Косачёв, Константин Иосифович

Википедиысь материал
Константин Иосифович Косачёв
Konstantin Kosachev 2021-02-15 (cropped).jpg
Флаг
Росси Федерациысь Федераци Кенешлэн тӧроезлэн воштӥсез
Флаг
17южтолэзе 2021-тӥ ар
Азьпалчиез Ильяс Умаханов
Флаг
Федераци Кенешысь кунсьӧр ужъёсъя комитетлэн тӧроез
Флаг
25-тӥ толсуре 2014-тӥ ар — 17 южтолэзе 2021-тӥ ар
Азьпалчиез Михаил Маргелов
Бӧрысьчиез Григорий Карасин
Флаг
Россотрудничестволэн кивалтӥсез
Флаг
5-тӥ южтолэзе 2012-тӥ ар — 22-тӥ толсуре 2014-тӥ ар
Элькунлэн тӧроез Дмитрий Медведев,
Владимир Путин
Азьпалчиез Фарит Мухаметшин
Бӧрысьчиез Любовь Глебова
Флаг
Кун думаысь кунсьӧр ужъёсъя комитетлэн тӧроез
Флаг
16-тӥ толшоре 2004-тӥ ар — 21-тӥ толсуре 2011-тӥ ар
Азьпалчиез Дмитрий Рогозин
Бӧрысьчиез Алексей Пушков
Вордӥськемын 17-тӥ куарусёнэ 1962(1962-09-17) (63 арес)
Мамонтовка, Пушкин ёрос, Москва улос, РСФСР, СССР
Дышетскемез 1) СССР-ысь МИД-лэн кунсьӧр кусыпъёсъя Муско кун институтэз
2) СССР-ысь МИД-лэн дипломати академиез
Учёной степенез юридик тодосъёсъя кандидат
Ужез кун ужчи, политик, дипломат
Данъетъёсыз
Логотип РУВИКИ.Медиа Медиафайлъёс РувикиМедиа пушкын

Константи́н Ио́сифович Косачёв (ворд. 17-тӥ куарусёнэ 1962, Мамонтовка каргурт, Пушкин ёрос, Муско улос) — Россиысь кун ужчи, сенатор, 2021-тӥ арысен — Росси Федерациысь Федераци Кенешлэн тӧроезлэн воштӥсез.

Азьвыл — Росси Федерациысь Кун думалэн куинь ӧтчамысьтыз депутат.

Дипломат, юридик наукаосъя кандидат, педпал кусыпъёс удысын политикая аналитик. «Единая Россия» партилэн Вылӥ кенешезлэн ёзчиез[1][2].

Биографиез

Константин Косачёв вордӥськиз 1962-тӥ арын 17-тӥ куарусёнэ Подмосковьеын, дипломатлэн семьяяз. Атаез, Иосиф Артемьевич Косачёв (ворд. 1931) вань улонзэ СССР-ысь Кунсьӧр ужъёсъя министерствоын тыршиз[3][4]. Анаез — Нина Геннадьевна Косачёва (Успенская) (ворд. 1935), кылысь кылэ берыктӥсь. Кузпалъяськизы 1957-тӥ арын.

Тямыс аресозяз Константин анай-атаеныз Швециын улӥз, отын атаез дипломати удысын ужаз, татын ик школае мынӥз. Берло дышетсконзэ азьланьтӥз Москваын, 1979-тӥ арын 648 номеро школаез йылпумъяз. 2017-тӥ арын Косачёвлэн дышетскем школаезлы Россиысь Геройлэн, А. Г. Карлов дипломатлэн нимыз сётэмын. Со Росси Федерацилэн Турциысь посолэз вал, со школаын ик дышетскем турок террористэн ыбемын.

1984-тӥ арын Косачёв отличиен йылпумъяз СССР-ысь МИД-лэсь кунсьӧр кусыпъёсъя кун институтсэ. Тодэ англи но швед кылъёсты. М. С. Горбачёвлэн кылысь кылэ берыктӥсез но берыктӥсь-синхронист вал. СССР-ысь но Россиысь МИД-лэн кунсьӧр ужъюртъёсаз но центральной аппаратын пртэм дипломати ужоскетъёсты быдэсъяз.

