано одӥг нунал пусъё но 7 нунал ӵоже сӥлы каро на[10].

Василия II менологиез. Сретение

Ӝыт вӧсяськон дыръя Ветхий заветысь куинь премиосты чирдо: нырысетӥез нырысь вордскем пиналъёслы выкуп лэсьтонлы сӥзем Пятикнижияысь пӧртэм люкетъёслэсь кылдэмын (Исх 12:51— 13:3, 11-12, 14-16, 22-29; Лев 12:2- 4, 6-8; Числ 8:14-18), кыкетӥез — Ис 6:1-12, куинетӥез — Ис 19:1, 3-5, 12, 16, 19-21 Египет сярысь. Сретениысь валтӥсь гимнографияя произведениос пӧлы пыре Косма Маюмскийлэн канонэз но «Богородице Дево, упование христианом» канонлэн 9 кырӟанъёсызлэн берпуметӥосыз припевъёсыз, таос ас вакытазы нимысьтыз песнопениос вал, вылды. Праздниклэсь стихиръёссэ гожтӥзы Иоанн Дамаскин, Андрей Критский но мукетъёсыз тодмотэмгес гимнографъёс. Литургия дыръя быдэсто изобразительной антифонъёсты, чирдо входной стихез, кырӟало тропарь но праздниклэсь кондаксэ. Библиысь чирдонъёс: Евр 7:7-17, Лк 2:22-40[10].

Львов собор люкаськем бере, Ӟуч православной черке азьвыл трос грек но католик общинаосты пыремен, Инмар-Кузёез пумитан дыръя латинысь потэм сюсьтылъёсты вӧсян чин улонэ пыӵаз[10].

Праздникысь валтӥсь чирдонъёс
Черк славян кылын (транслитерация) Ӟуч кылын Грек кылын[11]
Тропарь, глас 1[12] Радуйся, Благодатная Богородице Дево, из Тебе бо возсия Солнце Правды — Христос, Бог наш, просвещаяй сущия во тьме. Веселися и ты, старче праведный, приемый во объятия Свободителя душ наших, дарующаго нам воскресение. Радуйся, благодатная Богородица Дева, ибо из Тебя воссияло Солнце правды, Христос Бог наш, просвещающий находящихся во тьме. Веселись и ты, старец праведный, принявший во объятия Освободителя душ наших, дарующего нам воскресение. Χαῖρε κεχαριτωμένη Θεοτόκε Παρθένε· ἐκ σοῦ γὰρ ἀνέτειλεν ὁ Ἥλιος τῆς δικαιοσύνης, Χριστὸς ὁ Θεὸς ἡμῶν, φωτίζων τοὺς ἐν σκότει. Εὐφραίνου καὶ σὺ Πρεσβύτα δίκαιε, δεξάμενος ἐν ἀγκάλαις τὸν ἐλευθερωτὴν τῶν ψυχῶν ἡμῶν, χαριζόμενος ἡμῖν καὶ τὴν Ἀνάστασιν.
Кондак, глас 1[12] Утробу Девичу освятивый Рождеством Твоим и руце Симеоне благословивый, якоже подобаше, предварив, и ныне спасл еси нас, Христе Боже, но умири во бранех жительство и укрепи люди, ихже возлюбил еси, Едине Человеколюбче. Утробу Девичью освятивший Рождением Твоим, и руки Симеона благословивший, заранее, как надлежало, и ныне Ты спас нас, Христе Боже. Но огради миром среди войн народ Твой и укрепи тех, кого Ты возлюбил, Единый Человеколюбец. Ὁ μήτραν παρθενικὴν ἁγιάσας τῷ τόκῳ σου, καὶ χεῖρας τοῦ Συμεὼν εὐλογήσας ὡς ἔπρεπε, προφθάσας καὶ νῦν ἔσωσας ἡμᾶς Χριστὲ ὁ Θεός. Ἀλλ' εἰρήνευσον ἐν πολέμοις τὸ πολίτευμα, καὶ κραταίωσον Βασιλεῖς οὓς ἠγάπησας, ὁ μόνος φιλάνθρωπος.
Задостойник Припев: Богородице Дево, упование христианом, покрый, соблюди и спаси на Тя уповающих.

9 кырӟынысь ирмос, глас 3.

В законе сени и писаний образ видим, вернии, всяк мужеский пол, ложесна разверзая, свят Богу. Тем Перворожденное Слово, Отца Безначальна, Сына, Первородящася Материю неискусомужно, величаем.

Припев: Богородица Дева, надежда христиан, покрой, сохрани и спаси надеющихся на Тебя.

9 кырӟынысь ирмос, глас 3.

В тени Закона и Писаний образ видим, верные: всякое существо мужского пола, разверзающее утробу матери, посвящено Богу. Поэтому Перворожденное Слово безначального Отца, Сына, перворождаемого не знавшей мужа Матерью, мы величаем.

Припев: <...>

Канонлэн 9 кырӟынысьтыз ирмос: Ἐν νόμῳ, σκιᾷ καὶ γράμματι, τύπον κατίδωμεν οἱ πιστοί, πᾶν ἄρσεν τὸ τὴν μήτραν διανοῖγον, ἅγιον Θεῷ· διὸ πρωτότοκον Λόγον, Πατρὸς ἀνάρχου Υἱόν, πρωτοτοκούμενον Μητρί, ἀπειράνδρῳ, μεγαλύνομεν.

Величание Величаем Тя, Живодавче Христе, и чтем Пречистую Матерь Твою, Еюже по закону ныне принеслся еси в храм Господень. Славим Тебя, Податель жизни, Христос, и чтим Пречистую Твою Матерь, Которой Ты по закону сегодня был принесён в Божий храм. <…>

Сретение Быдӟым визянлэн нырысетӥ седмицаезлэн вордӥськон нуналаз тупа ке, нош со шер луэ, Уставъя праздниклы сӥзем вӧсяськонэз выжто азьвылаз нуналэ — 1-тӥ тулыспалэ, Простить карон арнянуналэ.

Католицизм

Католической черкын Сретение (лат. Praesentatio Domini, мукет сямен — Инмарен черкын тодматон) праздник выллем (festum) пусйиське, но данлыкезъя «сиё-дано» ужрадлэсь улӥынгес лыдъяське; пусъё сое 2-тӥ тулыспалэ. Павел VI-лэн реформаосызлэсь азьвыл XX даур шорын праздникез Мариялэн чылкытатӥськонэз нималлязы. Калыкын «сюсьтылъёслэн нуналзы» нимыз вал, малы ке шуоно VI даурысен дышем сямъя та нуналэ сюсьтылъёсын процессия ортче, озьы ик сюсьтылъёсты вӧсяло[13][10].

Инмарез пумитан праздник дыръя литургиын баӵкоослэн дӥсьсы, Утисьлы но Инмар Анайлы сӥзем мукет праздникъёсы сямен ик, тӧдьы буёло.

Сретение нуналэ месса азьын сюсьтылъёсты вӧсян йылол но сюсьтылъёсын процессия ортче. Бакель карон йылол кутске вӧсяськонэ вань лыктэмъёс антифон кырӟан улсын сюсьтылъёс ӝуатон бордысен. Кутскон текстсэ верамез бере баӵко черкетӥ ортче, киосазы сюсьтылъёсын сылӥсь вӧсяськисьёсты вӧсям вуэн пазя. Собере баӵко солы дасям сюсьтылэз кутэ но киросэн ортчонэз таӵе кылъёсын кутске: «Кузё-Инмарез пумитаны каньылэн мыноме». Киросэн мынон дыръя Симеонлэсь Кырӟанзэ быдэсто. Киросэн мынон йылпумъяськем бере оскисьёс черкысь ас интыосазы берытско, сюсьтылъёсты кысо но месса огшоры радлыкъя радъяське[14].

Иконография

Азьвыл христиан искусствоын Инмарез пумитан сцена Римысь Санта-Мария-Маджоре триумфальной аркаысь мозаикаын возьматэмын (432—440), татын со Христослэн пинал дыр циклаз пыре но Марияез Инмар Анаез сямен ӝутонэн герӟаськемын. Валтӥсь персонажъёс сяна (Нылпиен Мария, Иосиф, Симеон, пророчица Анна), кылчинъёс, алтарь вӧзысь баӵкоос но курбон сётыны кык дыдыкъёс адӟытэмын[15].