1991-тӥ арын СССР-ысь МИД-лэн Дипломати академияз тодон-валанзэ будэтонъя ёзэтсэ йылпумъяз.

1991-тӥ арысен Косачёв — посольстволэн нырысетӥ секретарез, 1994-тӥ варысен — Россилэн Швециысь посольствояз советник.

Косачев Европаысь кышкыттэмлыкъя но ожтӥрлыкез быдтонъя пӧртэм калыккуспо конференциосы пыриськылӥз. Со Россиысь кунсьӧр ужъёсъя министрлэн советникъёсызлэн группаязы вал. Россиысь кунсьӧр ужъёсъя министерствоысь 2-тӥ европейской департаментлэн кивалтӥсезлэн воштӥсез вал, Россиысь кунсьӧр политикаез Уйпал Европа направлениын быдэстон понна кыл кутӥз.

1998-тӥ арын куартолэзьысен — советник, собере Сергей Кириенколэн, Евгений Примаковлэн, Сергей Степашинлэн, Владимир Путинлэн аппаратъёсазы Росси кивалтэтлэн тӧроезлэн кунсьӧр ужъёсъя юрттӥсез вал.

Со Росси Федерациысь кивалтэтлэн тӧроезлэн С.В.Степашинлэн секретариатэзлэн кивалтӥсезлэн воштӥсез луыса ужаз.

Кун думаысь депутат

1999-тӥ арын 19-тӥ толсурысен 2003-тӥ арын толсурозь Косачёв — Росси Федерациысь Кун Думалэн куинетӥ ӧтчамысьтыз депутат, «Отечество — Вся Россия» фракцилэн кивалтӥсезлэн нырысетӥ воштӥсез, Калыккуспо ужъёсъя комитетлэн тӧроезлэн воштӥсез, Югославия Федерал Республикалы НАТО агрессилэсь бервылъёссэ вормыны юрттонъя ӧрилэн ёзчиез, 1972-тӥ арын 26-тӥ куартолэзе кутэм Россия Федерацилэн но США-лэн противоракетной обороноаез сюбегатон сярысь огкылэз быдэстонъя ӧрилэн ёзчиез, комплексной ядерной испытаниосты дугдытон сярысь огкылэз (ДВЗЯИ) но Стратегической наступательной ожтӥрлыкез азьланяз кулэстон но сюбегатон сярысь (СНВ-3) выль огкылэз быдэстонъя ӧрилэн ёзчиез.

2003-тӥ арын Россиысь МИД-лэн Дипломати академияз Косачёв «Концепция развития международного права в области борьбы с ядерным терроризмом» темая кандидат диссертацизэ утиз, юридик наукаосъя кандидат[5][6].

2003-тӥ — 2007-тӥ аръёсы — «Единая Россия» партилэсь Кун думаысь ньылетӥ ӧтчамлэн депутатэз. Думаысь кунсьӧр ужъёсъя комитетлэн тӧроез.

2007-тӥ арын 2-тӥ толсуре Косачёв Кун думалэн витетӥ ӧтчамаз депутатэ быръемын вал. Думаысь кунсьӧр ужъёсъя комитетлэн тӧроез.

2011-тӥ арын 4-тӥ толсуре Кун думалэн куатетӥ ӧтчамаз депутатэ быръемын. Думаысь кунсьӧр ужъёсъя комитетлэн тӧроезлэн воштӥсез.

2012-тӥ арын 5-тӥ южтолэзе Косачёв Россотрудничестволы кивалтӥсе но Росси президентлэн СНГ-кунъёсын кусып возёнъя спецпредставителез ужоскетэ юнматэмын[7].

Сенатор

2014-тӥ арын 18-тӥ толсуре Косачёв Федераци Кенешын Чуваш Элькунлэн тӧроезлэн огмуртэз луиз [8]. 2014-тӥ арын 25-тӥ толсуре Федераци Кенешысь кунсьӧр ужъёсъя комитетлы тӧрое быръемын.

Косачёв Украиналэн йӧскалык кышкыттэмлыкъя но Украинаез утёнъя кенешен кутэм санкциосын лыдметаз пыртэмын[9].