IX даур шорысен Инмарез Пумитанлы сӥзем обросъёсын Христос ӵемысь возьматэмын Симеонлэн ӟыгыртэтаз яке Мариялэн Нуныез Симеонлы сётон вакыт, со дыре ик пусъемын луэ адямиослэн сьӧлыкъёсы понна курбон басьтон образлэн литургияя смыслэз. XI—XII дауръёсы Инмарез Пумитан пыре двунадесятой праздникъёс пӧлы (Осиос-Лукас, Неа-Мони, Дафни). Черке пырон дорын пумиськонэз адӟытӥсь асимметрияя серб композиция вашкала ӟуч искусствоын вӧлмиз, нош XVI—XVII даур пумын Четьих-Минейысь но песнопениосысь кутэм сюжет детальёсын секытоме. Шундыпуксён европа йылолъёсын XII даурысен «сюсьтылэн мынон» мотив юнма, сцена ӵемысь готикая портал скульптура выллем возьматӥське[15].

Валэктонъёс

  1. ↑ Дьяченко Г. М. Полный церковнославянский словарь. — М., 1899. — С. 1120.
  2. ↑ Сретение Господне в протестантской церкви [ӟуч] ria.ru. Эскеремын 11-02-2026 арын
  3. ↑ «Ныне отпущаеши» [ӟуч] Православная энциклопедия. Эскеремын 11-02-2026 арын
  4. ↑ Икона Божьей Матери Умягчение злых сердец [ӟуч] Православный Церковный календарь. Эскеремын 11-02-2026 арын
  5. ↑ Bede the Venerable. Homilies on the Gospels. Book One: Advent to Lent / Translated by Lawrence T. Martin; Dom David Hurst, O.S.B.. — USA: Gorgias Press, 2010. — С. 179–180.
  6. ↑ Исихий Иерусалимский. Две проповеди на Праздник Сретения Господня святого Исихия Иерусалимского // Восток Свыше (духовный, литературно-исторический журнал). — Ташкент, 2019. — Вып. 50, № 2. — С. 62–73.
  7. ↑ Bovon, François. A Commentary on the Gospel of Luke 1:1–9:50 // Luke. — Minneapolis: Fortress Press, 2002. — 96–107 с.
  8. ↑ 1 2 Рубан Ю. И. (1994) Сретение Господне [ӟуч] azbyka.ru. Эскеремын 11-02-2026 арын
  9. ↑ Лукашевич А. А. Господские праздники // Православная энциклопедия. — М., 2006. — Т. XII : «Гомельская и Жлобинская епархия — Григорий Пакуриан». — С. 173—178. — 752 с. — 39 000 экз. — ISBN 5-89572-017-X.
  10. ↑ 1 2 3 4 Петров А.Е., Желтов М., иер., Квливидзе Н. В. Сретение Господне // Православная энциклопедия. — Т. 65. — С. 643—656.
  11. ↑ Τῌ Β' ΤΟΥ ΑΥΤΟΥ ΜΗΝΟΣ ΦΕΒΡΟΥΑΡΙΟΥ Ἡ Ὑπαπαντὴ τοῦ Κυρίου, καὶ Θεοῦ καὶ Σωτῆρος ἡμῶν Ἰησοῦ Χριστοῦ [ӟуч] azbyka.ru. Эскеремын 11-02-2026 арын
  12. ↑ 1 2 Православный календарь [ӟуч] Православие.ru. Эскеремын 11-02-2026 арын
  13. ↑ Праздники Римско-католической церкви [ӟуч] polska.ru. Эскеремын 11-02-2026 арын
  14. ↑ 2 феавраля. Литургическая Тетрадка [ӟуч] claret.ru. Эскеремын 11-02-2026 арын
  15. ↑ 1 2 Иконография праздника Сретения Господня в Византийском и Древнерусском искусстве [ӟуч] pravoslavie.ru. Эскеремын 11-02-2026 арын

Литература

Чӧлсконъёс

«https://udm.ruwiki.ru/w/index.php?title=Кузё-Инмарез_пумитан&oldid=506860»-ысь басьтэмын