2015-тӥ арын 21-тӥ куарусёнысен Росси Федерациысь Федераци Кенешын Марий Эл Элькун кивалтэтлэн огмуртэз луиз[10]. 2017-тӥ арын 21-тӥ куарусёнэ Марий Эл Элькунлэн тӧроез Александр Евстифеев солэсь ужоскетсэ азьланьтӥз [11]. 2022-тӥ арын куарусёнэ регионлэн выль тӧроез Юрий Зайцев, Косачёвлэсь Федераци Кенешын элькунлэн огмуртэз ужоскетсэ азьланьтӥз[12].

2021-тӥ арын 17-тӥ южтолэзе Косачёв Федераци Кенеше тӧролы воштӥсе быръемын вал[13].

Сенатор Косачёв Россилэн кунсьӧр политикаезлэн туала ужпумъёсызъя прессалы ӵемысь интервьюос но комментарийёс сётылэ.

Резонансной заявлениос

ПАСЕ-ын 2006-тӥ арын коммунистической режимез курлась резолюциез эскерыку, Косачёв коммунизм но фашизм вискы "огкадь" пус пуктыны уг яра шуыса вераз: «Уг яра одӥг кабен мертаны коммунистической идеологиез но нацизмлэсь идеологизэ».

2010-тӥ арын 26-тӥ шуркынмонэ «Визави с миром» программаын но «Голос России» радиоын Косачёв Уйпал но Лымшор Кореяосты огазеян сярысь вераськиз[14].

Семьяез

  • Кузпалыз — Людмила Алексеевна Косачёва (Муранова, ворд. 1958). Соин Косачёв Швециын тодматсиз, студент практикаын дыръяз, со ― коммунистической ужысь ударник путёвкая лыктэм мурт. Кык ныл но пи будэтӥзы[15].

Данъетъёсыз

Дипломатической рангез

  • 2 классъем чрезвычайной но полномочной посланникез (29-тӥ куарусёнэ 1999)[30].
  • Чрезвычайной но полномочной посол (1-тӥ толсуре 2009)[31].

Классной чинэз

  • Росси Федерацилэн 2 классъем действительной кун советникез (25-тӥ толшоре 1999)[32].

Огазеяськонъёсын ёзчияськемез

  • Президент Европа клублэн президентэз.
  • Кунсьӧр ужъёсъя росси кенешлэн попечительской кенешезлэн ёзчиез.
  • «Содружество» егитъёслэн калыккуспо мерлыко огазеяськонлэн попечительской кенешезлэн кивалтӥсез.
  • МГИМО-лэн попечительской кенешезлэн ёзчиез (быдтэмын 2022-тӥ арын[33]).
  • Россиысь МИД-лэн Дипломати академиезлэн калыккуспо кусыпъёсъя кафедраеныз кивалтӥсь.

Санкциос

Константин Косачёв Евросоюзлэн, Великобританилэн, США-лэн, Канадалэн, Швейцарилэн, Австралилэн, Новой Зеландилэн санкцисыз улэ пыртэмын.

Валэктонъёс

  1. ↑ Высший совет партии «Единая Россия»
  2. ↑ Энциклопедия ТАСС, 2024. Косачев, Константин Иосифович. Заместитель председателя Совета Федерации РФ
  3. ↑ Александр Колесниченко. Константин Косачев: «Радуюсь, если никого не подстрелил». «Новые известия», 28.04.2006.
  4. ↑ Ирина Вьюнова. Отличник Константин, «Профиль», № 8(375), 01.03.2004.
  5. ↑ Косачев, Константин Lenta.ru. Эскеремын 2016-08-08 арын
  6. ↑ Косачев, К. И. Концепция развития международного права в области борьбы с ядерным терроризмом // Из фондов Российской государственной библиотеки : автореферат дис. канд. юридических наук. Специальность 12.00.10 — Международное право; Европейское право. — 2003. Архивировано 21 гудырикошконэ 2016 арын.
  7. ↑ Дмитрий Медведев назначил Константина Косачева руководителем Россотрудничества и спецпредставителем Президента по делам СНГ.
  8. ↑ Косачев делегирован в Совфед сенатором от Чувашии. 22 декабря 2014. ТАСС
  9. ↑ Реакция российских политиков и общественных деятелей на расширение украинских санкций. 16 сентября 2015, ТАСС
  10. ↑ Константин Косачев назначен сенатором от Марий Эл. Эскеремын 2015-09-24 арын
  11. ↑ Константин Косачёв останется сенатором от Марий Эл 7х7. Эскеремын 2017-09-21 арын
  12. ↑ Косачев останется сенатором от правительства Марий Эл, Кидшер (23 куарусёнэ 2022). Архивировано 25 куарусёнэ 2022 года. Эскеремын: 25 куарусёнэ 2022 арын.
  13. ↑ Косачева избрали вице-спикером Совфеда [ӟуч] РИА Новости. Эскеремын 2021-03-17 арын
  14. ↑ Урегулирование корейского конфликта, перспективы взаимодействия России с НАТО и европейскими партнерами.
  15. ↑ Lenta, 2022. Косачев, Константин. Глава Россотрудничества и спецпредставитель президента по делам СНГ
  16. ↑ Указ Президента Российской Федерации от 14 сентября 2022 года № 637 «О награждении государственными наградами Российской Федерации»
  17. ↑ Указ Президента Российской Федерации от 20 апреля 2006 года № 381 «О награждении государственными наградами Российской Федерации». Эскеремын 2009-12-04 арын
  18. ↑ Сенатор от Марий Эл Константин Косачев награждён орденом Александра Невского [ӟуч] Марийская правда. Эскеремын 2019-01-10 арын
  19. ↑ Указ Президента Российской Федерации от 7 декабря 2012 года № 1620 «О награждении государственными наградами Российской Федерации». Эскеремын 2012-12-10 арын
  20. ↑ Указ Президента Российской Федерации от 21 января 2003 года № 64 «О награждении государственными наградами Российской Федерации». Эскеремын 2009-12-04 арын
  21. ↑ Косачеву вручат шведский орден Полярной звезды.
  22. ↑ Укази о одликовањима 2015. година
  23. ↑ Указ Президента Республики Южная Осетия «О награждении орденом Дружбы Косачева К. И.»
  24. ↑ Косачев награждён медалью ордена «За заслуги перед Чувашской Республикой»
  25. ↑ Пресс-релиз к мероприятию, посвященному присвоению К. Косачеву звания «Почётный доктор Чувашского госуниверситета имени И. Н. Ульянова».
  26. ↑ Актовый день: ИМПЭ — 15 лет! Эскеремын 2009-12-22 арын
  27. ↑ Посол Болгарии в России Бойко Коцев вручил Константину Косачеву «Самарский крест» Эскеремын 2016-08-13 арын
  28. ↑ Леонид Тибилов: Мы гордимся добрыми, дружескими взаимоотношениями с Россией Информационное агентство Рес. Эскеремын 2016-04-27 арын
  29. ↑ Официальный интернет-портал правовой информации publication.pravo.gov.ru. Эскеремын 2018-07-18 арын
  30. ↑ Указ Президента Российской Федерации от 29 сентября 1999 года № 1309 «О присвоении дипломатических рангов» Эскеремын 2009-12-04 арын
  31. ↑ Указ Президента Российской Федерации от 1 декабря 2009 года № 1369 «О присвоении Косачеву К. И. дипломатического ранга Чрезвычайного и Полномочного Посла»
  32. ↑ Указ Президента Российской Федерации от 25 января 1999 года № 123 «О присвоении квалификационных разрядов федеральным государственным служащим Аппарата Правительства Российской Федерации». Эскеремын 2009-12-04 арын
  33. ↑ Роман Фандорин МГИМО остался без попечителей [рус.]

Чӧлсконъёс

Архивная копия от 10 тулыспалэ 2009 на Wayback Machine

Архивная копия от 17 пӧсьтолэзе 2015 на Wayback Machine

Архивная копия от 15 южтолэзе 2015 на Wayback Machine

«https://udm.ruwiki.ru/w/index.php?title=Косачёв,_Константин_Иосифович&oldid=478944»-ысь басьтэмын